تمارين عملية لقراءة النوتة - الصفحة 9

**Hisham Khala** · #81 15/04/2009, 03h17

أشكر الأخوة محمد أحمد عز و يسين بركان و أ. محمد الآلاتي على تعليقاتهم

و بناء على رغبة د.وسام أكرم عملت توزيع مبسط لأغنية مستنياك للفنانة عزيزة جلال و أنا في الحقيقة مش فاكر إني سمعت الأغنية قبل كده و لكن لحنها بسيط من مقام الرست.
و عملت خط لحني للفيولانسيل (كونتربوينت) يحتوي على أرباع التون مكون أساساً من زمن البلانش ، بالأضافة إلي الباصات التى لعبها البيانو و الباص جيتار و هي خالية من أرباع التون.
الميزان 4/4 و الإيقاع البلدي. و يمكنك قراءة نوتة الإيقاع و أظهرت الصاجات و النقرات المختلفة للدربوكة (الطبلة البلدي).
يمكنك استنتاج الهرموني من الباصات و الفيولانسيل. حاول بنفسك استنباط التآلفات المصاحبة و قد استبعدت أرباع التون من الباصات و لكن الفيولانسيل لعب ارباع التون بحرية تامة. يعنى شوف بنفسك كل مازورة النغمات المكونة للباص (دو + صول مفيش مي عشان الربع تون) أو (صول + ري و مفيش سي عشان الربع تون) أو (دو + فا/لا)

ملاحظة: قد يتغير التآلف في نصف المازورة (دو + صول / ري + صول)...

العزيز د.جورج بهيج في القريب بإذن الله سوف أكتب أعمال سيد درويش التى تكرمت برفع نوتاتها.
تحياتي

**cooldoctor** · #82 15/04/2009, 06h42

Prof. Dr. Khalaf, thank you so much in advance for your expected efforts, may God bless you
I have many many other notes for sheikh Sayed Darwish but please I want you to start with the play Ahlahom coz I don't have any of its hymns

**Hisham Khala** · #83 15/04/2009, 19h04

عزيزي د.جورج
كل سنة و أنت طيب و ألف مبروك مقدماً
الحقيقة النوت اللي رفعتها نكش فراخ و غالباً محدش يعرف يقرأها حتي اللي كتبها.
و لكن ها حاول ، المشكلة مش في الحجم ، المشكلة العلامات غير محددة المعالم على أي سطر أو مسافة و الشطب كثير (Draft score)
كل سنة و أنت طيب

**وسام اكرم** · #84 16/04/2009, 12h11

أخي العزيز د هشام المحترم
أحييك على هذه الموهبة الفذه بحق,,, حيث انك قدمت المعزوفة( الكوبلية الاول) على شكل (سمفونية عربية) بكل معنى الكلمة. أشكرك مرة ة ثانية و أرجوا منك دوام التواصل في أعادة توزيع أغاني الزمن الجميل لتبدوا أحلى ولتكون نجمة ساطعة في سماء الموسيقى العربية....
المخلص
وسام

**Hisham Khala** · #85 06/05/2009, 07h37

الأخوة الأعزاء
إن شاء الله سوف أكتب عن الهارموني و مش عارف هل أفتح له موضوع جديد أم أكتبه تحت هذا الموضوع (تمارين عملية لقراءة النوتة)؟ هذا مع الأستمرار في تمارين قراءة النوتة لأن مازال هناك العديد من الأشكال الإيقاعية لم نتعرض لها و الكثير من المصطلحات لم يتم ذكرها.

هناك موضوع آخر و هو الديجيتال ميوزك و هذا الموضوع يشمل:

برامج التدوينMusical Notation Programs مثل إنكور و سبيليس و فينال ... و قد كتب عن برنامج إنكور الأستاذ عادل صموئيل.
برامج التسجيل و التراكات Audio Work Station مثل ساوند فورج و سامبيلتيود و سونار و كيوباز ... و أعتقد أن أفضل من يكتب عنها هو الأستاذ الآلاتي لأنه عامل كام أغنية حلوة بنظام التركات ، فياريت ألا يبخل علينا بخبرته و شرحه الجميل و هو رجل كريم و معطاء.

**احمد سنايم** · #86 19/05/2009, 00h15

الاخ العزيز الفنان الشاب الخلوق الموهوب المتعلم جدا دكتور هشام خلف طلبت من المايسترو عادل صموئيل هذة الشخصية الاكثرمن رائع نوتة يا مسافر وحدك وبالفعل الاستاذ عادل مشكورا نزلها فى المنتدى يا ريت يا دكتور هشام تكمل جميلك وتكتب الهارمونى بتاعها ذى ما تفضلت من قبل فى نوتة رافت الهجان حتى يمكن عزفها على البيانو والف الف شكر

**Hisham Khala** · #87 22/05/2009, 15h05

العزيز أحمد سنايم
القلوب عند بعضها ، و الله أنا تصفحت باب طلبات النوت و لقيت طلبك و بالفعل فكرت في كتابتها و توزيعها ، بإذن الله أبدء فيها النهارده و في القريب تلقيها بإذن الله مع ملف صوتي للتوزيع. بس أنا عارف إنك عواد ممتاز ، فهل يا تري البيانو ها يبقي له نصيب معاك.

اليوم ها أرفع نوتة "سندريلا" و هذه أغنية لحنتها في أيام الصبا و قد تفضل الأخ الحبيب محمد الآلاتي بالغناء و المكساج ، ستجدونها على هذا الرابط:

http://www.sama3y.net/forum/showthread.php?t=67953

الأغنية مليانة بالإنتقالات المقامية و الهارموني بيتغير في الإعادة مع بعض الجمل المتكررة و كلماتها رقيقة عن قصة واقعية حدثت في قطار الصعيد

**وسام اكرم** · #88 22/05/2009, 18h09

ايه الحلاوه ده كلها يادكتور؟؟
طيب و الله العظيم انت عاملي مشكلة!
ياما نفسي شوية أشوفك.....
و اسمع من فنونك......
و نعزف مع بعض اغنية.....
فيها كل الحب و الحنان...
وأحلى أمنية......
سلامي لكل الحلوين....
في مصر وكل العرب الطيبين......
تحية ليك من القلب
و سلامي الى العزيز الالاتي
اطيب صوت و احلى كلمة
باسمعها منه .........

المخلص
وسام.....................

**احمد سنايم** · #89 22/05/2009, 22h11

اخى العزيز دكتور هشام الهارمونى يحتاج باب خاص بة هارمونى فقط ومن الالف للياء وربنا يوفقك ويوفقنا معاك بالنسبة لسندريلا انت لك استايل خاص بك مناسب جدا للستايل الراقى لمحمد منير اتمنى يغنى من الحانك .
ودنى بتقولك بعتبارك طبيب اذن ان الهندسة الصوتية فى سندريلا ناقصها حاجة كما ان المطرب كان بيحاول يظهر عضلاتة الصوتية على حساب اندماجة فى معانى الكلمات حتى انى حسيت ان صوتة اعلى من صوت الموسيقى بكتير اقصد قوة الصوت مش الطبقة او الدوزان . سندريلا عمل جميل يحتاج الى مجهود عالى فى التنفيذ شكرا الف الف شكر

**Hisham Khala** · #90 23/05/2009, 18h43

اقتباس:

المشاركة الأصلية كتبت بواسطة وسام اكرم

ايه الحلاوه ده كلها يادكتور؟؟
طيب و الله العظيم انت عاملي مشكلة!
ياما نفسي شوية أشوفك.....
و اسمع من فنونك......
و نعزف مع بعض اغنية.....
فيها كل الحب و الحنان...
وأحلى أمنية......
سلامي لكل الحلوين....
في مصر وكل العرب الطيبين......
تحية ليك من القلب
و سلامي الى العزيز الالاتي
اطيب صوت و احلى كلمة
باسمعها منه .........

المخلص
وسام.....................

حبيبي د. وسام
القلوب عند بعضها
أنا كمان نفسي أشوفك ، و أنت ما شاء الله تقدمت كثير في النوتة ، أنا عارف إنك إستاذ في العزف من زمان و عزفك جميل ، أنا بأعرف من الملفات اللي بترفعها ، و حقيقي بقيت في التدوين ممتاز.