شئ من الحب

[Tarek Elemary]

المشاركة الأصلية كتبت بواسطة عيون المها

الشاعر المرهف صاحب الكلمات المضيئة

((( طــارق العمـــري )))

أكتب الآن و النجوم تتلألأ في السماء بحرية

أراها من نافذتي و أستمتع بتراقصها
قبل أن تلوذ بالفرار من لهيب الشمس الصاخب
أنظر إليها و إلى كلماتك فيختلط علي الأمر
أيهما النجوم و أيهما حروفك

جميل أن تكتب عن الحب
ذلك الكائن الكامن بداخلنا إلى أن يجد ما يستفزه
فينهض كالمارد و يحركنا وفق قوانينه
تلك القوانين التي لا تعبأ بأي فروق

~~~~~~~~~~~~~

الحب هو ذلك الطائر الحُـر الذي يهيم براً و بحراً
ليبحث عن النصف المفقود لكل روح
و ما أن يجد ضالته حتى يجمعهما فوق سحابات العشق
لينصهرا و يعودا لأصلهما ، روح واحدة يتقاسمها جسدان

~~~~~~~~~~~~~

يا شاعرنا المُبدع
أكتب و أثملنا بأشعارك الدافئة
و سننتظر جديدك دوماً

لك كل تحياتي

يا سيدتى ما تكتبينه هو الشعر بعينه و لا تنقصه سوى القوافى
و على رأى شيخ الطريقة ((هو الشعر أيه)) غير ما تكتبين
بدون كلماتك الرقيقة من أين نستلهم الشعر و نتنفس عبير الحب
أشكر لك مرورك أيتها الزنبقة الرائعة

[Tarek Elemary]

المشاركة الأصلية كتبت بواسطة عفاف سليمان

الله عليك لما تكتب عن الرومانسيه

والله يا شاعرنا كلامك كله حنيه

الواحد مش عارف يقولك ايه

عن كلمات الحلوه ديه

وطنى وثائر

حنون وشغوف وشاعر

رومانسى وكلامك شاعر

ربنا لا يحرمنا من شعرك الجميل

ولا من تنويعات الجميله والشعر الاصيل

ولا من ردودك الجميله مثلك يا جميل

لك كل التحيه والتقدير

ودائما مبدعنا بشعرك المنوع الجميل

تحياتى لك باسعد الاوقات

ومزيدا من الابداع

تحياتى

اختكم عفاف

ربنا يجبر بخاطرك يارب
تشجيعك لى دافع كبير للإبداع
أدام الله على مرورك البهى

[Tarek Elemary]

المشاركة الأصلية كتبت بواسطة علاء قدرى

صديقى العزيز طارق

اولا اشتقت اليك كثيرا
ثانيا: (طعم الكلام) (صوتك) (عنيكى)
كلام جميل مغنى نفسه بنفسه
امال اية اللى بيطاردونا بية اولاد الايه فى التلفاز؛والفضائيات؛وفى كل المناسبات؟؟؟؟؟؟
هو الموضوع ايه بالضبط؟؟؟؟
لماذا اصبح اختيار الكلمات السفيهه ؛ و اللحن الالى؛و المطربين المخنثين (هو الطبق المفضل)
لتقديمه للمجتمع؟؟
هو العيب فين بالضبط؟؟؟

اعتقد ان المرسل و المستقبل فى حالة ضياع (عن قصد)

يا سيدى الرقيق الشاعر حتى و لم تنظمه
فأنت شاعر شاعر شاعر
و لكن ما تتساءل عنه هو موجة موجهة
لها قادة يرسمون لها و الغاية هى
إعلاء الغث و التنكيل بالنفيس
و هذه هى الحرب
التى تهزمنا من داخلنا
و لا نشعر بها
إلا بعد النكسة
شاركنى
الألم

[Tarek Elemary]

المشاركة الأصلية كتبت بواسطة أبوصلاح

غواية بوح

ومازلنا في إنتظار البيقة
من شاعر الدهشة

إطلالتك غدت من أهداف الكتابة
و دافع كبير لها و محفز
فلا حرمنى الله منك
صديق و محب
علنى
أستحقك

[Tarek Elemary]

المشاركة الأصلية كتبت بواسطة علاء طه ياسين

بص بقا يا طارق بك ..

كلامك الحلو بيخليني أتمتع .. واكتب حتت صغيرة كده علي استحياء .. وعلي أدي .. وبمناسبة عنيكي .. اقبل مني المشاركة البسيطة دي ..
عنيكي حنينين
وغلابة وطيبين
وباشوفك نجمة عالية
وباشوفني ولد حزين
وعشقتك مرة واحدة
وسكن قلبي الحنين
ممكن لا مؤاخذة يعني
ألقي عيونك تساعني
واسكن لو حتي عين
علاء ياسين

فى الحب مافيش قناعة
فيه شوق و فيه مجاعة
الحب يابن كارى
مش للناس الشباعى
***
هاتحب؟ ... تكون جسور
تسقى المحبة نور
و تكون لاجله محارب
ما يهمك ألف سور
***
فى الحب ... ولا تمانع
القانع يبقى خانع
و يرضى باللى حاصل
ودا أسوأ حب شائع
***
أنا فارس فى الهوى
بالفعل و مش كلام
و مهما قلبى إنكوى
يشفيه برضه الغرام

[Tarek Elemary]

المشاركة الأصلية كتبت بواسطة سعدالشرقاوى

فاسمح لى اوسع كم الجلابيه واقول

,,,
عنيك تصنع اغانى
بتعيش طول السنين
الحب اللى انت قلته
قول لى بيروح لمين
,,,
وزّعته بالعداله
للناس المحرومين
ادّينى جرعه منه

انت وعلاء ياسين

يا أبوكم وسيع و قيمة
قول الكلمة السليمة
توت الشراقوة شاهد
إنك عامود لخيمة
***
و الحب فى عُرْفِى سِيِدْ
و إحنا فـ فلكه عبيد
بندور ولا لينا حيلة
و القلب و ما يُريد
***
فى الحب مافيش عدالة
و لا فيه طبعا ندالة
فى الحب فيه عطاء
و هيام حتى الثمالة
و عجبى

[Tarek Elemary]

المشاركة الأصلية كتبت بواسطة عفاف سليمان

طعم الكلام وياك جميل
اجمل من كل جميل
وياك بتوه المعانى
ومش بلاقى كلام تانى
كلامك نفسه كلام مواويل
يتغنى وفين اهل الطرب الاصيل
يشوفوا كلامك الجميل
ويقولوا للعشاق فن راقى اصيل

حبة حبة هاتقولى شعر
و نقعد إحنا فى البيت
و شايفك متعصبة لتاء التأنيث مع بلقيس
يبقى العنصرية هاتكتمل و الرجالة عليهم السلام
مع إن كل شقاء الرجل و حبه و تعبه
من أجل إمرأة
و ياريت
ترضى

[علاء طه ياسين]

عمي طارق بك
خد الحتة دي مني علي أدي ..


ولو إنتي هتبعدي عني
أُمّال هأرتاح إزاي
وانا لو عشت بدون حبك
الحزن هيملا غناي
وهيهرب غصبن عني
فَرْح الأيام الجاي

إن شوفتك ماشية قصادي
السكة تتوه من عيني
وباحس ف قلبي برجفة
وتخاف م البعد سنيني
كحلت عينيا بحبك
ولقيت في هواكي هواي
وعاهدتك بيني وبينك
عمري ما هأكون نسّاي
ولو انتي هتبعدي عني
ُأمّال هارتاح إزاي


علاء ياسين

[Tarek Elemary]

المشاركة الأصلية كتبت بواسطة علاء طه ياسين

عمي طارق بك

خد الحتة دي مني علي أدي ..

ولو إنتي هتبعدي عني
أُمّال هأرتاح إزاي
وانا لو عشت بدون حبك
الحزن هيملا غناي
وهيهرب غصبن عني
فَرْح الأيام الجاي

إن شوفتك ماشية قصادي
السكة تتوه من عيني
وباحس ف قلبي برجفة
وتخاف م البعد سنيني
كحلت عينيا بحبك
ولقيت في هواكي هواي
وعاهدتك بيني وبينك
عمري ما هأكون نسّاي
ولو انتي هتبعدي عني
أُمّال هارتاح إزاي

علاء ياسين

شرفت يا أبو العلاء
و مقبولة منك و اقل منها كمان يبقى كتير
ربنا ما يحرمنى من طلتك و حلاوة مشاركتك

[عفاف سليمان]

المشاركة الأصلية كتبت بواسطة Tarek Elemary

حبة حبة هاتقولى شعر
و نقعد إحنا فى البيت
و شايفك متعصبة لتاء التأنيث مع بلقيس
يبقى العنصرية هاتكتمل و الرجالة عليهم السلام
مع إن كل شقاء الرجل و حبه و تعبه
من أجل إمرأة

و ياريت
ترضى

المشاركة الأصلية كتبت بواسطة Tarek Elemary

صباح الخير على شاعر الرومانسيه
الشاعر الثائر حتى فى عواطفه واحساسه الجميل
شاعرنا طارق
ياريت اعرف اكتب شعر
كنت كتبت وقلت كتير
يابخت باللى انسعد حاله
بالشعر اتقاله كلام وغنى له
وطيف الغرام فى الحب جاله
ورسم اجمل صور حاله
تحياتى لابداعاتك الرائعه
سلمت يداك وسلم من وهبك الالهام
ونتمنى ان نرى مزيدا من الابداعات الشعريه
الوطنيه والعاطفيه والثائره
لك وللجميع اتمنى لكم اوقات سعيده
اختكم عفاف