أعمال من تنفيذ الفنان محمد الآلاتي

[Sami Dorbez]

والله الواحد مش عارف يقول ايه والا ايه....
دا انا احد دلوقتي ماصحتشي من حلم ام الدنيا وبقالي يومين ما دخلتش النت لاني مش عارف الكلام اللي هقولو هيوفي والا لا..
المهم انا متشكر كثير لعمو محمد الالاتي على هذا التوزيع الرائع لانه تغير كثير على اللي انا سايبه وربنا يا رب اشوفك موزع قد الدنيا ويكون لك استديو 3 ادوار يرتع فيه الخيل بس ساعتها اوعى تغلي علينا الحصص ...ا

[Sami Dorbez]

شكر خاص لاحباء ومواطني سماعي اللي كنت اتمنى اشوفهم كلهم واحد واحد لكن للاسف الوقت كان ضيق...

وردة المنتدى لولي
اخي العزيز غازي
ابو النكت والفرفشه عدووووول
اخي رائد المصري
اخي طرب
اخي amrfat
اختي زانو
بابا انس حبيب الملايين
استاذي غواص النغم
اخي منير
اخي سيد الملاح
استاذي القدير عادل صموييل
اخي ثروت (الجيات اكثر من الرايحات)

الله يسعدكم ويارب نتلاقى في اسعد الاوقات

[الألآتى]

إخوانى الأعزاء

اليوم سنستمع لأغنية أهواك ..

دويتو بين سامى دربيز ورفقة بلطيفة ..

العزف والتنفيذ للعبد لله

إسمعوا وأحكموا ..

[غواص النغم]

جميلة الاغنية
عجبتني جدا
سامي رائع صوتك خاصة لما بتقول :ورضاها يبقى ..رضاك
كنت اتمنى تبقى المقدمة الموسيقية بالبيانو فقط يعني بداية الاغنية
قفلة الاغنية عجبتني جدا
اه
صوت المطربة رفقة جميل يعني اقول ايه
شكرا
و
تحياتي

[MUNIR MUNIRG]

شلة الابداع الفني سامى دربيز ورفقة بلطيفة ..
والمايسترو الاستاذ الالاتي
لقد استمعنا.......... و استمعنا ...... واستمتعنا
وحكمنا ................
اضافة هذه الزهره الجميله الى باقة ورود الزمن الجميل.

[ثروت رضوان]

لأ يا أساتذة .. لأ .. كده ماينفعش .. أرجوكم إعملوا حاجة وحشة .. موش كله كده .. تعبنا نقول: جميل .. حلو .. رائع ..
وبعدين لما ودانا تنضف ع الآخر .. حتكتر الحوادث فى الشوارع علشان موش حنقدر نسمع أى أصوات نشاز ..
وكمان حرام عليكم .. سيبوا الحمير ياكلوا عيش .. هو مفيش فى قلوبكم رحمة خالص

[الألآتى]

إخوانى الأعزاء

أصر الفنان سامى دربيز على غناء هذه الأغنية الجميلة ..

وهى من أعمال محمد فوزى الشهيرة ..

وبعدما سجلت له .. عرفت .. لماذا هو يعشق أغانى الطفولة ..

إسمعوها وقولوا رأيكم فى صوت سامى ..

ملحوظة : لقد راعيت أن تكون الموسيقى بدون إيقاعات كما أراد الموسيقار محمد فوزى .. فلم أضيف أى توزيع أو إيقاع .. ونفذتها كما هى ..

[ثروت رضوان]

روح يا شيخ انت وهو منكم لله .. الله يعمر بيوتكم والبيوت اللى جنب بيوتكم والبيوت اللى قدام بيوتكم والبيوت اللى ورا بيوتكم والبيوت اللى الناس بتمر بيها وهى رايحة لبيوتكم وللا جاية من عند بيوتكم وبيوت الناس اللى تعرفكم وتحبكم من غير ما تعرف بيوتكم .. ويخرب بيت اللى يكرهكم .. قولوا آمييييييييييين

[عادل صموئيل]

احبائى
لتانى مرة اسمع اعمالك انتم الثلاثى الرائع
ولتانى مرة انا بالذات لأنى عزفتها مع عبد الحليم عشرات المرات وعنما اسمع الاغنية من احد آخر بيكون عندى انطباع
قبل انا اسمع العمل انى حاسمع شىء مقلد وانا بالذات لنى عملت مع الاصل
ولتانى مرة عندما سمعت حسيت انى امام عمل جديد بتاعكم كانها اغنية جديدة انتم عملتوها ما حسيتش ان حد بيقلد حد
الاصوات اكثر من جميلة واتكلم بمعدلات زمن الفن الجميل يعنى انا سمعت عبد الحليم وعبد الوهاب ووردة وكلهم واقول بأعلى صوت لدينا هنا عينة من احلى واجمل اصوات الرجال والنساء واقولها بفم مليان يعنى هناك تكافؤ بين الصوتين وتلك ظاهرة نادرة ومن النادر حدوثها يعنى عبد الحليم لما غنى مع شادية صوتهم مع بعض كان متجانس بشكل غريب ولم يتكرر
ولو لاحظتم ظاهرة الدويتو مشكلة خطيرة على مر العصور حتى مع فريد الاطرش كان فى بعض اغانيه مثل تقول لأ واقول لأ كان معاه بنت ولكن عودوا اليه واسمعوا اليها تحس فرق بين صوتيهما اسد وقطة لايوجد تكافؤ ومع الاسف فريد كررها عدة مرات
وكلمة اريد ان اقولها يا احبائى انا حزنت تمنيت لو كنتم جئتم قبل ذلك فى زمن الفن الجميل لكنتم صرتم شيئا ذا شأن
لا يقل عن بدا الحليم وشادية ولا اتكلم من فراغ فانا خبير واماى موهبتان من الصعب تكرارهما
وانا اتمنى من الاذاعة التونسية والتى اعهدها من كبار الاذاعات التى تتبنى المواهب الاهتمام بهذه الظاهرة والجديرة بكل رعاية واحترام فهذان الصوتان مكانهما دائرة الضوء
اشكركم لأنكم اسعدتمونى
واشكر الاخ العزيز محمد الآلاتى على تقديم هذا الفن الجميل لنا والذى احسسنى ان مازال هناك فنا

[الألآتى]

المشاركة الأصلية كتبت بواسطة غواص النغم

جميلة الاغنية
عجبتني جدا
سامي رائع صوتك خاصة لما بتقول :ورضاها يبقى ..رضاك
كنت اتمنى تبقى المقدمة الموسيقية بالبيانو فقط يعني بداية الاغنية
قفلة الاغنية عجبتني جدا
اه
صوت المطربة رفقة جميل يعني اقول ايه
شكرا
و

تحياتي

أشكرك أخى عبد المنعم ..

بالنسبة لرغبتك أن تكون المقدمة بيانو فقط .. أنا أيضاً أتمنى ذلك .. وعلى المرء أن يعمل وليس عليه إدراك النجاح .. لأقد أردت بعض التتغيير دون المساس بجوهر العمل .. بالرغم من أننى لست من أنصار إعادة التوزيع .. لأننا لن نصل لمستوى هؤلاء العباقرة .. أشكرك مرة أخرى ..