مش ها أقتل أخويا - أ. سعد الشرقاوي

**Hisham Khala** · #1 07/07/2013, 23h44

مش ها أقتل أخويا
كلمات الأستاذ سعد الشرقاوي
موسيقي د. هشام خلف

أغنية..
مش ح أقتل أخويا ....

مُش ح اقتل اخويا ولا ف مرّة
تروح إيدى عليه
ولا ح اسمح أبدا بالمرّة
لواحد يأزيه
دى بلادنا وبنحافظوا عليها .. الله الله
وبنحمي حدودها وأراضيها .. الله الله
عايزين نسعدها ونرضيها
بتعاندوا ف إيه
,,,
مش ح اقتل اخويا إلعب غيرها
ياسعادة البيه
روح شوفلك واحد مش مصرى
عشان تلعب بيه
دا شـْريكي ف وطني وطول عمره .. الله الله
وأنا عامله كبيري وطوع أمره .. الله الله
والروح بتهون علشان خاطرُه
وعشان أحميه
,,,
مش ح اقتل اخويا عشان كرسي
ولا حبّة مال
قوم فـُضّها سيرة ابعد عنيّ
بلا لعب عيال
كان يوم ما عبرنا ايده ف ايدى .. الله الله
كان دمّه بيسْرح فى وريدى .. الله الله
لا انا عبدك ولا ح تكون سيدي
تكـْريني عليه
,,,
مش ح اقتل اخويا وانا وهوّ
ح نبني الاوطان
ويجينا الخير برّه وجوّه
والنور ح يبان
لو كنت شيطان ابعد عنيّ .. الله الله
أرجوك اوعه تقرّب منيّ .. الله الله
دا اخويا وفى العين والننيّ
والروح تفديه
,,,
مش ح اقتل أخويا عشان صاحبي
وكانوا متخاصمين
دُول همّا عيونى وتاج راسي
هُمّا الاتنين
لا باحرّض جارى على قريبي .. الله الله
ولا عمر يهون دم نسيبي .. الله الله
وخلافنا فى الرأي نصيبي
فى الصبر عليه
,,,
مش ح اقتل أخويا عشان ريشة
بتـقوّي دراعي
ولا ح أقلع عينى بتهـْويشة
من طرف صباعي
وأجيبه منين لو يوم سابني.. الله الله
وأندم وضميري يأنبني .. الله الله
وأجاوب كيف لو يوم إبني
يسألني عليه
__________________

أستاذنا الكبير سعد الشرقاوي إذا أردت أن تلقي القصيدة بصوتك فهذا أفضل (فأنا مش أعرفتوه أكلم أرابي كويس)

أستعرت لحن موسيقار الاجيال محمد عبد الوهاب "كل أخ عربي أخي"

**عبد الهـادي** · #2 08/07/2013, 05h13

السلام عليكم
أستادي الغالي هشام خلف
الحقيقة أنه عمل جميل جدا
ما شاء الله عليك
كنت تلقي القصيد بشكل جميل أيضا
و الله على الكلمات كم هي جميلة
و من هنا أرسل خالص تحياتي للأستاد سعد الشرقاوي على هده الكلمات الرائعة
و المقدمة القصيرة رائعة في الأول تحس و كأن ستسمع عمل كلاسيكي
انه عمل جميل جدا
ننتظر جديدك أستادي الغالي
مع تحياتي و خالص محبتي لك أستادي الغالي و للأخ الشرقاوي

**الألآتى** · #3 09/07/2013, 02h41

لأ لأ .. كده مش معقول

التوزيع الأوركسترالى بديع ورائع يادكتور هشام

وصوتك معبر .. لابأس بيه ياعمنا

إنت كده حاتطمع فيك عم سعد .. حايطلب منك تعمل له خلفيات لأشعاره

المهم .. خلينا فى الجد

إبعت لى الموسيقى بدون صوتك .. حاكم أنا جتنى هفة أعمل حاجة

مش حاقولك عليها دلوقتى

**Hisham Khala** · #4 09/07/2013, 06h49

اقتباس:

المشاركة الأصلية كتبت بواسطة عبد الهـادي

السلام عليكم
أستادي الغالي هشام خلف
الحقيقة أنه عمل جميل جدا
ما شاء الله عليك
كنت تلقي القصيد بشكل جميل أيضا
و الله على الكلمات كم هي جميلة
و من هنا أرسل خالص تحياتي للأستاد سعد الشرقاوي على هده الكلمات الرائعة
و المقدمة القصيرة رائعة في الأول تحس و كأن ستسمع عمل كلاسيكي
انه عمل جميل جدا
ننتظر جديدك أستادي الغالي
مع تحياتي و خالص محبتي لك أستادي الغالي و للأخ الشرقاوي

أهلا بك يا أستاذ عبد الهادي

أشكرك علي مداخلتك الرقيقة

و بالنسبة للاعمال الجماعية فيبدو أن أستاذنا و معلمنا محمد الالاتي سيفاجأنا بشئ

تقبل تقديري و تحياتي

**Hisham Khala** · #5 09/07/2013, 06h52

اقتباس:

المشاركة الأصلية كتبت بواسطة الألآتى

لأ لأ .. كده مش معقول

التوزيع الأوركسترالى بديع ورائع يادكتور هشام

وصوتك معبر .. لابأس بيه ياعمنا

إنت كده حاتطمع فيك عم سعد .. حايطلب منك تعمل له خلفيات لأشعاره

المهم .. خلينا فى الجد

إبعت لى الموسيقى بدون صوتك .. حاكم أنا جتنى هفة أعمل حاجة

مش حاقولك عليها دلوقتى

حبيبي يا اللي واحشني من زمان

كيفيك و كيف أحوالك؟

هتلاقي كل حاجة علي بريدك الخاص

بس ما تنساش القفلة أنا عامل فيه حاجة: تفاعل بين الجيتار و الفلوت و الوتريات

**الألآتى** · #6 09/07/2013, 10h58

اقتباس:

المشاركة الأصلية كتبت بواسطة Hisham Khala

حبيبي يا اللي واحشني من زمان

كيفيك و كيف أحوالك؟

هتلاقي كل حاجة علي بريدك الخاص

بس ما تنساش القفلة أنا عامل فيه حاجة: تفاعل بين الجيتار و الفلوت و الوتريات

ياسيدى ماتخافش

أنا مش حاعمل حاجة فى المزيكا خالص

**الألآتى** · #7 09/07/2013, 12h51

إسمع كده يادكتور هشام ..

علشان تعرف إننا عيال فراودة برضه

وكله فايدة لعم سعد الشرقاوى

**عبد الهـادي** · #8 09/07/2013, 18h20

السلام عليكم
سامحني أنا كمان يا أستاد الآلاتي لأنوا بدي أقولك الله الله
ايه ده ايه ده صراحة شيء جميل جدا لما بيجتمعوا العبقارة ما بيبقاش كلام خالص .
الأستاد هشام خلف و الأستاد الآلاتي و كمان الأستاد سعد الشرقاوي
صراحة خربتوا الدنيا هههه
عمل جميل يستحق التصفيق و الوقوف و التقدير و أي شيء أخر بدكم ياه
مع تحياتي و خالص محبتي

**Hisham Khala** · #9 10/07/2013, 00h02

اقتباس:

المشاركة الأصلية كتبت بواسطة الألآتى

إسمع كده يادكتور هشام ..

علشان تعرف إننا عيال فراودة برضه

وكله فايدة لعم سعد الشرقاوى

يا سيدي أنا مش قد كل ده … أية الحلاوة و الجمال دا كله

تسلم إيداك و يسلم صوتك ، شغل 100٪

نفسي أشتغل و اعملها فيديو لكن الوقت متأخر و عندي عمليات بكره

بإذن الله بكرة أعمل الفيديو

علي فكرة أنت عملت الحاجات اللي تكلمنا مع بعض فيها بأقتدار و لكن فجأتني بتكرار نغمة البيت الثالث و الرابع بنفس اللحن علي كردين مختلفين

برافو جدا

و رمضان كريم و كل عام و انتم بخير

**Hisham Khala** · #10 10/07/2013, 00h08

اقتباس:

المشاركة الأصلية كتبت بواسطة عبد الهـادي

السلام عليكم
سامحني أنا كمان يا أستاد الآلاتي لأنوا بدي أقولك الله الله
ايه ده ايه ده صراحة شيء جميل جدا لما بيجتمعوا العبقارة ما بيبقاش كلام خالص .
الأستاد هشام خلف و الأستاد الآلاتي و كمان الأستاد سعد الشرقاوي
صراحة خربتوا الدنيا هههه
عمل جميل يستحق التصفيق و الوقوف و التقدير و أي شيء أخر بدكم ياه
مع تحياتي و خالص محبتي

الاستاذ عبد الهادي … المكرم

كل عام و انتم بخير بمناسبة شهر رمضان المعظم

تشرفنا بمرور العطر

من جهة التخريب فالحمد لله نحن أساتذة في التخريب ، المهم اللي يعرف يصلح

بالنسبة لسؤالك علي بريدي الخاص سوف أجاوبك غدا أ في القريب العاجل إن شاء الله حيث الوقت متأخرا الآن

أكرر لك تحياتي و أمتناني