* : من مقام : نهاوند و فروعه (الكاتـب : كمنوسو - آخر مشاركة : حماد مزيد - - الوقت: 20h19 - التاريخ: 24/06/2019)           »          أحمد أبو خليل القباني (الكاتـب : Ossama Elkaffash - آخر مشاركة : نور عسكر - - الوقت: 19h06 - التاريخ: 24/06/2019)           »          مرضى محمد - الاسكندرية (الكاتـب : محمد على سيف - - الوقت: 18h56 - التاريخ: 24/06/2019)           »          عبد الحي حلمي - اسطوانات مضبوطه (الكاتـب : tarab - - الوقت: 18h55 - التاريخ: 24/06/2019)           »          محمد عبد الوهاب (نوتة) (الكاتـب : سماعي - آخر مشاركة : qusay.qq - - الوقت: 18h42 - التاريخ: 24/06/2019)           »          جلال فكرى (الكاتـب : hossamabousalem - آخر مشاركة : نور عسكر - - الوقت: 18h41 - التاريخ: 24/06/2019)           »          المجموعة (الكاتـب : السيد المشاعلى - آخر مشاركة : نور عسكر - - الوقت: 18h30 - التاريخ: 24/06/2019)           »          محمد القصبجي - حصر لأهم أعماله (الكاتـب : احمد الديب - آخر مشاركة : فارس العلي - - الوقت: 15h05 - التاريخ: 24/06/2019)           »          سلام قدري (الكاتـب : abuaseem - - الوقت: 09h06 - التاريخ: 24/06/2019)           »          الشّيخ محمّد سليم (الكاتـب : د أنس البن - آخر مشاركة : هادي العمارتلي - - الوقت: 08h46 - التاريخ: 24/06/2019)

العودة   منتدى سماعي للطرب العربي الأصيل > أصحاب الريادة والأعلام > سيد درويش > الالحان المسرحيه للسيد درويش

الالحان المسرحيه للسيد درويش الالحان المسرحيه حسب الترتيب الزمني

موضوع مغلق
 
أدوات الموضوع طرق مشاهدة الموضوع
  #1  
قديم 06/11/2005, 14h48
الصورة الرمزية الباشا
الباشا الباشا غير متصل  
مواطن من سماعي
رقم العضوية:9
 
تاريخ التسجيل: octobre 2005
الجنسية: مصرية
الإقامة: مصر
العمر: 63
المشاركات: 529
افتراضي أوبريت العشره الطيبه ـ 1920

العشرة الطيبة

الحان فنان الشعب الموسيقار : سيد درويش
تأليف : محمد تيمور / إخراج : السيد بدير
التوزيع الموسيقى الأستاذ : عبد الحليم على

تأليف الأغانى الأستاذ / بديع خيرى

غناء : كارم محمود / شهر زاد / أحلام
سيد إسماعيل / صلاح عبد الحميد
سيد مصطفى / جمال الدين محمد

تمثيل : صلاح منصور / كريمة مختار / وداد حمدى
عبد الوارث عسر / سراج منير

بالإشتراك مع الممثلين الكبيرين
حسين رياض وعباس فارس

mp3تم تحويل الملفات الى صيغة
ورفعت 482 مره قبل التغيير


الملفات المرفقة
نوع الملف: mp3 العشرة الطيبة-1 س.mp3‏ (5.97 ميجابايت, المشاهدات 435)
نوع الملف: mp3 العشرة الطيبة-2 س.mp3‏ (7.25 ميجابايت, المشاهدات 312)

التعديل الأخير تم بواسطة : د أنس البن بتاريخ 04/01/2010 الساعة 15h14
  #2  
قديم 21/02/2006, 10h16
الصورة الرمزية سيادة الرئيس
سيادة الرئيس سيادة الرئيس غير متصل  
مشرفدار
رقم العضوية:11
 
تاريخ التسجيل: octobre 2005
الجنسية: المصرية
الإقامة: مصر - الإمارات
المشاركات: 1,720
افتراضي نسخة ممتازة لألحان : العشرة الطيبة

أشعار
بديع خيري

غناء
كارم محمود
أحلام
شهرزاد
سيد إسماعيل
صلاح عبد الحميد
سيد مصطفى
جمال الدين محمد

التوزيع الموسيقي
عبد الحليم علي

بترتيب العمل

1
المقدمة

2
واحدويه

3
ديالوج على قد الليل ما يطوّل

4
يقطع فلان على عِـلّان

5
الأمر أمر الأغاباشي

6
و الله طيّب يا زمان الخّلطَبيت

7
آن الأوان

8
يا لّي تصلّي ع النّبي

9
يا حلا لك يا بلا لك

10
عشان ما نعلى

11
هوه بعينه و بمناخيره

12
يحميكِ يا شابّه لشبابك

13
يا مرحبا بك

14
إتمخّطري يا عروسه

15
إحنا الغجر وانتو الحكام

16
لحن الختام

الزمن الكامل : 51:34
الملفات المرفقة
نوع الملف: mp3 01 المقدمة.mp3‏ (151.8 كيلوبايت, المشاهدات 335)
نوع الملف: mp3 02 قوموا يا مصريين.mp3‏ (609.2 كيلوبايت, المشاهدات 348)
نوع الملف: mp3 03 على قد الليل ما يطول.mp3‏ (1.08 ميجابايت, المشاهدات 378)
نوع الملف: mp3 04 يقطع فلان على عِـلّان.mp3‏ (222.1 كيلوبايت, المشاهدات 294)
نوع الملف: mp3 05 الأمر أمر الأغا.mp3‏ (847.0 كيلوبايت, المشاهدات 312)
نوع الملف: mp3 06 و الله طيّب يا زمان الخّلطَبيت.mp3‏ (366.6 كيلوبايت, المشاهدات 271)
نوع الملف: mp3 07 آن الأوان.mp3‏ (583.8 كيلوبايت, المشاهدات 253)
نوع الملف: mp3 08 يا لّي تصلّي ع النّبي.mp3‏ (158.1 كيلوبايت, المشاهدات 230)
نوع الملف: mp3 09 يا حلا لك يا بلا لك.mp3‏ (577.6 كيلوبايت, المشاهدات 246)
نوع الملف: mp3 10 عشان ما نعلى.mp3‏ (418.5 كيلوبايت, المشاهدات 335)
نوع الملف: mp3 11 هوه بعينه و بمناخيره.mp3‏ (300.3 كيلوبايت, المشاهدات 292)
نوع الملف: mp3 12 يحميكِ يا شابّه.mp3‏ (1.05 ميجابايت, المشاهدات 241)
نوع الملف: mp3 13 يا مرحبه بك.mp3‏ (488.7 كيلوبايت, المشاهدات 307)
نوع الملف: mp3 14 إتمخّطري يا عروسه.mp3‏ (1.27 ميجابايت, المشاهدات 299)
نوع الملف: mp3 15 إحنا الغجر.mp3‏ (577.3 كيلوبايت, المشاهدات 257)
نوع الملف: mp3 16 لحن الختام.mp3‏ (321.9 كيلوبايت, المشاهدات 229)
__________________
دَعْ عَنكَ تَعنيفي و ذقْ طعمَ الهوَى
فــإذا عَشِـقـتَ فبَـعـدَ ذلــكَ عَـنـِّـفِ
  #3  
قديم 04/03/2006, 10h59
الصورة الرمزية cooldoctor
cooldoctor cooldoctor غير متصل  
مواطن من سماعي
رقم العضوية:83
 
تاريخ التسجيل: novembre 2005
الجنسية: مصرية
الإقامة: أفغانستان
العمر: 42
المشاركات: 202
Thumbs up كلمات العشره الطيبه

ملخص لمضمون أوبريت العشرة الطيبة
كان محمد تيمور مؤلف الرواية من المؤمنين بتسخير المسرح لخدمة الأغراض الإجتماعية. ورواية العشرة الطيبة تُظهر النقد الإجتماعي والأخلاقي وإن استتر النقد فيها وراء أقنعة من الرمزية فرضتها الظروف السياسية في هذا الوقت كما ساعدت الكوميديا والموسيقى على هذه الثورية
لجأ المؤلف إلى الرمز واختار لروايته موضوعا خرافيا أجرى أحداثه في عصر المماليك. وتبلغ السخرية بنظام الحكم منتهاها، ويصل نقده اللاذع إلى قمته في مشهد اجتماع الوالي بمجلس وزرائه. فقد أصيب رئيس الوزراء بمغص داخلي في الأمعاء، والوكيل أصيب بصداع داخلي في المخ، وهكذا يجيب رئيس الوزراء على الوالي عند سؤاله عن الوزارة بقوله: أصيبت بخلل داخلي في جميع أجزائها.
ويقدم كل وزير تقريرا عجيبا عن سير العمل، كان أروعها تقرير وزير العدلية حيث يقول:
أخبار العدلية يامولاي كثيرة جدا، أولها اصدار قرار بحبس المتهمين قبل محاكمتهم، وثانيا إلغاء لفظ محامي من جدول القضاء، وثالثها اصدار قرار بأن يكون القاضي أخرس أطرش مكسح أعمى.
ومن الشخصيات التي تمثل الشعب المصري حزنبل الكيماوي الذي يجاهد ليصنع معجزة ويحول النحاس إلى ذهب، وهو ثائر على سيده المملوك التركي رغم خضوعه الظاهري له ويخالف أوامره، فلا يقتل زوجاته الخمس، إنما يحتفظ بهن أحياء ويخفيهن إلى الوقت المناسب، موضحا بهذا أن هذه العملية معجزة أكبر من تحويل النحاس إلى ذهب.
وهذا الوصولي حسن عرنوس لا يكف عن السخرية من الوالي، وهو يلاينه ويخادعه ليسيطر عليه، وعلى كل مقدرات الدوله، ولا يدع فرصة تمر دون أن يسخر منه ومن حمص أخضر مدعيا أنه واقع تحت نوبة عصبية، وهو الآخر يعصى أوامر سيده ويبقي على حياة خمس رجال أمره الوالي بإعدامهم ويخفيهم إلى أن تحين الساعة الحاسمة.
إن الزوجات الخمسة والرجال الخمس (العشرة الطيبة) يرمز بهم المؤلف إلى الشعب المصري المغلوب على أمره، حين أصدر الحكام أمرهم بإعدامهم ولكن بعض المخلصين من أبناء الشعب أبقوا على حياتهم، والذين مالبثوا أن يخرجوا من مخبئهم ليفرضوا ارادتهم على الحكام، ويعلنوا أنهم لن يموتوا بل سيعيشون وينتصرون. والزواج الجماعي الذي ختمت به الرواية بين هؤلاء العشرة أقوى رمز على الحياة والإنتصار الذي يتنبأ به المؤلف للشعب.
قدمت هذا الأوبريت فرقتي نجيب الريحاني في مارس 1920 تلتها فرقة سيد درويش وعمر وصفي
لحنها سيد درويش وكتبها محمحد تيمور واشترك في كتابتها بديع خيري الذي كتب أيضا كلمات أغانيها
الرواية تتكون من 4 فصول و16 لحن وهي بالترتيب:

واحدوه .. جدامي ورا مني
ديالوج على قد الليل مايطول
مونولوج يقطع فلان على علان
الأمر أمر الأغاباشي
والله طيب يازمان الخلطبيط
ديالوج آن الأوان ياحلوة آن
ياللي تصلي ع النبي تكسب
ياحلالك يابلالك بيها
عشان مانعلا ونعلا - لحن المنافقين
ديالوج هو بعينه وبمناخيره
يحميكي ياشابة لشبابك
طقطوقة يامرحبا بك
اتمخطري ياعروسة واتهني
احنا الغجر وانتو الحكام
الليلة ياماكتر عرسانها
ليه متحيرين نزهة لسيف الدين - للأسف لم أستطع التوصل لهذا اللحن ويبدو أن المجموعة التي سجلت هذا الأوبريت أغفلته


اللحن الأول من أوبريت العشرة الطيبة
فلاح: (مغنيا)
واحد ويه
بنت: (تقدم صويحباتها حاملين بلاليص)
جدمي ورا مني
فلاح: اتنين ويه
بنات: هيلاليصه هيلاليصه
فلاح: تلاته ويه
بنات: عوافي يابوحفني
فلاح: يعافيكي ياخالتي نفيسة
(يسمع صوت ست الدار قادمة ووراءها غنم وصبي وكلب)
غنم: ماء ماء ماء (صوت غنم)
ست الدار: وله يابخاتي
فتح عينك على غنماتي
صبي: أهم مفتوحين
فلاح: أربعه ويه
ست الدار: شوف كام نعجه
صبي: ديهدي راحو فين البقيه
ست الدار: طول ماهو ورا خالتك الحاجة
ماميش أغا وقعتها طين
هات ياعزايم هات ياكرايم
المجموعة: أتاري بهايم عبد الدايم راحوا رشوه رخرين
فلاح: خمسة ويه
بنت: هي هي هئ
فلاح: ياخرابي
بنت: يوه حاتزحلق
فلاح: ياه ياه ياه
أنا سقت عليكو سيدي الإنبابي بلاش الآي والإيه والآه
فلاحين: (يدخلون حاملين أدوات زراعية).
مقاش فاضل نعزق واصل غير قيراطين من جبلي الفاصل
حدا وابور الطحين
فلاح: (ينتهي من شغله في الشادوف)
الحد لله وخلصنا
بنات: أقعد بالعافية .. ماشيين
فلاح: وانت مع السلامة ياحسنه يالا ياحته من المصارين
ست الدار: فوت بينا غادي من اليمه دي
(صوت كلب) يافيدو...
كلب: هوو هووو
ست الدار: حود ع اليمين
المزارعين: انضر يابوي النجف الأصلي
النبي أحسن ع النساوين
دي الفلاحة من دولا بميه
من الكخيات المتنفخين
قال يتغالبوا عما يعايبوا
عشان موش متهندمين ولا هماش عارفين
هو تلفنا وخلانا شفنا
غلب الغلب غير التمدين فوقوا يامصريين
فوقوا يامصريين فوقوا يامصريين

سيف الدين: على قد الليل ما يطول
مسترضي بسهري ونوحي
في حبك ياللي من أول
ما شوفك تترد روحي
سنين وأيام دايب فيكي
بزمارتي أصحيكي
طول مانا وأنتِ في الدنيا دي
أفوت أهلي وأجدادي
حاروح على فين وأنت قصادي
نزهة: تطل من النافذة
اه يا ترى يا ربي داهوه والا لأ حبوبي
سيف الدين: يا عين الحبوب من جوه
يا سبب وعدي ومكتوبي
ياكتاكيتها
نزهة: ياننوسه
سيف الدين: ياقطاقيطها
نزهة: ياحنتوسه
سيف الدين: أنا م النجمة في استنظارك
نزهة : أديني نازله
سيف الدين: أما نهارك أبيض من طبق القشطة
نزهة: تنزل وتلتفت يمين وشمال
اوعى يكون حد شايف طيفي
سيف الدين: حطي ف بطنك بطيخة صيفي
مهجتي ف إيديكي أنا ف عرضك
خليها يا روحي أمانة عندك
نزهة: يوه يادين النبي تنك سارح
مش كنت معاك ليلة امبارح
سيف الدين: ماتفكرنيش .. أما دي حقه كانت ليلة في غاية الرقة
نزهة: فاكر وأنا حاطه إيديه في باطاتك قبلي الترعه
على غفلة وملت عليه ماقدرتش أقوللك اوعى
سيف الدين: قمت أنا بصيت يمين وشمال
ساعة ما لقيت ما فيش عزال طبل طبلي وزمر زمري
وشقلي بقلي وعنها ودوغري ورحت أنا قاطف لك فله
نزهة: من يومها عرفت الآخر إنك مستعبط ساهي
أيش قوله المثل الساير ياما تحت الساهي دواهي
سيف الدين: آه عليها عيون ما تلتقيهاش
على منادمين يا كده يا بلاش
نزهة: عليه مناخير فشر النبقة
سيف الدين: أما قوامها زيه ماتلقى
دنا متبرجل يا حدقة
يا كتاكيتها يا حلاوتها
يا قطاقيطها يا لطافتها
قربي لي يانور هنيه قربي لي يانور عينيه
مهجتي ف إيديكي أنا ف عرضك
خليها يا روحي أمانة عندك
نزهة: يوه يادين النبي تنك سارح
مش كنت معاك ليلة امبارح
سيف الدين: ماتفكرنيش
الجميع: أما دي حقه كانت ليلة في غاية الرقة

اللحن الثالث من أوبريت العشرة الطيبة
ست الدار: يقطع فلان على علان دي الناس بقت مالهاش أمان
أصحاب الشوم وحبايب اللوم ستين خناقة ياخواتي في اليوم
لو كنت م اللي بالك فيهم اللي عصاية تجريهم
ماكانوش يموتوا في جلدهم ويحاسبوا مني كلهم
إن كان صغار ولا كبار يشوفوني يجروا بالمشوار
حتة لسان فشر التعبان
في الردح قوة ألف حصان
ضرب وتلطيش غيره ماعنديش
اللي له بخت مايعرفنيش
ماحد ياخواتي غلبني على الشناكل لعبني
غير مذهب الكلب داهوه اللي ملقح هنا هوه
دايبه ف هواه قال مش عاجباه
وحياة داهو لاموريَّاه

اللحن الرابع من أوبريت العشرة الطيبة
بنات: الأمر أمر الأغاباشي اللي يقوله علينا ماشي
أدي احنا جينا ولا سبناشي صبية مليحة ماجبناهاشي
حزنبل: (في الوسط)
يازعيط يامعيك يابوكبير
ياأم ياأم بكير فيكم من كتم السر
الجميع: (بصوت خافت) في بير
حزنبل: (بصوت مرتفع) خير في سلامة
الجميع: (بصوت خافت) وسلامة ف خير
حزنبل: بقا سعادتلو مهابتلو مملوكاتلو .. تعظيماتلو
أبصر مدرك إيه هاتلوا وهكذا إلى آخر هاتلوا
الجميع: الله يديم عزه ويتأيد ويوعده بزيارة السيد
ونفرح له بألف وليد م الخلفة ونرقص ونعيد
حزنبل: سيدكو وتاج راسكو الأبجر نسل حلنبوحة الأكبر
سنجق مماليك البندر حاجي بابا حمص أخضر
المتعه الهايله عشانه إنه يغرق لودانه
ليل ونهار مع نسوانه فشر النمرود في زمانه
الجميع: راح يبقى أحسن من ده توصل دي الناس مقامات ياأغا حزنبل
بنات: إن كان يمدغنا نستحمل مانقولش بم .. قول .. اتفضل
حزنبل: فبناء ع الحلبقة عايز شابة خفه
حانقيها من الطايفه ونجي لكو ياخدها بزفه
كل بنية بنت بنوت تدي اسمها بالمظبوط
للباشكاتب عم هاروت توت .. حاوي .. توت
الجميع: توت حاوي توت توت حاوي توت
حزنبل: يالا ياوظاويظ ملوه على الأسامي
كاتب: إنتِ مين
بنت 1: عيشة
بنت 2: فاطمه
بنت 3: خضره
كاتب: ديهدي هو ليه عشر إيدين
بنت: يحمي عمرك
كاتب: طب تعالي
بنت: زهرة بنت الشيخ حسين
كاتب: زهرة زهرورة زهرهر واسم والدها حسين
ساكنة فين
بنت: في القيسارية
كاتب: آه ياريتنا موعودين
لو يسيبها حاج بابا كنت أكون م الفائزين
ست الدار: (منفردة)
إلا يعني فيها آه يابت جايسي
مافيهاش حاجة أهي مطرح ماترسي
أكتب اسمي ولا لأ .. لازم أكتب
المقايسه خير وبركه .. يامكتب
كاتب: هيه
ست: شك اسمي ويا دولا
كاتب: خرجوها
الجميع: مابقاش إلا دي روخرة يكتبوها
ست: بتقول إيه
كاتب: باقوللك امشي
ست: وأنت مالك
جاك مشش ينتش قفص عمك وخالك
بدي أعرف إيه وحش فيه أديني
وادي راسي وادي عيني وادي خشمي
ولا يعني ماليش جماعه بيعشقوني
ده بدال الواحد ميتين عم يلاغوني
هو كان على راسكو ريشة .. أما بلوى
ولا آدم ماهوش نافضني من أمي حوا
مادام الرك ع اللي تكون حليوة
قبل منكم وغصب عنكم .. إيوه .. إيوه

اللحن الخامس من أوبريت العشرة الطيبة
الجميع: والله طيب يازمان الخلطبيط الأصيل يبقو آخر الزمن طيط
واللي كانت هردبيسة وبزرميط طالعة ف العالي واحنا ف الغويط
حزنبل: ده بختك يابوبخيت الراعية بقالها صيت
ست الدار: اللي سعده روزبيت ماتهموش العفاريت
الجميع: اللي سعده روزبيت ماتهموش العفاريت
حسن: كله كوم إلا المشنه ديه كوم مسأله عاوزة نظر فوق اللزوم
اسمعوا ياهوه
الجميع: آدي احنا سامعانين
حسن: المشنه دي صاحبها الأصلي مين؟
الجميع: المشنه دي
حسن: صاحبها مين باقول
الجميع: دي بتاعة البت نزهة
حسن: مين في دول
الجميع: أي عشتها حداك
حسن: العشة دي؟؟؟
الجميع: أيوه هي .. إيش عجب يادلعدي
حسن: كلكم دلوقتي سكتر
الجميع: كلنا؟
حسن: أيوه كلكم ماتستنوش هنا
الجميع: كلنا ده إيه
حسن: غجر ماتسمعوش كلمتي..
الجميع: نسمعها
حسن: يالا ماتختشوش
الجميع: أما حتة فصل قال بيقول لنا
كلنا كلنا كلنا
حسن: أيوه يالا كلكم
الجميع: كلنا
حسن: كلكم
الجميع: يالا بينا كلنا
(يخرج للجميع ماعدا حسن ابن عرنوس)

اللحن السادس من أوبريت العشرة الطيبة
الجميع: آن الأوان ياحلوة آن
والسعد كان مستني يومك من زمان
سيف: اتمخطري واتغندري واتجعصي ف التختروان
الجميع: آن الأوان ياحلوة آن
والسعد كان مستني يومك من زمان
سيف: يانور العيون خايف يكون حاتسيبيني يازينة البنات
نزهة: بكرة تشوف جنيهات ألوف وادندشك بالنشانات
سيف: مهما أسوح ولا أنوح دانا أروح وراكي كردفان
اتمخطري واتغندري وانجعصي ف التختروان
الجميع: آن الأوان ياحلوة آن
والسعد كان مستني يوم من زمان
(هنا يظهر حاجي بابا في قوارب النيل ومعه رجاله .. فيرى نزهة وهي محمولة فيعجب بها. وتخرج نزهة مجماعتها ويدخل المعلم حزبنل وجمهور من الفلاحين والفلاحات).

اللحن السابع من أوبريت العشرة الطيبة
الجميع: ياللي تصلى ع النبي تكسب دا حاج بابا ف وسط الموكب
فشر قمر ليلة أربعتاشر
"تقف المركب وينزل حاجي بابا"
حاجي بابا: ناسسن نساء ناسسن رجال تشكرات على احتفال
زراعات .. مدارس حرام حلال
مافيش لزوم كلام كتير
دوشة هموم عسكر خفير
أهميات يوك موش أمان أمان أمان أمان
الجميع: حاج بابا شوك ياشا حاج بابا شوك ياشا

اللحن الثامن من أوبريت العشرة الطيبة
الجميع: ياحلالك يابلالك بيها ياحلالها يابلالها بيك
فرحة وكانت عينك فيها شوبش ياسيد المماليك
حاجي بابا: أم ماسن قيمقلي عفارم حتة نتفة شقلباظات
جان بوردانز هيدي بيرم هانم
الجميع: بيقولك سلامات سلامات
حاجي بابا: علم الله افندم فيه حرارات درجة ميه غرام ايلارى
صحة وارسن قوة وارسن لحم شحم حاجة طاظات
ست الدار: بكرة ألبس قفاطين شاهي ويروق لي حال الدنيا
وأخلي المضروب يتفلفل زي مافلفلني ابن الإيه
حاجي بابا: جانم خوشلار شروطات كلم اسمع تنبيهات
الجميع: جانم خوشلار شروطات كلم اسمع تنبيهات
حاجي بابا: طالع نازل خارج داخل لازم قدم احترامات
الجميع: طالع نازل خارج داخل لازم قدم احترامات
بنات: طاوعيه .. حتى إن قاللك ارمي نفسك في البحر أهو وافقيه
حزنبل: واقعدي له على قرافيصك ركبة ونص وبوسي رجليه
الجميع: بوسي رجليه
حاجي بابا: كون معوم في كل أهالي عسكر ظباط حاشية بلاط
زنبليطات أفراح وليالي حظ ملاح فنطاظيات
الجميع: زنبليطات أفراح وليالي حظ ملاح فنطاظيات
حاجي بابا: فنطاظيات فنطاظيات فنطاظيات فنطاظيات
الجميع: فنطاظيات فنطاظيات فنطاظيات فنطاظيات
حاجي بابا شوك ياشا حاجي بابا شوك ياشا
"يتقدم حاجي بابا إلى ست الدار ويرفعها فوق ذراعيها ويسير إلى الموكب في حين ينشد الأهالي"
ديهدي العز وديهدي الأمله عقبال مانشوف كل حبيب
سعد بلادنا هل هلاله نصر من الله وفتح قريب

اللحن التاسع من أوبريت العشرة الطيبة
عثمان: عشان مانعلا ونعلا ونعلا لازم نطاطي نطاطي نطاطي
الجميع: عشان مانعلا ونعلا ونعلا لازم نطاطي نطاطي نطاطي
بسلامته الوالي أبوزعيزع مهجص باشا دقن تعيتع
أفيونته تمللي قال إيه نترصص دايما حواليه
نروح واقفين زنهار زي القط والفار
نلقاه دايما منفوخ نفشر له طاخ طيخ طوخ
حسن: الرك على حبة بولوتيكه وذمة كاوتشوك خربانه
مادام الأمير ملته أنتيكه لازم الرعية تكون وحلانة
الجميع: الرك على حبة بولوتيكه وذمة كاوتشوك خربانه
مادام الأمير ملته أنتيكه لازم الرعية تكون وحلانة
حسن: حزر فزر ياواد أنت بعقلك بعد الحنشصة دي اللي أنت عليها
ياهلترى الدنيا دي حاتروق لك وتشوف ماشاف قراقوش فيها
الجميع: تعرفش المسأله إيه عرنوس متعفرت ليه؟
حسن: من حقه سلامات سلامات ايش حال القفوات
الجميع: محاسيبك
حسن: ياخي سيبك
الجميع: أول شرط نطاطي البصله لسيدنا الوالي ونستعبط له
حسن: مهما تسمعوا تهجيص اعملوا روحكم بلاليص
الجميع: مهما نسمع تهجيص نعمل روحنا بلاليص
بلاليص بلاليص بلاليص بلاليص بلاليص بلاليص
عشان مانعلا ونعلا ونعلا لازم نطاطي نطاطي نطاطي

اللحن العاشر من أوبريت العشرة الطيبة
نزهة: هو بعينه وبمناخيره هو بوشه وبشفاتيره
هو اللي أنا بالي فيه م الأول
مالحقتش أبص في وجناته وسمنت النص بغمزاته
سيف: صواميل رجليا سايبه مني
نزهة: وأنا عصافير قلبي بتغني
سيف: سبحانه ما احلى تعديله مافيش كده لما يعدلها
الجميع: اتلم سيف الدين ع اللي له واتلمت نزهة ع اللي لها
سيف: والله زمان يامهلبية
نزهة: من قلبي لقلبك دوريه
سيف: وحشتني عيونها العسلية
نزهة: وحشتني رموشه البصلية
الجميع: أهو دا المجور وادي الشاليه قرموط اتجوز بلطيه
أهو دا المجور وادي الشاليه قرموط اتجوز بلطيه
الليله الحنه ياعينيا
وبكرة تكون الصباحية

اللحن الحادي عشر من أوبريت العشرة الطيبة
الجميع: يحميكي ياشابة لشبابك ويبيض ياشايب شيبتك
تتهني به ويتهنى بك هيص ياجندي بدلوعتك
حسن: دستور ياللي ف وشه اخلوله
الجميع: حمص وعروسته باركوله
الوالي: هجاص خباص حاجي سنجق خمسة مره جوز طلق
الجميع: اللي قاله زمان حيعيده ويدش قديمه في جديده
الوالي: بيرم كلمني كلام لايق
حسن: هس سمع روقوا ياخلايق
حمص: محسوب منسوب حظرة والي فخر الدين باشا جناب عالي
الوالي: مرحب مرحب تشريف بلضم
حمص: كعكم .. كعكم .. كعكم .. كعكم
الجميع: بلضم .. بلضم .. بلضم .. بلضم
حمص: شفتو أفندم عروسه برنجي
والي: شفتو
حمص: شفتو أفندم عروسه أوكنجي
والي: شفتو
حمص: موش شفتو أفندم أوتشنجي
والي: شفتو
حمص: موش شفتو أفندم دور دنجي
والي: شفتو
حمص: ها .. دلوقت قدم بيشنجي
والي: جــــــوزال
ست الدار: بقى ده الوالي يوه يانداشة الخلقة دي خلقة باشا
الجميع: يافضيحتك مين كان يتصور حمصه ع الوالي بتتمسخر
والي: ان شاء الله جوازات صافيات دوب سوى سوى عرق العافيات
حمص: استفهام مخصوص من فضلك امتى رايح جوز بنتك
الوالي: طبلجي زمرجي هيصة جهاز نصف الليل يحصل فيه جواز
حمص: بقى يحصل فيه في نصف الليل
والي: ايفيت أفندم
حمص: نصف الليل
والي: إيفيت أفندم نصف الليل
حمص: (على حده)
حمدا لله شكرا لله وقت كافي علشان ارجع جوز بنت الوالي
الوالي: بوتشريفات كله خلاص سكتر برة أيا كل الناس
تعظيمات واجب تقديم حالا بوسوا يد كريم
حسن: تاتا ليف توتا واو توتا ييه يالا أمال ماتبوسوا ايديه
الجميع: يابو الريش انشالله تعيش وسنانك تغرس قراقيش
سيف: الحب يحلى ف نص الليل امتى بقى يقرب نص الليل
يانزهة الأرواح يابهجة الأفراح
السعد لاح ماحلى الصباح بعد الفرح بعد الفرح
في نص الليل
حسن: حضرة حمص أخضر أغا عروسه نمرة سته صاغا
ست الدار: هو دا سيف ولا عفريتته
سيف: ست الدار
ست الدار: أديني عرفته
الوالي: بعدين هانم يفضل والي إيده يستنى كده عالي
قدم هانم بوس يد كريم
الجميع: قدم هانم بوس يد كريم
ست الدار: ان كان ع البوس دانا أبوس وأبوس وأبوس وأبوس
(تتوجه ناحية سيف الدين)
الوالي: مهووس مهووس سكتر بره
الجميع: سكتر بره قدام والي فيه حد يبوس
ست الدار: جرى إيه ف عينيكم دي خدوده يحسدها الورد اللي ف عوده
سيف: اخص ياويلي ياسواد ليلي إيه بس مشعلق دي ف ديلي
ست الدار: والله باينها رايحه تبظرم على راسكو واخليه لكم ميتم
الجميع: يادم ياسم ياكبه تشيلك قصبه ف وشك حمى تجيلك
نزهة: ياخواتي ماتشهدوا ويايا عصفوري حاتخطفه حدايه
ست الدار: سامعينها ياهوه نازلة شتيمة ماخرجش واسيب دي سليمة
(تهجم على نزهة)
الوالي: كوكمش مجنون سكتر بره
الجميع: كوكمش مجنون سكتر بره (يخرجوها)
سيف: حملة وانزاحت ياسيد
الجميع: حملة وانزاحت يابدوي

اللحن الثاني عشر من أوبريت العشرة الطيبة


ستات: يامرحبابك ياكرحبابك آدي اللي نابنا وأدي اللي نابك
ست الدار: ماضاقت إلا وفرجها سيدك يارب نجينا م المهالك
ستات: يامرحبابك يامرحبابك آدي اللي نابنا وأدي اللي نابك
ست الدار: ايشبار علينا ياما خدعنا لولا حزنبل لكنا ضعنا
الجميع: ايدنا في إيدك طبل وزمر
لازم نكيدك ياحمص أخضر
ست الدار: دي العبودية ماخلص زمانها

الجميع: وادي لحرية حايئون أوانها


اللحن الثالث عشر من أوبريت العشرة الطيبة
الجميع: اتمخطري ياعروسة واتهني بعريسك سيد العرسان
ده بلبل الأفراح بيغني والسعد جانا أشكال وألوان
سيف: ياسمن بلدي يابلح أمهات يافل مجوز في البستان
ياللي عليكي تروح جنيهات بعد البعاد الوصل أهو آن
الجميع: اتمخطري ياعروسة واتهني بعريسك سيد العرسان
ده بلبل الأفراح بيغني والسعد جانا أشكال وألوان
نزهة: الرب عالم يوم مارأيتك إني على الهجران ماقدرشي
افرح وهيص واتهنى بعيدك دي ليلة الحظ ماتتعوضشي
الجميع: اتمخطري ياعروسة واتهني بعريسك سيد العرسان
ده بلبل الأفراح بيغني والسعد جانا أشكال وألوان
حجاب: حاجي بابا شوك ياشا حاجي بابا شوك ياشا
حاجي بابا: دور زنهار
الوالي: أسباب توقيف حال وأمور لازم انكر
حاجي بابا: دور زنهار
الوالي: أسباب توقيف حال وأمور لازم انكر
سيف: ياحاجي بابا حرام وحياة راسك وراس أمك وأبوك
المجموعة: انسى القديم واللي فات مات دا يوم فرحنا دا يوم مبروك
حاجي بابا: إيقاف أعمال تغيير أحوال خيبات آمال وغدر زمان
نرده أفكار اسمع أخبار ست الدار جنة مكان
الجميع: إهئ إهئ إهئ
ياخسارتك ياست الدار بعد العز أهو حظك طار
حاجي بابا: واليوم لازم جوز غيره جوز ابنة فخر الدين
الوالي: لكن أفندم بو موش لازم هذي زوجة سيف الدين
الجميع: هذي زوجة سيف الدين هذي زوجة سيف الدين
حاجي بابا: هيدى سكتر مكتر هلضم بلضم كرته بازافانج
حاشية: ها سنجق منجق سيفه محزق وبيضرب لنج
الوالي: اللي منكم اغلب تاني مش ملزوم سيبوا والي ف حاله
مافيش كاني مافيش ماني امسك بنته حلاله بلاله
سيف: أهو اللي راح يغلب راح ياخد ست البنات يتنعم بيها
تدلعه لما يكون رايق تسقيه من الجنة ويسقيها
الجميع: أهو اللي راح يغلب راح ياخد ست البنات يتنعم بيها
تدلعه لما يكون رايق تسقيه من الجنة ويسقيها
حاجي بابا: بظظ عينك ها ها ها كسر إيدك ها ها ها لخبط مخبط ثم كمان
سيف: وحياة عمك ها ها ها لاشرب دمك ها ها ها لازم أخليك زفتنيان
الجميع: أهو اللي راح يغلب راح ياخد ست البنات يتنعم بيها
تدلعه لما يكون رايق تسقيه من الجنة ويسقيها
حاجي بابا: هنكر منكر ها ها ها أول آخر ها ها ها كركبة مركبة مرقوعات
سيف: خد دي ف راسك ها ها ها ودي ف دماغك ها ها ها
حاجي بابا: طعنة خنجر ثم وفاه
الجميع: حاجي بابا شوك ياشا حاجي بابا شوك ياشا
أهو سيف الدين راحت أيامه والله خسارة ياسيف الدين
جلبهار: حظي انقضى ساعة القضا وآدي المقدر يامسلمين
الجميع: يالابنا ع الأوضة التانية نكتب كتابك ياحمص أخضر
الجميع: اتمخطري ياعروسة واتهني بعريسك سيد العرسان
ده بلبل الأفراح بيغني والسعد جانا أشكال وألوان

اللحن الرابع عشر من أوبريت العشرة الطيبة
الجوقة: احنا الغجر وانتو الحكام أفعالنا ج.ر.ش.ك.لام
الشر راح والحظ أهو دام هاتوا الكوؤس عيدوا الأيام
عشان ما نرقص ونغني
والي: بن والله أفكار يوك أفندم عاوز أسمع غنيوة منكم
غنيوة تم تم تم تم تم تم تا
تم تم تم تم تم تم تم تم تا
الجميع: تم تم تم تم تم تم تم تم تا
ست الدار: اسمع كده خليك فاكر إن الزمان مش هيدوملك
الدهر من طبعه غادر يكفي يابني آدم ظلمك
والي: بن والله أفكار يوك أفندم عاوز أسمع غنيوة منكم
غنيوة تم تم تم تم تم تم تا
تم تم تم تم تم تم تم تم تا
الجميع: تم تم تم تم تم تم تم تم تا
سيف: يكفى الغرور نضف قلبك حظك وعزك شيء زايل
دا اللي يشوف أيام مجدك بكرة يشوف دمعك سايل
لجوقة: احنا الغجر وانتو الحكام أفعالنا ج.ر.ش.ك.لام
الشر راح والحظ أهو دام هاتوا الكوؤس عيدوا الأيام
عشان ما نرقص ونغني

لحن الختام من أوبريت العشرة الطيبة
الجميع:
الليلة يامكتر عرسانها حدش له هوى في جوازة كمان
ده الحب يحلى ف نص الليل ظيطوا وغنوا ياعرسان
حسن: الكتكوتة الألاتركه
حزنبل: للشمروخ الخفافي
سيف: وأنا أموت فيكي ياسمبوسكة
جلبهار: كل دا عني ماهوش خافي
الجميع: حطي باطاطك في باطاطه واتركنوا ع الناحية دي
حسن: دلوقتي الدور على سي ميلص
حزنبل: وآدي عروسته الخلبوصة
حسن: يبقاش أحسن من دا عريس
حزنبل: ولا فيش أحسن من دي عروسة
الجميع: حطي باطاطك في باطاطه واتركنوا ع الناحية دي
حزنبل: وآدي أربعة
حسن: هاتهم بالمرة للكام نفر اللي فاضلين
الجميع: حطي باطاطكم في باطاطهم واتركنوا ع الناحية دي
حزنبل: أدي اللي فاضلة من البيعة
حسن: وأهو منابك ياسي جعلص
ست الدار: إخيه وميت إخيه وأنا مالي طلعت م المولد بلا حمص
حاجي بابا: أنا بوس راسك بوس رجلك معلش النوبة تعال لي
الجميع: الليلة يامكتر عرسانها يارب بارك ف العرسان

التعديل الأخير تم بواسطة : د أنس البن بتاريخ 12/05/2009 الساعة 15h24
  #4  
قديم 15/01/2008, 16h00
الصورة الرمزية د أنس البن
د أنس البن د أنس البن غير متصل  
نهـر العطاء
رقم العضوية:688
 
تاريخ التسجيل: mars 2006
الجنسية: مصرية
الإقامة: مصر
المشاركات: 8,297
افتراضي مسرحيات سيد درويش ـ نصوص وأفيشات

رواية العشره الطيبه
1920
تقديم فرقة نجيب الريحانى ثم فرقة سيد درويش وعمر وصفي
تأليف : محمد تيمور
تأليف الأغاني : بديع خيرى
الشخصيات
الوالي : فخر الدين ابو زعيزع
المملوك الحاكم القوي حاجي بابا حمص اخضر
وزير البلاط : حسن عرنوس أمين سر الوالي
حزنبل : الكيماوي أمين سر المملوك وياوره
سيف الدين راعي الغنم : فلاح محب لنزهة
نزهه : فلاحة محبة لسيف الدين
ست الدار : راعية الغنم تحب سيف الدين من جانب واحد
الباشكاتب : عم هاروت
فلاح يدير الطنبور – فلاحين – فلاحات - زوجة الوالي
وصيفات بقصر الوالي - الزوجات السابقات لحاجي بابا حمص اخضر وعددهن أربع
الرجال الذين شك الوالي في علاقتهم بزوجته وعددهم أربعه.

ألحان الأوبريت
على أد الليل ما يطول
واحده واه
الأمر امر الغاباشى
يقطع فلان على علان
آن الأوان
والله طيب يا زمان الخلطبيط
يا حلالك يا بلالك
يا للى تصلى عا النبى تكسب
هو بعينه
علشان ما نعلا ونعلا
يا مرحبا بك يا مرحبا بك
يحميكى يا شابه لشبابك
إحنا الغجر وانتوا الحكام
إتمخطرى يا عروسه واتهنى
الليله يا مكتر عرسانها
__________________
إذا ما الطائر الصداح قد هدهده اللحن
ورفت نسمة الفجر على أشجانه تحنو
هناك السحر والأحلام والألحان والفن
نجيب سرور
  #5  
قديم 02/06/2008, 08h37
الصورة الرمزية صلاح السويفي
صلاح السويفي صلاح السويفي غير متصل  
مواطن من سماعي
رقم العضوية:38061
 
تاريخ التسجيل: juin 2007
الجنسية: مصـري - مغربي
الإقامة: مصر ولي روح بالمغرب
العمر: 73
المشاركات: 582
افتراضي رد: أفيشات مسرحيات سيد درويش

الصور المرفقة
نوع الملف: jpg العشرة الطيبة.jpg‏ (31.8 كيلوبايت, المشاهدات 844)
__________________
مع تحــــــيات
صلاح الســويفي

"يا ايتها النفس المطمئنه ارجعي الي ربك راضية مرضية فادخلي في عبادي وادخلي جنتي."
(إن نظرت من الدنيا إلى حسن منذ غبتِ زوجتي عني فلا مُتعتُ بالنظر)

التعديل الأخير تم بواسطة : د أنس البن بتاريخ 17/05/2009 الساعة 20h50
  #6  
قديم 17/09/2016, 14h57
الصورة الرمزية د. ماهر(أبو خالد)
د. ماهر(أبو خالد) د. ماهر(أبو خالد) غير متصل  
مواطن من سماعي
رقم العضوية:497648
 
تاريخ التسجيل: février 2010
الجنسية: سورية
الإقامة: دمشق
العمر: 56
المشاركات: 1,342
افتراضي رد: فى يوم .. فى شهر .. فى سنة

بجودة برنامج في يوم في شهر في سنه للأستاذ ابراهيم حفني الحلقة 18 بتاريخ 16-9-2016 مع الشكر للدكتور حسن لرفعة الحلقة على سيرفر سماعي
الصورة المسرحية العشرة الطيبة بديع خيرى سيد درويش فاطمة على , سيد مصطفى و محمد البحر سُجلت يوم 16-9-1951
ملاحظة أضع هذه المشاركة هنا لكون الموضوع مغلق
http://www.sama3y.net/forum/showthread.php?t=37301
الملفات المرفقة
نوع الملف: mp3 الصورة المسرحية العشرة الطيبة .mp3‏ (13.54 ميجابايت, المشاهدات 66)
__________________
اى دل ز غبار جسم اگر باك شوى----- تو روح مجردى بر افلاك شوى
عرش است نشـيمن تو شرمت بادا- -----كآيـــــى ومقيم خطه خاك شوى
أيها النفس لو تنفضي عنك غبار الجسم -----أضحى فوق الســـــــــما لك مأوى
لك عرش فوق الســـــــــــــــــما فعيب------أن تجيئي وترتضي الأرض مثوى

عمر الخيام
  #7  
قديم 17/09/2016, 18h52
الصورة الرمزية نور عسكر
نور عسكر نور عسكر غير متصل  
طاقـم الإشـراف
رقم العضوية:348516
 
تاريخ التسجيل: décembre 2008
الجنسية: @
الإقامة: @
المشاركات: 8,780
افتراضي رد: فى يوم .. فى شهر .. فى سنة

اقتباس:
المشاركة الأصلية كتبت بواسطة د. ماهر(أبو خالد) مشاهدة المشاركة
بجودة برنامج في يوم في شهر في سنه للأستاذ ابراهيم حفني الحلقة 18 بتاريخ 16-9-2016 مع الشكر للدكتور حسن لرفعة الحلقة على سيرفر سماعي

الصورة المسرحية العشرة الطيبة بديع خيرى سيد درويش فاطمة على , سيد مصطفى و محمد البحر سُجلت يوم 16-9-1951
ملاحظة أضع هذه المشاركة هنا لكون الموضوع مغلق

http://www.sama3y.net/forum/showthread.php?t=37301
تحية طيبة ولجهود الأعزاء جميعاً
تم نقل المشاركة مع الملف الإذاعي
( الصورة المسرحية - العشرة الطيبة ) والمسجل في 16-9-1951م
مع التقدير
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 09h34.


 
Powered by vBulletin - Copyright © 2000 - 2010, Jelsoft Enterprises Ltd