الساعة 7 الصبح

[ناصر دويدار]

الساعة 7 الصبح

الساعة سبعة الصبح
وبتوقيت رام الله
دق الجرس
وأتجمعوا الأطفال فى حوش المدرسة
كان فى مسافة فى الطابور
الواقفة فيه 5/1
أترصصوا الأطفال سنابل
وفى الباب المقابل
لسور الجنة
وقفت طيور من مخلوقات الله
تاخد غياب المدرسة
الكل حاضر
إنما
غاب الضمير
فى رام الله وفى غزة
وبيت لحم المسيح
غاب الضمير
وحتة من جسم الوطن
بتسيح على الأسفلت
فا تغرق الجدران
وتدخل ع الكنايس والجوامع
والمسجد الأقصى
يتحول الدم لملايكة
وفراش يطير
وخيوط حرير
وآيات من الذكر الحكيم
الكل حاضر
إنما
غاب الضمير
بعد النشيد الصبح
وتحية العلم
اللى واقف زى صورة للمسيح
طلعوا الولاد الفصل
طلعوا الكراريس
الشمس قاعدة مكان محمد
والحصة كانت درس عربى
ع السلام
الشمس خبت وشها وهات فى العياط
نزلت دموعها
ع التخت وع البلاط
الشمس سحبت نفسها
بهدوووء وطلعت ع السما
والضلمة سحفت
ع التخت وع الفصول
كان فى هنا ملاك برئ
أو قول فراشة ملونة
أو قول عبير زهرة لمون
أو قول يمامة فى الفضا
أو قول رسول
أو قول على قد الوجع ما يطول
قتلوه
ولاد الشريفة
العفيفة
النضيفة
من أمتى اليهود
(بتحب أى رسول)

[علاء قدرى]

المشاركة الأصلية كتبت بواسطة ناصر دويدار

الساعة 7 الصبح

الساعة سبعة الصبح
وبتوقيت رام الله
دق الجرس
وأتجمعوا الأطفال فى حوش المدرسة
كان فى مسافة فى الطابور
الواقفة فيه 5/1
أترصصوا الأطفال سنابل
وفى الباب المقابل
لسور الجنة
وقفت طيور من مخلوقات الله
تاخد غياب المدرسة
الكل حاضر
إنما
غاب الضمير
فى رام الله وفى غزة
وبيت لحم المسيح
غاب الضمير
وحتة من جسم الوطن
بتسيح على الأسفلت
فا تغرق الجدران
وتدخل ع الكنايس والجوامع
والمسجد الأقصى
يتحول الدم لملايكة
وفراش يطير
وخيوط حرير
وآيات من الذكر الحكيم
الكل حاضر
إنما
غاب الضمير
بعد النشيد الصبح
وتحية العلم
اللى واقف زى صورة للمسيح
طلعوا الولاد الفصل
طلعوا الكراريس
الشمس قاعدة مكان محمد
والحصة كانت درس عربى
ع السلام
الشمس خبت وشها وهات فى العياط
نزلت دموعها
ع التخت وع البلاط
الشمس سحبت نفسها
بهدوووء وطلعت ع السما
والضلمة سحفت
ع التخت وع الفصول
كان فى هنا ملاك برئ
أو قول فراشة ملونة
أو قول عبير زهرة لمون
أو قول يمامة فى الفضا
أو قول رسول
أو قول على قد الوجع ما يطول
قتلوه
ولاد الشريفة
العفيفة
النضيفة
من أمتى اليهود
(بتحب أى رسول)

الله عليك يا ناصر
فنان بكل ما تحمله الكلمه من معنى
كتلة احساس تحمل فرشاة لترسم الصورة بشكل مغاير لما اعتاده القلم
رغم كل الاحساس بالالم
صورت مشهد موت و كانه صورة فرح فى السماء
الشهيد الطفل الملاك محمد.....
كتب كتير عن الحالة
انما لم يرسم احد لوحة بهذا الشكل
ادانة مهذبة للضمائر الميتة
والافواة الصامتة
ياااااااااااااه
نعم انت فنان من زمن فات
انت انت ناصر دويدار

[abuzahda]

المشاركة الأصلية كتبت بواسطة ناصر دويدار

الساعة 7 الصبح

الساعة سبعة الصبح
وبتوقيت رام الله
دق الجرس
وأتجمعوا الأطفال فى حوش المدرسة
كان فى مسافة فى الطابور
الواقفة فيه 5/1
أترصصوا الأطفال سنابل
وفى الباب المقابل
لسور الجنة
وقفت طيور من مخلوقات الله
تاخد غياب المدرسة
الكل حاضر
إنما
غاب الضمير
فى رام الله وفى غزة
وبيت لحم المسيح
غاب الضمير
وحتة من جسم الوطن
بتسيح على الأسفلت
فا تغرق الجدران
وتدخل ع الكنايس والجوامع
والمسجد الأقصى
يتحول الدم لملايكة
وفراش يطير
وخيوط حرير
وآيات من الذكر الحكيم
الكل حاضر
إنما
غاب الضمير
بعد النشيد الصبح
وتحية العلم
اللى واقف زى صورة للمسيح
طلعوا الولاد الفصل
طلعوا الكراريس
الشمس قاعدة مكان محمد
والحصة كانت درس عربى
ع السلام
الشمس خبت وشها وهات فى العياط
نزلت دموعها
ع التخت وع البلاط
الشمس سحبت نفسها
بهدوووء وطلعت ع السما
والضلمة سحفت
ع التخت وع الفصول
كان فى هنا ملاك برئ
أو قول فراشة ملونة
أو قول عبير زهرة لمون
أو قول يمامة فى الفضا
أو قول رسول
أو قول على قد الوجع ما يطول
قتلوه
ولاد الشريفة
العفيفة
النضيفة
من أمتى اليهود
(بتحب أى رسول)

بـُص يا عمي ناصر ...
مش هقولك إنها فكرتني بـ الدرس انتهى ، لعمنا صلاح جاهين (هخبّي عليك)

*

يمكن علشان الأجواء الإنسانيّة (بحر البقر - رام الله) ؟

*

لكن انت بتاخدنا في نفس واحد ، حاجة كدة زي الرحاية اللي بتطحن الحبوب في الساحل
(ساحل روض الفرج ، مش مصر العتيقة)

و بعدين تنزل تدوير في الرحاية ، و كل واحد وعلامُه ، اللي تبدأ بطحن قلبه ، و اللي تبدأ بفكرُه ، هوَّ و نصيبه ( أصل الوجع أرزاق)

هو انت كنت تقصد مين بـ:

ولاد الشريفة
العفيفة
النضيفة
من أمتى اليهود

؟

ده لسة جاي من عند أستاذنا يوسف أبو سالم

و لاقيته متفائل ، فِرِحْت

***

تقوم تبدأ الطحن من الفرح ؟

حسبي الله في الساحلين

[ناصر دويدار]

[QUOTE=علاء قدرى;349696] الله عليك يا ناصر
فنان بكل ما تحمله الكلمه من معنى
كتلة احساس تحمل فرشاة لترسم الصورة بشكل مغاير لما اعتاده القلم
رغم كل الاحساس بالالم
صورت مشهد موت و كانه صورة فرح فى السماء
الشهيد الطفل الملاك محمد.....
كتب كتير عن الحالة
انما لم يرسم احد لوحة بهذا الشكل
ادانة مهذبة للضمائر الميتة
والافواة الصامتة
ياااااااااااااه
نعم انت فنان من زمن فات
انت انت ناصر دويدار

00000000
بينى وبينك يا علاء انا كنت داخل المنتدى على أساس
هخلع بدرى بدرى
لأنى كنت قرفان من الشعر والشعرا والمتشعورين والمتشعبطين والمتشقلبين
لكن بصراحة لقيت ناس محترمة جدا وشعرا كبار
ومفكرين على مستوى عالى جداً
وعندى إحساس إن فى متلقى على مستوى عالى جداً
فا أى شاعر أو أى مبدع محتاج ناس يتواصل معاهم فنياً وأنسانياً
بصراحة أنت عملت عمل جليل
أنك عرفتنى بالناس الجُمال دول
والأصدقاء المحترمين
لدرجة إنى لما بكون مشغول
وما بخشش على المنتدى بحس أن ناقصنى حاجة مهمة
وعايز اقولك كمان
كل سنة وأنت طيب
أنت والأسرة الكريمة
يا أبو كريم يا عسل

[ناصر دويدار]

المشاركة الأصلية كتبت بواسطة abuzahda

بـُص يا عمي ناصر ...

مش هقولك إنها فكرتني بـ الدرس انتهى ، لعمنا صلاح جاهين (هخبّي عليك)

*

يمكن علشان الأجواء الإنسانيّة (بحر البقر - رام الله) ؟

*

لكن انت بتاخدنا في نفس واحد ، حاجة كدة زي الرحاية اللي بتطحن الحبوب في الساحل
(ساحل روض الفرج ، مش مصر العتيقة)

و بعدين تنزل تدوير في الرحاية ، و كل واحد وعلامُه ، اللي تبدأ بطحن قلبه ، و اللي تبدأ بفكرُه ، هوَّ و نصيبه ( أصل الوجع أرزاق)

هو انت كنت تقصد مين بـ:

ولاد الشريفة
العفيفة
النضيفة
من أمتى اليهود

؟

ده لسة جاي من عند أستاذنا يوسف أبو سالم

و لاقيته متفائل ، فِرِحْت

***

تقوم تبدأ الطحن من الفرح ؟

حسبي الله في الساحلين

0000000000000000

زى الوجع ماهو أرزاق الناس الحلوة اللى زيك رزق وأنا بعتبرك رزق كبير لنا لأنك مفكر كبير جوه إنسان كبير
وعلى فكرة انا لسه جاى من ساحل مصر القديمة اللى فى الزهراء كنت بجيب (تمر ومانجة ) غصب عنى طبعاً أوامر
عسكرية 0
حاكم أحنا رجالة أووووى بس برة البيت
أما حكاية الكرسى اللى فى الكلوب بتاع فرح عمنا يوسف أبو سالم فا معلشى حقك عليا وأدى البورنيطة بتاعتك اهى أبوسها
وبعدين يا عم أنت كل شوية تطلع لنا المنتدى بشكل جديد
شكلك كده طالع فى الحياة بمنظرين
وأكيد المنظرين رزق بردو
كل سنة وأنت طيب يا أبو السيد يا محترم يا فنان يا جان
يا جنتل مان يا إنسان
وأنا بحبك كمان وكمان

[صبره ابو حسن]

المشاركة الأصلية كتبت بواسطة ناصر دويدار

الساعة 7 الصبح

الساعة سبعة الصبح
وبتوقيت رام الله
دق الجرس
وأتجمعوا الأطفال فى حوش المدرسة
كان فى مسافة فى الطابور
الواقفة فيه 5/1
أترصصوا الأطفال سنابل
وفى الباب المقابل
لسور الجنة
وقفت طيور من مخلوقات الله
تاخد غياب المدرسة
الكل حاضر
إنما
غاب الضمير
فى رام الله وفى غزة
وبيت لحم المسيح
غاب الضمير
وحتة من جسم الوطن
بتسيح على الأسفلت
فا تغرق الجدران
وتدخل ع الكنايس والجوامع
والمسجد الأقصى
يتحول الدم لملايكة
وفراش يطير
وخيوط حرير
وآيات من الذكر الحكيم
الكل حاضر
إنما
غاب الضمير
بعد النشيد الصبح
وتحية العلم
اللى واقف زى صورة للمسيح
طلعوا الولاد الفصل
طلعوا الكراريس
الشمس قاعدة مكان محمد
والحصة كانت درس عربى
ع السلام
الشمس خبت وشها وهات فى العياط
نزلت دموعها
ع التخت وع البلاط
الشمس سحبت نفسها
بهدوووء وطلعت ع السما
والضلمة سحفت
ع التخت وع الفصول
كان فى هنا ملاك برئ
أو قول فراشة ملونة
أو قول عبير زهرة لمون
أو قول يمامة فى الفضا
أو قول رسول
أو قول على قد الوجع ما يطول
قتلوه
ولاد الشريفة
العفيفة
النضيفة
من أمتى اليهود
(بتحب أى رسول)

عزيزى الشاعر/ ناصر دويدار
عمل رائع ولوحه فنيه لا تصدر الا من شاعر حساس
بعد غيبه نتيه عدت لاجد المنتدى وكما قال الاستاذ سيد ابو زهده سوق عكاظ
وكل سنه وانت وجميع اعضاء سماعى بخير بمناسبه شهر رمضان الكريم

[ناصر دويدار]

المشاركة الأصلية كتبت بواسطة صبره ابو حسن

عزيزى الشاعر/ ناصر دويدار
عمل رائع ولوحه فنيه لا تصدر الا من شاعر حساس
بعد غيبه نتيه عدت لاجد المنتدى وكما قال الاستاذ سيد ابو زهده سوق عكاظ
وكل سنه وانت وجميع اعضاء سماعى بخير بمناسبه شهر رمضان الكريم

00000000000
شكراً لكى كتير
وحمد لله على السلامة
وما تحرمناش من مرورك علينا فى رمضان
يعنى حتة كنافة
تلات اربع حتت قطايف ما يمنعش
كل سنة وحضرتك بألف خير وألف صحة
أنتى وكل المنورين معانا فى السوق

[abuzahda]

المشاركة الأصلية كتبت بواسطة ناصر دويدار

00000000000
شكراً لك كتير
وحمد لله على السلامة
وما تحرمناش من مرورك علينا فى رمضان
يعنى حتة كنافة
تلات اربع حتت قطايف ما يمنعش
كل سنة وحضرتك بألف خير وألف صحة
أنت وكل المنورين معانا فى السوق

إيه يا عم ناصر
إنت بدأت الصيام بدري ؟ و لاّ إيه ؟

يا أستاذ ، إسمه صبره (هاء معقودة مش تاء مربوطة)

صبره ، يا عم ناصر ، راجل صعيدي من البداري (يعني حااااااااسِب)

بس هوّ كان مشغول عننا حبّتين (يجولهم كام قرن كده)

[صبره ابو حسن]

المشاركة الأصلية كتبت بواسطة abuzahda

إيه يا عم ناصر
إنت بدأت الصيام بدري ؟ و لاّ إيه ؟

يا أستاذ ، إسمه صبره (هاء معقودة مش تاء مربوطة)

صبره ، يا عم ناصر ، راجل صعيدي من البداري (يعني حااااااااسِب)

بس هوّ كان مشغول عننا حبّتين (يجولهم كام قرن كده)

ايه ياعم سيد
سيبه يدلعنى شويه
دنا لو اهلى عرفو هيقطعونى
على العموم الصوره عندك
وشكرا ياعم سيد على الترحيب الجامد
وربنا يخليك للغلابه

[Tarek Elemary]

يا عم ناصر يا دويدار
أنت خير مثل على إن تأثير الناس فى الناس
مش باللقا و لا بالسنين
و لا بالفراق و لا بالحنين
بالكلمة لما تكون بصدق
و يحسها قلبك و تغسلها العنين
بدموع ألم .... يِمْكِن
لكن تحس إن الكلام ساكنك
و بيهِزَّك و بيداوى الأنين
منك لله
و بس