سهرة شريعي

[unicorn]

المشاركة الأصلية كتبت بواسطة eellabbad

أنا مش عارف شريق محيي الدين.
ممكن تعرفنا بيه من فضلك.
ولا تؤاخذني على قلة المعلومات عندي.
أنا ف الغربة من 13 سنة، ونسبيا في سنه أولى مزيكا، أتعلم من المنتدى ومن الإخوان.
وأفخر بمحاولة محو أميتي دون خجل.

قل لي يا عم Unicorn شوية عن شريف محيي الدين.

وبالمناسبة، إنت مش عايز تستخدم إسمك ليه؟

سؤال برئ والله.
عايز أفهم، خصوصا وإني أستخدم إسمي الحقيقي جدا.
وخصوصا أيضاً إني قريت مرثيتك الجميلة النهاردة في ركن الأدباتيه وكنت عايز اعرف إسمك.

عصام اللباد

انا لست متخصصا فى المزيكا يا عم عصام و لكنى مستمع فقط
و شريف محيى الدين مايسترو كبير جدا فى مصر و احد ممن قادوا اوركسترا القاهرة السيمفونى فى اهم فتراته التى تحول فيها من عزف الاجانب الى عزف المصريين المحترفين و لا اعرف ان كان ما زال هو مايسترو الاوركسترا الان فما اعرفه انه الان المايسترو نادر عباسى.
و لو شفت اغنية المصرى للطيفة هو المايسترو الاسمر ذو الوجه المشرق الذى داعبته لطيفة فى غنوتها.
و يا سيدى شرف لى ان تسأل عن اسمى و انا مش مش عايز و لا حاجة ده بس اسم مستعار للانترنت
و اسمى محمد محمود ابو مندور من اسكندرية
و شكرا على مجاملتك الرقيقة يا أخى.