دولة سماعى بدون تأشيرات - الصفحة 6

**khedr** · #51 26/12/2009, 08h47

منذ ان دخلت هذا المكان
وانا اشعر انه
بيت العااائله الكبير
ربنا يحفظ الجميع
ومعلهش ... عين الحسود

لأني فعلا باحسدكم علي هذه اللقاءات والمشاعر الجميله
التي تظهر من خلال الصور وبين كل حرف من الكلمااات

عين الحسوووود فيهاااااا عووووووود

**غازي الضبع** · #52 27/12/2009, 13h50

اقتباس:

المشاركة الأصلية كتبت بواسطة jamal din

هنا حدث لي موقف طريف استسمح في سرده عليكم

أثناء دعوته لنا كان قد اخبرني بان الموعد بكره وانا فهمت بكره على اساس انها مساءا
هههههههههههههههههههههههههههههههههههههههه

فرحت انا وحرمي الى عين المكان في نفس اليوم فوجدنا صديق لغازي الضبع يدعى الأستاذ احمد رستم وهو ملحن كبير له مجموعة من الاعمال قدمها لفنانين مصريين وعرب
فاستقبلنا بترحاب كبير جدا كعادة كل أهل مصر الطيبة وقعدنا ننتظر غازي الضبع يظهر لاكثر من ساعة هههههههههههههههه
حتى سالني الفنان احمد رستم وقال لي يا جمال انت متأكد انه غازي عمل معاك معاد النهاردة ؟؟؟؟؟؟
قلتله نعم طبعا هو قالي بكره لكن يبدو انه تأخر نوعا ما هههههههههههههههههههههههههههههههههههههههه
فضحك الاستاذ احمد رستم كثيرا وقال لي ان بكره بالمصري هي غدا وليس اليوم

هههههههههههههههههه
الله يمسيك بالخير يا أستاذ جمال
هذا الموقف يعد من المواقف الجميلة المضحكة جدا في حياتي
واسمح لي أحكيه من جانب تاني (من ناحيتي أنا )
يوم الأربعاء اتفـقت انا وأخي جمال إننا هانتقابل بكرة الساعة 8 في مسرح البالون
كلمت صديقي العزيز الأستاذ الدكتور أحمد رستم واتفقت معه أني سآتي له المسرح بكرة الخميس
عشان أنا عارف مواعيد أ. رستم يومي الاثنين والخميس بالمسرح
ذهبت إلى منزلي ولأول مرة أفكر في أن أدخل فراشي مبكراً حيث دخلت تحت البطانية الساعة 9 إلا ربع
في نفس الأثناء ، وبعد أن أنهيت المكالمة مع أ. أحمد رستم دخل هو الآخر ينام

وبعد أن استيقظ ،، جلس يتساءل : هو غازي قاللي هايقابلني النهاردة ولا بكرة ؟؟

عموماً .. هاروح النهاردة وزي ما تيجي تيجي
وراح فعلا أ. أحمد رستم للمسرح ( من حسن الحظ ) وإلا كان أخي جمال وزوجته لم يجدا أحداً يستقبلهما
وقابلهما فعلا ورحب بهما
وجلسوا ينتظروني ( وانا تحت البطانية )
وإذا بتليفون في تمام الساعة التاسعة من جمال الدين يقول لي : إنت ماجتش ليه
كنت أنا خلاص دَرْوَخت من بداية النوم اللي دخلت فيه
وحاسس إني باحلم ومش فايق
فقلت له : ماجتش فين
قاللي : مسرح البالون ، الساعة 9 وانت لسه ماجتش
قلت له : هو احنا مش قلنا بكرة
قاللي : أيوة مانا جيت بكرة !
بصيت على النافذة وقلت في عقل بالي : إنت هاتشتغلني يا جمال ! جيت بكرة إزاي ؟

قلت له : واحدة واحدة عليا يا جمال ،، إزاي جيت بكرة .. هو النهاردة إيه ؟؟

قاللي : مش بكرة يعني باكر الساعة 8 زي ما قلتلي
قلت له : طيب على أي حال .. إستناني .. وانا جايلك
وقمت أجري وانا باسأل مراتي : هو أنا نمت كتير قوي كده

؟

**سيد عبده الصيرفي** · #53 27/12/2009, 14h23

حكاية ولا فى الأحلام ياضبع
بمناسبة الأحلام
المشكلة إنى عارف الحلم اللى أتقطع ده زعلك كتير
لأنك بتكلف الحلم جامد قبل ماتنام لأنك راجل نزيه ومكنتش عامل حساب المقلب
أكيد كنت واخد ترمس ومكسرات ويوسفندى
خيرها فى غيرها

والله وحشتنا ياجمال الدين

**عفاف سليمان** · #54 27/12/2009, 17h21

يوم ذهبنا الى حديقة الازهر
قال لى ان اخونا غازى الضبع سوف يلتقيه ع الساعه الثامنه او التاسعه
وخرجنا من حديقة الازهر على الساعه السادسه والنصف متوجهين الى الفندق ونحن الى بيتنا
وفى اليوم التالى اتصلت بهم وقالوا لى انهم سهروا سهره جميله مع اخونا غازى الضبع والاستاذ احمد رستم فى مسرح البالون
وكانت سهره جميله
يوم الخميس ذهبنا الى حديقة الحيوان
كى افرجهم على استراحة الملك فاروق...وهذه الاستراحة كانت مقفوله ومكنش حد بيدخلها الا للتصوير فقط
وكان متصور فيها بعض الافلام العربيه القديمه منها والحديثه وعلى سبيل المثال فيلم
موعد غرام لعبد الحليم حافظ وفاتن حمامه عندما قابلها فى الحديقه الحيوان وغنى لها كان يوم حبك اجمل صدفه
وهما بيطلعوا فى الدوائر الحلزونيه فى الحديقه
دا غير بعض الاشجار النادره والمناظر الجميله
ولكن للاسف عندما ذهبنا وجدناها فى حالة صيانه وممنوع الدخول الاستراحه فقط وليس باقى الحديقه
وحاولت مع بعض المنفذين للصيانه ان يدخلوا اخى جمال وزوجته ومش مهم احنا
فقال لى والله ممنوع وهذا بامر من الوزاره وليس من الحديقه
وطبعا جلسنا وشاهدنا بعض الحيوانات وعندما وجدنا الوقت لسه بدرى
وكان اخى جمال الدين نفسه يرى المقابر (عبد الحليم...وام كلثوم....فريد الاطرش)
اقترحت عليه ان نذهب وفعلا ركبنا تاكسى وفى الطريق ...اتصل بى عم سعد الشرقاوى وسلمت عليه وسلم على اخونا جمال الدين
وطبعا سواق التاكسى عرف انه مش مصرى وحب يلففنا فى الطريق شويه
بس انا بقة طلعت عليه الزرابين بتاعتى وفهمته انى عارفه الطريق
لانه كان لابد من عند اول طريق السيده عائشه ويدخل يمين من تحت الكوبرى لكنه طلع ع الكوبرى فى طريق مدينة نصر لكنه برر بذلك ان الطريق الابيض او طريق لا اذكر اسمه هو السريع
رغم انى متأكده انه بيلعب بينا واخر ما ذهقت منه عرفته انى عارفه السكه ودول ضيوفنا والوقت هيمر بسرعه فى البحث والطريق عن المقابر
وعرفته ان مقابرنا بجوار مقابر عبد الحليم وفعلا بينه وبين مقابر ولدتى واهلها ثلاث شوارع داخليه يعنى مش بعيده
وطبعا اتأسف لنا سواق التاكسى ووصلنا للمقابر
واخذ اخى جمال يصور مقبرة عبد الحليم حافظ
وبعدها ذهبنا الى مقبرة امى رحمها الله وامهات المسلمين جميعا اللهم آمين
وبعدها مشينا الى مقبرة أم كلثوم تبعد عنهم بمحطه
ومقبرة فريد الاطرش واخته اسمهان بعدهم بردوا بمحطه
والجميل عندما ركبنا ميكروباص
تعرف اخى جمال على احد الركاب وفضل يتحدث معه بقلبه الابيض وطيبته
وفى الطريق قال لى اخى جمال انه ذهب يوما هو وزوجته لركوب مركب فى النيل

وطلب منى الا نرجع البيت على طول ان نذهب معهم فى مركب ع النيل
وبصراحه كنت محرجه انى اتركهم ولا اكمل معهم
لكن والله والله زوجته حسيت انها اختى انا وربنا يعلم واحببتها انا ومى جدا
وذهبنا الى المركب وقلت له لا تتحدث انت
انا اللى راح اتكلم
لانه عندما كان هو وزوجته فى المره الاولى
اخذوا منهم 150 جنيه
ولما انا كلمت الراجل اخذوا 50 جنيه

وفعلا كلمت الراجل اللى هيأجر لنا المركب
وركبنا ساعه
وكانت من اجمل الساعات فى النيل
والراجل شغل لنا موسيقى شعبيه عجبت اخونا جمال جدا
واخذ يصورنا ويصور الفنادق المطله ع النيل والكازينوهات والمناظر الجميله

طبعا الربع ساعه دى ممكن يركب فيها مجموعه ويستفيد
لكن احنا طالما دفعنا له فلوس
يبقى لازم ناخذ حقنا والوقت بالظبط
وعدنا فى ذلك اليوم الجميل الذى مر علينا مر السحاب
والله والمواصلات كانت جميله
احلى حاجه انى محرمتهمش من اى نوع من انواع المواصلات
يعنى اتوبيس ركبنا
تاكسىر كبنا
ميكروباص ركبنا
وهما بقه مع نفسهم ركبوا الحنطور
ههههههههههههههههههه

**jamal din** · #55 28/12/2009, 01h25

اقتباس:

المشاركة الأصلية كتبت بواسطة امين الفل

شوقتني يا جمال الدين

الرحلة كانت اصيلة
الاصالة و المعاصرة

شكرا شكرا بزاف لشوقك واعجابك بالرحلة
خويا امين الفل
القادم احلى ان شاء الله

اقتباس:

المشاركة الأصلية كتبت بواسطة khedr

منذ ان دخلت هذا المكان
وانا اشعر انه
بيت العااائله الكبير
ربنا يحفظ الجميع
ومعلهش ... عين الحسود

لأني فعلا باحسدكم علي هذه اللقاءات والمشاعر الجميله
التي تظهر من خلال الصور وبين كل حرف من الكلمااات

عين الحسوووود فيهاااااا عووووووود

بارك الله فيك اخي الكريم الأستاد khedr
....شكرا لمرورك الكريم وكلامك الطيب

اقتباس:

المشاركة الأصلية كتبت بواسطة sayed abdo

والله وحشتنا ياجمال الدين

صديقي العزيز سيد عبده
والله أنا كمان وحشتوني ياغالي
وحشتوني بزاف بزاف

**jamal din** · #56 28/12/2009, 01h50

اقتباس:

المشاركة الأصلية كتبت بواسطة عفاف سليمان

وفى الطريق قال لى اخى جمال انه ذهب يوما هو وزوجته لركوب مركب فى النيل

وطلب منى الا نرجع البيت على طول ان نذهب معهم فى مركب ع النيل

وهده بعض الصور يامدام عفاف
في مركب ع النيل

1

2

3

4

**jamal din** · #57 28/12/2009, 18h39

السبب الرئيسي الذي جعلنا

ننتمي الى هذا الصرح الكبير منتدى سماعي
هو حبنا الكبير للمطربين الذين اغنو مكتبتنا التراثية العريقة
وابرز هؤلاء الفنانين ابدعو من داخل مصر الحبيبة
فمن البدي هي كنت متشوقا بشكل كبير
لزيارة ماامكن من مقابر هؤلاء العباقرة
خصوصا عبد الحليم حافظ أم كلثوم وفريد الاطرش
والحمد لله تمكنت من ذلك بفضل اصدقائي الكرام بمصر الشقيقة
فاترككم مع الصور التي ستتكلم عوضا عني

صور قبر عبد الحليم

**jamal din** · #58 28/12/2009, 20h23

صور قبر السيدة أم كلثوم

**jamal din** · #59 28/12/2009, 20h31

**jamal din** · #60 28/12/2009, 20h43

صور قبر فريد الأطرش

قبر فؤاد بك الأطرش. فريد الأطرش . (أمال الأطرش) ..السيدة سمهان