تحليلات الألآتى الصوتية

[الألآتى]

إخوانى الأعزاء ..

نزولاً على رغبة أخى وحبيبى حسن كشك .. حيث طلب منى تسجيل حلقات صوتية من واقع تحليلات الأغانى الموجودة فى قسم ( دعوة موسيقية على أغنية ) .. ليقوم بإذاعتها فى راديو سماعى ..

اليوم .. أقدم لكم تحليلاً صوتياً لأغنية ( لا مش أنا إللى أبكى ) ..

بالإضافة للمقدمة الموسيقية للحلقات ..

[غازي الضبع]

يا عم محمد أنا مش ملاحق أجري وراكم في المنتدى أُحييكم وأبارك لكم على أفكاركم الجميلة البناءة ..
أستطيع أن أقول أن المنتدى حاليا في أزهى حالاته وأرقى مستوياته
ربنا يديمها علينا نعمة
أنا في اشتياق إلى أن أَرَوّح بسرعة لسببين :
الأول أن أستمع إلى تحليلاتك الصوتية .
الثاني أن أغور من وِش المدير بتاعي
تحياتي ومحبتي

[صلاح السويفي]

المشاركة الأصلية كتبت بواسطة الألآتى

إخوانى الأعزاء ..

نزولاً على رغبة أخى وحبيبى حسن كشك .. حيث طلب منى تسجيل حلقات صوتية من واقع تحليلات الأغانى الموجودة فى قسم ( دعوة موسيقية على أغنية ) .. ليقوم بإذاعتها فى راديو سماعى ..

اليوم .. أقدم لكم تحليلاً صوتياً لأغنية ( لا مش أنا إللى أبكى ) ..

بالإضافة للمقدمة الموسيقية للحلقات ..

جميل ياأستاذ محمد

أعمالك متفردة ..وأقل مايقال عنها ..متميزة ..

لا أحرمنا الله ولا المنتدى منك

[سمعجى]

الله الله الله يا عمنا

ربنا يسعدك زىّ ما سعدتني
و المدهش إنك واخد المقاولة من بابها ..
مذيع و مهندس صوت و مُعِد و مخرج و محلل و ملحن المقدمة ..
يعني فريق عمل بأكمله !

عجبني أوي تلوينك للأداء الصوتي حسب المعنى ..
و انسجمت بالمقدمة الموسيقية

الله ينور عليك يا حبيبي

[حسن كشك]

المشاركة الأصلية كتبت بواسطة الألآتى

إخوانى الأعزاء ..

نزولاً على رغبة أخى وحبيبى حسن كشك .. حيث طلب منى تسجيل حلقات صوتية من واقع تحليلات الأغانى الموجودة فى قسم ( دعوة موسيقية على أغنية ) .. ليقوم بإذاعتها فى راديو سماعى ..

اليوم .. أقدم لكم تحليلاً صوتياً لأغنية ( لا مش أنا إللى أبكى ) ..

بالإضافة للمقدمة الموسيقية للحلقات ..

الله الله الله
الله ينور يامايسترو
تم وضع البرنامج على خريطة برامج اليوم
وسيذاع ثلاث مرات اليوم الاولى فى حوالى السادسه والنصف بتوقيت القاهرة
بعد الغناء النوبى
ثم سيذاع مره اخرى فى حوالى السابعة وعشر دقائق
ومره ثالثه فى السهرة
وسيكون برنامج ثابت يامايسترو تحدد انت موعد اذاعته وعدد مرات الاذاعه
بس انهارده افتتاح البرنامج فبنعمله دعايه
تحياتى يامايسترو - اهو كده المجهود ولابلاش
والله برافوا عليك انا كنت مكلمك بالليل - انجاز حلو
وباذن الله بامثالك سيرتقى سماعى

[ريما]

استاذ محمد حضرتك قمر اوى بجد

اولا صوت حضرتك صافى وتحفه

نيجى باه للسلاسه اللى بتكلم بيها والتلقائيه

بجد رائعه واهم حاجه باه عرفت من حضرتك

شويه معلومات اول مره اسمعها

على فكره انا عندى استعداد اشاركك فى تقديم التحليل

على هئيه مذيعه واستضافه ومقدمه للبرنامج وكدا يعنى

ودا طبعا عرض العمر اوعى يفوت حضرتك كتير بيتخنقو عليه

وحضرتك اولى

[M O H A M E D]

أستاذ محمد الألاتى المايسترو المحللاتي

مع إنى حافظ كل تحليلاتك لكنى استمتعت جداااااااااااااااااااااا بأداءك

و لحن المقدمة جميل ..

و منتظر باقى التسجيلات

[غازي الضبع]

حلوة قوي المايسترو المحللاتي دي
دا غير بتاع المحلل

***
نتكلم بجد شوية
كلمة رائع ، وهايل لا تكفي يا عمنا
إنت فنان كبير قوي

***
على فكرة جاتلك فرصة العمر أهي يا عم ..
ريما ممكن تشارك معاك في التقديم على أنها مذيعة ..
ياللا بقى ورونا الشغل ...
ربنا معاكم

[صالح الحرباوي]

سلام و احترام،
.

عمل جبار و بيداغوجي أوي أوي..

.

من هنا كنت شخصيا طرحت فكرت ال سي دي المرافق لفكرة تدوين أعمالك...
التي ننتظرها بفارغ الصبر..

.

و النتيجة أهي...في منتهى الروعة..

.

الله يبارك فيك و يحميك يا مايسترو الآلاتي يا غالي ..

.
تحياتي

[أحمد شوبكى]

أستاذ محمد الآلاتى

إيه الجمال ده يا مايسترو
بسم الله ما شاء الله عليك
والله العظيم استمتعت بكل حرف قلته يا موسيقار يا رائع ربنا يوفقك
ويا ريت تكمل وما تحرمناش من الحاجات الحلوة دى
إحنا ودانا محتاجة صيانة ،،، والحمد لله إن حضرتك موجود
علشان تنقذنا من التلوث السمعى وأضراره
كلام حضرتك بيشجع الواحد ويخليه يسمع ويركز عشان يشوف ويقارن كلام حضرتك
مع اللحن والموسيقى والكلمات

الله أكبر ،،، وبسم الله ما شاء الله عليك يا فنان