معقولة ياحبايب مافي أحد يعرف يعزف في المنتدى على القانون ...
الأساتذة المحترمين (الألآتي وعادل صموئيل) الله يعطيكم العافية أفيدوني في الطلب...
وتحياتي لكم..
اخى العزيز
انا قريت طلبك لكن انا عازف كمنجة وما افهمش فى القانون قوى لكن ممكن اديك فكرة على حد علمى والله اعلم طبعا
فى الألات الوترية عموما العود والكمنجة مثلا لو وتر مطلق يعطى نغمة رى مثلاً عندما تريد عزف نغمة مى فأنك تضع اصبعك الاول على مكان محدد فى اول الوتر فتاتى نغمة مى علمياً عن طريق تقصير وتر رى بمسافة محددة تعطى نغمة مى , ثم عندما تريد عزف نغمة فا فانك تضع اصبعك الثانى بعد مكان نغمة ( مى ) نتعلم من هذا ان الوتر مطلق يعطى نغمة رى وعندما نضع الأصبع الاول نكون قصرنا الوتر فيعطى نغمة مى ثم نضع الاصبع الثانى فنكون قصرنا الوتر بقدر اكثر يعطى نغنة فا وهكذا , إذن العملية عملية ترددات يعنى الوتر عندما يكون مطلقا يكون له تردد وعنما تقصره بأصبعك بمقدار محدد يعطيك تردد النغمة التالية وهكذا , طبعاً انا اطلت عليك ولكن لكى تتفهم القادم .
وعندما نأتى للقانون الفرق بينه وبين الكمنجة ان الكمنجة بها 4 اوتار ونعزف عليها جميع النغمات واكثر من ثلاث اوكتافات , وعلى ذلك تفهم ان وتر رى فى اكمنجة ممكن ان تعزف منه مى وفا وصول ولا وهكذا , اما القانون فيحتوى على عدد كبير من الأوتار ( الثلاثية يعنى كل وتر هو فى الحقيقة 3 اوتار تعطى نغمة واحدة ) فانت لو أتيت إلى وتر فى القانون فهمو عندما تنزل كل العرب ( يعنى تلغى عملها ) الوتر يعطيك نغمة رى مثلا وعندما ترفع اول عربة جهة اليسار هنا انت قصرت طول الوتر بمقدار ربع تون يعنى تكون النغمة التى تحصل عليها هى رى نصف دييز ( او مى نصف بيمول ) واذا اردت نغمة رى دييز او ( مى بيمول ) ترفع اعربة الثانية وهكذا ولكن المفروض ان تتعلم اولا النغمات الموسيقية والنغمات المعادلة له وان تتعلم المقامات ( وهذا اهم و؟اخطر شىء فى القانون بالذات )
لأنك ان اردت ان تعزف بياتى المفروض قبل العزف ان تجهز القانون ليعزف بياتى يعنى ترفع العرب التى تجعل مى نصف بيمول وسى بيمول , وغن تغير مقام الجملة التالية الى كرد مثلا تكون جاهز بأقصى سرعة لترفع او تنزل العربة الى تجعل القانون جاهزا ليعزف الجملة التالية وهكذا , طبعا العملية فى اولها صعبة وتحتاج دراسة وتدريب ولكن بالتدريب والدراسة كل عازفى القانون يحولون تلك التحويلات وهم مغمضى الأعين , اتمنى ان تصل اليك المعلومة ( المتواضعة ) ولكن على الأقل اعطيك فكرة عن العملية اصلا مع اطيب تحياتى
وللعلم انا لم اتأخر عليك فى الرد ولكن انتظرت ان يرد احد عازفى القانون لكنك توجهت الى شخصى المتواضع وانا احاول ان اقدم لك المعلومات التى اعرفها
انا اسمي منه وانا بعزف قانون هقؤلك العرب ازاي تتعامل معها ببساطة جنب كل نغمة على القانون فيه 4 عرب
مثلا نغمة ( لا ) لو العرب اللى جنبها كلها مرفوعة تبقى نغمة لا دييز لو نزلت اول عربة اللى من بره تبقى نغمة لا نص دييز ولو نزلت كمان العربة اللى بعدها تبقى نغمة لا بيكار ولو نزلت اللى بعدها تبقى لا نص بيمول ولو نزلت اللى بعدها تبقى لا بيمول
الطريقة دي تمشي على كل النغمات ماعدا نغمة سى لان نغمى سي بيكار بتكون كل العرف مرفوعة فيها ولو نزلت اول عربة تبقى نغمة سى نص بيمول ولو نزلت العربة التانيه تبقى سي بيمول
أستاذ عادل .... أبو حسام
أنا أعزف جيدا علي الاورج والبيانو
وأنا صغيره كنت أعزف الاكسيليفون.
فهل تعلم آله القانون سوف يكون سهل عليّ ؟
وشكرا لكم.
الأخت العزيزة سومة
مرحبا بكى فى هذا القسم
ممكن اكلمك بصفتين اولا لأنى اصلا مدرس موسيقى والصفة الثانية بصفتك كلثومية
اولا بصفتى مدرس موسيقى اصلا ان اى خلفية موسيقية تكون افضل من عدم وجود خلفية يعنى انتى قلتى انك بتعزفى اورج وبيانو وده يمثل نصف المقدار المطلوب لو حبيتى تتعلمى القانون انهارده لأنك بتكونى متعرفة على بدائيات كتير فى الموسيقى وافضل 100 مرة من من يؤيد التعلم من الصفر , وآلة القانون زى ما قال اخى العزيز محمد الآلاتى ان كل وتر فى القنون يمثل نغمة يعنى 7 اوتار تمثل دو رى مى فاصول لاسى ومن الوتر الثامن يبدأ الأوكتاف الاعلى او الاحد , يعنى لو اخدتى الوتر دو مثلا والعرب النحاسية الموجودة ثمثل علامات التحويل يعنى الدييز والبيمول والربع تون قد يتهيألك ان العملية صعبة فى الاول لكن اللى بيعزفوا قانون بيعملوها وهم مغمضين
واقول لك على سر انا خريج قديم من كلية التربية الموسيقية فى الزمالك كان زملائى 95% منهم بيدخلوا الكلية وهم عمرهم ماعزفوا قبل كده على اى آلة موسيقية وبيبتدوا يتعلموها فى الكلية والملحوظ واللى انا شفته بنفسى 100 مرة ان اللى بيتعلموا القانون على آخر السنة الدراسية الأولى بيعزفوا حلو جدا وبيفتحوا ويقفلوا العرب النحاسية بطلاقة
يعنى بالمصرى حاجة تشرح القلب بعكس اللى بيتعلموا فى الكلية كمنجة تلاقيهم بيدبحوا فراخ لحد مايتخرجوا
بس اهم شىء لو الواحد بيحب الآلة او يبقى مشتاق يتعلمها دى بالذات بتعمل شغل جامد فى وقت قليل , وبصفتى خبير كمان حقول لك على اهم شىء لو اتعلمتى القانون وابتديتى تعزفى فيه ميزة خطيرة حاتطلع منك ان كل جملة عزفتيها على الأورج او البيانو حاتلاقى نفسك بتعزفيها على القانون وده لعلمك شعور نفسى خطير جدا يعنى ممكن يرفع مستواكى فى العزف على القانون 100 مرة فى وقت قليل , وبصفتك كلثومية عايزك لما تسمعى ام كلثوم
تركزى اكتر مع عازف القانون الرائع محمد عبده صالح وشوفى الإبداع اللى كان بيعمله ( ولعلمك انا كخبير فى علم النفس طالما انتى كلثومية اكيد محمد عبده صالح هو اللى خلاكى تحبى القانون ) زى ما انا احمد الحفناوى خلانى احب الكمنجة
آسف طولت عليكى بس اعتقد حاتستفيدى من كلامى وربنا يوفقك وانا تحت امرك فى اى استفسارات اخرى مع اطيب تمنياتى وانشاء الله منتظرينك فى قسم العمبدعون نسمع منك شوية عزف على القانون عشان تبقى اول عازفة قانون فيه