أغنية (بختى ونصيبى)

[سعدالشرقاوى]

أغنية( بختى ونصيبى)
سعدالشرقاوى

أنا كنت فاكرك ياحبيبى
ح تروح وترجع كالعاده
أتارى بختى ونصيبى
فى الهجر له جرعه زياده
,,,,,,,,,,,,,
أنا كنت فاكرك ح تعدّى
يوماتى وتوافق ودّى
ويكون غرامك على قدّى
ما فيهش لحظه منعاده
,,
انا كنت فاكرك ياحبيبى
ح تروح وترجع كالعاده
أتارى بختى ونصيبى
فى الهجر له جرعه زياده
,,,,,,,,,,,,,
أنا كنت فاكرك ياعنيّه
ح تاخد عواطفى بحنيّه
وما تجيش فى يوم تأسى عليّه
ويحسّ بيّا دا واللا ده
,,

انا كنت فاكرك ياحبيبى
ح تروح وترجع كالعاده
أتارى بختى ونصيبى
فى الهجر له جرعه زياده
,,,,,,,,,,,,,
أنا كنت فاكرك ح تسافر
ألاقينى على هجرك صابر
أتارينى باصعب ع الكافر
والكون مافيه أىّ سعاده
,,
أنا كنت فاكرك ياحبيبى
ح تروح وترجع كالعاده
أتارى بختى ونصيبى
فى الهجر له جرعه زياده
,,,,,,,,,,,,,
بتطوّل الغيبه عليّه
والحيره بتعذّب فيّه
وأمّا يناديك دمع عنيّه
بتحسب الهجر عباده
,,
أنا كنت فاكرك ياحبيبى
ح تروح وترجع كالعاده
أتارى بختى ونصيبى
فى الهجر له جرعه زياده
,,,,,,,,,,,,,
قولوله يرجع ويجينى
وم الدّموع يرحم عينى
قولو له دا الهجر كاوينى
وسكـّته مش معتاده
,,
أنا كنت فاكرك ياحبيبى
ح تروح وترجع كالعاده
أتارى بختى ونصيبى
فى الهجر له جرعه زياده
,,,,,,,,,,,,,