سؤال بخصوص مكتبات النوت فى مصر

**wanderer007** · #1 30/09/2009, 15h35

انا عايز اعرف فين المكتبات اللى بتبيع نوت عربية (ام كلثوم,... ) , و اماكنها فين فى

مصر يعنى لو حد يقدر يقولى على عناوين مكتبات فى القاهرة يبقى تمام

**wanderer007** · #2 30/09/2009, 19h22

يا جماعه حد يرد عليا منفضلكوا اكيد فى ناس هنا عارفين

**عمرو الهنداوي** · #3 30/09/2009, 22h36

اولا اهلاا وسهلاا فى المنتدى

ح اتكلم معكى بكل صراحة النوت فى العالم العربى فيها مشاكل اولا غير متوفرة بكثرة تماما للغيرالموسيقين وعلشان تصلى الى النوتات فى مكتبات المعاهد الموسيقية لازم تاخذى 10000 تصريح واذن وبرضو مش راح تحصلى على شىء جدى والنوتات بتكون غير واضحة لان كتير منها مكتوب بخط اليد ومصورة بشكل لا يليق وكمان مكتوبة بدرجة صعوبة كبيرة وفى نوتات كتيرة بتبقى مكتوبة على مفاتيح غير مفتاح الصول اصلاا ويقولوا لكى هو دة الموجود

والحل الثانى المكتبات العامة زى مكتبة مبارك فى الجيزة او مكتبة مدبولى فى وسط القاهرة بعد ميدان التحرير والمكتبات دى غير متخصصة فى الموسيقا والبائع لا يعرف اصلا نوتة ولا موسيقا لكن من تجربتى وجدت انه المكتبات دى اصلاا تبيع نوتات ناقصة وغلط تماما ومكتوبة بصعوبه يعنى صعب عزفها وبتكون غاليه وكمان بعد كل دة غير موجودة كمان

اذن اين الحل؟؟؟؟؟ المنتدى فيه نوتات كتيرة مما تباع ونوتات تدون بدون مقابل وعلى اعلى درجة من البساطة والجمال زى نوتات استاذ عادل

قد يكون ردى محبط لكنى اقول الحقيقة وعن تجربة

بالتوفيق

**wanderer007** · #4 30/09/2009, 23h03

شكرا ليك يا اخى على ردك

**altaifi** · #5 03/10/2009, 23h31

ياعزيزي كنت في الصيف في القاهرة .. وذهبت لمحل اسمه بيانو في 33 شارع عبدالخالق ثروت يبيع نوتات منوعة وكثيرة جداً .. وكمان فيه مكتبة الانجلو قريبة من نفس المحل يعني شارع متفرع من عبدالخالق ثروت ..
اتمنى اني قد افدتك ..

**sheraky** · #6 18/10/2009, 15h06

أخي العزيز أريد أن أقول لك أن هناك محل متخصص في النوتات الموسيقية ولديه جميع نوتات أم كلثوم وعبد الوهاب وعبد الحليم ومعظم نوتات فريد ونجاة وغيرهم من العمالقة وهو محل ترجع نشأته إلى بدايات القرن الماضي واسمه "بابازيان" في منتصف شارع عدلي بوسط القاهرة، وفي شارع عبد الخالق ثروت في نفس المنطقة يوجد المحل الثاني الذي يليه في الترتيب وهو الذي ذكره أحد الأصدقاء في الردود السابقة واسمه "بيانو مرزوق" ويمكنك الحصول على تليفوناتهم من الدليل.
هذا بالإضافة إلى أنك قد تجد بعض النوتات أو كتب النوتات في بعض محلات شارع محمد علي

أرجو أن يكون ردي قد جاء في وقت مناسب ..

شيراكي

**وعدالعيون** · #7 19/10/2009, 07h48

كنت اتمنى افادتك لكن للاسف لم اسمع من قبل على هذة المكاتب انا ايضا في بحث عنها

**عادل صموئيل** · #8 19/10/2009, 10h52

اخى العزيز
انت قرأت كل الردود وانت من مصر يعنى ممكن تنزل تروح العناوين اللى الأخوة قالوا عليها بس المشكلة ان النوت اللى كانت موجودة فى المكتبات دى مش بتتجدد يعنى لو كتابا خلص عندهم اعتقد ان مش بيجيبوا غيره نظراً لعدم الإقبال على هذه النوت , واصحاب المكتبات بينظروا للنوت على انها سلعة تجارية مش فن اصلا , يعنى بيشتروا الكتب او السلع اللى تتباع بسرعة ويكسبوا فيها وان وجدت نوت فى المكتبات المذكورة حتكون بواقى فاضلة عندهم من سنوات طويلة وطبعا اتمنى تلاقى طلباتك هناك

**armendo** · #9 25/10/2009, 10h59

اخى العزيز العثور على نوت موسيقية عندنا بمصر فى منتهى الصعوبة ولذلك انصحك بالتوجة الى معرض الكتاب وهو على الأبواب والبحث فى المكتبات الخاصة بالأخوة الشوام واللبنانيين وستجد ان شاء اللة ماتريد وانا شخصيا كونت مكتبة نوت موسيقية صغيرة على مدار عشرون عاما من جميع مكتبات مصر ومعرض الكتاب وايضا لدينا بالمنتدى الكثير من النوت الموسيقية لمعظم العمالقة من المطربين.
مع تحياتى
ارمندو