لا يا روح قلبى...فايزة احمد

[عادل فؤاد رفاعى]

السلام عليكم ورحمة الله وبركاته

اقدم لكم أغنية من أحلى ما غنت فايزة احمد وهى اغنية لا يا روح
قلبى..وهذه الاغنية هى خاتمة كلا من.. فايزة احمد فى الغناء..ورياض السنباطى فى التلحين..وكالعادة من كلمات الشاعر الغنائى الكبير وملك الاحساس والرومانسية حسين السيد ..هذه الاغنية الرائعة..لا يا روح قلبى ..قد لحنها رياض السنباطى بعد فترة طويلة من العزلة التي فرضها علي نفسه أو ربما فرضتها الظروف الفنية المستجدة عليه ، وبعد فترة قضاها متوقفا عن العطاء حتي كاد نبع فنه أن يجف بعد رحيل الصوت الذي لطالما ألهمه فنسج عله نوله أروع الألحان ، أم كلثوم ، عاود السنباطي نشاطه الفني قبل وفاته بأشهر قليلة وها هوقد لحن لا يا روح قلبى..والصدفة العجيبة انها اخر اغنية غنتها كروان الشرق فايزة احمد واخر ما لحن رياض السنباطى فى نفس الوقت

************************************************** ******

الاغنية كلماتها ..تتميز بالرومانسية الشديدة والاحاسيس الملتهبة ..والكلام تلقائى بعيد عن التكلف كعادة حسين السيد

وها هى كلمات الاغنية

لا يا روح قلبي ، قلبي أنا

مش أنا الي أحب و انسي ، مش أنا

ابعد أنت ، و مهما هيكون الألم

مش هفكر فيك بلوعة أو ندم

الليالي ، الي عاشها الحب وياك ملكي وحدي

مهما تبعد مش هتاخد ليلة واحدة م اللي عندي

لا يا روح قلبي أنا

مش أنا الي أحب و انسي

مش أنا …

****

يصعب عليه ، انسي رحلة عمري كله معاك

يصعب عليه ، لما تيجي سيرتك و اقول هنساك

لكن انسي ليه ؟

أنا هنسي أيه ؟

من قبل حبك أنا كنت أيه ؟

كانت حياتي أنا فيها أيه ؟

فراغ و وحدة و شوق سهران

و شموع تونسها جدران

لا حب فيها و لا حرمان

من النهاردة حعيش لأجمل حلم شفته

و هفتكر بدموع أحلي عمر عشته

الليالي ، الي عاشها الحب وياك ملكي وحدي

مهما تبعد مش هتاخد ليلة واحدة م اللي عندي

لا يا روح قلبي أنا

مش أنا الي أحب و انسي

مش أنا …

***

حبيبي ، يالي جاي النهاردة بتقول هتنسي عهدك معايا

و عايزني زيك بكلمة واحدة ، أكتب بإيدي سطر النهاية

علمتني أحبك

و فتحتلي قلبك

علمتني الدنيا

حبتها و أنا جنبك

علمتني أسهر ، علي شوق ما يتقدر

و استني لتاني يوم ، عشان يفوت و اسهر

علمتني اني أحب و بس

و نسيت تعلمني أزاي انسي

أنا م النهارده بحب و بس ،

مهما جري مش حعرف انسي

ياما قلتلك يا شوق

ننسي العذاب و نتوب

و ازاي نتوب عن شيء

فوق الجبين مكتوب

مكتوب .. يا قلبي

الليالي ، الي عاشها الحب وياك ملكي وحدي

مهما تبعد مش هتاخد ليلة واحدة م اللي عندي

لا يا روح قلبي أنا

مش أنا الي أحب و انسي

مش أنا

****

فكرت آني أسألك

أيه يا حبيبي غيرك …

يمكن سؤالي ده الي صورة الماضي تيجي تفكرك

فاكر ..

فرحة عيونك بيه و انت بتبتسم

و الشمس لما جنب منها تترسم

فاكر …

لهفة حنانك بعد يوم واحد سفر

و أنا زي ليل عطشان بيستني القمر

فاكر …

رقة عتابك ، حتي في ساعة الغضب

كانت نغم ، فضة علي أوتار من دهب

و رجعت أقول أنا هسأل ليه

م خلاص عرفت نويت علي ايه

و القلب لما النار تكويه

و تهد أجمل حاجة فيه

يمكن ساعات يندم و ساعات

حتي الندم ميهونش عليه

ياما قلتلك يا شوق

ننسي العذاب و نتوب

و ازاي نتوب عن شيء

فوق الجبين مكتوب

مكتوب .. يا قلبي

الليالي ، الي عاشها الحب وياك ملكي وحدي

مهما تبعد مش هتاخد ليلة واحدة م اللي عندي

لا يا روح قلبي أنا

مش أنا الي أحب و انسي

مش انا

انا سأترك هذه الاغنية لتعليقاتكم المفيدة والتى دائما استفيد بها..ولا ننسى التحليل الموسيقى لعمنا الكبير محمد الالاتى و الذى انتظره

تحياتى

[hermes]

موضوع جميل والاجمل انك وضعت الاغنية وفعلا علمتنى الايام انى ازاى انسى اضع رد دعواتى بالتوفيق لموضوعات اخرى وجميل انك وقعته بشعر جميل

[ابو الطل]

أستاذ حبيب :
يسعدني أن أكون أول من يرد على هذا الإختيار الجميل
بعتذر .. لم أكن يوماً من أصحاب الكلام الجميل والعبارات المنمقة
ولم يسعفني يوماً حظي بأن أكون أحد محللي الكلم واللحن
إنما مجرد ذكر فنانة كبيرة .. قريبة جداً من روحي وقلبي .. فايزة أحمد
وفي أغنية من أحب الأغاني إلى نفسي .. والتي عاشت معي .. ولم تزل .. أيام وليالي وذكريات طويلة
وجب علي أن أشكرك على هذه اللفتة الجميلة
منتظراً معك تحليل السادة في سماعي ...
دمت بود

[فؤاد]

المشاركة الأصلية كتبت بواسطة حبيب عبد الوهاب

يصعب عليه ، انسي رحلة عمري كله معاك


يصعب عليه ، لما تيجي سيرتك و اقول هنساك


لكن انسي ليه ؟


أنا هنسي أيه ؟


من قبل حبك أنا كنت أيه ؟


كانت حياتي أنا فيها أيه ؟


فراغ و وحدة و شوق سهران


و شموع تونسها جدران


لا حب فيها و لا حرمان


من النهاردة حعيش لأجمل حلم شفته


و هفتكر بدموع أحلي عمر عشته

كده ياأستاذ حبيب .... كده
لافي اروع ولا أجمل من هذه الكلمات ولا أقدر اُعبر أكثر من ذلك
لأني والله ..... ابكي الآن من جوه قلبي ......
لماذا ؟؟
لأن هذه الأغنيه رسمت في عقلي وفكري أشياء كثيره
جمال الكلمات
ورحيل فايزه بعد الأغنيه
ورحيل السنباطي ايضاً
وليتها غنتها علي المسرح
لأن هذه الأغنيه لم يمهلها القدر لتغنيها علي المسرح
ومن معلوماتي عن هذه الأغنيه ان فايزه كانت مريضه وكانت تُصر علي الغناء رغم تحذير الأطباء لها بعدم الغناء وأتذكر أيضاً كان يُغمي عليها أثناء الغناء وبعدما تفيق تواصل الغناء وأيضاً رحل السنباطي ولم يكمل اللحن وأكمل اللحن أبنه أحمد السنباطي زوج أبنة فايزه .
وكنت وقتها اتابع اخبارها في جريدة الأهرام والأخبار المصريتين اثناء بروفات هذه الأغنيه

[أبو همام-برلين]

السلام عليكم
كما نقول في سوريا شهيتونا ولوعتونا أين تسجيل الأغنية، هذه الكلمات التي لحنها عملاق كرياض وغنتها كروان الشرق لابد أن تكون اسطورة . فأرجو رفعها مع جزيل الشكر والامتنان

والسلام

[فؤاد]

المشاركة الأصلية كتبت بواسطة أبو همام-برلين

السلام عليكم
كما نقول في سوريا شهيتونا ولوعتونا أين تسجيل الأغنية، هذه الكلمات التي لحنها عملاق كرياض وغنتها كروان الشرق لابد أن تكون اسطورة . فأرجو رفعها مع جزيل الشكر والامتنان

والسلام

تفضل يا عسل رابط الأغنيه
http://www.sama3y.net/forum/showpost...count=37/SIZE]

[محمد رمضان ماضي]

المشاركة الأصلية كتبت بواسطة حبيب عبد الوهاب

السلام عليكم ورحمة الله وبركاته

وها هى كلمات الاغنية

لا يا روح قلبي ، قلبي أنا

مش أنا الي أحب و انسي ، مش أنا

ابعد أنت ، و مهما هيكون الألم

مش هفكر فيك بلوعة أو ندم

الليالي ، الي عاشها الحب وياك ملكي وحدي

مهما تبعد مش هتاخد ليلة واحدة م اللي عندي

لا يا روح قلبي أنا

مش أنا الي أحب و انسي

مش أنا …

****

انا سأترك هذه الاغنية لتعليقاتكم المفيدة والتى دائما استفيد بها..ولا ننسى التحليل الموسيقى لعمنا الكبير محمد الالاتى و الذى انتظره

تحياتى

بسم الله الرحمن الرحيم
تحياتي أستا حبيب يالحبيب
أختيار ولا أروع ،
كذا ذواقة الفن دائما
تبدأ الغنية بنهر عذب رقراق من موسيقى شاعر الموسيقى
رياض السنباطي ، فتهيم الروح في بحور الخيال ،
وجنان الخلود ،فتطرب لهذا النهر المنساب من الموسيقي،
تغفو مع رومانسيتها ، تتراقص على تراقص الفراشات حول زهور أنغامها ، ثم تبدأ كروانة الشرق في الشدو، فتبدأ بدرس من دروس الوفاء،لا يا روح قلبي، وبرغم الألم تنسى ولن تنسى ، وتتحدى بقوة رغم الضعف ملكي وحدي ولن أفرط
ثم وتعود بإصراروقوة نمر جريح مش أنا
وفي إنتظار المايسترو أبو حسام الحبيب ليزيد الروعة روعة
ويا ريت التركيز على المقطع الثالث وهذا الحوار الأسطوري بين الآت الكمان والكنترباص في الخلفية مع الإيقاعات ثم الأورج ، فأنا أحس روعة موسيقى الشرق قد لخصها السنباطي
هنا
لكم كل المحبة.

[محمد رمضان ماضي]

المشاركة الأصلية كتبت بواسطة فؤاد عبد الحميد

كده ياأستاذ حبيب .... كده
لافي اروع ولا أجمل من هذه الكلمات ولا أقدر اُعبر أكثر من ذلك
لأني والله ..... ابكي الآن من جوه قلبي ......
لماذا ؟؟
لأن هذه الأغنيه رسمت في عقلي وفكري أشياء كثيره
جمال الكلمات
ورحيل فايزه بعد الأغنيه
ورحيل السنباطي ايضاً
وليتها غنتها علي المسرح
لأن هذه الأغنيه لم يمهلها القدر لتغنيها علي المسرح
ومن معلوماتي عن هذه الأغنيه ان فايزه كانت مريضه وكانت تُصر علي الغناء رغم تحذير الأطباء لها بعدم الغناء وأتذكر أيضاً كان يُغمي عليها أثناء الغناء وبعدما تفيق تواصل الغناء وأيضاً رحل السنباطي ولم يكمل اللحن وأكمل اللحن أبنه أحمد السنباطي زوج أبنة فايزه .
وكنت وقتها اتابع اخبارها في جريدة الأهرام والأخبار المصريتين اثناء بروفات هذه الأغنيه

بسم الله الرحمن الرحيم
وأيضا أخي فؤاد أحضروا لها سرير داخل أستوديو التسجل
فكانت تسجل وتعيد وهي على سرير المرض المؤلم ،
، تغمى وتفيق وتسجل، حتى تم العمل ،لنستمع نحن الى أحلى وأجمل ما غنت فايزة أحمد

[الألآتى]

بسم الله نبدأ فى تحليل أغنية ( لا ياروح قلبى )

كلمات : حسين السيد

ألحان : رياض السنباطى

غناء : فايزة أحمد

لن أخوض فى مسألة إكمال اللحن عن طريق أحمد السنباطى .. أو ظروف ظهور الأغنية

لكن اللحن سنباطى لاشك ..

إختار عمنا السنباطى مقام البياتى ليكون هو المقام المسيطر على الأغنية ..

وأسباب إختيار البياتى .. لأنه مقام طربى شرقى أصيل ..

والسنباطى كان فى حاجة لعمل طربى يعود به للمستمع .. بعد أم كلثوم ..

وبالتأكيد .. لم يجد أحسن وأقدر من فايزة أحمد على أداء هذا اللحن الصعب ..

يبدأ الأغنية بمقدمة موسيقية طويلة نوعاً ما .. يستهلها بأدليب كعادته .. والأدليب هو الموسيقى الحرة بدون إيقاع ..

والجميل أننا سنجد أن الموسيقى تبدأ بمقامات غير البياتى .. فنجده إستعمل الكرد والحجاز .. قبل أن يدخل للبياتى عن طريق صولو الأورج .. ثم صولو الناى الجميل .. الذى صال وجال فى عدة مقامات مجاورة للبياتى .. مثل مقام الشورى .. ويسميه الموسيقيين المخضرمين ( القارجغار )

ثم مع دخول الإيقاع ( المقسوم ) نسمع جملة رئيسية جميلة جداً تعزفها الفرقة بكاملها .. وهى من البياتى أيضاً ..

وتتسلم فايزة الغناء و ( لا ياروح قلبى ) من البياتى طبعاً ..

وتظل مع البياتى طويلاً .. حتى تصل إلى ( الليالى إللى عاشها الحب وياه ملكى وحدى ) فنجد أنفسنا مع مقام الراست .. وهو مقام شرقى أصيل أيضاً ويسمى أبو المقامات الشرقية .. وتنهى المذهب من البياتى ..

وقبل أن ننتقل للكوبليه الأول .. ينبغى أن نشير لأداء فايزة المعجز .. لأننا نعرف أن هذا أخر أعمالها .. وبالتأكيد وضعت فيه كل خبراتها وتجاربها .. فنجد كل الجماليات والزخارف والعُرب التى ننتظرها من مطربة فى قامة فايزة أحمد ..

نسمع نفس اللازمة الموسيقية الموجودة فى المقدمة .. مع صولو من الكمان .. ثم تسليمة على الدرجة الخامسة للبياتى ..

حتى نظن أن المقام سيتغير .. ولكن هيهات .. فنحن مازلنا مع البياتى .. مع تطعيمات من النهاوند والراست وجنس الحجاز ..

قفة مقامات يعنى من عمنا السنباطى .. وفايزة سايقة طبعاً ومافيش مشكلة عندها .. تحويلات سلسة وإنتقالات مقامية وغنائية جميلة ..

وبعد هذه اللفة الطويلة يعود السنباطى من نفس الطريق مع الراست ( الليالى إللى عاشها الحب وياه ملكى وحدى ) .. ثم البياتى لتنهى الكوبليه ..

لا ننسى أن نشير للإيقاعات المستخدمة .. فهى مابين المقسوم والواحدة الكبير .. وكلاهما إيقاع رباعى الميزان

فى الكوبليه الجديد .. يتغير الوضع 180 درجة ..

فنجد أنفسنا مع إيقاع ثلاثى الميزان .. من عائلة الفالس .. ويمكن أن نعتبره سماعى دارج مع بعض التصرفات ..

بالرغم من أن السماعى الدارج سداسى الميزان .. لكن لا مانع ..

ونجد الألآت الموسيقية الغربية التى دأب عمنا السنباطى على إستعمالها فى أعماله الأخيرة .. مثل الأورج والجيتار ..

تعزف الوتريات جملة سنباطية جميلة .. مع خلفيات من الوتريات الغليظة ( التشيللو والكونترباص ) وهى خلفيات متعارضه هارمونية .. من نوع البوليفونى .. أى خط ثانى مختلف عن الخط الأساسى .. ومن نفس المقام .

ثم يتوقف السنباطى لينتقل لإيقاع المقسوم .. وكأنه يقول لنا .. كفاية عليكم كده إيقاع غربى .. نرجع بقى لأصلنا ..

نسيت أقول لكم .. إن المقام فى هذا الكوبليه هو الراست .. طبعاً ماراحش للراست كده ببساطة .. ولكنه وصل إليه عن طريق البياتى برضه .. مش قادر يسيبه .. عِشرة ..

تغنى فايزة ( حبيبى ياللى جاى النهاردة ) من الراست ..

سنسمع فى موسيقى هذا الكوبليه إيقاع جديد .. هو إيقاع الكراتشى .. أو ( الجراتشة ) وهو إيقاع رباعى الميزان .. وهو إيقاع سريع وكأنك تقفز وتتنطط .. ثم الواحدة الكبيرة ..

وتنتقل فايزة للحجاز مع ( علمتنى أحبك وفتحت لى قلبك ) .. ثم الراست مع ( علمتنى أسهر على شوق مايتقدر ) ..

دى مصيبة إيه دى .. مش حانخلص .. هو السنباطى كده .. لازم يوجع قلبى ..

المهم إنه بيلحن نفس الشطرة ( علمتنى أسهر ) من البياتى أيضاً .. الله .. هو إحنا مش لسه سامعينها من الراست ..

أمال يبقى السنباطى إزاى ..

إسمعوا فايزة وهى تقول الجوابات العالية فى هذا المقطع .. ( وأستنى تانى يوم عشان يفوت وأسهر ) بتطلع لجواب النهاوند ..

ثم تكمل من النهوند أيضاً .. ( علمتنى إنى أحب وبس ) ..

وتعود للراست مع ( ياما قلت لك ياشوق ) .. ثم نفس الطريق حتى تنهى الكوبليه بالبياتى ..

كوبليه جديد وأخير .. يستهله الأورج بصولو من البياتى والشورى معاً .. ثم مع دخول الإيقاع ( الكراتشى مرة أخرى ) ..

تعزف الوتريات من البياتى أيضاً .. ألم نقل أنه المقام الرئيسى والمسيطر ..

ومع ( فكرت إنى أسألك .. إيه ياحبيبى غيرك ) من البياتى .. لننتقل سريعاً للراست مع ( يمكن سؤالى ده إللى صورة الماضى تيجى تفكرك ) .. ومش حانخلص من زكيبة المقامات التى لا تنتهى عند السنباطى ..

تنتهى الأغنية .. ولا ينتهى حديثنا عن السنباطى أو عن فايزة .. أو حتى حسين السيد صانع هذه الدرة الثمينة فى مشوار فايزة أحمد ..

أرجو أن أكون وُفقت فى هذا التحليل المتواضع ..

[محمد رمضان ماضي]

المشاركة الأصلية كتبت بواسطة الألآتى

بسم الله نبدأ فى تحليل أغنية ( لا ياروح قلبى )

كلمات : حسين السيد

ألحان : رياض السنباطى

غناء : فايزة أحمد

.

إختار عمنا السنباطى مقام البياتى ليكون هو المقام المسيطر على الأغنية ..




يبدأ الأغنية بمقدمة موسيقية طويلة نوعاً ما .. يستهلها بأدليب كعادته .. والأدليب هو الموسيقى الحرة بدون إيقاع ..

شايفين الجمال والحلاوة ، ابو حسام حبيبنا ربنا يصبحوا بالخير والسعادة ، وهو يتقمص دور عمار الشريعي ،
غواص في بحر النغم ،
الله الله الله.

ثم مع دخول الإيقاع ( المقسوم ) نسمع جملة رئيسية جميلة جداً تعزفها الفرقة بكاملها .. وهى من البياتى أيضاً ..
يا قائد الأوركسترا اللي بيعمل جميل بيكمله ، وأنت أبو الجمال كلة ، في ناس مابتعرفش
الإيقاع المقسوم ،ولا غيره ، مش تقمصت الدورمن أول ، كمل السطر.....دوم تك ......
وتتسلم فايزة الغناء و ( لا ياروح قلبى ) من البياتى طبعاً ..

وتظل مع البياتى طويلاً .. حتى تصل إلى ( الليالى إللى عاشها الحب وياه ملكى وحدى ) فنجد أنفسنا مع مقام الراست .. وهو مقام شرقى أصيل أيضاً ويسمى أبو المقامات الشرقية .. وتنهى المذهب من البياتى ..

وقبل أن ننتقل للكوبليه الأول .. ينبغى أن نشير لأداء فايزة المعجز .. لأننا نعرف أن هذا أخر أعمالها .. وبالتأكيد وضعت فيه كل خبراتها وتجاربها .. فنجد كل الجماليات والزخارف والعُرب التى ننتظرها من مطربة فى قامة فايزة أحمد ..

نسمع نفس اللازمة الموسيقية الموجودة فى المقدمة .. مع صولو من الكمان .. ثم تسليمة على الدرجة الخامسة للبياتى ..

حتى نظن أن المقام سيتغير .. ولكن هيهات .. فنحن مازلنا مع البياتى .. مع تطعيمات من النهاوند والراست وجنس الحجاز ..

قفة مقامات يعنى من عمنا السنباطى .. وفايزة سايقة طبعاً ومافيش مشكلة عندها .. تحويلات سلسة وإنتقالات مقامية وغنائية جميلة ..

وبعد هذه اللفة الطويلة يعود السنباطى من نفس الطريق مع الراست ( الليالى إللى عاشها الحب وياه ملكى وحدى ) .. ثم البياتى لتنهى الكوبليه ..

لا ننسى أن نشير للإيقاعات المستخدمة .. فهى مابين المقسوم والواحدة الكبير .. وكلاهما إيقاع رباعى الميزان
وهنا لغير المتخصصين كمان عايزه شوية تكتكه......
فى الكوبليه الجديد .. يتغير الوضع 180 درجة ..

فنجد أنفسنا مع إيقاع ثلاثى الميزان .. من عائلة الفالس .. ويمكن أن نعتبره سماعى دارج مع بعض التصرفات ..

بالرغم من أن السماعى الدارج سداسى الميزان .. لكن لا مانع ..

ونجد الألآت الموسيقية الغربية التى دأب عمنا السنباطى على إستعمالها فى أعماله الأخيرة .. مثل الأورج والجيتار ..

تعزف الوتريات جملة سنباطية جميلة .. مع خلفيات من الوتريات الغليظة ( التشيللو والكونترباص ) وهى خلفيات متعارضه هارمونية .. من نوع البوليفونى .. أى خط ثانى مختلف عن الخط الأساسى .. ومن نفس المقام .

ثم يتوقف السنباطى لينتقل لإيقاع المقسوم .. وكأنه يقول لنا .. كفاية عليكم كده إيقاع غربى .. نرجع بقى لأصلنا ..

نسيت أقول لكم .. إن المقام فى هذا الكوبليه هو الراست .. طبعاً ماراحش للراست كده ببساطة .. ولكنه وصل إليه عن طريق البياتى برضه .. مش قادر يسيبه .. عِشرة ..

تغنى فايزة ( حبيبى ياللى جاى النهاردة ) من الراست ..

سنسمع فى موسيقى هذا الكوبليه إيقاع جديد .. هو إيقاع الكراتشى .. أو ( الجراتشة ) وهو إيقاع رباعى الميزان .. وهو إيقاع سريع وكأنك تقفز وتتنطط .. ثم الواحدة الكبيرة ..

وتنتقل فايزة للحجاز مع ( علمتنى أحبك وفتحت لى قلبك ) .. ثم الراست مع ( علمتنى أسهر على شوق مايتقدر ) ..

دى مصيبة إيه دى .. مش حانخلص .. هو السنباطى كده .. لازم يوجع قلبى ..
هو الواحد بيخلص مع السنباطي يا أستانا الكبير ، دا محيط...
المهم إنه بيلحن نفس الشطرة ( علمتنى أسهر ) من البياتى أيضاً .. الله .. هو إحنا مش لسه سامعينها من الراست ..

أمال يبقى السنباطى إزاى ..

إسمعوا فايزة وهى تقول الجوابات العالية فى هذا المقطع .. ( وأستنى تانى يوم عشان يفوت وأسهر ) بتطلع لجواب النهاوند ..

ثم تكمل من النهوند أيضاً .. ( علمتنى إنى أحب وبس ) ..

وتعود للراست مع ( ياما قلت لك ياشوق ) .. ثم نفس الطريق حتى تنهى الكوبليه بالبياتى ..

كوبليه جديد وأخير .. يستهله الأورج بصولو من البياتى والشورى معاً .. ثم مع دخول الإيقاع ( الكراتشى مرة أخرى ) ..

تعزف الوتريات من البياتى أيضاً .. ألم نقل أنه المقام الرئيسى والمسيطر ..

ومع ( فكرت إنى أسألك .. إيه ياحبيبى غيرك ) من البياتى .. لننتقل سريعاً للراست مع ( يمكن سؤالى ده إللى صورة الماضى تيجى تفكرك ) .. ومش حانخلص من زكيبة المقامات التى لا تنتهى عند السنباطى ..

تنتهى الأغنية .. ولا ينتهى حديثنا عن السنباطى أو عن فايزة .. أو حتى حسين السيد صانع هذه الدرة الثمينة فى مشوار فايزة أحمد ..

أرجو أن أكون وُفقت فى هذا التحليل المتواضع ..

بسم الله الرحمن الرحيم
تسلم يا أستاذ يا جميل ، على التحليل الرائع ،
مفيش بعد كدا كلام ،
نهارك مبارك من الله .