يابيوت السويس يابيوت مدينتى
حفلة بجودة 128 ك ب
من أجمل ماغنى محمد حمام
وبصراحة لما أجى اشغل الاغنية بينى وبين نفسى، أجد الوالد الحبيب يجئ بسرعة ويقول لى افتح الباب وعلّ الصوت على الاخر وسيبها شغالة ولا أستطيع أن أغير عن الاغنية حتى ينقطع التيار الكهربائى او الكمبيوتر يتوقف لأى شئ ،يعنى فى مرة ظلت الاغنية شغالة طول اليوم وأبى مستمتع جدا وانا معه طبعا فاضطررت أن أنوع له وشغلت ورى بعض الاغنية ستوديو وحفلة لمحمد حمام وايضا على السمسمية وغناها محمد منير بروعة
يابيوت السويس
ك:عبدالرحمن الأبنودى
ل:ابراهيم رجب
يا بيوت السويس يا بيوت مدينتي
استشهد تحتك وتعيشي انتي
يا بيوت السويس
هيلا هيلا هيلا يالله يا بلديا
شمر درعاتك الدنيا أهيه
وإن باعوا العمر في سوق المنية
رفاقة ها نروح السوق نجيبه
ونعود ونغني ع السمسية
ليكي يا مدينتي ياللي صمدتي
يابيوت السويس
استشهد والله ويجى التانى
فداكي وفدا أهلي وبنياني
أموت ويا صاحبي قوم خد مكاني
دا بلدنا حالفة ما تعيش غير حرة
قفلت بيتي وسكيت دكاني
يا شطي وبحري وشبكي وسفينتي
يا بيوت السويس
والله بكرة يا عم أبورية
لهتضحك واحنا ماشيين سوية
ع المينا ولا عند الزيتية
وهاتاخد بنتك وابنك ومراتك
ونعدي على نفس المعدية
ونقول يا دنيا والله وصدقتي
يا بيوت السويس
وان عشنا وانا كنت شديد متعافي
أنا لأحمل طوبك على لحم كتافي
وأقضي يومي عرقان وحافي
وإن قدمي اتعفر بالرمل الأصفر
لأغطس قدمي ف البحر الصافي
وتعودي أحسن من يوم ما كنتي
يابيوت السويس