حلم ليل مسجون

**Tarek Elemary** · #1 11/08/2009, 10h29

لو كان قليبى سكن

هايساعى كل الكون

شايل هموم الوطن
غير الهوى المكنون
و الذكريات والشجن
و حلم ليل مسجون
بين الضلوع إندفن
يمكن يكون مجنون

***
يا فاتحين الأمل شباك

على بكرة اللى جيَّ هناك

و بكره فوق جناح شوقه
يقول للفجر فين مرساك
وخيط الشمس بيه نغزِل
ستاير دفء ع المنزِل
و منزلنا حيطانه طموح
و آه لما الطموح يرحل
لا يبقى بيت و لاستاير
و لا شاطئ لموج حاير
و نبقى فى الطريق مساكين
نلف العمر فى دواير

***

يا ناس يا خلق يا إنسان

شربنا من الألم ألوان
تعالوا نداوى أحزانَّا
نقابل بعض بالأحضان

نحب الخير لكل الناس

و يبقى الليل قمر ونَّاس

و نبقى فى القلوب جِيرة
و عِشْرَة و المَوَدَّة أساس

***

بالأمثال و بالأديان و بالخبرة

و لا يقدر على الأيام و ع القدرة

سوى الخالق و رب الكون
و لا نضمن نَفَس يِطْلَع
و لا نضمن نِعِيش بُكرة

**رائد عبد السلام** · #2 11/08/2009, 11h04

زمان قاللي عمنا أبو زهدة :
لما باقرأ شِعرك كأني شايفك
هو أنت بتكتب نفسك يارائد؟

وهاأنا أقولها لك :
كلما قرأت شعرك
ياحبيبي الشاعر الجميل طارق العمري

شِعرك يحمل رحابة قلبك وجميل سجاياك
يخرج من القلب فيصيب موضعه في القلب
الله ينوّر ياعِمَري

**Tarek Elemary** · #3 11/08/2009, 17h53

تفتكر واحد زىّْ حالاتى يقدر يرد على الكلام الجميل ده

لو يبقى الشاعر كــــكلامه

يبقى إنت البدر و إلهامه

و إنت الفضا واسع و رحيب

و إنت الطفل بلون أحلامه

**صبره ابو حسن** · #4 19/08/2009, 22h46

عزيزى الشاعر الكبير / طارق العمرى
عدت بعد غيبه عن المنتدى فاذا بى اجد شلالا من الشعر
عزيزى انت رائع ولى عوده بعد ان اقرا باقى اعمالك
تقبل مرورى المتواضع صبره ابو حسن

**abuzahda** · #5 19/08/2009, 23h56

هوَّ انت كلما تروح مصيف ترجع لنا بتحفة جديدة ؟

لو كانت الحكاية كده

أنا هشوفلي صدفاية على قدّي اسكنها

خمس دقايق و اكون على شط بحيرة أونتاريو ، أي نعم هيّ قليلة اليود ، بس اهو شط و السلام
يمكن ارجعلي بصيدة زي دي

،

يعني لو أستاذنا رائد ، قرأ مشاركتي دي قبل ما ينوّرنا ، كان يبقى إيه معنى إن شِعرك بيشبهك ؟

معناه - بحرياً - إنك حوت

نرحب معاً بعودة أخينا الأستاذ

صبره أبو حسن

**Tarek Elemary** · #6 20/08/2009, 06h50

اقتباس:

المشاركة الأصلية كتبت بواسطة صبره ابو حسن

عزيزى الشاعر الكبير / طارق العمرى

عدت بعد غيبه عن المنتدى فاذا بى اجد شلالا من الشعر
عزيزى انت رائع ولى عوده بعد ان اقرا باقى اعمالك
تقبل مرورى المتواضع صبره ابو حسن

أهلا بعودتك لبيتك الكبير سماعى
و سعدت بمرورك العطر هاهنا، و أتمنى أن أكون عند حسن ظنك دوماً
و تقبل منى أطيب المنى و أرق تحياتى

**Tarek Elemary** · #7 20/08/2009, 06h56

الرائع المشع ثقافة و أدب، مغناطيس القلوب و ناصر المغلوب أبوزهدة
كل البحار المحيطة بموطنى كما تعلم ليس بها حيتان، أقصاها قرش

، و لكن أنت من جبت البحار شرقاً و غرباً و كابدت غضبها و استمتعت بحنوها و سعدت بابتسامات شواطئها، و يقيناً عاينت حيتانها فأنت بها أخبر و على تقمص شخصياتها أقدر،

فالحوت أنت و أنا مجرد سمكة شعور أو قاروص أو حتى لوت تدور فى سربك

كل عام و أنت بخير

**علاء قدرى** · #8 20/08/2009, 15h14

اقتباس:

المشاركة الأصلية كتبت بواسطة رائد عبد السلام

زمان قاللي عمنا أبو زهدة :

لما باقرأ شِعرك كأني شايفك
هو أنت بتكتب نفسك يارائد؟

وهاأنا أقولها لك :
كلما قرأت شعرك
ياحبيبي الشاعر الجميل طارق العمري

شِعرك يحمل رحابة قلبك وجميل سجاياك
يخرج من القلب فيصيب موضعه في القلب

الله ينوّر ياعِمَري

الانسان الجميل طارق
هل تذكر مقولة (كن جميلا ترى الوجود كله جميلا)
لعل هذا ما قصداه شاعرا المنتدى رائد ؛ و ابو زهدة
فانت روح جميلة تكتب الشعر
فلا عجب ان يكون جميلا كصاحبه

**Tarek Elemary** · #9 08/10/2009, 11h01

اقتباس:

المشاركة الأصلية كتبت بواسطة علاء قدرى

الانسان الجميل طارق
هل تذكر مقولة (كن جميلا ترى الوجود كله جميلا)
لعل هذا ما قصداه شاعرا المنتدى رائد ؛ و ابو زهدة
فانت روح جميلة تكتب الشعر
فلا عجب ان يكون جميلا كصاحبه

اللى ينول صحبتك يحمد كرم ربه
يبقى الوجود سبحته يملا الهنا قلبه
يا بو كريم و الكرم أصلك و موالك
با شكر أنا والديك ... ماهم صحيح .... ربوا

**القمر الساهر** · #10 08/10/2009, 23h25

الشاعر الكبير طارق العمري ليس عندى رد الآن لانى مازلت أستمتع بقراءة القصيدة فلقد اخذتنى فعلا وأعدت قراءتها مرات كثيرة وكلما تأخرت فى الرد فاعرف انى مازلت أقرأ القصيدة وأستمتع بها . حسيبك دلوقت لأن بصراحة مش فاضى عندى قصيدة فى غاية الروعة عايز أقرأها مرات ومرات هى قصيدة حلم ليل مسجون للشاعر المبدع طارق العمري .وسوف أعود مرة أخرى لتحليل القصيدة . أشكرك يا إنسان وياشاعر .