رقصة البمبوطية للفرقة القومية للفنون الشعبية

[لؤي الصايم]

التسجيل الصوتي
للأغنية المصاحبة لرقصة أم الخلول
للفرقة القومية للرقص الشعبي

تم استخدام بعض أغاني فن الضمة ودمج بعض
كلمات الأدوار القديمة بكلمات تناسب الرقصة

هيلا هيلا وهيلا وهيلا يا سلام عالصيادين
حافظينها برب كريم صابحين حامدين شاكرين
يا إله العالمين
طازة وعال يا أم الخلول حلوة وعال يا أم الخلول
من غير سنارة يا نِعمه أنا صايدك من الرملة الناعمة
على رخصك وإنت طعمة آه يا حلاوتك آ ه يا طعامتك
آه يا حلاوتك لما تكون طازة
طازة وعال يا أم الخلول حلوة وعال يا أم الخلول
البحر وفانا بخيره والله دا كتّر خيره
والرزق يا طولة باله بيحب اللي بيسعا له
والرازق هو العاطي مولانا ولا فيش غيره
يا ساكنة غُربالي صوتك بيحلالي
من الفجر بأمشي لك يا كل راس مالي
وأنده وأقول طازة وعال يا أم الخلول
يا بلبل الأفراح غنِّي غنِّي وسمَّعني
آه يا عيني على القانون والعود سيدي وإشجيني
مركب حبيبي يا جدع من الغرب جايه
فاردة قلوعها يا جدع ضيَّه في ضيَّه
فيها اللي أحبه يا جدع يسأل عليَّا
بتعوم وتفرق يا جدع على شِبر ميَّه
وليه بترضى ببعدي أنا عنك
يا سلام .اسمح بأه سيدي واخلف ظنك
إن ما كان ده يكون الله يسامحك
سيدي وهجرني هجرك وجرحني لحظك
يا أخي ولا كانش عشمي روح الله يسامحك
آه آه آه و يا هجر وصبابه آه وفراق
ياليل وطوِّل ع العشاق
آه آه آه بالمعروف يا مالك فؤادي بالمعروف
حبك كواني حبك كوانى تعال شوف
يا ما بكره نسمع وبعده نشوف
والحلوة خرجت ع المكشوف
أنا اتشهرت وواد شجاع وبرقص بالعصا
مشهور وبرقص بالعصا
وآخد حقي أنا بالدراع ولا عندي شئ من المهيصة
ولا عندي شئ من المهيصة
أنا الوابور توت توت أنا الوابور
أنا الوابور إسود وغطيس ومحمليني بألف كيس
واللي أدوسه يموت فطيس حتى ولو كان شيخ الغفر
كان مرة ماشي شيخ بلد شاف في الطريق بنت انجلت
بيشده طلعت ولد وقع من الكسفة انحسر
كنا تلاته أربعة ولمحنا واحدة مدلعة
قام فينا واحد انبسط إندار ورقص الأربعة
الهن الهن الهن الهن الهن
الواد فرحان من الفرحة ملان
قال إيه يا حمام هات لي حبيبي
وراحت الأيام وآهي جت الأيام
وحبيبي ما خلف يوم مواعيدي
فرحوا الحبيبين مالوا عالجنبين
رقصوا تانجو في ليلة عيدي
وبقينا حلوين مين زينا مين
الفرحة في وجه حبيبي
هُب تعالوا كمان واختالوا
نلعب وياك فين عزاله
قوم ياخليل وافرش منديل
مكان الحلوين خطفم شاله
خفة يا غلطة يا فلفل شطة
أنا يا عوازل حلوة وبطة
ده قديم وجديد
آه يا حبيبي دا قديم وجديد
يا ناس آه من الهوى يا ناس
الهون الهون الهون الهون