جُوَّايا مُرّ

[أحمد بارود]

كل الكلام الحلو ما يفيدش خلاص
جُوَّايا مُرّ
تعبتي قلبي بالظنون
مَ فضِلشِ صبر
ان قلت كلمه لوحده حلوه ماليش امان
وان وحده قالت كلمه حلوه ماليش أمان
إيه
عايزاني اكون من غير عيون وما شوفش حَدّ
من غير وِدان من غير لسان لا اسمع ورُدّ
هُوَّ انتي إيه؟!
نسل الأباطره
ولاَّ شاطره
ولاَّ طاغيه مستبدّ
الحب مش غيره ياتَعباني ومش ضغط وحصار
الحب طَلّة فجرعَ الدنيا وتنهيدة نهار
قَدَّمت لِك قلبي كتاب مفتوح وصافي
مطبوع عليه صورتِك وبَسّ بلاش تخافي
حتى صوتِك غِرتي منها!!!
تعبتي قلبي
زوّدتي جُرحُه
مَرّرتي فَرحُه
وده اعترافي
كل الكلام الحلو ما يفيدش خلاص
جُوَّايا مُرّ

[ناصر دويدار]

[QUOTE=أحمد بارود;361621]كل الكلام الحلو ما يفيدش خلاص
جُوَّايا مُرّ
تعبتي قلبي بالظنون
مَ فضِلشِ صبر
ان قلت كلمه لوحده حلوه ماليش امان
وان وحده قالت كلمه حلوه ماليش أمان
إيه
عايزاني اكون من غير عيون وما شوفش حَدّ
من غير وِدان من غير لسان لا اسمع ورُدّ
هُوَّ انتي إيه؟!
نسل الأباطره
ولاَّ شاطره
ولاَّ طاغيه مستبدّ
الحب مش غيره ياتَعباني ومش ضغط وحصار
الحب طَلّة فجرعَ الدنيا وتنهيدة نهار
قَدَّمت لِك قلبي كتاب مفتوح وصافي
مطبوع عليه صورتِك وبَسّ بلاش تخافي
حتى صوتِك غِرتي منها!!!
تعبتي قلبي
زوّدتي جُرحُه
مَرّرتي فَرحُه
وده اعترافي
كل الكلام الحلو ما يفيدش خلاص
جُوَّايا مُرّ[/
"""""""""""""""""""""""""""""""""""""""""""""""""" """""""""""""""""""""""""""""""""""""""""""""""""" "
انا الله الله الله الله انت اكتشاف انا قرات لك اربع نصوص وفعلاً دى النصوص اللى بجد اللى تخلى الواحد يضيع وقته ومجهوده فى قرأتها والرد عليها والغريب فى الأمـر انت فلسطينى لكن دى العامية المصرية او قول دى العامية العربية وعلى فكرة فى ناس كتير جداً بتعرف تكتب شعر يعنى تلاقى المزيكا تمام ومفيش كسر لكن الموضوع سطوره مالهاش دعوة ببعض وده كتير اووى تانى حاجة انت عندك دمـاغ يعنى بتعرف تحب وتعرف تثور وتغضب من خلال لغة وراها حــد فاهـم وواعى ومدرك وانا شخصياً سعيد بيك سعادة لا يمكن ان اوصفها لأن وجودك معايا حسسنى إنى مش لوحـدى لقيتك وحمدت ربنا إنـى لقيت شاعر بمعنى الكلمة لكن ليا ملاحظة بسيطة الكلمة بتاعت نسل الاباطرة حدفتنى بعيد شوية وقدمتلك قلبى كتاب مفتوح وصافى كتاب مفتوح آه إنما صافى يعنى إيه مش شايف إنها لها مدلول وكلمة حتى صوتك هى اكيد صورتك وانت نسيت حرف الراء انا بعيداً عن المجاملة وتسديد فواتير محل الورد اللى انت بتبعتلى منه وانا هبعتلك منه انت شاعر ليا الشرف انك تكون صاحبى وشاعرى المفضل فى هذا المنتدى اللى بيكتب شعر عامية زى ما اتعلمناه من فؤاد حداد وصلاح جاهين وعبد الرحيم منصور ومحمد كشيك أهـلاً بيك وسط شعراء العامية يا شاعـر

[أحمد بارود]

استاذي الجميل دويدار مساء الخير.. كم أسعدني هذا الاطراء الجميل مثلك ..انا فلسطيني نعم لكني مصريّ ايضا نسبة لأمي المصرية .. انتم أخوالي ايها الأبطال .. ثم ان اللهجة المصرية من أجمل اللهجات العربية ولعلها اللهجة الأكثر شيوعا في انحاء الأرض العربية لتعكس من ثم الدور العروبي التاريخي المصري وأثره الماثل في الذائقة وفي الثقافة العربيتين .. اشكرك استاذي جزيل الشكر على أمل ان احظى من حضرتكم بالمتابعة والتشجيع.. دمت بالف خير

[على عبداللاه]

المر اللى جواك يا شاعر
مش من الغيره بتاعتها
صنف الستات ده اصله لما بيحب بيتعمى
ولما بيشك بيبقى زى القطط اللى بتحارب على عشها
تهده وقت الحرب
بس بينى وبينك كده .. لما بتشوف غيرها بتشوفه بأنهو عين ؟!!؟؟!!

[أحمد بارود]

هههههههههههههههه .. مسا الخي اخي عبد اللاه .. يارجل احنا كمان زيهم بنغار كتير ... الغيره حاله أو قاعدة مشتركة للرجال والنساء معا .. سعدت بحضورك ايها الطيب