* : فى يوم .. فى شهر .. فى سنة (الكاتـب : د.حسن - آخر مشاركة : حازم فودة - - الوقت: 04h21 - التاريخ: 24/05/2024)           »          محمد مرشد ناجي (الكاتـب : محمد الحمد - آخر مشاركة : حازم فودة - - الوقت: 02h02 - التاريخ: 24/05/2024)           »          خالد سعيد (الكاتـب : نوسة الفرجانى - آخر مشاركة : محمود نديم فتحي - - الوقت: 22h06 - التاريخ: 23/05/2024)           »          سليمان أبو داوود (الكاتـب : auditt05 - آخر مشاركة : محمد باسلامة - - الوقت: 20h58 - التاريخ: 23/05/2024)           »          رجاء عبده- 3 نوفمبر 1919- 13 يناير 1999 (الكاتـب : سماعي - آخر مشاركة : حازم فودة - - الوقت: 19h24 - التاريخ: 23/05/2024)           »          إبراهيم حمودة- 12 يناير 1912 - 16 يناير 1986 (الكاتـب : سماعي - آخر مشاركة : حازم فودة - - الوقت: 19h18 - التاريخ: 23/05/2024)           »          مديحة عبد الحليم (الكاتـب : الباشا - آخر مشاركة : حازم فودة - - الوقت: 19h08 - التاريخ: 23/05/2024)           »          من فنانى النوبة ... أحمد منيب- 4 يناير 1926 - 27 فبراير 1990 (الكاتـب : amergazoul - آخر مشاركة : حازم فودة - - الوقت: 18h33 - التاريخ: 23/05/2024)           »          فايزة أحمد- 5 ديسمبر 1930 - 21 سبتمبر 1983 (الكاتـب : الباشا - آخر مشاركة : حازم فودة - - الوقت: 18h25 - التاريخ: 23/05/2024)           »          أصوات متفرقة (الكاتـب : د أنس البن - آخر مشاركة : حازم فودة - - الوقت: 18h20 - التاريخ: 23/05/2024)


العودة   منتدى سماعي للطرب العربي الأصيل > الموروث الشعبي والتراث الغنائي العربي > المغرب العربي الكبير > المغرب الأقصى > كلاسيكيات مغربية..الطرب الملحون

روابط سريعة طرب الملحون
أحمد العجيلة التهامي بنعمر المرحوم قويدر ديفيد الزيوني عبد العالي لـباركـي ماجدة اليحياوي محمد السوسي ملحون مراكش
إدريس بن جلون الجوق النسائي التطواني ثريا الحضراوي ديفيد بن عروش عبد الكريم كنون مجموعة السعادة - النزاهة محمد بوزوبع الابن منال القباج
أسماء الأزرق الحسين التولالي جمال الدين بنحدو رواد فن الملحون عزوز بناني مجموعة امنزو محمد بوستة مولاي المهدي العلوي
التهامي الهاروشي الحسين بن ادريس حياة بوخريص سناء مرحتي لطيفة أمال مجموعة سعيد المفتاحي ملحون تافيلالت نعيمة الطاهري

رد
 
أدوات الموضوع طرق مشاهدة الموضوع
  #131  
قديم 26/09/2012, 00h35
hajar el maya hajar el maya غير متصل  
عضو سماعي
رقم العضوية:656540
 
تاريخ التسجيل: septembre 2012
الجنسية: مغربية
الإقامة: المغرب
المشاركات: 30
افتراضي رد: دراسة الملحون مرفوقة بالقصائد المكتوبة


قْصِيدَةالْجْفَنْ
نظم السي التهامي المدغري مبيت ثنائي
الحربة
مَالْ مَنْ كََسَّمْ قَلْبِي مَنْ اسْيُوفْ لَشْفَارْ
حَازْ عَقْلِي وَرْمَا دَاتِي ابْلا ارْجُوعْ
القسم الأول
مَالْ جَفْنِي يَبْكِي بَالدَّمْعْ لِيلْ وَ نْهَارْ
مَالْ جَفْنْ احْبِيبِي سَاحِي مَنْ الدّْمُوعْ
وُمَالْ قَلْبِي تَلْهَبْ مَنّْ امْشَاهَبْ النَّارْ
مَالْ قَلْبْ احْبِيبِي مَارَامْتُ اوْلُوعْ
وُمَالْ جَسْمِي فَانِي حَتَّى اخْضَارْ وَ اصْفَارْ
مَالْ جَسْمْ احْبِيبِي مَا ضَرّْتْ اوْجُوعْ
وُمَالْ عَقْلِي يَاوَعْدِ مَنْ اجْوَارْحِي طَارْ
مَالْ عَقْلْ احْبِيبِي مَاهَزّْتُ اقْلُوعْ
وُمَالْ سَمْعِي طَايْعْ لَشْكََاهْ يَالْحَضَّارْ
مَالْ سَمْعْ احْبِيبِي لَشْكَايْ مَايْطُوعْ
القسم الثاني
مَاْل اوْرَاقِي اسْقَاطْ مَنْ لِيعَتْ لَفْرَاقْ
وُمَالْ اطْيَارْ اسْكْتَتْ مَنْ بَعْدْ الْغَاهَا
مَالْ ابْحُورْ انْشْفَتْ بَالشُّومْ الْحَرَّاقْ
وُمَالْ ارْيَاحِي اسَكْنَتْ مَنْ هَزّْ اهْوَاهَا
مَالْ اشْمُوسِي اغَرْبَتْ مَنْ بَعْدْ الْيَشْرَاقْ
وُمَالْ امْطَارْ اسْحَاتْ مَنْ مُزْنْ اسْمَاهَا
وَسْبَابِي مَنْ اهْوِيتْ حَسَانْ ابْهَاهَا
مَالْ تَخْمَامِي مَنْ عَشْقْ الْمْحَاسَنْ اطْوَالْ
مَالْ سَهْرْ اعْيُونِي مَنْ شُوقْهُمْ طَايَلْ
وُمَالْ وَجْدِ حَالَفْ وَسْطْ الضّْمِيرْ لازَالْ
وُمَالْ سَلْوَانِي مَنْ نَارْ الْفْرَاقْ زَايَلْ
مَالْ جَمْرِ وَاقَدْ بِينْ الضّْلُوعْ شَعَّالْ
مَالُ طِيرْ فَشْبَاكْ الْبَاهْيَاتْ حَاصَلْ
وُمَالْ بَدْرِ غَيَّبْ هَدَا اشْحَالْ مَازَارْ
مَالْ هَجْرِ طَالَعْ يَزْدَادْ فَالطّْلُوعْ
وُمَالْ بَرْقِي وَرْعُودْ كَاتْزِيمْ بَشْرَارْ
مَالْ حُزْنِي سَاكَنْ فَدْوَاخَلْ الضّْلُوعْ

القسم الثالث
مَالْ اكْلِيبِي احْدِيدْ فِيدِينْ الْحَدَّادْ
باَلزَّبْرَا وَ الَّهِيبْ وَ الْمَعْوَنْ يَلْوِيهْ
مَالْ اكْلِيبِي ايْصِيرْ فَسْلاسَلْ وَكَْيَادْ
لاطَالَبْ لاطْبِيبْ بَدْوَاهْ ايْدَاوِيهْ
مَالء اكْلِيبِي ايْتِيهْ فَبْطَايَحْ لَوْهَادْ
عَطْشَانْ الابْحُورْ مَنْ عَطْشُ تَرْوِيهْ
سَالْ اعْلَى الْحُبّْ يَالايَمْ مَنْ رَاوِيهْ
مَاعْرَفْ مَابِـيََ غِيرْ الْكْرِيمْ وَحْدُ
قَامْنِي فِي حَالا لَنُّ احْكيِمْ وَاحَدْ
قَدَّرْ اعْلِيَا كِيفْ اقْضَى وُرَادْ وَعْدُ
لاحْنِي فََهُوَ مَنْ قَلْبُ احْدِيدْ جَامَدْ
ارْضِيتْ حُكْمُ لَنِّي مَمْلُوكْ لِهْ عَبْدُ
لاَزْم اتْصَرَّفْ فَلْمَكْتُوبْ شِينْ وَاعَدْ
سَلَّطْ اعْلِيَّا حُبّْ أمّْ الْعْيُونْ لَكْبَارْ
قَدّْ غُصْنْ الْبَانْ المِيَّاسْ فَلْفْرُوعْ
وَالْعْوِيتَقْ زَادَتْ فُوقْ الْمْحَاوَرْ اجْمَارْ
وِينْ مَاصَلاتْ انْصَلِّوْ بَالْخْشُوعِْ
القسم الرابع
لَمَّنْ نَشْكِي ابْلِيعَتْ السِّيفْ الْجَرَّاحْ
الزَّايَدْ فِي عْضَايْ جَرْحَا عَنْ جَرْحَا
لَمَّنْ نَشْكِي مًَنْ الكْرَايَحْ وَ التَّجْيَاحْ
وَغْيَامْ الْبِيِنْ عَنْ اكْلِيبِي مَايْسْحَا
لَمَّنْ نَشْكِي ايْكُونْ عَايَقْ انْصَّاحْ
يَعْدَرْنِي مَايْلُومْ فَالشَّمْسْ الْوَضْحَا
َنْهِد لُ بَالنّْصَافْ رُوحِي بَالْفَرْحَا
لُوشْكِيتْ ابْنَارْ اهْوَايَا يَدُوبْ لَحْدِيدْ
وَ الْجْبَالْ اتْرِيبْ وُصَلْدْ الْحْجَارْ يَنْدَا
لُو شْكِيتْ الَّعْيُونْ اتْغَرّْ دُونْ تَفْنِيدْ
وَ الْمْغَادَرْ وَ الْوَدْيَا وَ الْبْحُورْ لَبْدَا
لُو شْكِيتْ الَّطَيارْ ايْجَاوَبُ ابْتَغْرِيدْ
وَالشْجَارْ اتْسُوسْ وُزْهَرْ الْقَاحْ يَسْدَا
لُو اشْكِيتْ الْغْرَابْ ايْشِيبْ بِينْ لَطْيَارْ
لُو شْكِيتْ الْرَخْمَا تَسْوَادْ بَلْفْزُوعْ
لُو شْكِيتْ الَّوْحُوشْ انْشَفْهُمْ فَقْفَارْ
لُو شْكِيتْ الْهْوَامْ اتْرُوفْ بَالْخْضُوعْ

القسم الخامس
لُو كَانْ اشْكِيتْ لَنْجُومْ افْحِينْ اتْمِيـلْ
تَسْتَعْجَبْ مَنْ اشْكَايْ تَنْظَرْ مَنْ حَالِي
لُو كَانْ اشْكِيتْ للْفْلاكْ ابْهَجْرْ اطْوِيلْ
تُوقَفْ مَنْ سِيرْها وُ تَصْغَى لَقْوَالِي
لُو كَانْ اشْكِيتْ للسّْمَا تَهْطَلْ بَالسِّيلْ
بَعْدْ الْجَدْبْ الطّْوِيلْ تَنْصَفْ لَسْئَالِي
انْيَا فَلّْهِيبْ وَحْبِيبِي سَالِي
لُو اشْكِيتْ الْنَصْرَانِي بَالْغْرَامْ يَسْلَمْ
بْيَامْنَا وَزْهِيرُ وَمّْ التّْيُوتْ شَمَا
لُو اشْكِيتْ الَّبْكَمْ بَاْلوَاجَبْ ايْتْكَلَمْ
بَالْفْصَاحَا وَ لْسَانْ اصْرِيحْ وَالزّْعَمَا
لُو اشْكِيتْ الرُوضْ ابْعَشْقْ الرّْيَامْ تَفْهَمْ
يُومْ شَفْتْ ابْهَاهُمْ يَحْسَابْ لِي امْنَمَا
قَاْل لَعْشِيقْ انْظََرْنَاهُمْ حَقّْ بَنْهَارْ
فَالسّْحُو وَ الْيَقْضَا وَ الشَّمْسْ فَالطّْلُوعْ
الْقَاتْنِي دَ الْعَزْبَا وَالشَّابَّا فْتَشْمَارْ
كُلّْ وَحْدَ مَزِّينْ اتْيَابْهَا فْنُوعْ

القسم السادس
قُلْتْ الَعْشِيقْ لُو ايْزُرُونَا بَنْهَارْ
يَاكْ السَّكْرَانْ بْلَهْوَى حَالُ مَعْدُورْ
خَتَْلَفْ لِيلِي مَعَ اْنهَارِ بَالتَّخْمَارْ
مَنْ خَمْرْ الْحُبْ لِيسْ مَنْ خَمْرْ الْمَعْصُورْ
وَلِّي حَاُل ابْحَالْ حَالِي كَايُعْدَارْ
بَعْدْانْ يَفْنِى بْدَاهْ مَا يَعْرَفْ لُ شُورْ
عَسَّاكْ أَنَا الِّي فْنِيتْ ابْعَشَقْ الْحُورْ
اكْوَاوْنِي وَ بْقِيتْ ابْسِيفْ الْفْرَاقْ مَلْسُوعْ
وَ الْفْرَاقْ انْظَرْتُ نَشْبَا لْكُلْ مَجْمَاعْ
الَي انْشُوفْ الْشَمْلِي فَبْسَاطْهُمْ مَجْمُوعْ
وِيلَي نْشُوفْ الَّفْرَاقْ فْخَاْطِر امْجَمَّعْ
لايْعِيدُ امَامَنْ قَلْبْ بِهْ مَقْطُوعْ
كِيفْ قَلْبِي بَفْرَاقْ اغْزِيّْْلِي امْقَطَّعْ
لايْرَبَّحْ سَاَعْت لَفْرَاقْ يَامّْ أيزَارْ
يُومْ رَكَّبْنِي عَاصَفْ مْقَطَّعْ الصّْرُوعْ

القسم السابع
وَمْنِينْ ابْقِيتْ لِكْ ادَابَلْ لَعْيَانْ
خَلِّيتِي خَاطْرِ امْحِيَّرْ بِينْ وُ بِينْ
عَدْتِّي يَا مَالْكِي اتْخَافْ مَنْ الُّرقْبَانْ
اللهْ ايْتَلَّفْ الرّْقِيبْ الارْضْ الصِّينْ
حَتَّى نَشْفَا ابْهَاكْ وَ الحَاسَدْ نَكْدَانْ
وِيْعُودْ اصْمِيمْ خَاطْرَكْ بَالْعَطْفْ ايْلِينْ
نَنْظَرْ فَجْمَالْ صُورْتَكْ نَبْرَى فَالْحِينْ
اشْ رَامَنْ لاشَافْ الَبهْيَاتْ فَبْسَاطْ
وَ الرّْقِيبْ امْغَرَّبْ شَكَّْ الْبْحُورْ شَايَطْ
وَ الْحْبَابْ يْنَادِوْعْلَى الْحْبَابْ فَرْبَاطْ
كُلّْ وَاحَدْ زَاهِي بَلِّي يْرِيدْ نَاشَطْ
وَاحَدْ الوَحْدَاحَدُّ ابْلا وْنِيسْ مَا شَاطْ
كُلّْ خَدّْ اعْلَى خَدّْ وَلِّي يْرِيدْ بَاسَط
وُبَعْدْ هَدَا نَفْرَقْنَا وَ الزّْمَانْ غَدَّارْ
كَايْنَقْلَبْ تَمْثِيلْ ارْحَايَلْ النُّْجُوعْ
وُمَنْ افْرَقْنَا يَجْمَعْنَا فِي اقْرِيبْ بَمْزَارْ
يْجُودْ لِينَا مَالَكْ لَشْيَاتْ بَالرّْجُوعْ
يَالْمَوْلَى تَجْمَعْ شَمْلِي بْسُودْ لَشْفَارْ
زِينَتْ الْفَلْجَا شَمَا زِينْهَا اْسطُوعْ
وَ السّْلامْ انْهِيبُ مَافَاحْ طِيبْ لَزْهَارْ
للْشْرَافْ اُلَشْيَاخْ اقْمَاهَرْ الجّْمُوعْ
رد مع اقتباس
  #132  
قديم 26/09/2012, 00h47
hajar el maya hajar el maya غير متصل  
عضو سماعي
رقم العضوية:656540
 
تاريخ التسجيل: septembre 2012
الجنسية: مغربية
الإقامة: المغرب
المشاركات: 30
افتراضي رد: دراسة الملحون مرفوقة بالقصائد المكتوبة

قصيدة الْقَلْـــــبْ
نظم الشيخ محمد بنسليمان مكسور الجناح

الحربة
وَعْلاَشْ هَكْذَا صَابَرْ يَا قَلْبِي * غِيرْ سَلَّمْ فَطْرِيقْ الْحُبّْ مَا تْرَى بَاسْ
القسم الأول
قَالْ يَنَا سِيدي * جَنَّبْ جَهْدْ مَا تَقْدَرْ يَا قَلْبِي مَنْ ابْنَادَمْ * وَعْلاَشْ مَنْ وَالَى لِكْ احْبِيبْ * لاَ غْنَا يَرْجَعْ لِكْ اطْلِيبْ * سَالْنِي نَعْطِيكْ التَّجْرِيبْ * يَاكْ اهْوِيتِي مَنْ لاَ هْوَاكْ وَنْتَيَا لِيهْ اعْشِيقْ * وَاسْقَاكْ امْرَارْ عْلَى اشْقَاكْ وَرْمَاكْ فْبِيرْ اغْمِيقْ * دَلاَّكْ وُ حَلّْ بْحِيلْتُ احْبَالُ * لاَكِنْ يَا الْقَلْبْ انْعَرْفَكْ بِينْ الْشْيَاخْ دِيوَانْ * وَنْتَ اخْبِيرْ لَتْمَادِي * وَنَا امْتَبّْعَكْ حَتَّى عَوَّلْتِي اتْخَرْجْ لَقْيَاسْ
القسم الثاني
قَالْ يَنَا سِيدي * فَوْلاَدْ جِيلْنَا مَا بَاقِي مَنْهُ الْبِيبْ فَاهَمْ * وَنَا مَنْ النّْصَحَا جِيتْ انْوَصِّيكْ * مَا بْقَاشِي مَنْ يَعْنَا بِكْ * مَنْ اخْفَا لَكْ فَعْلُ يُرِيكْ * لاَ كَلْمَا تُوجَدْهَا فْمَنْطْقُ لاَ عَاهَدْ مَوْتِيقْ* وِيلاَ سَحْرَكْ بَلْسَانْ حِيلْتُ عَنْدَكْ بِهْ اتِّيقْ * يَدْفَعْ لَكْ قِيمَتْ حَاجْتُ احْيَالُ * يَعْطِيكْ بَالْخْدَعْ فَالسَّاعا حَكْمَا احْلاَوْتْ الْسَانْ * وَالْقَلْبْ لِهْ فَرْصَادِي * يُورِي لَكْ الدّْهَبْ وِيلَى عِيَّرْتِيهْ تُوجْدُ انْحَاسْ *
القسم الثالث
قَالْ يَنَا سِيدي * وَاللهْ كَانْ مَا تَسْعَفْنِي حَتَّى اتْصِيرْ نَادَمْ * وِيلاَ تَسْعَفْنِي رُمْ اسْبِيلْ الْخِيرْ* كِيفْ رَامُوهْ اهْلْ التَّنْوِيرْ * بَالصّْفَا نَالُ خِيرْ اكْثِيرْ * وَالْغَادِي فَطْرِيقْ الْفْسَادْ لِهْ الشِّيْطَانْ ارْفِيقْ * وَالشِّيْطَانْ الِّي دَارْ بِهْ مَا يُورِي لِهْ اطْرِيقْ * اطْرِيقُ فِي دَارْ الْفْنَا افْعَالُ * فَعْلُ اِلى ابْغِيتْ اتْعَرْفُ يَنْبَا عْلِيهْ لَحْسَانْ * يَنْفَعْ فْدِيكْ وَفْهَادِي * وَحْسَانْ الصّْلاَحْ اِقُُودْ الْتَدْمِيرْ كُلّْ وَسْوَاسْ
القسم الرابع
قَالْ يَنَا سِيدي * لاَزَمْ مَنْ افْعَالِي تَبْكِي عِينِي بْدَمْعْ سَاجَمْ * وَالْقَلْبْ مَا هْوَ دُونْ اهْوَى الْمُخْتَارْ * نُوجْدُ فِي هَدِيكْ الدَّارْ * بِهْ نَنْجَا مَنْ صَهْدْ النَّارْ * وَنْسَلَّمْ فَطْرِيقْ اللّْعِينْ مَنْ قَبْلْ انْعُودْ اغْرِيقْ * وَنْتَ يَا رَاسِي لاَ شْ غِيرْ سَاهِي مَنْ نَوْمَكْ فِقْ * بَدْنُوبِي وَاسَقْ مَرْكْبِي احْمَالُ نَسْعَى مَنْ الْكْرِيمْ التَّوْبَا لَنُّ ارْحِيمْ رَحْمَانْ * نَعْمْ الْغْنِي الْجُوَّادِي * يَوْقِي مَنْ الْهَزْلْ عَتْرَاتِي حَتَّى انْرُومْ لَرْمَاسْ

القسم الخامس
قَالْ يَنَا سِيدي * النَّاسْ غَابْطَا يَا قَلْبِي فَعْيَادْ وَ الْمَّاسَمْ * وَ نَا ارْمِيتْنِي فِي بَحْرْ الْمُحَالْ * تَاهْ جَفْنِي فِي هَدَ الْحَالْ * بِينْ مُوجْ افْسَادِي جُوَّالْ * وِيلاَ تَسْعَفْنِي لاَ تْدِيرْ فَوْلاَدْ الْيَوْمْ اصْدِيقْ * جَنَبْهُمْ وَقْصَدْ الصّْلاَحْ تَنْجَا مَنْ كُلّْ امْضِيقْ * وَلِّي قَصْدُ شُورْ الصّْلاَحْ نَالُ * نَالُوهْ بَالصّْفَا وَالتَّوْبَا نَاسْ الْوْفَا وُ لِيمَانْ * وَنْتَ امْتَبَّعْ افْسَادِي * ونَا رْمِيتْنِي بَجْهَلاَ فِي بَحْرْ مَايْلُ سَاسْ
القسم السادس
قَالْ يَنَا سِيدي * كَانُ ازْمَانْ لَجْوَادْ يْرَفْعُ شَانْ كُلّْ نَاظَمْ * وَالْيَوْمْ رِيتْ قَوْلْ الشَّاعَرْ مَهْمُولْ * افْجِيلْنَا غَابُو هَلْ لَعْقُولْ * مَا بْقَى مَنْ يَصْغَى لَلْقَوْلْ * امَهْبَلْنِي فِي عَامْ شَرْطْ فَبَجَدْ بَالتَّحْقِيقْ * قَلْبِي عَاشَقْ وَهْلْ لَغْرَامْ طَبْعِ عَرْفُوهْ ارْقِيقْ * غِيرْ السَّاكَنْ مَدْهِي عْلَى اشْغَالُ * شَغْلِي امْدٍيحْ طَهَ وَالْهَزْلْ عْلِيهْ جَايَرْ اُكَانْ * رَبِّ سَالْتْ بَالهَادِي * هَدِ مْنِيّْتِي يَهْدِنِي لَمْدِيحْ شَافْعْ النَّاسْ
القسم السابع
قَالْ يَنَا سِيدي * نُوصِيكْ يَالحَافَظْ حُلاَّتْ امْنَوَّعْ الْمْرَايَمْ * بِينْ الدّْهَاتْ غَنِّي بَلْسَانْ افْصِيحْ* خُدْ مَنْ مَاهَرْ قُولْ اصْحِيحْ بَالرّْيَاسَا وَ الْعَقْلْ ارْجِيحْ * واسْلاَمِي بَنْسِيمْ الزّْهَارْ لَهْلْ الْمَوْهُوبْ اعْبِيقْ * وَلِّي سَالَكْ سُولاَنْ عَنْ اسْمِي لِيهْ ابْلَى تَدْرِيقْ * خَبْرُ يَا رَاوِي ورَدّْ لُ اسْئَالُ * مِيمِينْ يَالْفَاهَمْ وُ حَا وَالدَّالْ بَنْ اسْلِيمَانْ * وَلِّي سَالَكْ ابْلاَدِي * يَا حَافَظْ الْمْعَانِي قُلْ لُّ هَدْ الّْبِيبْ مَنْ فَاسْ
الدريدكة
مَنْ فَاسْ مَا خْفَا وَ الاَصَلْ عَرْبِي * وُ لِيشَارَا مَعْنَى وَنَا لْبِيبْ قِيَّـــاسْ
وَهْلَ الْهْوَى يْعَرْفُ سَالَكْ دَهْبِي * وَ التّْجَارْ اتْجَرْتْ مْعَاهُمْ تَاجَرْ اعْكَـاسْ
بَسْلُوعْ نَاضِّينْ اوْسَقْتْ امْرَكْبي * وُ كَانْجُولْ فَبْحُورْ الْمَعْنَى ضْيَا وُعَسْعَاسْ
وَيْحْ الْجْحِيدْ مَا يَقْوَى عَنْ حَرْبِي * كَانْ شَلاَ لاَبُدْ يْصِيبْ سَنّْ مَدْعَــاسْ
وَنْهَيَتْ الّْغَا يَا فَـاهَمْ كَتْبِي * اسْاَلْتْ رَبِّي يُوقِينَا مَنْ الْهَوْلْ وَكْبَــاسْ
عْلاَشْ هَكْذَا صَابَرْ يَـــا قَلْبِي * غِيرْ سَلَّمْ فَطْرِيقْ الْحُبّْ مَا تْرَى بَــاسْ
رد مع اقتباس
  #133  
قديم 26/09/2012, 14h01
hajar el maya hajar el maya غير متصل  
عضو سماعي
رقم العضوية:656540
 
تاريخ التسجيل: septembre 2012
الجنسية: مغربية
الإقامة: المغرب
المشاركات: 30
افتراضي رد: دراسة الملحون مرفوقة بالقصائد المكتوبة

قصيدة عاري عليك يا محمد
نظم الطيب الضعيف

الحربة
عاري عليك يا محمد لله لا تشفي قي العدى

القسم الأول
أنا الهميم سرت منكد من بعد كنت عايش عيشا رغدا
أنا سهير طلت مسهد و ازداد روع قلبي مابا يهدا
و انا اللي غريب مفرد لا خو حنيني عندي حر الكبدا
و لاصبت فالزمان مرشد و لا صديق صبتوا لي سندا
و عييت في الصحاب نزود و نقول دا خير ليا من دا
و الأن جيت ليك مقصد قصدي تفكني من هاد الفقدا

القسم التاني
انادر السلام الليمان لمناهج الصلاح اندرني
و على عداي قوم الختلان بشانك العظيم نصرني
راني على بوابك حيرا ن اهميم طال بيا حزني
لا زلت عن شكاي موبد حتى نشوف حسادي في نكدا
و نعود فالسرور نجدد و تحل كل ما عندي من عقدا

القسم الثالت
أنا هربت عندك خوفان من د العدى اللي ظلموني
النفس و الهوى و الشيطان لشرار شرهم حازوني
لله جودلي بالأمان يا سيد لوجود عيوني
بالدمع كانظل نغرد و نبات في الدجى كانرجى الفدى
كملي مع الوقت مجرد بالتعب و الشقى و محاين جدا

القسم الرابع
يا طيب النسب بن عدنان من دا الحسان لا تنساني
انت حريص عند الميزان و ربنا رحيم انجاني
انت عريس جنت رضوان و عطاك كل خير الغاني
غرضي من الحوض نورد روحي نهار تخرج من د الجسدا
تلقاك فالطريق موجد و فجنت الخلود فحرمك تغدا



القسم الخامس
دخيل ليك بعظيم الشان الشر ما تشوفو عيني
حرما من اغزى فالطغيان على المجتبة تعطيني
شاين طلبت عنك عجلان و بحلت الستر تكسيني
عني هموم قلبي طرد و جميع من طغى عني و تعدا
بفزع بعد كان مجهد مادار لي اليوم نصيبو غدا

القسم السادس
ياغوت كل ضامي لهفان محسر النفاس أو فاني
انت شفيع فالإنس و جان و تغيت أمتك شرهاني
و الله ما بحالك سلطان و لا يشابهك انساني

حبك في السيار موبد ياسيد ماخلق ربي من ولدا
يا سيد ما بحالك سيد يا سندت الغريب اللالو سندا
عني فكل حزا عيد باغي الخلق مثلي ما نتجدا
هاك البيب طرز مدبد مختوم بالصلا عن صارم لهدا
لحبيب سيدنا محمد طه شفيعنا فالمحشر غدا
و سلامنا على من شهد بالله و النبي و فرايض أدا
و اسمي شهير بان منضد الطيب الضعيف من طيبا و شدا
من هل البيت من يتوكد لسلام ليه تاتي من وطا و كدا
رد مع اقتباس
  #134  
قديم 26/09/2012, 14h02
hajar el maya hajar el maya غير متصل  
عضو سماعي
رقم العضوية:656540
 
تاريخ التسجيل: septembre 2012
الجنسية: مغربية
الإقامة: المغرب
المشاركات: 30
افتراضي رد: دراسة الملحون مرفوقة بالقصائد المكتوبة

قْصِيدَة الضِّيفْ
نظم الشيخ الجلالي امتيرد مبيت متني

الحربة
اضِيفْ اللهْ رَدّ لَجْوَابْ اصْغَـــــــالِي لاتَحْشَمْ رَدّ السّـــــــــلامْ
القسم الأول
سَالُونِي يَاهْلْ الْهْوَا كِيفْ اجْرَالِـــــي يَامَسْ فَالدّاج ْيَـــــــاكْرَامْ
بَلَّجْتْ اوْصَايْدِ وُسَدِّيتْ قْفَــــــــــــالِي وَضْحِيتْ انْصَارَعْ الْمْنَامْ
بِينْ افْيَاقْ وُمْنَامْ وَ الضَّوْ اطْفَــــــالِي نَسْمَعْ مَنْ دَقّْ فَالرّْسَــــامْ
قُلْتْ امَنْ جَاايْسَالْ فَالتَّلْتْ التَّــــــالي وَالِّيلْ الْيَالْ وَ الضّْــــــلامْ
لَحْتْ اغْطَيَا وُنَضَتّْ مَبْهُوضْ انْلالِي حَطّيتْ ايْدِ عْلَى الْحْسَــامْ
سَمّيتْ وُزَدَتّْ بَاسَمْ الْحِيْ العَــــــالِي سَلَّمْتْ وُ قُلْتْ يَاسْــــــلامْ
وَافْتَحْتْ البَابْ مَافْقَهْتْ اشْ اقْبَــــالِي ضِيفْ اللهْ قَالْ لِي اقْــوَامْ
سَوّلْتُ مَنْ اتْكُونْ زَادْ افْتَنْخَــــــــالِي وَدْخَلْ مَطْرُودْ كَاسْهَـــامْ
القسم الثاني
فَالْحِينْ اشْعَلْتْ شَمْعْتِي وَسْبَلْتْ افْرَاشْ قُبْتِــي لَمْطَايَبْ طِيبْ الحْدِيتْ
قُلْتْ ابْشُوقِي وُلِعْتِــــي اجْلَسْ يَا رُوحْ رَاحْتِي نَزْهَا وْبْكُلّ مَـــــانْوِيت
سَبْعيِنْ اسْنََـــــا فْلِيلْتِي قَرّبْ تَسْطَابْ فَرْجْتِـي رَدّ اجْوَابِي الَى ادَّوِيتْ
دَرْتْ الشَّمْعَا قْبَالْتُ دُونْ اشْمَـــــالِي َونْحَقَّقْ فِيهْ بَالنّْيَـــــــــــامْ
اتْحَدَّقْ دَاكْ الْحْسِيبْ وَتْبَدَّلْ حَــــالِي زَادْ الشّمْلا عْلَى الّتـــــاَمْ
وَعْكَُدْ عَبْسَا تْدُوبْ مَنّْهَا لَجْبَـــــــالِي وَرْجَعْ لِي مَنْ اوْلادْ حَامْ
كُورِمَغْلُوقْ اوْ اشَلْحْ افْتَمْتََـــــــــــالِي وَلاعَجْمِي مَنْ الْعْجَـــــامْ
هَدَ زَنْزُونْ قُلْتْ وَلابُوهَـــــــــــــالِي وَلاسَكْرَانْ بَالــــــــــمْدَامْ
قُلْتْ اعَجْبِي الضّيفْ يَغْضَبْ مُحَالِي ابْلا سَبَّا ابْلا اخْصَــــــامْ
اسَبَّتْ لِعْتِي وُهَوْلِي وَهْوَالِــــــــــــي يَاتاَرَكْ مُهْجْتِي اسْقَـــــامْ
لَعْنْ الشّيْطَانْ زِدْ يَــــــــانُورْاهْلالِي وَمَا فَالْغِيبْ مَنْ احْكَــــامْ

القسم الثالث
أسِيدِي قُلْتْ لُ اكْفَـا تَرْكْ التّيهَانْ وَ الجّْفَا لََجْوَادْ ابْجُودْهَـــــا اتْرُوفْ
دِيكْ الشّوفَا العَاطْفَا قَسْمَتْ قَلْبِي امْنَاصْفَا حَرّ مَنْ امْضَاوَتْ السّيُوفْ
لُوَّحْ تَنْكِيرَتْ الخْفَـا وَشْفاَ يَا ضِيفْ وُنَشْفََا وَعْطَفْ بَمْكَارَمْ العْطُــــوف
أَنْتَ فِمَرْسْمِي وُزَايَدْ تَنْخَـــــــــــالِي اشْ جَابَكْ لِي ابْلا اغْرَامْ
الضْيَافْ كُلّهَاابْلَجْوَابْ اتْشَـــــــــالِي وَنْتَ لاصُوتْ لا كْــــلاَمْ
نَصْرَمْت ْاعْزَايْمِي وُفَضّيتْ احْيَالِـي وَعْقيِلِي فَالْوْهَامْ هَـــــــامْ
وَدْوَى مَنْ بَعْدْ مَاسْتَفْسَرْ فَقْوَالِـــــــي صُوتْ اسْمَعْتُ ابْلا انْغَامْ
كَاصُوتْ اخْنِيسْ فِي ادْوَاخَلْ لَدْخَالِي مَنْ ضَيْقْ التُّوبْ وَ الّْتَـامْ
طَالَبْ مَفْرُوقْ عَنْ احْبَابِي وَمْتَـــالِي بَرَّانِي سَاكَنْ الْخْيَــــــــامْ
وَنْفََتَشْ فَالْعْلُومْ مَدُّوبْ اهْــــــــــلالِي حَافَضْ لَسْوَارْ بَالتّْمَـــــامْ
لاكِنْ افْدَ البْلادْ مَفْقُودْ الـــــــــــوَالِي لابُ لاخُ لا اعْمََــــــــــامْ

القسم الرابع
طَالَبْ مَفْرُوقْ بَلْدْنَا اطْلَبْنَا لِكْ ضِيفْ رَبّْنَا نَلْقَاوْ الصَّرْفْ بَلْحْسَانْ
ارْمَانَا ِلكْ وَعْدْنــــا رَفْعْ اقْدَرْنَا وُعَزّْنَــــا لاحُكْمْ الخَارَجْ لْوْطَـانْ
الطَّلْبَا مَعْدَنْ الغْنَــا انْكَتْبُ لِكْ سَرّْحَرْزْنَـا تَجْلِيبْ الرَّزْقْ للْمْكَــانْ
الطَّالَبْ قُلْتْ لِهْ مَا كَايَخْفَـــــــــــــالِي مَعْلُومْ ايْدَكَّرْ الْمْقَـــــــــامْ
وَنْتَ كَاصِيدْ فُوقْ لَفْضَا ضِيَّــــــــالِي لَمْسَافَرْ مَاْرجَا امَكََـًــــــامْ
نَغْزَلْ غَزْلْ الْهْوَى عْلَى حُسْنْ امْقَالِي وَعْيِيتْ انْوَاجَهْ الدّْمَــــــامْ
قُلْتْ اشْرَالِّي ايْفِيدْ فِي صَحّْ اعْمَـــالِي نَبْرَمْتْ ابْخُفَّتْ العْظَـــــامْ
وَجَّدتّْ اتْفَاكْهِي وُطَبْخِي وََشْغَـــــاِلي وَرْفَعْتْ الطَّاسْ كَـــاغْلامْ
مَدّْ ايْدِيكْ قُلْتْ لِهْ يَالشَّاطَنْ بَـــــــالِي اسْتَاجَبْ وَاجَبْ الطّْعَــــامْ
مَنَا فَطْعَامْ قَالْ لِّي شُفْ اخْيَــــــــالِي فَالْعَشْبَا مَاوْفِيتْ عَـــــــامْ
لَلَّهْ اَلْحَمْدْ قُلْتْ لُ طِيبْ احْــــــــلالِي وَ الضَّامَنْ فِيهْ بُوعْــــلامْ



القسم الخامس
َيغْضَبْ لَمْلِيحْ وِيِرْضَا وَنْتَ يَاَراحَتْ العْضَـــا مَالَكْ مَنْ جَانْبِي امْرِيضْ
هَزِّيتُ هَزَّتْ الكََْضَـــا مَنْ حَرّْ الشُّوقْ وَ الّْضَا حَــــزْتُ لِيَّ ابْكُلْ غِيضْ
صِيَّحْ مَكْيَاسْ الحْضَـا حَتَّى سَخْنَا عْلَى الفْضَا نَكْشَفْ لَحْجَـابْ الْغْلِيضْ
نَجْبَرْ تَاجْ الْبْدُورْ عَرَّاضْ الفَاـــــلِي وَلْفِي سُلْطَانَتْ الرّْيَــــامْ
وَضْهَرْ دَاكْ الجْبِينْ كَـــــابَدْرْ ايْلالِي وَالْخَدَّادَ مْعَ الْوْشَـــــــامْ
انْتَ هُوَ الضِّيفْ يَالشَّاطَنْ بَـــــــالِي لَكْدُوبْ افْدِينْنَّا احْـــــرَامْ
قَالَتْ لِي سَالْنِي انْفِيدَكْ بَسْئَــــــــالِي بَعْدْ انْ سَتْوِيتْ لْلمْنَـــــامْ
حِيَّرْ عَقْلِي اهْوَاكْ يَاعَزّْ ارْجَـــــالِي وَخْرَجَْتْ انْهِيلْ بَالْقْــــدَامْ
وَخْفِيتْ اعْلَى اعْيُونْ لَعْدَا عُدَّالِـــــي لَحْضَرْتَكْ شَادَّ احْـــــزَامْ
هَاتْ الصَّفْرَ اوُزِدْ غَدَّرْ قَمْصَــــالِي قُلْتْ لْهَا مَابْقَى امْنَـــــــامْ
هَادْ اَللِّيلا اخْيَرْ مَنْ كُلْ الْيَـــــــالِي لارِيحْ ايْهَبّْ لاغْيَــــــــامْ
القسم السادس
خُدْ احَفَّاضْ وَرْتْوَا ضِيفْ امْنْ اضْيَافْ الْهْوَا زَهْوَا يَزْهَى الْمَنْ ازْهَــــــاوْ
اَلـــــدُرْ الايْلُ ادْوَا بَبْدِيعْ امْحَـــــــاسْنُ اضْوَا بَرْضَاهْ اهْلَ الرّْضَى ارْضَاوْ
وَلِّي بَجْهَالْتُ ادْوَا مَعْلُـــــــــــولْ وُلايْلُ ادْوَا مَطْمُوسْ انْوَاجْلُ اعْمَــــــــاوْ
قَالْ افْصِيحْ الّْغَا الْحَبْرْ الجِّيــــــلالِي غُوَّاصْ اجْوَاهَرْ النّْضَــــــامْ
زُوَّاقْ ارْقََايْقِي وُ طَرَّازْ اشْغـــــــاَلِي وَشْجِيعْ الحَرْبْ فَالّْطَـــــــامْ
هَدَا بَحْرُ اغْمِيقْ وَطْمِيمْ مَـــــــــــالِي يَرْهَبْ بَفْرَاتْنُ ازْعَــــــــــامْ
كُلُو لَنَّاكَرْ الْعْدِيمْ السَّفَـــــــــــــــــالِي يَتْادَّبْ عُرَّتْ الغْشَــــــــــــامْ
شِيخْ ابْلا شِيخْ لُو اعْمَرْ جَبْحُ خَــالِي مَايْلُ مَبْدَا وُلا اتْمَــــــــــــــامْ
غَنَّى جَبْحِي وُ طَعْمْ بَالشَّهْدْ امْصَالِي وَ السَّعْدْ اعْلَى الرّْضَا اسْكًََامْ
اعْمَرْ سُوقِي وُ بَاعْ وَ شْرَى دَلالِــي سُوقْ الافَرْغْ مَنْ ازْحَــــــامْ
طَابْ ارْيَاضِي الْفَحْ بَالْقَلْبْ السَّــالِي وَعْبَقْ بَقْلايَدْ النّْسَــــــــــــامْ
وَسْلامِي لَلدّْهَاتْ بَمْسَكْ وَغْـــــوَالِي مَافَاحْ الْوَرْدْ بَالنّْسَــــــــــــامْ
وَعْلَى الْوَدْ بَا الفَايْقِينْ ابْتَفْصَـــــالِي مَاطَالْ الْحَـــــــــــالْ بَالدّْوَامْ
اضِيفْ اللهْ رَدّ لَجْوَابْ اصْغَـــــــالِي لاتَحْشَمْ رَدّ السّـــــــــــــــلامْ
رد مع اقتباس
  #135  
قديم 27/09/2012, 02h28
hajar el maya hajar el maya غير متصل  
عضو سماعي
رقم العضوية:656540
 
تاريخ التسجيل: septembre 2012
الجنسية: مغربية
الإقامة: المغرب
المشاركات: 30
افتراضي رد: دراسة الملحون مرفوقة بالقصائد المكتوبة

قصيدة فارحة

من نظم: الشيخ التهامي المدغري
امبيت رباعي

الحربة
دسيني تحت لخلال**بين ذروعك الملاح
اللبة والدواح**ونهيداتك التفاحة
خفت يشوفوني عيونك**ايجرحوني يا فارحة

القسم الأول
أللايم سلم روح سالم عقلك مرتاح
وانا عقلي ما راح هايم ما صايب راحة
نشكي وخيول الغرام مكرودة عل المكابحة
علفة في علفة مرادفة كل امسى وصباح
نزلوا عنف فالمراح بهدير خيول طفاحة
نعني بحر افراتنو يموج على قلبي كافحة
و عطيت دمامي ولا بغى يرفق بالنُّوَّاح
وفزعني بالدواح والرامي والحياحة
وزناجل ومقايس الذهب والعنين الجارحة
واعيون شطابة مغنجة بنشاشب ورماح
مطحونة من للماح هندة قطرة جراحة
ماكيف سيوف النجال عل العشاقة جايحة
والقلب المجروح من لهيب الوجنة برّاح
سيف عنترة فكفاح و الشفرين الرماحة
دسيني أيا أم الضفاير بشفرينك ذبحا

القسم الثاني
آه على من شرب ليعة الهجرا من لوضاح
بين دواوح لدواح ولهيفات الدواحة
داحوا يا وعدي ودوحوا بالعطفين الذابحة
آه على من كيته قديمة من غير مزاح
بين جوايح وجياح طايح ما صايب راحة
جحاجح لغرام بين كبدو وضلوعو طافحة
عذروني في الحب ما قدرت نغطي ما باح
سال الدمع الكفاح والكيات اللفاحة
كيف نكتم الحب والصفورة عن خدي لايحة
الحب طغى دارني مراغة بخيول صحاح
طلق عجاج فالمراح بالسربات الجحجاحة
عقلي سارح معاه والسوالف اطوال و سارحة
مخالب الهوى اموجدة بالوجد الفضاح
بين الخد الوضاح والنجلات الوضاحة
قوم لاَّ عرفوا اجمالها تحت اللحدة رايحة

القسم التالت
ارباب التيهان والهوى ما رفدوا من طاح
لو يبقى فالصحصاح بين بطايح ضحضاحة
و سفونو بين الرياح تتكلَّب دون امراوحة
من يَرحم يُرحم يا هلال شرق ليلت واح
هلل فالجو ولاح جودي جودي بسماحة
من يَسمح يُسمح ليه كوني يا ولفي سامحة
من تهرب منو اهرب ليه اتريع اترتاح
قالت ناس التفصاح هلّْ لعقول الرجاحة
واللي تكبر به رافقو بمودة ومسامحة
أنا هارب ليك والدوا فعصير من اجباح
بين شفايف ولقاح وامصال وريق وراحة
ولاَّ شربة من شفيفتك تمسى روحي رايحة
ولاَّ تمريغة على الرخام الساطع فلواح
غاية كنزي وارباح زهوي وسرور وامراحة
ولا تشبيرة فشي لويمات لبيقة ناصحة

القسم الرابع
واللي لسعوه لشفار وسقاه الغنج ارزاح
دايم واهي لحاح ليس بحالو لحلاحة
بين ابواب الزين كينوح ودموعو كافحة
هذا وعد كبير سول عليه سنون رماح
ماذا زلغه بارواح بالشفرين الرماحة
من مات على الغنج والشفر غير قرا لو فاتحة
يا خد البَاغ و الزهر والورد الفياح
حلي لي بالمفتاح ديك العرصة الفياحة
ننظر شي رمان والتفافح ورنيجة ناصحة
والعطشان اشرب و يروى و يغرف من لماح
بين خواتم والراح راحت خمرة بوَّاحة
سقيه وسقسيه قالت اهل الكيسان البايحة
لله الحد أيا أم النواجل طلقي لسراح
أرمكات الصياح بين جلالب صياحة
نعمي ليَ بالرضا نفوزوا بسويعة شارحة


القسم الخامس
الليل ايغطي هبالنا بكرايح لفراح
تجري بين الفصاح والغزلان المرتاحة
خلف جلايبها تروج مقايسها مداوحة
اللي نهوى قدها تتمايح بين دواح
بين شجار ومياح والقطبان المياحة
ترقص من تحت لطيار وخمايلها مداوحة
والشعر المكفوح بالعطر فكتافه فياح
ولد نعامة فجناح فدفد ورغا وتماحى
والسالف ثعبان عضني عضة ما هي سامحة
الغرة وجبين نورهم شرق وقت الصباح
والوجنة فتوضاح كنز و زهوة و اصباحة
نعنيها وردة عروس صبحت في عرصة فاتحة
الحجبين مع النجال طعنوا قلبي بسلاح
يرميوا على السلاح من صدفوه دون مزاحة
لا تحساب العين والنواجل فالطعنة مازحة

القسم السادس
الشامة والخال فوق ورد الخد الوضاح
نعني سيفين أوقاح ونشاشبها جراحة
والأنف تركلي يعس في ذيك العرصة الفايحة
الفم ريقو كويس فتذهبية من راح
والثغر جوهر نصاح فيه نسايم طفاحة
مرشفها فيه لعجوب وعجوب الطيبة فايحة
والرقبة عراض فالفيافي يرعى فبطاح
يتهدى بين سياح خلف جلايب سياحة
وإلى تاه الزين لاش ما تبقى دمعي سايحة
والذرعين امخاد الكفوف موبر فاشباح
بحناني للتشياح وصباع قلوم شباحة
بالجور يكتبوا حكام لرباب الهجرة فاضحة
الصدر امرمري عل الرضا ونهودو تفاح
مابين شجاره فاح والطيات الفياحة
ما قبلوفدية ولا يقبلوا فالروح مسامحة

القسم السابع
والصرة بلار كاسها سطعت فيه لماح
لو شعلت في تلحاح نار القلب اللحلاحة
الخصر نحولو على نحولي يشكي بمكابحة
الردف ألطيف رادف اجراحي ثقل لجراح
عمر لقميص وداح تحت المحزم يتداحا
بملوه تعدى على العكون فينميدان امشابحة
فخاض عسارى تقلبو في تيها و شباح
حس اردفهم صياح جمرة خمرة طفاحة
جمرة في خمرة بزوج ملكوني دون مراوحة
الساق سقاني وساقني فسواق التجياح
خلاخل في تصياح سربت كروي جحجاحة
حس الخلخال يخلي كثر من خيل فلمناطحة
لقدام رنيجات دوحوا في قلبي تدواح
درجة دامي سياح فاحراجي كيتناحا
عسى يعطف لي بزورتو تبرا الروح الجارحة
هاك أراوي ما تقول رحم الله الفلاح
والسلام لأهل للواح ناس العلم الشراحة
والجاحد خليه في غفلتو من نومو ما صحا
رد مع اقتباس
  #136  
قديم 27/09/2012, 02h35
hajar el maya hajar el maya غير متصل  
عضو سماعي
رقم العضوية:656540
 
تاريخ التسجيل: septembre 2012
الجنسية: مغربية
الإقامة: المغرب
المشاركات: 30
افتراضي رد: دراسة الملحون مرفوقة بالقصائد المكتوبة

قصيدة الكاوي
نظم بوعزة الدريبكي


الحربة
عذروني يا اهلي ولاش تلوموني هكذا فحالي سيروا خليوا كل حال يسير على حالو

القسم الأول
أنا الكاوي بكيْ مخفي كيْ فالذات ما برى لي ,بعد لاّ كويت وبريت جراحي طالو
يحياوا حتى يهولوني ونعود نساهر الليالي , جراح الحب والهوى والهجرة لا زالوا
الجراح يهيجوا غرام الغيوان الشاطنات بالي , جراح يهيج يَكْ عادوا للقلب هوالو
بهم مشطون كيف راد وقدّر نعم الغني العالي , السابق لي نصرّْفو والوعد بمجالو
لا زلت ملازم الصبر صبري صبرْ العيس فالليالي, ارفدت حمول الهوى وتكدرت بحمالو

القسم الثاني
لاش تلومو هكذا فحالي وأنا بجرايحي نلالي , شاكي باكي من هموم قلبي واهوالو
تارة مول الغرام تايه تارة حالو يعود سالي , ترى يبقى هميم هايم لا ما يزها لو
لغرام طوع السلاطن لاسيما اللي بحالي , ديما غيظان على العاشق ما كَيَرْتَا لو
طوّع كسرى على نصال وما قاسى مع الهلالي مطوع سيف الغلام العبسي وأمثالو

القسم3
بعض الناس كَيْلومو ويزيدوا في ملام حالي , بعض الناس كيقولوا هذا عمدا لو
هذا حالي مع الهوى متولع مولوع بالغوالي , تروع ساكني ونطق من غير احوالو
إلى نجبر أهل الفن بحالي يستحسنوا أقوالي, يبكيوا على بكاي ناس الغيوان يسالو
وإلى نجبر أهل اللوم يلوموا ويبطلوا اشغالي , ويقولوا يا لْطيف راه تكوى تخلالو
لاموني في افعايلي وفْعَلْهم عدا على افعالي , لكن غَدَّا كلها يتحاسب بفعالو

القسم الرابع
كم من واحد لامني ومكثر عَجْبي مع اسآلي , يدوي فيَّ كيخفف ذنبي بأقوالو
عارف تحقيق سيرتي ما نبغض إنسان ما نبالي, ما نجَحَّدْ حَدْ ما نغتبو ولا نصغى لو
قابض حَدّي وكنساعف الغرام اللي في ادخالي نخمم في حكايتو واش يكون فصالو
لولا الغرام ما نخمم ولا نسهى على أشغالي , يبلي من لام فيه ويجرب ما يجرى لو
يذوق الحب غير نوبة ولا يجبر ليه والي , يذوق اغصايصو وسَمُّو وجراح نكالو



القسم الخامس

ما يعذر غير من كوى وتجرّح كيفي من العوالي , بنجال اللي بحبهم كاوية عمدالو
ملكوني يا اهلي ولاحُو لي جفني على المالي ملكوني بالبها وبحسن الخد مع خالو
هما هما راحتي فالدنيا هما راس مالي , أنا بَعْدَ خديم لهم فاش ما قالوا
هما هما اللي سباب بلايا هما دْوا علالي , هما هما..ياك العشيق عليه يسالوا
أرى من لايحبهم ورّيوه ليَ ويا امثالي , يجي حتى يفيدني ونفيدو ونسالو
القسم السادس

نَهّيت بيات حلتي بسلامي ما فاحت الغوالي لرْباب الفن حق دهاة العلم ينالوا
طايع لهم ف زماني ولْقَحْ غصني زيان حالي غزلي برْضى همام فالشتا لا لحت خبالو
زرتو ورويت من مدادو وعْمَرْ جبحي وعاد مالي وكْمَلْ قصدي فاش جاني ذَيّْ اللي قالوا
يا حفاظي روى عليَ ولغي الجحود لا تبالي , اللي جحدك سير خليه فقبح فعالو
اسمي موضوح في حروف أبجد أمن صغى اقوالي , زوج وسبعين زيد سبعة للأسم كمالو
نطلب من لاينام يغفر ذنبي من لا خفاه حالي , يعفو عني ولا يحافيني جل جلالو
رد مع اقتباس
  #137  
قديم 08/04/2013, 18h58
إشبيلي إشبيلي غير متصل  
ضيف سماعي
رقم العضوية:493848
 
تاريخ التسجيل: janvier 2010
الجنسية: جزائرية
الإقامة: الجزائر
المشاركات: 9
افتراضي رد: من روائع شعر الملحون

ليس إمتى ياتي الليل... في البيت الأوّل و إنّما إمتى ياتي اللّي ...بمعنى الذي. أي أستعجل متى يأتي ذالك الحبيب الذي وعدني بأنّه سيأتي و أدعو الله أن يفي الحبيب بوعده.
رد مع اقتباس
  #138  
قديم 06/05/2014, 16h21
Taher2014 Taher2014 غير متصل  
ضيف سماعي
رقم العضوية:719871
 
تاريخ التسجيل: avril 2014
الجنسية: مغربية
الإقامة: المغرب
المشاركات: 1
افتراضي قصيدة لا أعرف عنوانها ولكن الحربة هي "آ عاشقين سيدي رسول الله اًمولايا"

السلام عليكم إخواني أخواتي. أبحث عن قصيدتين من طرب الملحون و الذكر العيساوي في المغرب منذ زمن طويل ولكن بدون جدوى. لا أعرف عنوانهما ولكن في الأولى يقال "آ عاشقين سيدي رسول الله اًمولايا" و في الثانية يقال "عاري عليك مولاي ادريس الوالي، آ سيدي، آ ولد لالّة كنزة غير عليا، الله الله". شكراً على مساعدتكم جازاكم الله خيراً و السلام عليكم و رحمة الله تعالى و بركاته.
رد مع اقتباس
  #139  
قديم 04/05/2015, 12h11
metaman metaman غير متصل  
عضو سماعي
رقم العضوية:502123
 
تاريخ التسجيل: mars 2010
الجنسية: مغربية
الإقامة: المغرب
المشاركات: 17
افتراضي رد: دراسة الملحون مرفوقة بالقصائد المكتوبة

السلام عليكم
ممكن كلمات قصيدة عطروا يا البناتبالصير فغرام العذراء الباهية قتلتني باخد والشفر لالة لطيفة الزاهية
غناها المرحوم بوزوبع وكدلك العسري
طال بحتي عن كلماتها فلم اجد
وشكرا لكم
رد مع اقتباس
  #140  
قديم 04/05/2015, 12h12
metaman metaman غير متصل  
عضو سماعي
رقم العضوية:502123
 
تاريخ التسجيل: mars 2010
الجنسية: مغربية
الإقامة: المغرب
المشاركات: 17
افتراضي رد: دراسة الملحون مرفوقة بالقصائد المكتوبة

عفوا على الخطا فانا ارد من الهاتف
عدروا يا البنات بالصبر فغرام العذراء الباهية
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 08h28.


 
Powered by vBulletin - Copyright © 2000 - 2010, Jelsoft Enterprises Ltd