السلام عليكم و رحمه الله و بركاته و صباح الفل على اعضاء المنتدى السميعه
أخيرا جت بطه و نزلت الكراتين من فوق المكتبه و فرزت الشرايط و اقدر اقول لكم على عجل انى لغايه دلوقت جمعت تقريبا عشرين اغنيه جديده "يعنى مش على المنتدى الجميل ده" من اغانى الوالده السيده الفاضله بديعه صادق
و احترت بصراحه ابتدى ازاى او اطلع اى اغنيه الاول لكن فضلت ابتدى بحاجه تحفه حتعجبكم ان شاء الله و هى اوبريت "تحفه"
أوبريت عاشقه الليل "احنا بنسميه أوبريت تحفه لما تسمعوه حتعرفو ليه"
عاشقة الليل هو اول اوبريت غنائى اذاعى كويتى مستوحى من قصه رابعه العدويه ناطق باللغه العربية الفصحى و هو قصه جاريه اسمها "تحفه" هامت فى حب الخالق و اتهمت بالجنون بعد ان رفضت الزواج من سيدها "غالب" فى خرسان، مرض سيدها "غالب" و بكا عليها بكاءا شديدا لاحساسه بالذنب بعد ان سامحته "تحفه" على تعذيبه لها فاطلق سراحها لوجه الله و ارسلها الى بيت الله و هناك بكت تحفه الى ان فارقت الحياه
الاوبريت من غناء بديعه صادق – كلمات الاغانى فواز شعار - الحان عبد الحميد السيد و يوسف المهنا – توزيع أحمد على – قام بدور غالب الفنان أحمد سالم و قامت بدور تحفه ساميه محمد الموسيقى التصويريه ابراهيم حجاج و المؤلف فواز شعار و المخرج خالد الرندى
الاوبريت كامل عندى و لكنى استقطعت الاغنيات لتستمتعو بسماع بديعه صادق فى عمل هو من اوائل اعمالها فى اذاعه الكويت و الاغانى حسب الترتيب فى الاوبريت هى:
- يا منصفا فى الورى المظلوم من ظالم
- أعيذك أن تغل يدي
- معشر الناس
- و رب عين
- و همت بحبه
- يا حبيبى
- ماذا قضى لى ربى القاضى
- و حقك
الاغنيه الاخيره "وحقك ما نقضت الدهر عهدا" ما نزلتهاش علشان مقطوعه و العيب مش منى من اخويا طاهر هو اللى بعتها كده لكن حادور عندى فى الشرايط يمكن الاقى منها نسخه هنا و الا هنا
و بعد ما تنزل اغانى الاوبريت عندى ليكم مفاجآآآآآآآت أكتر و أكتر فخليكم معانا و اوعو تروحوا فى اى حته
أختكم
بديعه أحمد على
www.lindostyle.com
ملاحظه: أرجو انتى اكون وفقت فى عمليه تحميل الملفات و ارجو ان التسجيل يكون واضح و ارجو ان تستمتعو بهدايا الفنانه القديره بديعه صادق لمعجبيها و لجمهورها الجميل
الاغانى حسب الترتيب فى الاوبريت
يا منصفا فى الورى المظلوم من ظالم
أعيذك أن تغل يدي
معشر الناس
ورب عين
وهمت بحبه
يا حبيبى
ماذا قضى لى ربى القاضى
رفعت 63 مره قبل التنسيق الأخير للملفات .. أنس