طلبات نوتة أ / عادل صموئيل الجزء الثانى

[عادل صموئيل]

المشاركة الأصلية كتبت بواسطة sfakhri

الأستاذ عادل
1 - أريد أن أطرح استفساراً فيما يتعلق بالنوتات الأساسية للأغاني : هل يعارض ملحن ما أو قائد فرقة موسيقية أو فنان على منح المنتدى النوتات الأساسية لأغانيهم فيما لو طُلِب منهم ذلك ؟

2 - هل هناك قاعدة معينة لاختيار المقياس عند تدوين أغنية ما كأن يكون اثنان على أربعة أو أربعة على أربعة مع ملاحظة أن معظم تدوينات حضرتك تعتمد على الأزمنة الطويلة .
مع دوام الشكر والامتنان .

الاخ العزيز
اولا انا آسف لعدم الرد على الاسئلة احيانا بكون مشغول جدا وبدخل المنتدى بسرعة مش بلحق اقلب فى المشاركات يعنى ساعات فى 24 بيكون الموضوع زاد 3 صفحات .. لكن لما بكون فاضى برجع للخلف مش 3 صفحات ولكن 20 فحة ولا اترك سؤال بدون إجابة .. لأن اسئلتكم واجاباتى دى تنفع مدرسة للأجيال القادمة وبالذات لأن فيه اسئلة انا الوحيد الموجود على قيد الحياة ويستطيع اجابتها لأنها بتكون من صميم ما شهدته انا فى حياتى الشخصية
ونرجع للأسئلة ... زمان اام العمالقة ماكانوش هم بيستخدموا النوتة .. يعنى كانوا بيتعاملوا مع النوتة للفرق الموسيقية .. يعنى الملحن لما يعمل لحن جديد بيطلب احد الاساتذة المدونين وبيكون عادة طبعا مدون هو معتاد على التعامل معاه على طول وبيكون استريح لطريقة تدوينه ... وبالطبع كنت انا احد هؤلاء المدونين .. وكنا بنكتب النوتة بالقلم الرصاص بعدين بييجى واحد نساخ بينسخها بالريشة والحبر الشينى لاسود عشان يبقى شكلها حلو فى العزف تسهل على العازف وواضحة .. ده بالنسبة للفرقة الماسية بالذات .. لكن الفرق الاخرى كانوا بيقوماوا بتصوير النسخى اللى بالقلم الرصاص عدة نسخ ويشتغلوا بيها بس طبعا انت عارف خط اليد ممكن تكون حروف كتير مش واضحة وبالذات رؤوس النغمات يعنى انت لما تكون بتتملى من العود او بتكتب بسرعة مش بتضغط وتكبر رؤوس النغمات بتبقى نقطة مش واضحة وهنا ممكن تحصل اخطاء فى القراءة ..
لكن اعتقد ان مافيش ملحن يبخل بنوتة على اى منتدى وبالذات لما يكون اللحن خلاص اتسمع كتير ... يعنى حصلت هنا فى المنتدى الملحن الكبير المرحوم عبد العظيم محمد بعد وفاته احنا طلبنا منها النوت اللى عندهم وقامت ابنته مشكورة بتصوير كل النوت اللى تواجدت فى بيتو ونزلتها تباعا فى المنتدى
لكن المشكلة انو بيحصل ساعات شوية غباء او روتين من الفرق الحكومية يعنى مش بيرضوا يخرجوا النوت .. عشان ماتجيش فرقة تانية تعزف اللحن وتنافسهم مع ان رأيى انا العكس انا لو مدير فرقة الموسيقى العربية مثلا كنت اقدم اى نوتة يطلبها اى طالب للنوتة انو ممكن يصور نسخة منها حتى ولو لقاء اى أجر رمزى وبذلك نجمع مبلغ محترم ممكن نعمل بيه اى تطوير خطير .. يعنى النوت فى فرقة الموسيقى العربية بالآلاف ممكن بالفلوس اللى تيجى من التصوير نشترى كذا جهاز كمبيوتر وطابعات .. ونجيب موظفين بيعرفوا يكتبوا نوتة على الكمبيوتر ويقوموا بكتابة كل النوت الموجودة على الكمبيوتر واكيد ده مكسب كبير جدا جدا للموسيقى العربية وللتراث الموسيقى
ويبقى ماكلفتش الحكومة حاجة يعنى من ثمن التصوير للطالبين اعمل المشروع الجميل ده لكن حتقول لمين ؟؟؟؟ مع ودود الروتين الحكومى
اما سؤالك الاهم انا لما بكتب نوتة 2/4 او 4 / 4 ده بيكون مش بمزاجى او انا اللى بختار اكتبها ميزان ايه
بيكون طبيعة اللحن او الايقاع كده يعنى هنا اسمع اوى اوى اغنية طوف وشوف من ام كلثوم ... ثم راجع مع النوتة تلاقى الاجزاء اللى انا عاملها 2/4 بتكون اداء زى المارش العسكرى او ايقاع فوكس
اما الاجزاء اللى بعملها 4/$ بتكون ايقاعات رباعية زى الوحدة الكبيرة ... يعنى اللى بيتحكم فى الموضوع اللحن نفسو والايقاع نفسو ... احيانا لما بيكون الايقاع اصلا 2/4 وانت تكتبو 4/4 احينا بييجى آخر الجملة تلاقى المازورة فيها نوارين فقط والجملة خلصت كده ... بيضطر اللى بيدونها يمسحها كلها ويدونها تانى 2/4
المشكلة ان فيه فرق واضح جدا جدا بين 4/4 و 3/4 لكن بين 4/4 و2/4 مش حتلاقى فرق واضح
لذلك لازم تاخد بالك من الايقاع او طبيعة الجملة ,,, بالطبع لو راجعت كتير من النوت اللى فيها التحويل ده مع سمع الالحان نفسها حاتحس بالفرق
مع اطيب تحياتى عادل صموئيل

[سليم العباس]

شكراً جزيلا أستاذ عادل على الشرح الوافي خاصة فيما يتعلق بمقياس التدوين ، أدامك الله للمنتدى ولجميع أحبابك .
نحن من يجب أن نعتذر على كثرة الأسئلة و الطلبات ، لكن كا يقال الإناء الكبير يستوعب الصغير .
تقبل تحياتي و امتناني
ياعزيزى
انا بسعد جدا جدا جدا بأسئلتكم
لنى بحمل على اكتافى عبء ثقيل جدا جدا ... وهو كل ما يختص بالزمن الجميل وفن الزمن الجميل , والمشكلة الوحيدة ان جميع زملائى رحلوا وحتى لو تبقى اى حد منهم بيكون عجوز اوى أو اعتزل الحياة او مش بيختلط فى المنتديات لنى عندما عملت معهم كان عمرى عشرين عاما وهم بدءوا فى الخمسينات
وانا احب ان لا احمل معى الى قبرى اسراراً ولكن احب ان اترك كل علمى وفنى لمن بعدى ليعطوه لمن بعهدهم مع اطيب تحياتى عادل صموئيل

[Muhammad Sarhan]

المشاركة الأصلية كتبت بواسطة عادل صموئيل

ا. لكن لما بكون فاضى برجع للخلف مش 3 صفحات ولكن 20 فحة ولا اترك سؤال بدون إجابة .. لأن اسئلتكم واجاباتى دى تنفع مدرسة للأجيال القادمة وبالذات لأن فيه اسئلة انا الوحيد الموجود على قيد الحياة ويستطيع اجابتها لأنها بتكون من صميم ما شهدته انا فى حياتى الشخصية
ونرجع للأسئلة ...

كنت سألتك زمان سؤال ولكن حضرتك لم تجبني عليه

http://www.sama3y.net/forum/showthre...871#post539871

[samy130]

المشاركة الأصلية كتبت بواسطة عادل صموئيل

اولا : الف مبروك للأخ العزيز سيد على النجاح
وتحياتى للعزيزة بيانو بيانو عجبتها اوى كلمة البنات دول نعمة
وكما قالت سعاد حسنى البنات البنات الطف المخلوقات ... وقالت فى عبارة اخرى :: البنت زى الولد ماهيش كمالة عدد

اقدم لكم من روائع فايزة احمد ومحمد سلطان

وتعالى شوف

اتمنى ان تنال اعجابكم

مع اطيب تحياتى

روووعة ...اختيار جميل ...واغنية رائعة .... شكرااا لك

[عادل صموئيل]

العبقري العظيم والنجم الماسي اللامع الاستاذ عادل صموئيل مساء الخيرات لحضرتك

الحقيقة اود سؤال سيادتكم بعيدا عن النوتات ... موضوع يخص احد النجوم الذين عملت انت معهم وهو الاستاذ القدير عبدالحليم حافظ رحمه الله

فلقد قرات في احد الكتب انه وافته المنية وهو على خصام مع نابغة الدهر الموسيقار الفذ بليغ حمدي ... بمعنى انهم لم يكونوا على كلام مع بعضهما البعض نهائيا .... بحكم علاقة سيادتك بالاثنين فهل هذه المعلومة صحيحة يا استاذنا الكبير

وكل الشكر لك يا افندم

اخى العزيز انا اليوم على الاخص جاوبت على سؤال للأخ العزيز عمروا هنداوى انكم ما تصدقوش كل الكلام اللى بيتفبرك فى الصحف ... يعنى بعد وفاة وردة
طلع كذا واحد فى القنوات الفضائية وقعدوا يختلقوا قصص انا كنت موجود فى الاحداث دى وماحصلتش .. عارف اغنية ام كلثوم لما قالت
خصامنا يدوب فى يومين اتنين يادوب فى يومين ؟
الكلمة دى المؤلف بتاعها كتبها من احساسه .. يعنى الفنانين دول كانوا عشرة عمر يعنى اتعذبوا مع بعض وقاسوا كل المعاناة فى الدنيا وانضربوا بالطماطم وانهزموا واتبهدلوا ونجحوا وانتصروا وتألقوا وصعدوا مع بعض .. يعنى شوف كام لحن لحنه بليغ لعبد الحليم انا حالا ما اقدرش اقول لك رقم محدد .. وكل لحن من دول كام قعدة وكام سهرة للصبح اثناء اعداد اللحن وكام بروفة وكام وقت تسجيل وكام حفلة وكام سفرية للخارج ... يعنى حتى لو حصل اى خلاف مش ممكن يستمر اكتر من يومين ... وللعلم كان عبد الحليم على خلاف كبير مع فريد
لكن عبد الحليم كان ممكن يستغنى عن فريد لكن مايقدرش يستغنى عن بليغ
مع اطيب تحياتى عادل صموئيل

[ابوكارم]

السلام عليكم
اتقدم بخالص شكرى للاستاذ عادل والاستاذ اشرف
لانهما سبب اللقاء الجميل الذى اجتمعنا فيه على الخير
وكنا نتمنى ان يحضر الجميع لنراهم ونتعرف عليهم
وشكرا لكل من حضر
1-الاستاذ سيد الف مبروك النجاح
2-الاستاذ احمد نور الصباح ارجو ان ترفع الصور لكى نراها وننزلها
وهل من الممكن ان تستغل هذه الصور فى البرنامج الذى اقترحته
حضرتك سابقا بعمل الزهره من الصور
3-الاستاذ عاصم شكرا لمجهودك المبذول للم شمل الاخوة
وتسهيل وصولنا الى مكان الملتقى
سلامى واحترامى للجميع.

[armendo]

اخى العزيز الأستاذ عادل
من واقع خبرتك فى التغامل مع الوسط الفنى ومعايشتك له ,هل توجد صداقه مع المنافسه ؟
مع ارق تحياتى
ارمندو

[armendo]

الأخ العزيز ابو كارم.. اهدى اليك اغنيتى اهو ده اللى صار ,والقلل القناوى لحالد الذكر سيد درويش ارجو ان تسعد بهما.
مع ارق تحياتى
احمد(ارمندو)

[armendo]

المشاركة الأصلية كتبت بواسطة armendo

الأخ العزيز ابو كارم.. اهدى اليك اغنيتى اهو ده اللى صار ,والقلل القناوى لحالد الذكر سيد درويش ارجو ان تسعد بهما.
مع ارق تحياتى
احمد(ارمندو)

اعتذر عن اغنية القلل القناوى ويبدو اننى قد رفعتها من قبل لأحد الأصدقاء ورفض الكومبيوتر ان يرفعها مرة اخرى وقد استبدلتها بدور يا غصن نقا.
ارمندو

[guest]

استاذ عادل المحترم /

أنا ما اتضايقتش خالص من كل كلام حضرتك

و لكن اقول لسيادتك انا اتضايقت ليه و من ايه

1.أنا اسمي ايهاب علي فكرة ( كلمة الاخ العزيز ) بصراحة بتفكرني ب حاجتين
السوفيت : الاخ مش عارف مين و الرفيقة ام عطيات بتاعة الطبقة العاملة الكادحة علي رأي فيلم عادل امام
واخوة تانيين لا داعي للتفسير حيث ان المنتدي ممنوع كلام قي سياسة
و كلمة اخ دي بقي بتنرفزني انا شخصيا و بتدل علي عدم تقدير او احترام .. كأن واحد في الشارع و يقولك : انت يا اخ , من غير حضرتك او استاذ او الكلام دة .. طبعا حضرتك استاذنا .. و قد اكون اصغر من اولادك و طبعا مش مستني من حضرتك تقوللي حضرتك او استاذ .. كفاية عليا تقوللي اسمي عادي .. ايهاب .. من غير اخ و لا سلاطات و بابا غنوج .. حضرتك او اي صديق في المنتدي يقوللي ايهاب عادي من غير استاذ .. الواحد مننا هيموت و لسه مخلصش علام و قراءة
دي واحد

2.لعلم سيادتك انا قريت كويس جدا جدا قوانين سماعي قبل الاشتراك فيه وبعد كلام حضرتك عن الممنوع .. و ما لقيتش فيه كلمة واحدة بتقول ممنوع الكلام في فلوس .. ممنوع الكلام في سياسة و دين و انا متفق معاهم في الموضوع ( الدور و الباقي علي الاخوة اللي واخدين الدين سياسة و انتخبني عشان تدخل الجنة .. ملحوظة : انا مش بتكلم في سياسة )

3.فيه حاجات كدة بتغيظني .. كلمة ممنوع .. يعني ايه ممنوع ؟ انا مش بحب الكلمة دي .. بتدل علي قلة الطموح و الاكتفاء باللي وصلت ليه .. لو كل واحد شال كلمة ممنوع من حياته هيلاقي نفسه بيبدع .. يا استاذ عادل حضرتك فنان كبير .. يعني علي حسب كلامك قلنا ممنوع .. لو كان عبد الوهاب فكر ان التانجو ممنوع عشان غربي .. ما كانش قدم لنا واحدة من احلي الحان التانجو في العالم و شرحه فريد الاطرش اللي عمل يا زهرة في خيالي غناها العالم كله و بالعربي علي غير لغتهم الاصلية !

4.انا معاك ان احنا في ايام خايبة .. بس الايام خايبة , نخيب معاها ؟ و لا نغير احنا من تفكيرنا ؟
انا ملم بالوضع في مصر و برة مصر و متابع و سمعت عن الفضايح اللي بتقول عليها بأمارة انها خلصت عن طريق المشير .. اللي هتلر قاله .. انا كنت فاكر نفسي نازي , طلعت يا واد يا طنطاوي استاذي ( اكرر مليش دعوة بالسياسة )

5.حسيت من تعديل كلامي باللون الاحمر انه ما تتكلمش تاني و ما تصدعناش .. و انا احبطت جدا جدا عشان حضرتك اجهضت الفكرة من غير دراستها دراسة مستوفية .. قد يكون فيه اعتراض علي حاجات .. نتناقش فيها .. ندور علي حلول بديلة

علي حسب فهمي .. مؤسس المنتدي مش مصري .. دا خلاني تركب في دماغي الفكرة اكتر و اكبر .. و ان سماعي تبقي ليها كذا فرع في كذا بلد عربي ( ليه لأ يا عادل بيه ) هو الحلم ببلاش ؟ .. ازاي دي .. عاوزة قعدة و كلام كبير و قصة مع الحفاظ علي سمعة المنتدي و انه مجاني للناس .. لكن فكرتي اكبر ب كتير من مجرد صفحة علي النت .. انا كان قصدي ننزل لأرض الواقع و نملا الدنيا مزيكا .. في الشوارع .. الميادين .. علي الكورنيش .. كل حتة

اسمحلي اعزم نفسي علي واحد قهوة مغلية من غير وش و 2 حجر طومباك في اول زيارة ليا ل مصر ( و ان كان دة مش عن قريب يعني ) .. و نتكلم بقي في كل حاجة

6.انا عارف كل حاجات البكش دي و تجيب حزام تخسيس و يسلخ وسطك ..
انا موافقك انا ال 10 جنيه و لا ليها قيمة .. و انا معاك انا ال 100 جنيه تفكها الصبح من البنزينة تخلص قبل العصر
بس علي فكرة يا استاذ عادل .. مش بس البنزينة اللي تحت بيتك ب تتميز بان علي طول عندها فكة
دا كل البنزينات علي مستوي العالم بيتميزوا ان عندهم فكة
و ان كان الميزة في مصر بقي ان البنزينة 24 ساعة فاتحة

يا سيد عادل .. احنا هنعمل جمعية موسيقية باسم سماعي و هتشوف و هتكون مشهرة ( زي كدة جمعية محبي العندليب )
دا حضرتك بذات نفسك بتشتكي من الروتين .. تيججي تقوللي ممنوع والادارة ؟ ابعد الفنان عن الروتين يديلك احلي شغل
النجوم برة وراهم مؤسسات .. احنا بقي ورانا مين ؟ ورانا الممنوع و الادارة ؟ مش عايزهم و ما يلزمونيش

الدور و الباقي علي الجمعيات اللي بيعملو نشاطهم من غير غطاء قانوني و عدم اعلام السلطات المعنية ( فاهم قصدي ايه طبعا و انا مش بتكلم في سياسة لا احسن حد يفهم غلط )

خالص تقديري ل حضرتك

ايهاب علاء الدين

اعتمد يا سماعي و انشر خلينا نروح نعمل واحد شاي
( وحياة ربنا نفسي كدة نفسي في كوباية شاي علي مية بيضا .. بس مفيش الكلام دة هنا .. كله شاي باكيتة و حاجة يعني اسسسس ..
استغفر الله العظيم يعني ---- وانا مش بتكلم في الدين اهو )