أعمال من تنفيذ الفنان محمد الآلاتي

[الألآتى]

المشاركة الأصلية كتبت بواسطة MUNIR MUNIRG

شلة الابداع الفني سامى دربيز ورفقة بلطيفة ..
والمايسترو الاستاذ الالاتي
لقد استمعنا.......... و استمعنا ...... واستمتعنا
وحكمنا ................
اضافة هذه الزهره الجميله الى باقة ورود الزمن الجميل.

أستاذى منير بك ..

أشكرك لكلماتك الرقيقة المفعمة بالأحاسيس الجميلة .. والتشجيع ..

[الألآتى]

المشاركة الأصلية كتبت بواسطة ثروت رضوان

لأ يا أساتذة .. لأ .. كده ماينفعش .. أرجوكم إعملوا حاجة وحشة .. موش كله كده .. تعبنا نقول: جميل .. حلو .. رائع ..
وبعدين لما ودانا تنضف ع الآخر .. حتكتر الحوادث فى الشوارع علشان موش حنقدر نسمع أى أصوات نشاز ..
وكمان حرام عليكم .. سيبوا الحمير ياكلوا عيش .. هو مفيش فى قلوبكم رحمة خالص

ياأخى .. لما تكتر الحوادث أحسن مانسمع الحمير .. إحنا نقدر بعون الله نجبس إللى إنكسر .. لكن نصلح ودانا إزااااى ..

[الألآتى]

المشاركة الأصلية كتبت بواسطة adel2000masr

احبائى
لتانى مرة اسمع اعمالك انتم الثلاثى الرائع
ولتانى مرة انا بالذات لأنى عزفتها مع عبد الحليم عشرات المرات وعنما اسمع الاغنية من احد آخر بيكون عندى انطباع
قبل انا اسمع العمل انى حاسمع شىء مقلد وانا بالذات لنى عملت مع الاصل
ولتانى مرة عندما سمعت حسيت انى امام عمل جديد بتاعكم كانها اغنية جديدة انتم عملتوها ما حسيتش ان حد بيقلد حد
الاصوات اكثر من جميلة واتكلم بمعدلات زمن الفن الجميل يعنى انا سمعت عبد الحليم وعبد الوهاب ووردة وكلهم واقول بأعلى صوت لدينا هنا عينة من احلى واجمل اصوات الرجال والنساء واقولها بفم مليان يعنى هناك تكافؤ بين الصوتين وتلك ظاهرة نادرة ومن النادر حدوثها يعنى عبد الحليم لما غنى مع شادية صوتهم مع بعض كان متجانس بشكل غريب ولم يتكرر
ولو لاحظتم ظاهرة الدويتو مشكلة خطيرة على مر العصور حتى مع فريد الاطرش كان فى بعض اغانيه مثل تقول لأ واقول لأ كان معاه بنت ولكن عودوا اليه واسمعوا اليها تحس فرق بين صوتيهما اسد وقطة لايوجد تكافؤ ومع الاسف فريد كررها عدة مرات
وكلمة اريد ان اقولها يا احبائى انا حزنت تمنيت لو كنتم جئتم قبل ذلك فى زمن الفن الجميل لكنتم صرتم شيئا ذا شأن
لا يقل عن بدا الحليم وشادية ولا اتكلم من فراغ فانا خبير واماى موهبتان من الصعب تكرارهما
وانا اتمنى من الاذاعة التونسية والتى اعهدها من كبار الاذاعات التى تتبنى المواهب الاهتمام بهذه الظاهرة والجديرة بكل رعاية واحترام فهذان الصوتان مكانهما دائرة الضوء
اشكركم لأنكم اسعدتمونى
واشكر الاخ العزيز محمد الآلاتى على تقديم هذا الفن الجميل لنا والذى احسسنى ان مازال هناك فنا

أستاذى عادل بك ..

أكاد أشعر بسعادة سامى ورفقة بكلماتك وتحليلك الرائع .. وأشكرك بالنيابة عنهم .. وأدعو معك المسئولين أن يهتموا بمثل هذه الأصوات ..

[الألآتى]

المشاركة الأصلية كتبت بواسطة ثروت رضوان

روح يا شيخ انت وهو منكم لله .. الله يعمر بيوتكم والبيوت اللى جنب بيوتكم والبيوت اللى قدام بيوتكم والبيوت اللى ورا بيوتكم والبيوت اللى الناس بتمر بيها وهى رايحة لبيوتكم وللا جاية من عند بيوتكم وبيوت الناس اللى تعرفكم وتحبكم من غير ما تعرف بيوتكم .. ويخرب بيت اللى يكرهكم .. قولوا آمييييييييييين

إيه ده كله ياعم ثروت .. إنت ماسبتش بيت إلا وعمرته .. إنت شغال فى المقاولين العرب ولا إيه ؟؟

ولا تكونش فاكره بيت شعر .. عيز تعمره راخر ..

روح ياشيخ .. ربنا يسعدك زى مابتسعدنا بكلماتك الجميلة المشجعة ..

[unicorn]

الله ينور يا عم محمد
مظبوطة اوى اوى يا عم محمد
الايقاع مظبوط اوى و صوت الاوكورديون من الاورج فى منتهى الجمال
و مستوى صوت المزيكا بالنسبة لصوت سامى 100 %
مهندس صوت معلم و الله يا مايسترو
العزف بأة لعبتك و مش حانعلق عليه
نيجى لسامى انا مش عارف ليه متأكد انه متعبكش فى التسجيل و ما عملش غلطات لأنه برضه موسوعة و حافظ كل الاغانى المصرية و حافظها احسن مننا و بلهجة مصرية سليمة (ما عدا خروج اللسان فى حرف الذال على غيرعادة المصريين)
و صوته ممتاز و لايق على الغنوة اوى
اختيار هايل للغنوة دى بجد و تسلم دماغ اللى اختارها
لانها طلعت مظبوطة جدا
شكرا يا جماعة و الله ينور عليكوا

[unicorn]

جميل يا جماعة
انتوا بأة عملتوا شغل جميل مع المايسترو
و القعدة معاه كانت نتايجها جميلة اهة
جميلة يا عم محمد الغنوة
هايلة
بس انا ليا نفس تعليق منعم
كان ممكن البيانو من الاورج اللى استخدمته فى الاول خالص تبدأ بيه المذهب مع دخول الايقاع و كان حايدى اقرب شكل ممكن للبيانو الحقيقي , انما برضه النتيجة هايلة و مرضية لينا جدا
الله ينور عليكى يا رفقة وعليك يا سامى
اداء فى منتهى الجمال
ليا تعليق صغير على الصوت الرائع رفقة
( وساعتها يهون فى هواك طول حرمانى) فى كل كوبليه رفقة مش بتقفل مع الايقاع و بتطولها شوية بحلية بتخرجها من الخط.
تانى حاجة
برغم جمال صوت رفقة فى الغنوة الا ان صوتها بيلمع اكتر و بيبان فى الاغانى اللى من فوق اوى زى أغانى نجاة و فيروز
السؤال انتى ليه ما خلتيش المايسترو يعملك حاجة عالية كدة تبينى صوتك اللى جننتينا بيه دة
صدقينى هاتفرق معاكى كتير لو عملتى حاجات من طبقات عالية و صوتك حايبان اوى
أخيرا برافو على اللى اقترح أداء الغنوة دى دويتو
لأنه عرف يخرجكم من طور التقليد او المقارنة بحليم
و خلاها شكل تانى
الله ينور يا جماعة
و دامت لنا فنونكم

[د.حسن]

فعلاً .. جميلة ورائعة ومتظبطة على صوت سامى
بس .. منه لله صلاح اللى صمم يطلع محامى
عند الدقيقة الثانية و 13 ثانية
نـُطق سامى للفظ (محامى)
كان نفسى يبقى أظبط من كده
لكن الأغنية رائعة وحبيب قلبى موش ح اقوله حاجة
عن عزفه هو عارف رأيى فيه
مع تحياتى

[د.حسن]

المشاركة الأصلية كتبت بواسطة adel2000masr

اقول بأعلى صوت
لدينا هنا عينة من احلى واجمل اصوات الرجال والنساء واقولها بفم مليان يعنى هناك تكافؤ بين الصوتين وتلك ظاهرة نادرة ومن النادر حدوثها

إخترت هذه الفقرة من فنان دارس مزيكا وعزف لأشهر فنانى مصر
لما تكون دى شهادته .. أقول أنا إيه ؟
شكراً أ. عادل صموئيل .. ماخلتنيش أقول حاجة
مع تحياتى

[Sami Dorbez]

المشاركة الأصلية كتبت بواسطة ثروت رضوان

روح يا شيخ انت وهو منكم لله .. الله يعمر بيوتكم والبيوت اللى جنب بيوتكم والبيوت اللى قدام بيوتكم والبيوت اللى ورا بيوتكم والبيوت اللى الناس بتمر بيها وهى رايحة لبيوتكم وللا جاية من عند بيوتكم وبيوت الناس اللى تعرفكم وتحبكم من غير ما تعرف بيوتكم .. ويخرب بيت اللى يكرهكم .. قولوا آمييييييييييين

حقك عليا يا استاذ ثروت ربنا ما يجبشي زعل وربنا يعمر بيتك واجيلك اتشرف بمعرفتك..

[Sami Dorbez]

المشاركة الأصلية كتبت بواسطة unicorn

الله ينور يا عم محمد

مظبوطة اوى اوى يا عم محمد
الايقاع مظبوط اوى و صوت الاوكورديون من الاورج فى منتهى الجمال
و مستوى صوت المزيكا بالنسبة لصوت سامى 100 %
مهندس صوت معلم و الله يا مايسترو
العزف بأة لعبتك و مش حانعلق عليه
نيجى لسامى انا مش عارف ليه متأكد انه متعبكش فى التسجيل و ما عملش غلطات لأنه برضه موسوعة و حافظ كل الاغانى المصرية و حافظها احسن مننا و بلهجة مصرية سليمة (ما عدا خروج اللسان فى حرف الذال على غيرعادة المصريين)
و صوته ممتاز و لايق على الغنوة اوى
اختيار هايل للغنوة دى بجد و تسلم دماغ اللى اختارها
لانها طلعت مظبوطة جدا

شكرا يا جماعة و الله ينور عليكوا

بس 100 % كثير عليا يا ابو منظور دا انا لسه بتعلم الشكل الصح الكلمات المصرية والبركة في استاذي محمد الالاتي اللي تعب من كتر التكرار في التسجيل حتى تطلع الاغنية بهذا الشكل..وشكرا لمحمد مرة اخرى لانه بالفعل عرف انا عاوز ايه في التوزيع وعمله من قبل ما اسمع الاغنية