طلبات نوتة أ / عادل صموئيل الجزء الثانى

**سليم العباس** · #1 16/07/2012, 00h01

الأستاذ عادل
1 - أريد أن أطرح استفساراً فيما يتعلق بالنوتات الأساسية للأغاني : هل يعارض ملحن ما أو قائد فرقة موسيقية أو فنان على منح المنتدى النوتات الأساسية لأغانيهم فيما لو طُلِب منهم ذلك ؟

2 - هل هناك قاعدة معينة لاختيار المقياس عند تدوين أغنية ما كأن يكون اثنان على أربعة أو أربعة على أربعة مع ملاحظة أن معظم تدوينات حضرتك تعتمد على الأزمنة الطويلة .
مع دوام الشكر والامتنان .

**عمرو الهنداوي** · #2 16/07/2012, 01h20

شكرا استاذ عادل

هو زى ماحضرتك بتقول يبقى لازم ادرس المقامات بقوة والابعاد والمسافات والتصوير فى الموسيقا

واحاول اسمع كتير واعزف بدون نوتة خلاص انا ح جرب كل الحاجات دى واشوف النتجة

كل التحية

**salhi_haithem** · #3 16/07/2012, 14h31

السلام عليكم ورحمة الله
استاذ عادل بما انو اخي عمرو فتح موضوع مهم جدا عندي استفسار او بالاحرى عندي مشكلة
و هي تتمثل في جمل موسيقية خارجة عن النطاق المؤلوف مثال جملة ( غدرك بيا اثر فيا و اتغييرت اشويا اشويا و اتغييرت و مش بايديا, و بديت اطوي حنيني اليك و اكره صبري وضعني عليك, و اخترت ابعد و اعرفت ابعد, حتى الهجر قدرت عليه شوف شوف شوف القسوة بتعمل ايه)
كيف يمكن ان اعزف جمل فيها تحويلات كثيرة و لا اقع في خطأ
مع الشكر مسبقا
و حبيت اعرف اين وصل تدوين اغنية فايزة احمد و قد ذكرت في مشاركة سابقة بتاريخ 21/06/2012 و قلت ( انا بعدها جت عندى نوبة فايزيوية احمدية ابتديت اكتب وتعالى شوف خلصت نصفها)
هيثم
عزيزى هيثم
انا مخلص وتعالى شوف كلها تدوين بس فاضل على التشطيب النهائى
اما السؤال المفروض ان العازف اللى اذنه حساسة لما بيعزف اول جملة بيحس الاختلاف فى الجملة التاانية يعنى ايه علامات التحويل اللى حصلت ..
والشىء الاهم انك وانت بتسمع فى الاول تاخد بالك ان فيه علامات تحويل بتحصل
بمعنى انت سمعت جملة لازم تحس علامات التحويل فيها ايه او المقام ايه ( وده فى الدرجة الاعلى من الخبرة ) بعدين فى الجملة التالية لها تحس هل المقام قاضل زى ماهو ولا اتغير فيها حاجة
لأن الامرين واردين يعنى فيه ملحن فى مقطع بيعمل 3 جمل مثلا نفس المقام بعدين ممكن يغير .. ممكمن مرة تاينى بيعمل علامات تحويل كتيرفى كل جملة
وزى ما قلت من قبل ان الموسيقى الشرقية ليس بها قوالب منتظمة او اسطمبات ثابتة ... يعنى مش ممكن حتلاقى ملحن عملاق بيفضل على نفس النهاج لازم يغير
واقل شىء فى التغيير ده مثلا عبد الوهاب تلاقى فى قفلات ام كلثوم زى انت عمرى مثلا فجأة بيعمل علامة تحويل شرقية مرة واحد مع ان المقام اصلا مش فيه نغمات شرقية
مع اطيب تحياتى عادل صموئيل

**نور الصباح** · #4 16/07/2012, 16h30

الأخــــــــــــــــــوة الأعــــــــــــــــــزاء والأصدقـــــــــــــــاء الأحـــــــــــــباء
سلام الله عليكم ورحمته وبركاته
وبعـــــــــــــــــــــــــــــــــــــد :
أولا : كل الشكر والامتنان لكل من يقدم لنا يد المساعدة وخاصة
1 - الأســـــتاذ : عادل باشا صموئيل
2 - عمرو باشا الهندواى
ثانيا : هناك المثل القائل : { لا يفتى ومالك فى المدينة }
ثالثا - مارأيكم والمدينة بها عدد ( 2 ) مالك : -
أ ) مالك بن صموئيل
ب ) مالك بن الهندواى
وهؤلاء من أكبر مكاسب المنتدى ولكن
كيف نضغط حجم ملف الفيديو ؟؟؟؟
لقد حاولت رفعه إلى المنتدى عن طريق الرابط فى الموقع الذى حدده الأســــــــتاذ
عادل ( http://www.m5zn.com )
ولكن للأسف الحجم كبير
فكيف نضغط الحجم دون المساس بالمحتوى حتى يمن للموقع أن يتقبله
أرجو الإجابة والمساعدة والأجر والثواب على الله وهنيالك يافاعل الخير والثواب
وشكررررررررررررررررررررررا
أخوكم
نور الصباح
الأخ العزيز نور الصباح
انت ابعت الملف للأخ عمرو هنداوى وهو يتصرف
لأن ملفات الفيديو لو انضغطت لتقليل الحجم اوى الصورة حاتبقى شوربة او كفتة يعنى جودتها بتقل جدا جدا
مع اطيب تحياتى عادل صموئيل

**عمرو الهنداوي** · #5 16/07/2012, 17h06

استاذ نور سيب الملف زى ماهو وارفعه على موقع
www.4shared.com

بعد ماحضرتك تعمل حساب مجانى هناك ثم ارفع اللى حضرتك عايزه وبعد الرفع سيظهر لك للنك وهو دة للنك الفيديو للمشاهدة من على الموقع مباشرا او تحميله

ولو الفيديو تعب حضرتك خلاص ابعته ليه على الميل وانا اعمل كل حاجة واتصرف

كل التحية
انا من رأيى ان كالما المف كبير اوى كده الاخ العزيز نور الصباح يبعت الاملف للأخ العزيز عمرو هنداوى وهو اكيد حايعرف يتصرف
لن على فكرة موقع 4 شيرد كان زمان مهاود واى حد ممكن ينزل منو .. لكن دلوقتى بقى لازم يكون عندك حساب مجانى فيه يعنى بيطلب منك الاسم والرقم السرى ... مع اطيب تحياتى عادل صموئيل

**نور الصباح** · #6 16/07/2012, 19h25

[QUOTE=عمرو الهندواى;597915]

استاذ نور سيب الملف زى ماهو وارفعه على موقع

www.4shared.com

بعد ماحضرتك تعمل حساب مجانى هناك ثم ارفع اللى حضرتك عايزه وبعد الرفع سيظهر لك للنك وهو دة للنك الفيديو للمشاهدة من على الموقع مباشرا او تحميله

ولو الفيديو تعب حضرتك خلاص ابعته ليه على الميل وانا اعمل كل حاجة واتصرف

كل التحية
انا من رأيى ان كالما المف كبير اوى كده الاخ العزيز نور الصباح يبعت الاملف للأخ العزيز عمرو هنداوى وهو اكيد حايعرف يتصرف
لن على فكرة موقع 4 شيرد كان زمان مهاود واى حد ممكن ينزل منو .. لكن دلوقتى بقى لازم يكون عندك حساب مجانى فيه يعنى بيطلب منك الاسم والرقم السرى ... مع اطيب تحياتى عادل صموئيل
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
الأخ العزيـــــــــــــــــــز الفنان الكبـــــــــــــــــــــــــــــــــير
مــــــــــــــــــالك الهنــــــــــــــــــــــــــــــــــــــــــــــ ــــــــــــــــــدواى
عمــــــــــــــــــــــــــــــــــــــــــــــــ ـــــــــــــــــــــــرو الهنــــــــــــــــــــــــــــــــــــــــــــــ ـدواى
سلام الله عليكم ورحمته وبركاته
وبعـــــــــــــــــــــــــــــــــــــــــــــد :
ابعث لى الإمــــــــــــــــــيل الخاص بجنابكم
وشكررررررررررررررررررررررا
أخوكم
نور الصباح

**salhi_haithem** · #7 16/07/2012, 17h07

اخي نور الصباح عليك باليوتوب فيمكنك رفع ملفات كبيرة الحجم
وذلك عن طريق تكون عضوية بموقع اليوتوب ثم عند رفع الملف هناك option لتحميل الملفات الكبيرة
هيثم

**عادل صموئيل** · #8 17/07/2012, 19h49

اقتباس:

المشاركة الأصلية كتبت بواسطة sfakhri

الأستاذ عادل
1 - أريد أن أطرح استفساراً فيما يتعلق بالنوتات الأساسية للأغاني : هل يعارض ملحن ما أو قائد فرقة موسيقية أو فنان على منح المنتدى النوتات الأساسية لأغانيهم فيما لو طُلِب منهم ذلك ؟

2 - هل هناك قاعدة معينة لاختيار المقياس عند تدوين أغنية ما كأن يكون اثنان على أربعة أو أربعة على أربعة مع ملاحظة أن معظم تدوينات حضرتك تعتمد على الأزمنة الطويلة .
مع دوام الشكر والامتنان .

الاخ العزيز
اولا انا آسف لعدم الرد على الاسئلة احيانا بكون مشغول جدا وبدخل المنتدى بسرعة مش بلحق اقلب فى المشاركات يعنى ساعات فى 24 بيكون الموضوع زاد 3 صفحات .. لكن لما بكون فاضى برجع للخلف مش 3 صفحات ولكن 20 فحة ولا اترك سؤال بدون إجابة .. لأن اسئلتكم واجاباتى دى تنفع مدرسة للأجيال القادمة وبالذات لأن فيه اسئلة انا الوحيد الموجود على قيد الحياة ويستطيع اجابتها لأنها بتكون من صميم ما شهدته انا فى حياتى الشخصية
ونرجع للأسئلة ... زمان اام العمالقة ماكانوش هم بيستخدموا النوتة .. يعنى كانوا بيتعاملوا مع النوتة للفرق الموسيقية .. يعنى الملحن لما يعمل لحن جديد بيطلب احد الاساتذة المدونين وبيكون عادة طبعا مدون هو معتاد على التعامل معاه على طول وبيكون استريح لطريقة تدوينه ... وبالطبع كنت انا احد هؤلاء المدونين .. وكنا بنكتب النوتة بالقلم الرصاص بعدين بييجى واحد نساخ بينسخها بالريشة والحبر الشينى لاسود عشان يبقى شكلها حلو فى العزف تسهل على العازف وواضحة .. ده بالنسبة للفرقة الماسية بالذات .. لكن الفرق الاخرى كانوا بيقوماوا بتصوير النسخى اللى بالقلم الرصاص عدة نسخ ويشتغلوا بيها بس طبعا انت عارف خط اليد ممكن تكون حروف كتير مش واضحة وبالذات رؤوس النغمات يعنى انت لما تكون بتتملى من العود او بتكتب بسرعة مش بتضغط وتكبر رؤوس النغمات بتبقى نقطة مش واضحة وهنا ممكن تحصل اخطاء فى القراءة ..
لكن اعتقد ان مافيش ملحن يبخل بنوتة على اى منتدى وبالذات لما يكون اللحن خلاص اتسمع كتير ... يعنى حصلت هنا فى المنتدى الملحن الكبير المرحوم عبد العظيم محمد بعد وفاته احنا طلبنا منها النوت اللى عندهم وقامت ابنته مشكورة بتصوير كل النوت اللى تواجدت فى بيتو ونزلتها تباعا فى المنتدى
لكن المشكلة انو بيحصل ساعات شوية غباء او روتين من الفرق الحكومية يعنى مش بيرضوا يخرجوا النوت .. عشان ماتجيش فرقة تانية تعزف اللحن وتنافسهم مع ان رأيى انا العكس انا لو مدير فرقة الموسيقى العربية مثلا كنت اقدم اى نوتة يطلبها اى طالب للنوتة انو ممكن يصور نسخة منها حتى ولو لقاء اى أجر رمزى وبذلك نجمع مبلغ محترم ممكن نعمل بيه اى تطوير خطير .. يعنى النوت فى فرقة الموسيقى العربية بالآلاف ممكن بالفلوس اللى تيجى من التصوير نشترى كذا جهاز كمبيوتر وطابعات .. ونجيب موظفين بيعرفوا يكتبوا نوتة على الكمبيوتر ويقوموا بكتابة كل النوت الموجودة على الكمبيوتر واكيد ده مكسب كبير جدا جدا للموسيقى العربية وللتراث الموسيقى
ويبقى ماكلفتش الحكومة حاجة يعنى من ثمن التصوير للطالبين اعمل المشروع الجميل ده لكن حتقول لمين ؟؟؟؟ مع ودود الروتين الحكومى
اما سؤالك الاهم انا لما بكتب نوتة 2/4 او 4 / 4 ده بيكون مش بمزاجى او انا اللى بختار اكتبها ميزان ايه
بيكون طبيعة اللحن او الايقاع كده يعنى هنا اسمع اوى اوى اغنية طوف وشوف من ام كلثوم ... ثم راجع مع النوتة تلاقى الاجزاء اللى انا عاملها 2/4 بتكون اداء زى المارش العسكرى او ايقاع فوكس
اما الاجزاء اللى بعملها 4/$ بتكون ايقاعات رباعية زى الوحدة الكبيرة ... يعنى اللى بيتحكم فى الموضوع اللحن نفسو والايقاع نفسو ... احيانا لما بيكون الايقاع اصلا 2/4 وانت تكتبو 4/4 احينا بييجى آخر الجملة تلاقى المازورة فيها نوارين فقط والجملة خلصت كده ... بيضطر اللى بيدونها يمسحها كلها ويدونها تانى 2/4
المشكلة ان فيه فرق واضح جدا جدا بين 4/4 و 3/4 لكن بين 4/4 و2/4 مش حتلاقى فرق واضح
لذلك لازم تاخد بالك من الايقاع او طبيعة الجملة ,,, بالطبع لو راجعت كتير من النوت اللى فيها التحويل ده مع سمع الالحان نفسها حاتحس بالفرق
مع اطيب تحياتى عادل صموئيل

**سليم العباس** · #9 17/07/2012, 20h08

شكراً جزيلا أستاذ عادل على الشرح الوافي خاصة فيما يتعلق بمقياس التدوين ، أدامك الله للمنتدى ولجميع أحبابك .
نحن من يجب أن نعتذر على كثرة الأسئلة و الطلبات ، لكن كا يقال الإناء الكبير يستوعب الصغير .
تقبل تحياتي و امتناني

ياعزيزى
انا بسعد جدا جدا جدا بأسئلتكم
لنى بحمل على اكتافى عبء ثقيل جدا جدا ... وهو كل ما يختص بالزمن الجميل وفن الزمن الجميل , والمشكلة الوحيدة ان جميع زملائى رحلوا وحتى لو تبقى اى حد منهم بيكون عجوز اوى أو اعتزل الحياة او مش بيختلط فى المنتديات لنى عندما عملت معهم كان عمرى عشرين عاما وهم بدءوا فى الخمسينات
وانا احب ان لا احمل معى الى قبرى اسراراً ولكن احب ان اترك كل علمى وفنى لمن بعدى ليعطوه لمن بعهدهم مع اطيب تحياتى عادل صموئيل

**Muhammad Sarhan** · #10 17/07/2012, 20h21

اقتباس:

المشاركة الأصلية كتبت بواسطة عادل صموئيل

ا. لكن لما بكون فاضى برجع للخلف مش 3 صفحات ولكن 20 فحة ولا اترك سؤال بدون إجابة .. لأن اسئلتكم واجاباتى دى تنفع مدرسة للأجيال القادمة وبالذات لأن فيه اسئلة انا الوحيد الموجود على قيد الحياة ويستطيع اجابتها لأنها بتكون من صميم ما شهدته انا فى حياتى الشخصية
ونرجع للأسئلة ...

كنت سألتك زمان سؤال ولكن حضرتك لم تجبني عليه

http://www.sama3y.net/forum/showthre...871#post539871