دكتور هشام وكل الاستاذه الافاضل عاوز بليز اجابه ؟؟؟؟؟؟؟

**حسن عبد العليم** · #1 09/08/2009, 09h12

السلام عليكم

دكتور هشام وكل الاستاذه الافاضل ليه اسئله وعايز اجابه من سيادتك عليها

1_ انا ممكن اعمل جمل لحنيه او خواطر بدون دراسه للمقامات وبمجرد اني اعرف السلالم الموسيقيه هذا يكفي ؟؟
2- بالنسبه للسلالم الكبيره ( دو ماجير و ري ماجير .......) انا حسب علمي انها او طريقه بناء السلم بتبقي كده
بعد كبير (1 تون) يليه بعد كبير زيه وبعدين نصف البعد وبعدين بعد كبير وبعد كبير وبعد كبير وبعدين اخر حاجه نص البعد الكلام دا صح ولا لا وعلي فرض انو صح ذي منا فاهم طيب سلالم المانير ابعاده بتيقي اذاي

3_ امتي ااقول علي الجمله اللحنيه دي من سلم دو ماجير مثلا او ري ماجير او ... هل دا بيبقي حسب النغمه الاساس اوالنغمه اللي قفلت بيها ولا بيبقي اذاي ؟؟؟ ومعروف ان سلم دو الكبير بأستخدم فيه المفاتيح البيضاء
علي التواالي الي دو الجواب طيب انا دلوقتي لو بعمل جمله جوه سلم دو ماجير مش يحق ليه استخدم المفاتيح السوداء ؟؟؟؟

4_ القفزات بتتحسب ابعادها اذاي مثال علي لحن بابا شيب بلاك اول حاجه دو وبعدين صول طيب مفيش مقام
ولا سلم فيه كده يعني زمان مثلا انت رفعت نوته عن المقامات والمسافات وقةلت مثلا النهاوند بيبقي 1 نص 1
مش بالضروري اكون كاتبها صح ولا غلط دا بس مجرد مثال طيب من دو ال صول احسبها اذاس وادرجها تحت أي مقام

5- ايه الفرق بين المقام والسلم ؟؟؟

6_ ليه لما بعمل اي جمله ع البيانو انا احسها بأحساس ولو غيري سمعها يقول غير اللي انا حاسو خالص
هل دا لاني لسه شويه عليه علي ما اعمل جمل مفهومه ليه وللناس ؟؟؟ يعني مثلا لو بعمل اي حاجه ملحنه قبل كده
بس بطريقه تانيه من وحي خيالي احس ان هيه بتقول الكلمات وغيري لما اسمعهالو يقول بيعيده ؟؟؟

7_ السؤال دا للاستاذ عادل صمؤئيل عندي استاذ برنامج انكور بعد ما بخلص عليه شغل مش بيعمل save بدوس عليها ولكن مش بيسيف ايه العمل دي مشكله في الوندوز ولا فيه حاجه في البرنامج انا عملت remove ونزلته تاني من ع المنتدي بس فيه نفس المشكله ؟؟؟؟

واسف جدااا ع الاطاله ولكن شخصكم الكريم عودنا ع الاسئله ؟؟؟

**الألآتى** · #2 09/08/2009, 12h57

وعليكم السلام ورحمة الله وبركاته

أهلاً أستاذ حسن .. وحشتنا أسئلتك وإستفساراتك .. التى تدل على رغبتك وحبك للتعلم والإستفادة .

بسم الله الرحمن الرحيم ..

اقتباس:

المشاركة الأصلية كتبت بواسطة حسن عبد العليم

1_ انا ممكن اعمل جمل لحنيه او خواطر بدون دراسه للمقامات وبمجرد اني اعرف السلالم الموسيقيه هذا يكفي ؟؟

بالتأكيد يمكنك عمل جمل لحنية دون دراسة للمقامات أو حتى السلالم الموسيقية .. ولكنها ستظل فى حيز الخواطر ..

ولن تكون على أساس سليم .. ومن المؤكد أنك ستقع فى أخطاء لاحصر لها .. ولن تكتشفها بالطبع ..

اقتباس:

المشاركة الأصلية كتبت بواسطة حسن عبد العليم

2- بالنسبه للسلالم الكبيره ( دو ماجير و ري ماجير .......) انا حسب علمي انها او طريقه بناء السلم بتبقي كده
بعد كبير (1 تون) يليه بعد كبير زيه وبعدين نصف البعد وبعدين بعد كبير وبعد كبير وبعد كبير وبعدين اخر حاجه نص البعد الكلام دا صح ولا لا وعلي فرض انو صح ذي منا فاهم طيب سلالم المانير ابعاده بتيقي اذاي

هذه الأبعاد صحيحة .. أما بالنسبة للمينور

أبعاده : 1، 1 ، نصف ، 1 ، 1 ، نصف ، 1

وتقرأ من اليسار لليمين .

اقتباس:

المشاركة الأصلية كتبت بواسطة حسن عبد العليم

3_ امتي ااقول علي الجمله اللحنيه دي من سلم دو ماجير مثلا او ري ماجير او ... هل دا بيبقي حسب النغمه الاساس اوالنغمه اللي قفلت بيها ولا بيبقي اذاي ؟؟؟

المعروف أن الأبعاد فى السلم واحدة مهما تغيرت أماكن ركوزه .. ولكن خط السير يختلف ..

فأنت فى الدو ميجور .. تستعمل الأصابع البيضاء فى البيانو .. أما فى الرى ميجور .. فتستعمل الفا دييز والدو دييز ..

علامات التحويل تختلف ..

اقتباس:

المشاركة الأصلية كتبت بواسطة حسن عبد العليم

ومعروف ان سلم دو الكبير بأستخدم فيه المفاتيح البيضاء
علي التواالي الي دو الجواب طيب انا دلوقتي لو بعمل جمله جوه سلم دو ماجير مش يحق ليه استخدم المفاتيح السوداء ؟؟؟؟

لايحق لك إستخدام الأصابع السوداء فى الدو ميجور .. إذا إستخدمتها .. فأنت إنتقلت لسلم جديد .. لأنك بذلك تكون إستعملت علامات تحويل خارج سلم الدو ميجور .

اقتباس:

المشاركة الأصلية كتبت بواسطة حسن عبد العليم

4_ القفزات بتتحسب ابعادها اذاي مثال علي لحن بابا شيب بلاك اول حاجه دو وبعدين صول طيب مفيش مقام
ولا سلم فيه كده يعني زمان مثلا انت رفعت نوته عن المقامات والمسافات وقةلت مثلا النهاوند بيبقي 1 نص 1
مش بالضروري اكون كاتبها صح ولا غلط دا بس مجرد مثال طيب من دو ال صول احسبها اذاس وادرجها تحت أي مقام

طريقة التلحين تختلف من ملحن لأخر .. ونحن نتعلم وندرس أبعاد السلم والمقام .. لنعرف خط سير السلم ..

ولكن عند التلحين لانسير على نفس خط السير .. وإلا ماأصبح لحناً ..

يمكنك عند التلحين إستعمال أى نغمة داخل حيز المقام والإنتقال منها لأى نغمة أخرى دون التقيد بشروط مسبقة .. بشرط عدم النشاز .

ونحن نعرف سلم المقام .. بإحدى طريقتان ..

الطريقة الأولى .. عن طريق معرفة أبعاد السلم .. الموجودة على النوتة .. وملاحظة علامات التحويل .. وكذلك درجة الركوز التى تكون غالباً فى نهاية الجملة اللحنية .

الطريقة الثانية .. عن طريق السماع .. وهذه لأصحاب الخبرات والمتمكنين نتيجة كثرة سماع المقامات .

اقتباس:

المشاركة الأصلية كتبت بواسطة حسن عبد العليم

5- ايه الفرق بين المقام والسلم ؟؟؟

المقام مسمى شرقى .. وليس فى الموسيقى الغربية كلمة مقام ..

وعموماً .. السلم يتكون من سبعة درجات نغمية .. والمقام نفس السبعة نغمات زائد جواب الدرجة الأولى .. أى ثمانية درجات نغمية .
وبتفصيل أكثر ..
كما أن السلم يعتبر وحدة واحدة لا تتجزأ .. والمقام يتكون من جنسين أو 2 تتراكورد .. أى جزئين

اقتباس:

المشاركة الأصلية كتبت بواسطة حسن عبد العليم

6_ ليه لما بعمل اي جمله ع البيانو انا احسها بأحساس ولو غيري سمعها يقول غير اللي انا حاسو خالص
هل دا لاني لسه شويه عليه علي ما اعمل جمل مفهومه ليه وللناس ؟؟؟ يعني مثلا لو بعمل اي حاجه ملحنه قبل كده
بس بطريقه تانيه من وحي خيالي احس ان هيه بتقول الكلمات وغيري لما اسمعهالو يقول بيعيده ؟؟؟

إحساسك الداخلى شئ نابع من نفسك .. والإحساس شئ .. والتنفيذ شئ أخر ..

فأنت تشعر أنك أخرجت إحساسك كما يجب .. ولكن من يسمعك .. لايشعر بأن الجملة صحيحة ..

وأنصحك بتنفيذ اللحن كما هو دون تغيير .. حتى تتقن التنفيذ .. ثم بعدها يمكنك إضافة رؤيتك عليه ..

اقتباس:

المشاركة الأصلية كتبت بواسطة حسن عبد العليم

7_ السؤال دا للاستاذ عادل صمؤئيل عندي استاذ برنامج انكور بعد ما بخلص عليه شغل مش بيعمل save بدوس عليها ولكن مش بيسيف ايه العمل دي مشكله في الوندوز ولا فيه حاجه في البرنامج انا عملت remove ونزلته تاني من ع المنتدي بس فيه نفس المشكله ؟؟؟؟

أترك هذا السؤال للأستاذ عادل صموئيل .. وعموماً .. من الجائز أن يكون البرنامج الموجود لديك .. ديمو .. أى مؤقت ..إبحث عن نسخة كاملة للبرنامج .. وأعتقد أن الأستاذ عادل صموئيل .. وضع لنا نسخة كاملة فى المنتدى ..

وأخيراً .. أنصحك بزيارة هذا الموضوع .. فسيفيدك فى المقامات كثيراً .

http://www.sama3y.net/forum/showthread.php?t=71226

**حسن عبد العليم** · #3 10/08/2009, 08h02

استاذي الفاضل استاذ محمدالالاتي بدايه ميرسي جداا ليك علي ردك ولكن هناك ااستفسار صغير علي اجابه السؤال الاول انا بقول انا هبقي عارف السلالم الموسيقيه كويس يعني كأني دارسهم بس هبقي مش عارف كتير عن المقامات هل دا يعطني الفرصه لعمل جمل لحنيه صحيحه خليه نوعا من الاخطاء او تكون عديمه الاخطاء؟؟؟ وعلي حد علمي ان كده في الغرب بيلحنوا بدون أي علم عن المقامات والحانهم مش وحشه ؟؟؟

امتي يحق ليه لو اانا بعمل جمله لحنيه مصوره علي سلم دو ماجير متي يحق لي الانتقال الي السلالم الاخري
هل دا في أي وقت حسب ماشئت ؟؟؟؟ بمعني اني هبيقي متقيد بأني لازم اتم المعني مثلا من داخل دو ماجير وبعدين انتقل الي السلالم المجاوره ولا ممكن اكمل المعني من عمل مزيج بين السلالم ؟؟؟ وانا احساس بيقول التانيه عشان بيقي فيح حريه وانطلاق ؟؟؟؟ وهيه دا الموسيقي !!! عايز توضيح ....

بالنسبه لاجابه السؤال الرابع انا هستفيد ايه لما اعرف خط سير السلم ؟؟؟ هل هوه هيسهل علي عمليه قراءه النوته بتاعه اللحن لاول مره وبتالي يسهل عليه عزفها بسهوله ؟؟ ولا هيوصل ليه الاحساس وايه اللي اللملحن عاوز يقوله (_شجن , فرح ...... الخ ) وبتالي يبقي اعد الحاله النفسيه ليه انا اولا قبل العزف حتي ينساق شعوري واحساسي مع احساس اللحن ؟؟؟؟

في اجابه السؤال الخامس استاذي انت فرقت المقام عن السلم بدرجه الجواب بس ؟؟؟ هوه دا الفرق بس ؟؟
طيب ما كدا بيقا مفيش فرق ؟؟؟ ولا دا يعمل فرق كبير اللي هوه اختلافه بزياده درجه الجواب للنغمه الاولي ؟؟؟
يعني هل دا فرق جوهري فعال ؟؟؟؟؟ ولا يبقي مفيش فرق ؟؟؟

**الألآتى** · #4 10/08/2009, 10h29

اقتباس:

المشاركة الأصلية كتبت بواسطة حسن عبد العليم

انا بقول انا هبقي عارف السلالم الموسيقيه كويس يعني كأني دارسهم بس هبقي مش عارف كتير عن المقامات هل دا يعطني الفرصه لعمل جمل لحنيه صحيحه خليه نوعا من الاخطاء او تكون عديمه الاخطاء؟؟؟ وعلي حد علمي ان كده في الغرب بيلحنوا بدون أي علم عن المقامات والحانهم مش وحشه ؟؟؟

ياسيدى .. لقد ذكرنا من قبل .. أن المقامات مسمى خاص بالموسيقى الشرقية .. فطبيعى جداً أن بعضهم يلحن فى الغرب دون معرفة المقامات .. وإذا كنت تقصد موسيقى الراب والبوب وماشابه .. فهى تستخدم سلماً واحداً أو إثنان ..

لكن فى الموسيقى الشرقية .. تتعدد المقامات وتتشابك وتتشابه .. فلابد من معرفتك للمقامات حتى تعرف من أين تبدأ وإلى أين تنتهى .. ومتى تنتقل بين مقام وأخر .. حسب رؤيتك اللحنية ..

اقتباس:

المشاركة الأصلية كتبت بواسطة حسن عبد العليم

امتي يحق ليه لو اانا بعمل جمله لحنيه مصوره علي سلم دو ماجير متي يحق لي الانتقال الي السلالم الاخري
هل دا في أي وقت حسب ماشئت ؟؟؟؟ بمعني اني هبيقي متقيد بأني لازم اتم المعني مثلا من داخل دو ماجير وبعدين انتقل الي السلالم المجاوره ولا ممكن اكمل المعني من عمل مزيج بين السلالم ؟؟؟ وانا احساس بيقول التانيه عشان بيقي فيح حريه وانطلاق ؟؟؟؟ وهيه دا الموسيقي !!! عايز توضيح ....

ياصديقى .. الموسيقى ليست كالميكانيكا .. فهى ليست قواعد جامدة .. التلحين إبداع أولاً وقبل كل شئ ..

ويمكنك الإنتقال بين سلم وأخر حسب رؤيتك ووقتما تشاء .. ليست هناك شروط مسبقة أو قيود على الإبداع ..

اقتباس:

المشاركة الأصلية كتبت بواسطة حسن عبد العليم

بالنسبه لاجابه السؤال الرابع انا هستفيد ايه لما اعرف خط سير السلم ؟؟؟ هل هوه هيسهل علي عمليه قراءه النوته بتاعه اللحن لاول مره وبتالي يسهل عليه عزفها بسهوله ؟؟ ولا هيوصل ليه الاحساس وايه اللي اللملحن عاوز يقوله (_شجن , فرح ...... الخ ) وبتالي يبقي اعد الحاله النفسيه ليه انا اولا قبل العزف حتي ينساق شعوري واحساسي مع احساس اللحن ؟؟؟؟

عندما نتعلم القراءة والكتابة باللغة العربية فى صغرنا .. يعلموننا أولاً الحروف الأبجدية ( ألف ، باء ) .. وبعدها نتعلم كيف نكون كلمات من هذه الحروف .. وبعد ذلك نتعلم كيف نكون جملة مفيدة من هذه الكلمات .. أليس كذلك .

لماذا إذن تستكثر على الموسيقى أن تعرف قواعدها ؟

الموهبة وحدها لا تكفى .. لابد من صقلها بالعلم والدراسة .. وإلا مافائدة المعاهد والكليات الموسيقية المنتشرة فى العالم .

اقتباس:

المشاركة الأصلية كتبت بواسطة حسن عبد العليم

في اجابه السؤال الخامس استاذي انت فرقت المقام عن السلم بدرجه الجواب بس ؟؟؟ هوه دا الفرق بس ؟؟
طيب ما كدا بيقا مفيش فرق ؟؟؟ ولا دا يعمل فرق كبير اللي هوه اختلافه بزياده درجه الجواب للنغمه الاولي ؟؟؟
يعني هل دا فرق جوهري فعال ؟؟؟؟؟ ولا يبقي مفيش فرق ؟؟؟

إقرأ السطر الأخير من إجابتى .. والذى أقول فيه ( كما أن السلم يعتبر وحدة واحدة لا تتجزأ .. والمقام يتكون من جنسين أو 2 تتراكورد .. أى جزئين )
هذا فرق جوهرى .. لأن عملية الإنتقال بين المقامات تعتمد على تغيير أحد الجنسين ..

**حسن عبد العليم** · #5 10/08/2009, 17h45

استاذ محمد لو عند حضرتك خلفيه عن انواع البيانو الخشبي واسعاره لاني اري منه الكبير والمتوسط في الحجم ياريت تفيدني بيها واسف علي كثر الاسئله ؟؟؟ واجاباتك السابقه وصلت تمام وميرسي مره تانيه

بالنسبه لانكور اللي عندي انا منزله من هنا من المنتدي وفيه المشكله اللي طرحتها لاحقااا طيب هوه اللي ع المنتدي هنا بعد ما تعمل ليه setup هل بيطلب regestration code ولا لا لان اللي انا منزله بعد ما يتسطب بيشتغل علي طول من غير ما يطلب مني ادخل اكواد ؟؟؟؟؟

**الألآتى** · #6 10/08/2009, 18h00

اقتباس:

المشاركة الأصلية كتبت بواسطة حسن عبد العليم

استاذ محمد لو عند حضرتك خلفيه عن انواع البيانو الخشبي واسعاره لاني اري منه الكبير والمتوسط في الحجم ياريت تفيدني بيها واسف علي كثر الاسئله ؟؟؟ واجاباتك السابقه وصلت تمام وميرسي مره تانيه

للأسف ليست عندى معلومات فى هذا الشأن .. بالرغم من أننى درست بيانو .. إلا أننى لم أقتنى يوماً بيانو أو أعرف أسعاره ..

اقتباس:

المشاركة الأصلية كتبت بواسطة حسن عبد العليم

بالنسبه لانكور اللي عندي انا منزله من هنا من المنتدي وفيه المشكله اللي طرحتها لاحقااا طيب هوه اللي ع المنتدي هنا بعد ما تعمل ليه setup هل بيطلب regestration code ولا لا لان اللي انا منزله بعد ما يتسطب بيشتغل علي طول من غير ما يطلب مني ادخل اكواد ؟؟؟؟؟

أنا أعمل على برنامج سبيليوس .. وأرجو أن يدخل الأستاذ عادل صموئيل ليفيدك ..

**عادل صموئيل** · #7 10/08/2009, 19h19

اخى العزيز
انا طبعا بعد كلام الأستاذ محمد الآلاتى عن المقام ما اقدرش اتكلم
لكن احاول افيدك فى اللى يخصنى من الأسئلة
اول برنامج انكور اللى انا منزله على المنتدى كامل وهو اللى انا بشتغل بيه شخصياً وانا عايزك تراجع شرحى للأنكور الجزء الاول كاتب فيه طريقة تسطيب البرنامج اولا لما تفتح الأيقونة تلاقى خمس ملفات فيه ملف اسمه الريجسترى شكله زى عنقود العنب تضغط عليه مرة يديك نافذة تقول له oK تظهر نافذة تانية برضه تقول له ok بعدين تبدا التسطيب من الأيقونة الملونة ,ولو ما اتغلش الحفظ بعد كده خد البرنامج وجربه زى ماقلت على اى جهاز تانى ولو اشتغل صح يبقى عندك عيب فى نسخة الويندوز
بالنسبة للبيانو الخشبى انا خبير فيه بس دلوقتى فيه مشاكل كبيرة جداً اولا لو عايز تشترى بيانو لو محترم جدا لازم يكون المانى واوعى يكون فرنساوى , وحتى لو للقيت البيانو الالمانى بحالة جيدة ودى صعب حتواجهك مشكلة خطيرة وهى ان البيانو بيحتاج يتشد يعنى يتدوزن كل فترة والمشكلة ان اللى بيشدوا البيانو تقريبا ماتوا كلهم وحتى لو لقيت واحد حياخد منك مبلغ كبير , والعيب فى البيانو الخشبى ان الميكانيكا بتاعته فيها جزء كبير من اللباد والجوخ وده بيتعرض للعتة ودى ممكن تدمره وزى ماقلت ان اللى بيصلحوه معظمهم ماتوا فمن الصعب تجديده .
وفيه دلوقتى بيانو يابانى جديد اسمه ياماها وده تمنه ممكن يوصل ل 30 الف جنيه بس انا فى نظرى ما يسواش حاجة وبيستهلك بعد خمس سنين , وعيبه ان الميكانيكا بتاعته كلها مواد تخليقية مش اصلية يعنى بدال الخشب فى البيانو الألمانى الميكانيكا بتاعته كلها فبر والجوخ واللباد صناعى مش طبيعى
لذلك انا انصح انك ممكن تشترى اورج من الحديث يعنى فيه كل الإمكانيات واهم شىء يكون فيه صوت بيانو طبيعى وده متوفر مع اطيب تحياتى

**Hisham Khala** · #8 12/08/2009, 08h01

عزيزي حسن
كل سنة و انت طيب
آسف لتأخري للرد عليك لكن الحمد لله الاستاذ الالاتي و الاستاذ عادل قاموا بالواجب و زيادة
يا سيدي لحن زي ما انت عايز و زي ما انت حاسس: إن شاء الله يبقي اللحن كله كروماتيك (ملون).
اللي بيلحن التيمة أو النغمة ؟او الفكرة بتيجي في عقله الاول شوف الشيخ زكريا أحمد بيلحن ازاي من غير عود بيقعد مع نفسه و يقول الورد جميل .. جميل الورد بيدندنها ببقه (فمه) و بعد كده يعزفها على العود ، و يا سيدي أنت عارف مقامات كثيرة عن طريق السمع ، عارفهم بس مش عارف اساميهم ، أعزف الاول ألحان عبد الوهاب و بليغ و رياض و الموجي و كمال و منير و ..... غني لشادية و عبد الحليم
اللي عاوز يألف رويات لازم يقرأ رويات كثير و اللي عاوز يألف مزيكه لازم يلعب ألحان كبار الملحنين.
لا قيود عليك في التلحين و عادي أنك تلحن 10 ألحان يطلع واحد منهم 50% أو 60% و الباقي مش حلوين خالص و بعدين بالدراسة و الخبرة تبقي تعرف أزاي تزخرف اللحن و تضيف عليه المحسنات البديعية من إيقاع و باصات و كوردات و تعبيرات ....
أسئلة كثيرة من اللي أنت ذكرتها عن السلالم و المقامات ستجد إجابتها بس راجع صفحات المنتدي كويس عندك دروس النوتة بتاعة الاستاذ الالاتي و آخرين و التمارين العملية اللي أنا بأكتبها فيها اجابات على اسئلتك ، أقرأ و تصفح المنتدي ستجد ما تريد.
بالنسبة لبرامج التدوين عنك الانكور كويس بالنسبة لك و أنت مش محتاج لبرنامج تعمل به تنويت لأوركسترا ، بالرغم أن الانكور ممتاز للتدوين للاوركسترا ، عيبه أن بنك الاصوات ضعيف شوية بالنسبة للبرامج الاخري و إذا كان عندك أي مشكلة من ناحيته في التصتيب ممكن أرفع بالمنتدي برنامج اسمه ميدي سوفت أستوديو و هو برنامج صغير و كنت باستعمله لغاية فترة قريبة و ليس له password or keygen تنزله و تشتغل على طول.

رمضان كريم

**حسن عبد العليم** · #9 12/08/2009, 23h40

ياريت يا كتور وزياده الخير

دكتور هوه فا بيمول هيه سي الطبيعيه ولا خلط وتبقي بردوا دوبيمول هوه سي اللي في الاوكتاف اللي قبلها

**الألآتى** · #10 13/08/2009, 01h19

اقتباس:

المشاركة الأصلية كتبت بواسطة حسن عبد العليم

ياريت يا كتور وزياده الخير

دكتور هوه فا بيمول هيه سي الطبيعيه ولا خلط وتبقي بردوا دوبيمول هوه سي اللي في الاوكتاف اللي قبلها

فيه لخبطة فى السؤال ياعم حسن ..

الفا بيمول هى المى الطبيعية وليست السى .. والدو بيمول هى السى الطبيعية ..

أعد صياغة السؤال ..