اقتباس:
المشاركة الأصلية كتبت بواسطة ناصر دويدار
منذ أن دعانى صديقى علاء قدرى إلى هذا المنتدى وأنا أقرأ أبداع نقدى هنا وهناك منظم مرتب ومبهر ورائع وأحياناً أكاديمى وفى أحيان آخرى يحمل مجاملات لطيفة زى صحبته وكنت بسأل نفسى هى البنوتةالجميلة اللى فى الصورة دى بتكتب إيه شعر ولامسرح ولا بتمثل ولا بتخرج ولا بتكتب قصة ولا ربنا بعتها للمبدعين الغلابة توزع عليهم فُل وياسمين وشيكولاتة ودبابيس كرافيتات .
أخــيراً وجـدتها متلبسة بكتابة القصة يا خسارة كان نفسى تكون بتكتب شعر عامية أهو نبقى أنا والقمر ده جــيران انا بصراحة بكره المجاملة فى الـفن عشان المجاملة ممكن تخرب دولة بكاملها عشان كده من البداية عايز اقولك انتى مش شبه يوسف أدريس زى ما شاعر قالك لأن يوسف أدريس أعظم شاعر قصة قصيرة فى العالم وأعظم من تشيكوف نفسه وجائزة نوبل متحسرة على نفسها لحد دلوقتى لأن أسـمها ما أقترنش بهذا العبقرى العظيم المصرى العربى الأفريقى العالمى .
الحاجة التانية الموضوع بتاع قصتك لذيذ وبسيط وإنسانى ودافئ ويخلى المشاعر تتحرك (واحدة كانت بتحب واحد وهو بيحبها زعلوا أختلفوا ماحصلش نصيب غاب عنها عرف واحدة تانية أتجوز واحدة تانية صاحب واحدة تانية المهم كل واحد راح لحاله حبيبته جابته فى أحلامها هو جالها فى المنام مسكته فى لقطة نط على الذاكرة لحظة ذكريات المهم حضر وخلاص بعد غياب شافوا بعض وهما بيعيدوا الذكريات جت واحدة تانية خدها ومشى التانية دى حبيبته الجديدة دنيته الجديدة فاقوا من الصدمة أتأكدوا ان مفيش أمل للرجوع تانى بس خلاص ).. ليا بعض الملاحظات مليانين محبة ومودة
اللغــة
هذه البنوتة الرقيقة التى كتبت القصة فى 1/9 2009 وتبدو فى الصورة مثل الفراشة الجميلة المتألقة المنورة تحب على طريقة (الفينةوالآخرى) .(وفغرت فاهها لهذه الصدفة) . (التى رممت مشاعر مسفوكة من زمن
) ..
اللـه صورة شعرية رائعة ومرعبة لكنها تحمل خطأ فى التعبير للمعنى نفسه لأن الترميم يكون لشئ منهار شئ متصدى شئ حدث فيه تفكيك وأصبح كراكيب لكن السفك حسب معلوماتى المتواضعة لا يحتاج إلى ترميم يحتاج أولاً إلى وقف النزيف لأن المشاعر المسفوكة عايزة حــد يلمها مش يرممها
!!
حـاجة تانية : أطالت النظر إليه لتتفحص قسمات محياة وما أضافة الزمن الحائر من لمسات عليها .... وسيماً يافعاً لم يتغير به شئ سوى الشيب أزاى عايزة تشوف قسامات وجهه واللى أضافة الزمن الحائر اللى هى عارفة مسبقاً أن زمنه حائر فا مفيش حاجة غير شوية شعر أبيض يعنى وشه مش مكرمش ومش لابس نضارة وبيحسس وماحدش دعى عليه وقاله روح منك لله فا الدعوة أستجابت عند ربنا وماحدش قال تانى حسبى الله ونعم الوكيل فا جاله (خُـراج) فى ودنه فاعمل عملية فا مابقاش يسمع ... طـيب نيجى بعد كده (أوقدها الجرح القانى خلف ضلعها الأيسر من جديد) الجرح القانى يعنى أحمر يعنى فى القلب يعنى هل ممكن الجرح يكون له ألوان تانية ولا ده تعبير على أن الجرح لسه بينزف سنة2009 رغــد لسه بتكتب طيفك كان يرافقنى راشاً فى صحراء غربتى رهاماً وبرداً انا دلوقتى بقول للبنت إيه العسل ده إيه الجمال ده إيه الحلاوة دى أنتى أطعم بنت شوفتها أنتى ألذ بنت شوفتها تخيلى بقى لو قولتلها أنا لما شوفتك سقسق فى شراينى حنين مخضب بشجن وألم سنيين .... حاسس أن البنوتة الرقيقة اللى فى الصورة جاية من مكان مش عارفينه وأجمالاً أنا من وجهة نظرى المتواضعة أن الشخصية التى كتبت هذه القصة تميل إلى الغموض وهذا واضح حتى من التعريف العلوى للأسم الجنسية مصرية الأقامة :ممر الضوء إلى الشتات حتى دى مش مفهومة وعنوان القصة دموع فى شوارد الغيوم برضوا مش فاهمها مع أن القصة بسيطة ولذيذة وبتحصل فى مصر كل يوم وكل ساعة وكل ثانية وكل لحظة أنا أسف جــداً على الإطالة وأرجو ان تتسع لى رقتك رغم فجاجة تعبيرانى بس ماقدرتش أقول غير كده عشان ربنا مايودينيش النار وعلى فكرة الصورة رائـعـة جـدا ً والبنت اللى فى الصورة مستنية قطر الروح عشان ياخدها لحبيب الروح اللى جاى من نور السحابة المنورة على البيت الأنجليزى اللى فوق التل أشكرك جـداً وكل سنة وأنتى طيبة يا أجمل بنت فى المنتدى
.
|
فى البداية أستبيح أساتذتى الكِرام
القدير الأستاذ سيد أبو زهده، المهندس والاستاذالقديرإيهاب عامر ، المهندس والشاعر الكبير يوسف أبو سالم لتخطى مشاركتهما
الكريم / ناصر ديودار
قبل كل شئ أشكرك لمرورك ودخولك صفحتى وبيقين ينبء على إنها ليست المرة الآولى ..!!
وعتبي عليك أيهاالكريم
فى جزء لا يخصنى أو يخص مشاركتى
هو هذا الرد العجيب والمُغلف بعدم الرضا فى إشارتك هذه
اقتباس:
|
انا بصراحة بكره المجاملة فى الـفن عشان المجاملة ممكن تخرب دولة بكاملها عشان كده من البداية عايز اقولك انتى مش شبه يوسف أدريس زى ما شاعر قالك لأن يوسف أدريس أعظم شاعر قصة قصيرة فى العالم وأعظم من تشيكوف نفسه وجائزة نوبل متحسرة على نفسها لحد دلوقتى لأن أسـمها ما أقترنش بهذا العبقرى العظيم المصرى العربى الأفريقى العالمى
|
.
فى الحقيقة أنا لا أشبه الكاتب يوسف إدريس وإن كنت أتمنى.. ولا أحلم أن أكون مثله لآنه ليس مثلى الأعلى
أما إستغرابى هوَ لماذا إقتبست هذه الجزئية فقط من مُشاركة الأستاذ الجليل والناقد الكبير يوسف أبو سالم
ولما بترت أل التعريف فى صفة الشاعر فى مُداخلتك السابقة أهو تعبير عن استهجانك وعدم رضاك بما قال؟
حتى وإن كان ألا يستحق الثناء والشكر على ما تفضل
به من نقد وتحليل القصة الم تفكر حتى أن تذكر إسمه دون ألقاب على الرغم من أن حضورك أساسه إشارة فى تعليقه على القصة والتى بدأت بها ردك أو ليس هذا هوَ نفس الشاعر الكبير الذى قمت بالرد عليه ووصفته بالتالى:
اقتباس:
|
ولسه الشعر صاحى ولسه فى شاعـر فى الوطن العربى أسمه يوسف أبو سالم
|
اقتباس:
|
لأنك رجعتنى مرة أخـــرى أقرأ شعر الفصحى بعد أمل دنقل وصلاح عبد الصبور وحجازى ونزار ومحمود درويش أنت إضافة رائعة إلى كتيبة الشعر العربى ياشاعر يا كبير
|
أمر أخر إسمح لى أن أعقب عليه ...
وهوَ المُجاملة والتى لا أحبذها مع أى كاتب ومع أى نص أيا كان كاتبه لانها ممكن تخرب بلد زى ما تفضلت وذكرت ذلك
ولكنى أحب أن أوجهها فيمن يطور من كتاباته وأجد أمل فى مشواره الإبداعى أن يكون هذا القلم فى يوم ما يشار إليه بالبنان قبل صاحبه حينها تكون المُجامله "عمّرت بلد بحالها "
بالنسبة لقصتى الركيكية من حيث فكرتها المُستهلكة الحدث من وجه نظرك، عندما فكرت بنشرها فأصبحت ملكاً لكل قارئ
يحق له التعبير عن وجه نظره فيها بعيداً عن المُجاملة برؤى نقدية ناضجة تفيدنى وتثرى قلمى وعقلى بالكثير
ما دامت رؤيته ومُشاركته لم تتجاوز حدود النقد الآدبى ومناهجه....
أما أن تقوم رؤية القارئ فى تحليل القصة على أساس أن يتعرف على كاتبه إن كان غامض ولا كتاب مفتوح
يصيبنى حسرة ...!!
وعن معنى كلمة مسفوك محتاجه حد يلمها
وعن إيه معنى ممر الضوء إلى الشتات ، ودموع فى شوارد الغيوم
لله الآمر من قبل ومن بعد ..!
أما عن قسمات محياه اللى مش مكرمشة ولابس نضارة وبيحسس ولا طالعه خُراج فى ودانه من دعاها عليه
أعتقد إنك لو قابلت شخص أى كانت معرفتك به بعد فترة من الزمن هتكون متلهف تشوف قسمات محياه
نتيجة غريزه داخليه فى كل منا حتى لو كنت بتكره أو بتحبه
أما باللنسبة للمجاملات والمُشاركات التى تحوى هذا الرد
اقتباس:
إيه العسل ده إيه الجمال ده إيه الحلاوة دى أنتى أطعم بنت شوفتها أنتى ألذ بنت شوفتها تخيلى بقى لو قولتلها أنا لما شوفتك سقسق فى شراينى حنين مخضب بشجن وألم
|
أعتقد لا أنا ولا سيادتك بنقبل هذا النوع من المُجاملات إذ نعتبرها فضحية أدبية والآفضل له أن يظل خلف الكواليس ..!
أما حكاية...
اقتباس:
|
بعتها للمبدعين الغلابة توزع عليهم فُل وياسمين وشيكولاتة ودبابيس كرافيتات .
|
الحقيقة أنا بوزع فل وياسمين وشيكولاته لكل أصحاب الاقلام المُبدعة ، لكن مش بوزع دبابيس كرافيتات ..!
أشكرك على هذه الصفعة التى تخضبت بها صفحتى الآخيرة فى شهر ميلادى
وكل عام وأنت بخير وطيبة ..
رد: دمــوع فـى شـوّارد آلَغَيِــوَِمْ...!!
لروحك ،و
رد: دمــوع فـى شـوّارد آلَغَيِــوَِمْ...!!
العرض العادي
