عايز واسطه

[سعدالشرقاوى]

المشاركة الأصلية كتبت بواسطة عفاف سليمان

والله يا عم سعد

جيت ع الجرح
لحد الان محتارين ببنتى بسبب الواسطه
لا واسطه نافعه ولا اى حاجه شافعه
ولا عارفين نروح فين ولا نيجى منين
من مدرسه لمدرسه والهم طايل حالنا وحال الناس
كل مكان يقول لا هنا ولا هناك
ومن اداره لاداره وتووووووووه يابن ادم
وشوف لك واسطه يمكن تنفع
لا واسطه نافعه ولا اى حاجه تانيه شافعه
وربنا يرحمنا برحمته
وينور لينا طريقنا وبصيرتنا
حتى المجموع الكبير مش نافع
طيب ايه الحل وايه العمل
كل واحد يقولك روح هنا وروح هناك
وعلى راى الفنان رافت فهيم
روح يا خويا شوف مصلحتك
تحياتى لك يا عم سعد
ياللى مش ناسى اى سلبيه من سلبيات حياتنا

اختكم عفاف

ان شاء الله يا أم مى
الاخت/عفاف
ستحصل على ما قدّر الله لها
وليس مانع من المدارس العاديّه
وبمجهودك معاها ومجهودها ربنا ح يكرم الجميع
والعشم فى الله خير

[سعدالشرقاوى]

المشاركة الأصلية كتبت بواسطة abuzahda

الله ينوَّر عليك يا عمّي سعد

بس انا عايز اقولك مفاجأة !

بعد أكتر من ربع قرن من السياحة في بلاد الله ، وجدت أن الواسطة وباء إنساني
أقصد إنه على مستوى البشريّة كلها ، مش بس في مصر
حتى كندا التي تمثل سقف الرفاهية و الحريات في العالم ، فيها واسطة و هدايا تسهيل (هنا مش بيسموها رشاوي)

و في الإمارات ، المعادل العربي لكندا ، من حيث الرخاء و تعدد الثقافات . خرجت علينا الصحف ذات صبح بعزل مجموعة من كبار المسئولين بقرار من الفارس العربي محمد بن راشد ، الراتب الشهري لواحدهم يكفي بناء مدرسة في بلادنا ، لكنه عزلهم و شهر بهم بسبب الفساد الإداري

أنا معاك إنها آفة تنخر في تكافؤ الفرص ، بس حبيت اقولك: إطمن ! ، مش في مصر بس .

مش عارف ليه و انا بقرأها تخيلت عبقري المنولوج إسماعيل يس ، و هو بيغنيها . فقد كان ، رحمه الله ، يقضي معظم وقته بحثاً عن كلمات مُشابهة ، حتى أنه غنى لزجالين لم يعرفهم أحد غيره. فقد كان مُخلصاً لفنه لدرجة السفر إلى القرى و النجوع للبحث عن كلمة تجمع بين المرح و العمق و الصدق ، زي كلامك ده يا عمّي سعد ،

أتمنى على أخي ناصر دويدار أن يحمل هذه التحفة إلى ماسبيرو ، فلربما كان هناك خليفة لسيّد الملاح أو إسماعيل ياسين

أمير الكلمه الاستاذ/سيدأبو زهده
عودا حميدا اضأت به الصفحات
وكل عام وانت والحكومه والاولاد بخير
عدت فعادت الحيوية
نحمد الله على سلامتكم
ويابخت من سامح

[سعدالشرقاوى]

المشاركة الأصلية كتبت بواسطة فؤاد عبد الحميد

صحيح

والله ماني عارف أقول شئ
ألا فعلاً الدنيا كلها واسطه
وفعلاً تتعجب من موضوع يمشي كده بدون واسطه
تقول في نفسك وساعات علي الملاً
الموضوع ده خلص بدون ولا واسطه ولا أشي
وتكون مبسوط أوي
شكراً علي الموضوع
يااااااااااااااااااااااااااااااا

صاحب التوته

حبيب قلبى الاستاذ/فؤاد عبد الحميد
ماشوفتكش من وفاة عمى أمين اللى ما كانش عنده واسطه
لاستخراج شهادة الوفاة واضطرّينا ندفنوه عرفى
أظنك فاكره
عموما ياسيدى الورثه حصلوا على الترخيص
والحالة اتعدّلت وبدون أى واسطه
وحشتنى ياغالى

[سعدالشرقاوى]

المشاركة الأصلية كتبت بواسطة علاء طه ياسين

أخي وشقيقي

سعد الشرقاوي

ها قد عادت العصافير مرة أخري تزقزق علي أغصان التوتة ..
عودا حميدا يا أبو مدحت ..
وتألق كالمعتاد منك ..
والكوسة والرشوة والواسطة والمحسوبية أمراض انتشرت ..
ونحن لنا الله ..

علاء

هوّ احنا يعنى ياعم علاء رجعنا من غير واسطه؟

[سعدالشرقاوى]

المشاركة الأصلية كتبت بواسطة Tarek Elemary

أجيبلك واسطة يا عم علشان تشغل الموبايل بتاعك
يا عم سعد يا جميل
أيه الحلاوة دى يا راجل يا عبقرى

ياعم طارق والله بأعزّكم
ويعلم الله أنىّ أحبكم
وما يحوشنى أبدا عنـّكم
غير كلمة(عفوا لقد نفذ رصيدكم)

[سعدالشرقاوى]

المشاركة الأصلية كتبت بواسطة غازي الضبع

أذكر أنني حينما ذهبت كي أستخرج رخصة القيادة منذ عدة سنوات
قال لي أحد أصدقائي : لازم تشوف لك واسطة ..
هناك يابني .. مابيعترفوش بحاجة اسمها سواقة .. أد ما بيعترفوا بالكارت المتدبس على الورق
قلت : أوكيه ..
ذهبت إلى حلاق منطقتي ،، وهو أكبر واسطة في حيينا
( بجد مش هزار )
قاللي : خـُد الكارت ده ،، روح المرور ،، امتحن ،، اسقط ،، خش اتصور ،، استلم رخصتك ،، وتـَنــّك راجع

أخذت الكارت ، وذهبت ، وانا مطمئن
فوجدت اسمي في لجنة الاختبار رقم 48 وكنت آخر واحد في الكشف
فجلست أشاهد الـ 47 مختبر اللي قبلي
وكان منهم أطفال صغار ( تحت السن القانوني ) للقيادة
ووجدت أن منهم من طلع على الرصيف وهو بيختبر
ومنهم من أطاح بكل الأقماع المرورية الموضوعة للاختبار
والطامة الكبرى .. كانت هذه الفتاة التي صدمت ضابط المرور الذي كان يقوم باختبارها
وأخيراً جاء دوري ..
فدخلت باطمئنان شديد ( وفي بطني بطيخة صيفي )
وامتحنت .. والحمد لله ..
اجتزت الاختبار بمهارة لدرجة أن صفق لي من كان يشاهدني من الخارج ..
فلم أ ُخـرج الكارت
وذهبت للتصوير ،، كي استخرج الرخصة
وكانت المفاجأة الكبرى
أن اسمي كان أيضاً رقم 48 في كشف المقبولين !!!

استاذنا الفاضل/غازى الضبع
الرجل الهمام
الذى يملك المقدرة على اقتحام القلوب بكل بساطه
لك كل الحب والتقدير والاحترام
وربنا يقينا وايّك شرّ الواسطة

[سعدالشرقاوى]

المشاركة الأصلية كتبت بواسطة ahmedazmy_2009

انا بشكر حضرتك على الموضوع الرائع ده وبجد يسلم قلمك اللي حرك فينا المواجع

وشر البالية ما يضحك هقول نكته سمعتها عن موضوع الرشوه
بيقولك وزير مالية مصر كان قاعد مع وزير مالية امريكا
فوزير مصر سأل الوزير الامريكي انتوا بتدوا الموظف عندكوا كام في الشهر
قالوا بنديلوا 3000 الف دولار قالوا وهو بيصرف كام قالوا بيصرف لزوم معيشته حوالي 1500 دولار قالوا والباقي بيعمل بيه ايه قالوا احنا بلد ديمقراطي
مبنسألش الموظف بيعمل ايه بالباقي
قالوا وانتوا بقا بتدوا الموظف كام قالوا بنديلوا 300 جنية قالوا وبيحتاج كام لزوم معيشته
قالوا بيحتاج 1300 جنية قالوا وبيجيب الباقي منين

قالوا احنا بلد ديمقراطي مبنسألوش بيجيب الباقي منين

الاخ الاستاذ/احمد عزمى
حلوه
بس محتاجه يعنى حبّة واسطه
والزّاى ح اقدر أغامر وأضحك عليها
وأنا ماعنديش واسطه

[سعدالشرقاوى]

المشاركة الأصلية كتبت بواسطة ناصر دويدار

الله يا عم سعد
سعد سعد يحيا سعد من غير واسطة
زجلك دخل القلب الموضوع بسيط لغته بسيطة جميلة
فيها معانى بتحاكى الواقع وبتتكلم عن أفة موجودة فى حياتنا
هى الواسطة ومعالجة لذيذة وساخرة فى بعض السطور من الواسطة
لمّا الحقّ يتوه فى الباطل
والمقتول يتحوّل قاتل
لمّا الايد تتمدّ لعاطل
يبقى ياويل اللى مالوش واسطه
بس عايز أسألك بينى وبينك من غير ما حد يسمع السؤال وهقولهولك فى ودنك اهو
أنا عندى ليك واسطة جااااامدة هتطلعك فوق فوق فوق فوق
إيه رأيك توافق ولا توافق؟
يا عزيزى كلنا بنحب الواسطة بس لما تكون لنا تقبل خالص تحياتى ومحبتى وأحترامى
أخوك
ناصر دويدار

العبقرى الاستاذ/ناصر دويدار
هات ودنك
كلام فى سرك
بس فيه مشكلة
حدّ سمعنا
ما أخبيش عليك الاستاذ ابو زهده
عاش شويه فى كندا
يعنى خارج مصر
وزمانه اتعوّد على الصراحه
ومش ح يقدر يخبىّ
وح يقول ع السر كله
يبقى اللى يريّحك م التوم........

[غازي الضبع]

كلام جميــل
خرّج بعض الغصات التي تملأ قلوبنا
بس .. مش شايفين معايا .. إن الحوار بدأ ياخد سكة تانية
ربنا يستر من نهايتها

[سعدالشرقاوى]

المشاركة الأصلية كتبت بواسطة yosry_at

عايز واسطه
عايز واسطه
عايز واسطه
عايز واسطه
عايز واسطه
عايز واسطه
بس بحبك من غير واسطه
ولافيها مجامله ولا مباسطه
من غير واسطه
ياسعد ياشرقاوى النقد بناء والكلمه هادفه
ونحن بعون الله فى انتظار المزيد اعمالك الجيده

يسرى عطيه سليمان

الاخ الاستاذ/يسرى عطيه
ليس عيبا بل من أعظم السمات
أن يكون الانسان له الكثير من المعارف
والعلاقات العامّه
لكن العيب استغلال هذا فى ضياع فرص الآخرين
واستغلال النفوز فى المحرّمات
وربنا يسترها معانا فى الدنيا والآخرة