نوبة أم الزين الجمالية
ع الباب دارك نصبو الخيـــــــــام طبال يضرب زرنا ورقص ريام
على أم الزين طيفك ما أبهاه يا ساحلية
في طريق الواد اه يا جماليــــــــــــــة
***
يا لـلا محــلا كمونـــــــــك
وريني الدار خلي نــزورك
نهديلك خلاّ تلمع في نـورك
اه يا مسمية
في طريق الواد يا جــمّالية
***
ع الباب دارك نصبو العلاجـــي طـــبال يضرب والرباب يناجي
على ام الزين نا فيها نراجي
اه يا ساحلية
في طريق الواد يا جمّاليـــة
***
يا للا قدرك عجـــــــــــــيب
احلى من سكر وحليــــــــب
قاصد ربي عمرك ما تخيب
فرج عليا
في طريق الواد يا جمّالية
***
ع الباب دارك نصبو الخيمــــــة طـــبال يظرب يمه زرنا عظيمة
على ام الزين معروفك ديمه
اه يا المسمية
في طريق الواد يا جماليــة
***
ياللا قدرك ما صــــــــــار
تفرح بيك كبار وصــــغار
طالـب ربي نزورك لـلدار
و تفرح بيا
في طريق الواد يا جمّالية
-------------------------------------
(من التراث الساحلي التونسي)
تدوين سامي دربز
رد: حبيبه مسيكه
العرض العادي
