هى ـ وقطتها .... وأعمال أخرى

[NAHID 76]

بسم الله الرحمن الرحيم
الأخ والصديق الاستاذ محمد حمدان
ودائما وأبدا أنت أول من يهنينى ويقرأ لى ويشجعنى ويصورنى كاتبه وبذلك ترفع من معنوياتى وتجعلنى أشحذ القريحه من اجل تقديم شيئ أروع من الاخر لان كلامكم يستحق كل ما هو جميل
كل تقديرى وشكرى لشخصك الكريم ولمرورك الغالى وتعليق حضرتك الى
أروع من الحكايه
تحياتى

[رائد عبد السلام]

المشاركة الأصلية كتبت بواسطة NAHID 76

الإحساس بالخجل ..والعجز

بسم الله الرحمن الرحيم
يا أيها الذين أمنوا لا يسخر قوم من قوم عسى أن يكونوا خيرا منهم ... صدق الله العظيم
كل منا لديه عجزه فما من إنسان كامل على وجه الأرض ولكن يجب علينا ان نتقبل بعضنا البعض على ما فينا من عيوب وعجز ولا نتواكل على غيرنا والا ننشغل بعيوب الأخرين وإصلاح ما بنا من عيوب ...

تسلم إيدك يا أستاذة
الليدي ناهـــــد الغالية
فالرضا بما قسم الله هو جوهر الإيمان
والقصة الجميلة مؤثرة ومقنعة
كلامك من القلب
لذلك فهو لا يقع إلا في القلب
جعلنا الله من الحامدين الشاكرين
في الأتراح والأفراح

إلا بالمناسبة كان فيه سؤال محيرني :
- هي مصر مافيهاش زيت زيتون؟؟

[NAHID 76]

بسم الله الرحمن الرحيم
أخى الفاضل أعز الله مقامك رائد المصرى
يا سلام يا أستاذ رائد على جمال الانسان لما يرضى بما قسم الله له به
يرتاح ويريح ويعيش فى سلام مع نفسه لا يشغله شاغل
وانا من أول هؤلاء القوم ولكنى أعيش راحه نفسيه هانئه يحسدنى عليها ناس كتير
اوجزت واصبت وشكرى الكبير
أما موضوع زيت الزيتون اللى مش موجود فى مصر
لك ان تتخيل كبير المضيفين على الطياره وهو محتار يحط الزيت ازاى من غير ما ينحنى خوفا على انه يصب على رأس الركاب
ولو شفت علامات الاستغراب والإزدراء اللى كان فيها تموت من الضحك
وبكل قوه علشان انقذ الموقف قلت له
امى طلبته من تونس خصيصا
وربما تكون وافقت على سفرى اساسا علشان الزيت
حضرتك عايز قلبها يغضب على بلهجه تونسيه قال لا
طيب ولو سألتنى قبل ما تفتح لى الباب جبتى الزيت وقلت لا
مش حتفتح لى الشقه وتقولى ارجعى حيث كنتى
ارجع تانى ازهق العالم فى عشته ولا اعمل أيه
نظر الى وقال لما الطياره تنزل مصر انا بنفسى حروح اسلمه للوالده اقعدى هنا
ولسان حاله بيقول أف يا ساتر
وشوف بقى لما انزل سلم الطياره وانا شايله الزيت وثقيل لانها كميه كبيره وكمان لابسه شوز عالى واخوك انس مطنش والطياره كلها ورايا لانى نازله سلمه سلمه والعالم منتظر
والا فريق الكوره والزيت دى موال وحكايه تنفع قصه
والله فكرتنى وأضحكتنى
انا مش عارفه اكتبها كويس فى المنتدى
اما الحكايه الاروع سوف اسردها لكم مره ثانيه الى لقاء
تحياتى

[عفاف سليمان]

الاستاذه الفاضله(ناهد)
أعزك الله
كم منا لا يحمد الله على حاله
أحيانا يسعد بما هو فيه ويقنع ويحمد ربه
وتاره اخرى ينقم على الآخرين
ولكن القناعه بفضل الله ونعمه على الانسان
أجمل شىء يحمد الله عليها
ولابد من النقص فى أى شىء فينا
فالكمال لله وحده
وهذه القصه رغم بساطتها الا انها تحمل فى طياتها
معانى كثيره
فالله خلق الانسان كل على وصف
وكل على نقص معين
حتى يعلم ان الكمال لله وحده
وأن يقنع بما خلقه الله به
تحياتى لك أستاذتى
ودمتى لنا
اختك
عفاف

[فؤاد]

حضرتك ياست الكل
ناهد
اللي لسانك وأفكارك كلها وروووود وزهور
والله
يادكتور أنس
أنا موش هقول بحسدك
لكن ينيالك
بالست
ناهد
وافكار الست ناهد
ورقة الست ناهد

[عفاف سليمان]

استاذتنا الفاضله(ناهد)
ماذا لو يحلم الجار انه اعطى لجاره
الخمس جنيهات
اكيد هيبقى خلص دينه
بس لو سمحتوا خلوا لى شويه حاجه ساقعه
ولون الدنيا برد اليومين دووووووووول
تحياتى لك وللجميع
عفاف

[NAHID 76]

بسم الله الرحمن الرحيم
اختى الحبيبه عفاف
شرفت وشرفت صفحتى وتزينت بوجودك وعطر كلماتك الرصينه الموزونه والتى أضافت للموضوع ابعادا من الفكر المستنير الذى يتسع به دائره الهدف من القصه ويزداد بها معنى القصه فتحلقى بها فى افاق رحبه من الروحانيه والخشوع
حياك الله اختى العزيزوعف بكلماتك نفوسنا من اى شيئ قد يعلق بالنفس
تحياتى

[NAHID 76]

بسم الله الرحمن الرحيم
أخى الفاضل فؤاد عبد الحميد
الموضوع الى أكتبه مفيش فيه تعليق لك على رأى ام كلثوم
ما ينحسبشى من مواضيعى ابدا
اشكر لك رقه كلماتك وبساطتها وصدقها الذى يشع من حروفها بياض نفسك الزكيه
تحياتى لك اخ فؤاد مع شكرى على مرورك الكريم

[NAHID 76]

بسم الله الرحمن الرحيم
أختى الحبيبه عفاف
والله بكده
بماذا لو الى أنتى تفضلتى بقولها تبقى مفيش مشكله
الجار يحلم أنه أعطى جاره الخمسه جنيهات
حلتيها بأبسط الطرق
وعلى فكره الحل الذى كتبتيه أضحكنى كثيرا وقلت كان غايب عنى فين
لكى حاجه دافئه تناسب هذا اليوم البارد شربتها فى تونس رائعه
قدمها لنا الاستاذ محمد زمنطر وكانت رائعه بالرغم من غرابتها على كريفيه

قهوه بالجيلاتى يعنى بالايس كريم
رائعه اقدمها لكى على طبق من فضه
تحياتى

[ايهاب عامر]

السلام عليكم ورحمه الله وبركاته
يا سلااااااااااااااام عليكن
بمنتهى البساطه كده
اتردت الخمسه جنيهات الى صاحبها
طيب والراجل اللى عايز الكولا بتاعته يعمل ايه بئه دلوقتى
ماشى ماشى براحتكوا
تقبلوا خالص تحياتى