( أنا والحصان)
أقول لك شيه تغلـّبنى
وتتراهن على عنادى
مافيش داعى تعذّبنى
وأنا باقسم عليك زادى
عشان حظىّ أنا اخترتك
وعند عدوّى أجّرتك
وشيلت معاك هموم حيرتك
,وسايق برضه فى عنادى
مافيش داعى تعذبنى
وانا باقسم عليك زادى
,,,,,,,,,,,
مافيش داعى يزيد نوحى ,
وتبقى جروحى تعليقة
ولطموحى بابيع روحى
واجيب لك تبن وعليقة
واسايس فيك ماتتسايس
وفى الوحلة تروح دايس
بحوفر عمره مايقايس,
أنين صوتى اللى بينادى
مافيش داعى تعذبنى
وانا باقسم عليك زادى
,,,,,,,,,,,,
يامهر حصاوى متعلـٌٌّق
,أنا معلـّق عليك أملى
وزيّك طوقى متعلق ,
وخدتك مهنتى وعملى
أشيل عنـّك واشدّ معاك
وفى الغارزه بأزقّ وراك
وباتحاسب بكلّ غباك,
ولسّه برضه مش راضى
مافيش داعى تعذبنى
وانا باقسم عليك زادى
,,,,,,,,,,,,,
زميلك لبّسوه ميرى,
عايش بيعدّ أيامه
ومدّة خدمته خلصت,
وبيكافئوه باعدامه
ماجرّبتش رصاص غيرى
ياجاحد نعمتى وخيرى
وعاملك صاحبى وكبيرى
,وغايتى وأملى ومرادى
مافيش داعى تعذبنى ,
وانا باقسم عليك زادى
,,,,,,,,,,,,,
ماهش نقصاك بتدّلـّع,
وقاطع كلمتى ونفسى
وشايف دمىّ بيولـّع,
وباستولاك على نفسى
ياتصبر لمّا تتعدّل
وزهر العمر يتـبدّل
يا إمّا الحمل ح يميّل,
ويومنا يبقى مش عادى
مافيش داعى تعذبنى
وانا باقسم عليك زادى
,,,,,,,,,,,,,,
ها نتحاسب تاخد كومك,
تعيش عمرك على شوقك
ساعتها تشقّ فى هدومك,
وكلّ الخيل تدوس فوقك
هاودنى . و ماتناحيش فيّه
وخلىّ الحابكه مرفيّه
واجيب لك أحلى عربيّة,
وأكربجلك على الفاضى
ومافيش داعى تعذبنى
وانا باقسم عليك زادى
,,,,,,,,,,,,,,
انا والحصان
سعد
العرض العادي
