بمناسبة عيد ميلاد عمنا صلاح (الرئيس)

[Tarek Elemary]

يا عم ده بس من ذوقك
يا فنان بيجرى الفن ف عروقك
يزيدك ربنا إلهام و عفوية
و يجعل ربى حراسه ...
من حواليك ومن فوقك

[Tarek Elemary]

يزيدك ربنا حب لحبيبنا إياه
و يعينك على محنة هوى رؤياه
بس سؤالى يا ريما يا ست الحسن
هل تتمنى بعد حسابه من ربه تكونى معاه؟!!

[ريما]

ههههههههههههههههه ليه كدا بس حرام عليك

عمتا الله يسامحك ويسامحه

وكمان متلحنه

بس اقولك على حاجه مش هو اللى غلطان الغلطان

احنا . احنا اللى بندى قفانا علشان نضرب عليه

واحنا بنتظاهر اننا مبسوطين لاننا خايفين

صدقنى انت لو مكانه هتعمل زيه

يا فرعون ايه فرعنك قال ملقتش اللى يلمنى

[Tarek Elemary]

أنا لم قلتله أبدا أنا موافق
و لا ف يوم قلت ياريس أنا عاشق
أنا رافض لكل الذل و التسطيح
أنا آسف على إعلام عميل فاسق

[محمودسعد]

جميله هذه المحاوره الشيقه مابين الاخت العزيزه ريما والاخ العزيز Tarek Elemary

وان كنت اميل قليلا لجمله الاخت ريما اللي قالت فيها ان احنا اللي نستاهل كده واحنا اللي بنعمل في نفسنا كده ويافرعون ايش فرعنك قال مالقيتش حد يلمني
كلام منطقي جدا وسليم وهي دي الحقيقه
واميل ايضا لما قاله اخي Tarek Elemary عن الريس
فهو كلام حقيقي ايضا
وزي مايكون الريس ده ماينفعش يحكم الا الشعب ده
وكفاكي الله شر خاتمته يااخت ريما

[Tarek Elemary]

جزاك الله عنى ألف خير

[Tarek Elemary]

يا سيدى عاوز تطاع أمر بما يستطاع
وايش يعمل الديك ف غابة يا عم وسط السباع
يدَّن يقولوا داوِشنا .. ولا حَد عنه حايِّشنا
إلا بتوع البِتاع
هوه الأسد لو سامِعنا ... و شارِينا أو مِش بايِعنا
كان حَد فِينا جاع؟
أو حَد مات فى السفينة ... بعد ما زار المدينة
و ضاع مِعَاه اللى ضَاع
ضاعِت كرامة بلَدنا ... لما رَمينا ولادنا
فى البحر من غير شراع
زمان لما كانت بَلدنا ... و صوت الأدان جِوة مَدنة
ملازنا وسط الضياع
دلوقتى بيفِر منها ... شباب حقيقى يزينها
و اليأس حتى النخاع
مرة على شط قبرص ... و البرد ع البطن يقرص
بعد ما باع اللى باع
فايتك و مرغم يا غالية ... و منايا أوصل إيطاليا
هاربان ما قلت الوداع
و يبيعنى تاجر لتاجر ... يرمينى نصاب لفاجر
سلعة و بقينا مشاع


أكيد هاكملها بعدين منك لله يا عم محمود يا سعد نكشتنى ليه؟

[Tarek Elemary]

سجَّان بيسقينى مُرِّك ... كرباجه فوق ضهر حُرِّك

هايزول فى غضبة جياع

و أرجع لحضن السواقى ... ألِّم منى اللى باقى

يخِف منى الصداع

[Tarek Elemary]

يا سيدى عاوز تطاع أمر بما يستطاع

وايش يعمل الديك ف غابة يا عم وسط السباع

يِدَّن يقولوا داوِشنا .. ولا حَد عنه حايِّشنا

إلا بتوع البِتاع

هوه الأسد لو سامِعنا ... و شارِينا أو مِش بايِعنا

كان حَد فِينا جاع؟

أو حَد مات فى السفينة ... بعد ما زار المدينة

و ضاع مِعَاه اللى ضَاع

ضاعِت كرامة بلَدنا ... لما رَمينا ولادنا

فى البحر من غير شراع

زمان لما كانت بَلدنا ... و صوت الأدان جِوة مَدنة

ملازنا وسط الضياع

دلوقتى بيفِر منها ... شباب حقيقى يزينها

و اليأس حتى النخاع

مرة على شط قبرص ... و البرد ع البطن يقرص

بعد ما باع اللى باع

فايتك و مرغم يا غالية ... و منايا أوصل إيطاليا

هاربان ما قلت الوداع

و يبيعنى تاجر لتاجر ... يرمينى نصاب لفاجر

سلعة و بقينا مشاع

سجَّان بيسقينى مُرِّك ... كرباجه فوق ضهر حُرِّك

هايزول فى غضبة جياع

و أرجع لحضن السواقى ... ألِّم منى اللى باقى

يخِف منى الصداع

[Tarek Elemary]

الله يعينَّا إحنا على التغيير
أو على حسن التعبير
أو على الرضا بالمصير