بديعة صادق - الصفحة 8

**Islam Eidrisha** · #71 22/02/2009, 08h21

يا نور النبي
بسم الله ما شاء الله
تسع ملفات دفعة واحدة
ربنا يبارك في الكراتين
واللي نزل الكراتين
واللي طلع اللي في الكراتين
اللهم آمين

#72 22/02/2009, 09h15

مليون شكر أخت بديعة أحمد على الحاجات الجميلة والجديدة علينا للفنانة العظيمة بديعة صادق بارك الله فيك .

**mokhtar haider** · #73 22/02/2009, 10h00

الشكر الجزيل و المتكرر للسيدة بديعة أحمد علي
أنا كنت عرفت الفنانة بديعة من خلال سماعي لإذعة القاهرة في الثمانينيات.... و اندهشت من تسجيل دور العفو يا سيد الملاح... و سألت عليها إثر سفري إلى القاهرة سنة 96 فتحصلت على عدة تسجيلات منها من طرف استاذي عبد العزيزي عناني رحمه الله... و بالتالي تأكدت من توقعي على عظمة هذا الصوت خاصة بعد سماعي أغنيةيا ربيع العمر...
مع تحياتي الخالصة للسيدة بديعة أحمد علي.... يا ليتك سيدتي أن تبلغي تقديرنا الكبير للفنانة بديعة صادق و تبليغها أمنياتنا بالصحة و طولة العمر

**بديعه أحمد على** · #74 22/02/2009, 13h02

تسلموا اخوانى و اختى العزيزه امل على رقيق مشاعرك و تسلم يا اخ ابو حمد يا ابو الكرم دايما، و احنا اللى اتشرفنا بمعرفتك يا اخى الفاضل مختار و يا رب تكون دايما اغانى بديعه صادق مصدر سعاده و بهجه لكل محبيها و مستمعيها العاشقين لزمن الفن الجميل الهادف الراقى

مرفق بالرساله أغنيتين لبديعه صادق (باللهجه الكويتيه) يعنى الاخ الفاضل من الكويت يقدر يحكم لو دى لهجه كويتيه سليمه او مجرد محاوله و يا رب تعجبكم

أغنيه ياللى اسرت الفؤاد و اغنيه من شوقى، غناء بديعه صادق لكن الكلمات و اللحن ما كتبهومش طاهر على الورقه المرفقه بالكاست، بس المتعارف عليه انه تسعه و تسعين و تسعه من عشره من توزيع اغانيها خاصه بعد جوازها من الوالد هى من توزيعه و الواحد من عشره ده لانه كان زوج ديمقراطى

بأهزر الوالد فعلا كان رحمه الله عليه من افضل الموسيقين فى عصره سابق وقته بكتير لكن كان بعيد عن الاضواء و ما بيحبش يتكلم عن نفسه كتير يحب يساعد يغض النظر عن الاضواء و الرغبه فى الظهور فالهدف فى النهايه انبل من كل ده و هو المساهمه فى وضع حجر اساس للتراث الشعبى الكويتى و النهوض بالفن فى دوله اعتبرها بلدى التانى اتربيت و عشت فيها احلى سنين عمرى ربنا يحمى الكويت و يحمى مصر و وطنا العربى كله و يخلينا احنا "الشعوب" لبعضينا ضمير صاحى دياما و قلب عمران و نابض بالحب و العطاء على طول ان شاء الله

احنا كنا فين؟ آه استمتعوا بسماع بديعه صادق باللهجه الكويتيه و بانقل لكم جميعا تحياتها و تقديرها لكل مجهوداتكم و حرصكم على ان يبقى زمن الفن الجميل

أغنيه يا للى أسرت الفؤاد
غناء بديعه صادق
كلمات والحان عبدالله فضاله

اختكم
بديعه احمد على

**بديعه أحمد على** · #75 22/02/2009, 13h02

أغنيه من شوقى
غناء بديعه صادق

اختكم
بديعه احمد على

**بديعه أحمد على** · #76 22/02/2009, 13h40

الاغنيتين دول انا يحبهم جدا و بأسميهم من أغانى الخناقات العاطفيه" ليه؟

واحده اسمها (من غرامى مش حتسلم و بودادى اوعى تحلم) و التانيه اسمها (شايف نفسك مين سايق ع الكل دلالك) على فكره الوالده عجبها جدا بهاء سلطان كصوت و قالت عليه من افضل خامات الاصوات اللى طالعه لكن انتقدت الكلام اللى بيغنيه زى (قوم اقف و انت بتكلمنى) بتقول ما يصحش يقول كلام كده ازاى يقبل يقول كلام زى ده؟ و انا مسحوبه من لسانى كالعاده و بيكون ردى عليها مانتى غنيتى شايف نفسك مين و من غرامى مش حتسلم "الكلمه اللى تصدم غالبا تشد و تسمع لانها جديده" و كمان غنت بديعه صادق للمعلم و للباش مهندس يعنى بعد الثوره كان الاتجاه للغنا اللى بيسموه "شعبى"

الاغنيتين غالبا الحان و توزيع احمد على لانى شايفه لونه فيهم بس حأتأكد و اقول لكم و كمان حاتحرى عن المؤلف دى من الاغانى القديمه قبل ما نسافر الكويت

ارجو انهم يعجبوكم و تستمتعوا بالاستماع مع تحيات بديعه صادق

من غرامى مش حتسلم
و بودادى اوعى تحلم

اختكم
بديعه أحمد على

**بديعه أحمد على** · #77 22/02/2009, 13h40

شايف نفسك مين
سايق ع الكل دلالك

اختكم
بديعه أحمد على

**بديعه أحمد على** · #78 22/02/2009, 14h01

الجواب غناء بديعه صادق - كلمات مرسى جميل عزيز - الحان و توزيع أحمد على
الاغنيه دى دليل ان الفنانه بديعه صادق هى اول من غنى الجواب (الرساله) فى الوطن العربى

سمعها الفنان العظيم عبد الحليم حافظ و كلف المؤلف الجميل مرسى جميل عزيز بعمل اغنيه تانيه ليه تحمل فكره الجواب و فعلا عمل اغنيه تحفه و من الاغانى اللى باحبها جدا لكن دفنت اغنيه بديعه صادق علشان العباره اللى ابتديت بيها ما تنقالش (بديعه صادق اول من غنى الجواب فى الوطن العربى) مهما طال الزمن لازم الحقيقه تبان و دى رسالتنا

اعذرونى لو التسجيل فيه اى شوائب الاغنيه قديمه جدا و نادره فعلا
استمتعو و يا رب يعجبكم
مع تحيات بديعه صادق

اختكم
بديعه أحمد على
______________________________________________
رفعت بجودة عالية ، هنـــــا ، والشكر للأخ أ. السلاموني ، المشاهدات (126)

**بديعه أحمد على** · #79 22/02/2009, 14h22

اقتباس:

المشاركة الأصلية كتبت بواسطة إســـلام

يا نور النبي

بسم الله ما شاء الله
تسع ملفات دفعة واحدة
ربنا يبارك في الكراتين
واللي نزل الكراتين
واللي طلع اللي في الكراتين

اللهم آمين

تسلم يا أخ اسلام يا رب يعجبوك مش تسعه بس دول عشرين و ان شاء الله اكتر

و يوم ما تسعدكم الاغانى حنكون انا و الوالده فى منتهى السعاده

**aml samy** · #80 22/02/2009, 14h29

عزيزى وحبيبى
من بعد التحيــة
من قلبى وعينيا
اهديك الســــلام
واكتبلك جوابـــى
بدموعى و عذابى
مش بس الكـــلام
اللـــه يا ست بديعه