(حد تاني )
كنت فاكرك ليا فرحة
في دنيا جارحة ..... هتداويني
من جراح الدنيا فيا
وتبقى بسمه فوق شفايفي
وتبقى ضحكة ... تبان في عيني
كنت فاكر اني وياك دمعتي تفارق عنيا
كنت فاكر هبتدي بيك دنيتي وأنسى اللي فيا
كنت فاكر إني لما أحتاج لحبك ولحنانك
قبل ما احتاجلك حبيب هتحس بيا
بس يا خساره اللي انا اتمنيته فيك
واللي ياما حلمت أشوفه وأعيشه بيك
فجأه ضاع من بين ايديا
والتقيت حزن في عنيا
وجرحي زاد فوق اللي بيا
وكل احلامي انتهت غدر بإيديك .
كنت فاكرك جاي بعد غياب
تعوض قلب داب حرمان .حنان
كنت فاكرك جاي تخطف حزني
خوفي تبدله ... بأحساس أمان
كنت فاكرك حد غيرك
كنت فاكرك حد تاني
حد قلبه كبير و طيب
مش اناني
كنت فاكرك
بعدحزني .
بعد جرحي
هتبقى أخرة صبري . وهدية زماني
كنت مخدوع لما شفتك
ولما عشت معاك عرفتك
شفت صوره هي صورتك
بس مش هي اللي مرسومه في خيالي
عرفت انك مش حبيبي
عرفت انك حد تاني
علي الهلالي
حد تاني
العرض الشجري