من أشهر الأغاني السياسية اللاذعة للفنان أحمد صابر والتي كانت سببا في الكثير من الحد من نشاطه الفني والتضييق عليه أغنية "الخاين" والتي يقال أنه كان يعني به الرئيس الثاني للدولة الجزائرية "هواري بومدين" خاصة وأنه يقول في الاغنية " بن بله قلك ابني وانتايا تهدم" وإن كان الأمر يحتاج حقا إلى تحقيق فالله أعلم بمراده.
الــــــــــــخـــــــايــــــــــــن
يجي نهارك يا الخاين يجي نهارك
وثماتيك احنايا نديرولك حسابك
يجي نهارك وتبان صيفتك الخبيثة
تعود نادم ما ينفعك حتى بيان
ثماك يستناك الحبس مع البرويطة
تمشي تلحق لي سبقوا قدامك
***
كيفاش تخون في وطنك وانتايا داري
ناسي ربي تاكل في حق المسكين
وفي لاخرة لازم يكشفك يا ذا الغرية
والشحمة ياك الحمام يذوبهالك
***
جلباتك الدنيا والعيشة المزيانه
ظنيت تبقى في ذي السيرة يا مغرور
محال تنجح ولي مثلك ما يسوانا
غير الشيطان راه مبلعلك عيانك
***
تغلط فينا حاسب روحك راجل فاهم
وتشلوش في الناس بكلامك يا غدار
"بن بله" قلك ابني وانتايا تهدم
وتسرق في الشي لي ماهوشي ديالك
***
في وقت الثورة كنت انتايا خازن وين
ما بان خبرك ولو حتى بالاشتراك
واليوم بغيت تسبق المناضلين
يجي نهارك وتولي مفتون وهالك
***
يجي نهارك وتبان صيفتك الخبيثة
تعود نادم ما ينفعك حتى بيان
ثماك يستناك الحبس مع البرويطة
تمشي تلحق لي سبقوا قدامك
يجي نهارك يا الخاين يجي نهارك
وثماتيك احنايا نديرولك حسابك
كلمات أغاني الفنان أحمد صابر
العرض العادي
