رد: تقسيمة قانون للدكتور أكرم نمير
ايه يا سيدى الجمال ده ايه الاحساس ده
على فكرة يا اخوان انتوا لسه ما سمعتوش حاجة دى حتة كده للتشويق بس اللى مستخبى انتوا ما تعرفوش عنه حاجة
دكتور أكرم نمير غير انه استاذ أكاديمى فهو فنان من العيار الثقيل جداجدا ويا ريت يمتعنا بفنه كمان وكمان احنا لسه عطشانين
بالنسبة لأسلوبه فى عزف القانون فهو السهل الممتنع يعنى مفيش فزلكة ولا عصبية بيلعب مزيكة من جواه ومن جوانا كمان
الحليات بحساب مش علولة التنقل بين المقامات مدروس بعناية شوف الابعاد اللى بيلعب عليها قد ايه حساسة وفيها درامية عالية جدا وبقصد بالدراما (الصراع ) مش الحزن زى ما كتير بيفسروها يعنى تحس ان التقسيمة فيها بداية أو مفتتح ثم تمهيد لمنطقة التفاعل ثم تمهيد الختام فالختام يعنى بناء (قصيد سيمفونى صغير ) وأنا على كل حال أشرف بصداقة هذا الفنان لأنه بجد فنان وقبل كل ده بنى آدم حساس جدا جدا
أخوكم باسم عبد العزيز
|
العرض الشجري