هى ـ وقطتها .... وأعمال أخرى

[سعدالشرقاوى]

الاخت/ناهد
(الحياه بين زوايا الصمت)
جعلتكى تعيشين (الحياه بين زوايا الضجيج)
ابارك هذا التفوق العظيم لشقيقة اعضاء المنتدى المدلله
من اضاف اضاف لها
ومن نقد كان حريصا عليها
ومن وجّه كان جديرا باحترام العمل
والمضمون واحد الكل يحبها وبلهفه ينتظرمكتوبها
وليس عجيبا ما اراه فاقسم اننى توقعت ذالك من البدايه
ومنذ ان وقع زلزال القصه وانا اترقب التوابع
اخيرا تهنئه من القلب وتوفيقا من الله

[مختار الحسانين]

يا الله على الروعة

لو لم اكن فى مكتبى كنت حولتها لزجل ،

تسلمى ، ويسلم هذا القلم المتدفق بالعذوبة


مختار الحسانين

[NAHID 76]

بسم الله الرحمن الرحيم
الصديق والشاعر الرائع والناقد المحايد
كمال باشا عبد الرحمن
بكل السعاده قرأت تحليل حضرتك على القصه
وطبعا كنت بنتظرك من زماااان
ووجهت لحضرتك الدعوه المباشره لأن يمر قلمك على القصه كى تزداد أبعادا وتأخذ زوايا واشكالا مختلفه وتتسع رحابتها الى عالم من الفن الجميل المتمكن
وبعد طول انتظار وبعد أن كدت أفقد الامل وجدتنى أمسك بيدى النجوم وأكلم القمر وأطير بين السحاب من كل كلامك المنصف وما منحتنى فى بعض أجزائه درجه الأمتياز
بكل فرحتى وسعادتى التى أشعر بها الان
أشكرك وأشكر مرورك الكريم الذى يجب ألا يمر عمل لأى انسان لا يحظى بطلتك
شكرا الصديق كمال وشكرا شاعرنا وناقدنا وحبيب جماهير سماعى
ملحوظه بسيطه أردت أن أسهب فى شرح عمل الاوانى الفخاريه حتى أطلع ما لا يعرف تلك الحرفه وكيف تتم
تحياتى

[NAHID 76]

بسم الله الرحمن الرحيم
الفاضل جدا والحبيب لكل جماهير سماعى
الشاعر سعد الشرقاوى
مداخلتين من حضرتك فى قصتى يساوى الجمال كله والشرف كله والاحترام لشخصك كله
بس خدت بالك من كلمه يساوى دى وصلت
أشكرك من القلب على لفتاتك الجميله وأنا من اشد المعجبين بكتابات حضرتك وكمان ردودك بالذات خاصه على الاخ علاء ياسين
قصه لى زائد تعليق للاستاذ سعد الشرقاوى
يساوى منتهى الفرحه ومنتهى الجمال
تحياتى والى لقاء فى توابع (حكايات المقابر) قريبا ان شاء الله

[NAHID 76]

بسم الله الرحمن الرحيم
الفاضل والكريم استاذ
مختار الحسانين
ألف أهلا وألف مرحبا بتشريف حضرتك لنا ولاول مره
فيلزم علينا اأولا الترحيب
أما تعليق حضرتك أتمنى عندما تغادر المكتب تحولها الى زجل رائع
كما قرأت لك فى تعليق على الأخ علاء ياسين
وكمان منتظره على أحر من الجمر حكايات القطارات وما يحدث فيها والى يمكن مينكتبش
وغلى العام علشان كلنا نستمتع بهذه الأحداث
وحياه خالك عنتر ما تبخل علينا
أشكرك جدا ودمت لنا ودام معك الود كله والأحترام
والى لقاء فى أحد توابع زلزال المقابر قريبا
أنتظرونا
تحياتى

[مختار الحسانين]

أختى العزيزة الأستاذة الفاضلة ناهد

أشكرك على اهتمامك جزيل الشكر

أما قصة خال عنتر فما وفرته فى ركوبة المكيف درجة أولى ممتاز صرفته على علاج نزلة البرد الشديدة التى اصابتنى بعد تغيير القطار فى طنطا ، وركوب القطار المنطلق إلى المنصورة ، ففى زحمة الدرجة التالتة ووسط أنفاس الموظفين والفلاحيين والمستقلين ، لم اتحمل فرق درجة الحرارة ولا الوقوف الذى جاء بعد راحة تامة على مرتبة مش كرسى فى قطار مطروح المكيف ، وبعد وسع وفراغ استراتيجى ، دخلت للفقر الدتاوى وكثافة السكان المرتفعة .

هناك قصة حدثت لى مع بائعة الجبن التى تنطلق ببضاعتها من محطة طنطا إلى محطة مصر فى الاسكندرية لكى تبيع بضاعتها التى هى عبارة عن جبن قريش وبيض بلدى وزبد ولبن طازج مش بودرة ..... قصة لا يجب أن أذكرها ... لما فيها من كلام بايخ

أغرب ما حدث لى فى مجطة قطار الحمام وهى المحطة التى تفصل بين محافظتى مطروح والاسكندرية ، وكانت بعد حادث حريق القطار الشهير الذى تحولت فيه أجساد الصعايدة الفقراء إلى ركام .... قصة تبدلت فيها أفكارى وشاهدت قسوتهم وكذبهم وغشهم وارتكباهم لمخالفات لا ينبغى أن تتم ، تعرفت فيها على طيبة وفقر وغلب المصريين ، وشاهدت الفراعنة قادمون من سطور التاريخ .

الان لا اركب القطارات الا نادرا ، وافضل عليها الميكروباصات ، فهى أسرع والسعر مناسب ، ولى مع الميكروباصات والسرفيسات ذكريات لا تنتهى حتى أننى أنا وزميلى المعيد حاليا فى كلية طب المنصورة كتبنا معلقة على الربع جنية المخروم ...

أسمها مأساة شعب

كتبها زميلى وحبيبى الذى لم اراه الا منذ يومين عندما كنت اركب الميكروباص وشاهدته يسوق سيارته الخاصة ، ففتحت الشباك بسرعة ولوحت له ورأنى فعلا ، وضحكنا لبعض ، وأسرع هو وبقيت فى الميكروباص أتذكر أيام الجامعة ..

مأساة شعب

محمد رمضان المرسى

[NAHID 76]

بسم الله الرحمن الرحيم
السيد الفاضل مختار الحسانين
اتمنى لو تفتح موضوع فى تجارب أدبيه وتكتب كافه الزكريات فى الميكروباص والقطار وكافه أنواع المواقف خاصه مع بياعه الجبنه وخلينا نستمتع بسردك الجميل علشان خاطرنا كلنا فى المنتدى وأنا من وراء حضرتك حكتب
لا تحرمنا من أسلوبك الرائع
تحياتى

[مختار الحسانين]

المشكلة بالنسبة لى أنى سريع فى ترك المنتديات ، وحاليا أنا مؤسس لمنتدى يسمى الجغرافيون العرب كونى معيد فى تخصص الجغرافيا ، ودخلت هذا المنتدى الرائع للاستمتاع بمنولوجات اسماعيل يس وشكوكو ، ولكن مع كل الاسف لم استطع تحميل ملف واحد من الملفات الموجودة ضمن مرفقات المنتدى ...

بالنسبة لأسعار السرفيسات عاملة أيه عندكوا فى القاهرة .... تصدقى وتؤمنى بالله ، أحنا كشعب مصرى أكثر شعب متبهدل فى هذا العالم ، نحن الشعب الوحيد فى هذا الكوكب الفضائى الذى يستغل من أول تباع السرفيس مرورا بالطبيب والمهندس الى أخر التركيب المهنى والاقتصادى ، نحن من بنينا الاهرامات جوعى عراة حتى ينعم الملك بنومه فى هدوء وراحة فى قبره الاسطورى ، نحن من نصنع من أجل الاخرين حضارتنا وننسى أننا أصحابها فى الاساس .

السرفيس والميكروباص وقطارات الدرجة التالتة تلخيص حقيقى لمعاناة المصريين ، علاوة على مواصلات الدرجة التالتة التى تربط بين المدن الصغيرة والقرى المجاروة ..... ويعلم الله أننى لم أطرد أى طالب أو طالبة كما يفعل بعد الدكاترة والمعيدين ، حتى لو وصلوا فى الدقائق الاخيرة ، فيكفى أن تقول البنت أنا جاية من المنزلة أو السنبلاوين أو اجا ، وحضرتك عارف المواصلات ن فأقول فى سرى عارف عارف ، خصوصا خالى عنتر ونزلة البرد وخناقتى كذا مرة مع سواق السرفيس والتباع بتاعه الضلالى واكل باقى فلوس الغلابة .

خلينا نرجع تانى للسرفيسات ونقول قصيدة مأساة شعب لزميلى المرسى ، القصيدة الزجلية كانت من كام سنة أيام لما كانت الاجرة ب ريال ( عشرون قرشا مصريا ) ، كنا نعطى التباع المخروم ( 25 قرش ، ربع جنيه ) فيرجع لينا الشلن ، أو هوا يقول شوف شلن وانا أعطيك بريزة ( 10 قروش ) .....

أنا هكتب القصيدة دى فى الرد الجاى بس عايز أقول حاجة غريبة لافتة نظرى ، ان التباعين واللى بينادوا على اى بضاعة فى مصر ، بيقولوا شعر موزون وهما بيندهوا على بضاعتهم ... بصراحة الناس دى مع قرفها وسخطها علينا فهم مخزن كبير ( هارد ديسك بشرى ) لكل التجارب المصرية ....

تعرفى انا ساعات كتيرة جدا أشترى حاجات محتجهاش أبدا فى شقتى ، وبشتريها برضه عشان بحب الناس دى ، مرة منساش ولد صعيدى بيبيع الربابة الخشبية ، وقفته اتكلمت معاه ، انت منين يا حبيبى ، عامل أيه ، أنت فى المدرسة ولا لأ ، بتعمل الحاجات الحلوة دى ازاى ، المهم اقوله حبيبى أنا مش عايزها بس انا هديك تمنها ومش هاخدها ، فهوا يقولى لأ خدها من غير فلوس ، يعنى هو اجدع منى ، راجل بجد ، ولد ناشف كدا مش طرى زى العيال بتوع نادى الجزيرة وجزيرة الورد فى المنصورة اللى فى العشرينات وبياكلوا سندوتشات هامبورجر ،،،،

مرة صعب عليا تباع السرفيس ، الراجل الكبير اللى قد أبويا الله يرحمه ويحسن إليه ، دار حوار بينى وبينه قدام الناس ،،، بقوله يابا الحاج أنت بتشتغل الشغلانة دى ليه بس ، انت كبير فى السن وواجب انك تستريح ، قالى يابنى انا عندى بنتين مجوزهم ومديون ولازم أسدد الفلوس ، علاوة على انى ( هوا مقلش علاوة صراحة دى من عندى ) عندى بنت تالتة ، حسيت بيه جامد وهو بيتكلم ، بيقولى يابنى انا بشتغل من الصبح حتى الخامسة على السرفيس ، بعد الخامسة اشتغل فى المحطة اغسل عربيات ،،،، لأخر الكلام الكتير اللى دار ، فقولت ليه ايه رأيك بقى أنت روح استريح ومتروحش البنزينة تشتغل وخد كل اللى فى جيبى واسمتع اليوم بحياتك ، فى نهاية الموقف فرغت جيوبى من كل ما أملك وحلفته ميروحش الشغل هذا اليوم ، واكتفيت باللى هيوصلنى لحد بيتى ، والدموع كانت على حدود عيونى الجنوبية وانا نازل من السرفيس ، نظراته لى كانت فيها امل ، ونظراتى ليه كانت فيها ألم .......

تعرفى أنا متأكد من أيه دلوقتى يا أختى ناهد

أنا الميه اللى فى المطبخ اللى بعمل بيها الشاى اتبخرت ....

[NAHID 76]

بسم الله الرحمن الرحيم
أستاذى مختار
تعرف أنا حسه بأيه الان
أنى كل ما اقرأ لحضرتك أشعر بعد ثانيه باالعطش من حديثك المؤثر
وعلى فكره طالما حضرتك عارف المنزله
والمنصوره وجزيره الورد أنا من نفس المكان تقريبا
أمال حضرتك فين الان لانك بتسألنى المواصلات فى مصر عامله أيه
أما عن حكايه عدم معرفتك التحميل أو عدم تمكنك سوف يساعدك فى ذلك كل الزملاء
تحياتى

[رايا]

جميل يا مدام ناهد
وبالرغم ان البعض انتقد المبالغة شوية
فى وصفك للاحداث على اساس ان القصة القصيرة
لا تتحمل الوصف الزائد لكن الحقيقة ان
الواحد لم يشعر بالملل فى القراءة واسلوبك شدنا ان نتتبع
نهاية القصة وان كنت اعتقد ان حادثة حماة وردة ليس مبرر
لخروج ورده وحملها الصينية وهى حامل اعتقد ان فى الريف وفى هذة المناطق شئ مالوف ان تجدى زوجة الابن تخدم حماتها وان تخرج للعمل مع زوجها رغم حملها وبالتالى لوم اهالى القرية انها خرجت غير منطقى بدرجة كافية
لكن بصفة عامة الفكرة واختيار المكان ونوعية الحرفة اختيار موفق فى الربط بين فلسفة الحيا ة والموت .......ابدعتى كالعادة
شكرا ليكى مدام ناهد