المسحراتي - الصفحة 10

**حازم فودة** · #91 16/04/2025, 09h21

المسحراتي

(الحلقات التليفزيونية آداء سيد مكاوي وأشعار فؤاد حداد)

(09)

.... ....

... مسحراتي منئراتي بإيدي نقرة واتنين بقلبي أنده والبي يا مشربية سرحتي بيا والليل سرح بي ... أيام 19 إلى 40 والطيبات في الدنيا للطيبين ... فوت يا زمن على مهلك سلم على أهل سبح بحمد العليم ... على ضي صوت الشيخ محمد رفعت ... بيقرأ فيي الذكر الحكيم ... الدنيا فجر مجاور السيدة ... والمغربية يلالي ألف هلال ... الشوق غني والجنة للمظاليم ... على ضي صوت الشيخ محمد رفعت بيقرأ فيي الذكر الحكيم ...

والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... أخضر على طول المدد أخضر يا طاهر الأحضان ... أخضر كإني في النهار الدايم ضي السما المرفوع فوق المدين ... ضى السما المرفوع فوق الغيطان ... أخضر وماشي في ندى رمضان ... بعيون بريئة ما دخلها شيطان ... والإنسانية نسيم ... على ضي صوت الشيخ محمد رفعت ... بيقوأ في الذكر الحكيم اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #92 16/04/2025, 12h50

المسحراتي

(الحلقات التليفزيونية آداء سيد مكاوي وأشعار فؤاد حداد)

(10)

.... ....

... مسحراتي وماشي في الأيام منئراتي في سحابة غيام ... توحشني توحشني يا شهر الصيام ... انا ما افتكرش ان عندي كلام ... انا بس واقف ابكي فوق الدرب ... ليه افترقنا وليه بقينا اتنين الكُمْ كان بيمسح دموع العبن ومين اللي ح يمسح دموع القلب ... توحشني توحشني يا شهر الطيب ... كانت ليالي وقمرها رطيب ... وبالأمانة والمرؤة خطيب ... والإنسانية والمجال الرحب ... توحشني توحشني يا شهر الجياد ... يا بدر لما تكبر مجد الأجداد ... وتهلل الخيالة والأجناد ... ويتم نصر الجيش ونصر الشعب ...

والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... بيقوموا ويفتحوا الشبابيك وبيطلوا ... من حتة في الأرض واحدة ع الزمان كله ... يلقوا البيوت والقمر بينهاوي بينه هيام ... يلقوا الهدى والرضا في نداوة الأحلام ... والرحمة بين البشر يا أمة الإسلام ... يا ساهرين يا ذاكرين الله في كل مقام ... سلام بيرد سلام رمضان بيوحشني اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #93 16/04/2025, 13h47

المسحراتي

(الحلقات التليفزيونية آداء سيد مكاوي وأشعار فؤاد حداد)

(11)

.... ....

... مسحراتي منأراتي حضر تحت الطلب والنظر ... شبيكي لبيكي يا مصر لسة ولسة في الخاتم أعمال كتيرة وكلنا الخادم ايش مطلبك اصحى يا نايم وحد الرزاق ... رمضان كريم ... مطلبي تبنوا الحجر والطوب بحنية ... لكل مصري ولكل مصرية ... مطرح يهني يغني أغنية تمشي الحياة على مهلها وهيَّ ... دايماً صبية وهو دايماً صبي ... يا مصر لسة ولسة في الخاتم أعمال كتيرة وكلنا الخادم ايش مطلبكاصحى يا نايم وحد الرزاق ... رمضان كريم ... مطلبي الأولة إقبال والتانة عقبال كل اللي كان ف البال اصحى يا نايم وحد الرزاق ... رمضان كريم ... والتالتة الثابتة أمتن أرق حبال تجمع سهول وجبال الشامي والمغربي ...

والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... مطلبي شامي ومصري ومغربي وبكي ما اسمعش منهم كلمة بتبكي ... وكل يوم الكل بيزكي ... أما المعاملة بالصلاة على النبي اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #94 16/04/2025, 15h04

المسحراتي

(الحلقات التليفزيونية آداء سيد مكاوي وأشعار فؤاد حداد)

(12)

.... ....

... مسحراتي من قديم الليل منأراتي منأراتي من قديم النهار ... كان فيه أمل ودايماً راكب نار تخدك لبكرة وتقولك اعرف مصر يا مختار ... ح تحس قلبك في ضلوع يعرق ... والفجر كان لابس خرز أزرق ... ح تمد خطوة بنتنا التلميذة رايحة السنية مقدمة م الجيزة أجمل واحلى من السفيرة عزيزة ... وتمد خطوة في خيال النعيم ... توب الشقا فرحان يداعبه النسيم ... شمر دراعك انت حي وصانع ... ألفين سلامة للهرم والجامع ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... شمر دراعك ضد كل الموانع تقدر تخلي الصخر ناطق وسامع ... والخد ما تجريش عليه المدامع ... والشمس دايماً شمس فوق المزارع ... والملحمة تملى السما والشارع ... وترد الاستعمار وتشهد وتنهض وتقف قُبال الدنيا ؟؟؟ عرض أم القوام الفارع اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #95 16/04/2025, 16h07

المسحراتي

(الحلقات التليفزيونية آداء سيد مكاوي وأشعار فؤاد حداد)

(13)

.... ....

... مسحراتي منأراتي نيلي فراتي أشرب زلال ... واقرا وردي وارعش من تحت جلدي في الابتهال تبارك الله ذو الجلال ... الله رحيم ان كنت أطمع بقلب سليم بعيني نور النعيم وبودني أسمع أذان بلال تبارك الله ذو الجلال ... الله ودود واحب وطني من غير حدود وانقي قطني من كل دود واخد في حضني كل العيال تبارك الله ذو الجلال ... الله لطيف تغنيني لقمة من الرغيف عن جنس لُئًمة وانا الضعيف من أجل حكمة أشيل جبال تبارك الله ذو الجلال ... طريقي خالي من الضلال حالف ما اساوي إلا الحلال ... كل الخطاوي على كل حال ح تتحسب لي ...

والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... رمضان يقول قلبي فين قلبي هنا في الحي ... م السيدة للحسين أنا قلبي رايح جاي ... يا هلال على المدنتين يروي الليالي ري ... فرحت دموع العين شميت نسيم الضي ... صليت صلاة الزين وذكرت الله حي الله حي الله حياصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #96 16/04/2025, 16h37

المسحراتي

(الحلقات التليفزيونية آداء سيد مكاوي وأشعار فؤاد حداد)

(14)

.... ....

... سحر يامسحراتي نأر يا منأراتي تونس خضرة الليلادي ... جاي بربابة خضرة خيال ومغنواتي طبال والا نياتي تحت البرق الزناتي ... وف قلبي قطرة قطرة ودموعي في الضحكة قطرة من العنب البناتي على سناني العزيزة ... زي الخفاجة عامر غنى وخفأ وغامر قلبي ف ألف سامر وألف غيط وجيزة اصحى يا نايم وحد الرزاق ... رمضان كريم ... خدت ف حضن الوطن المغرب واليمن يا تونس ونسيني كل الزمن نسيني ... ونسيت كل الزمن إلا أنس الليلة دي إلا أنس الليلة دي ...

والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... ما نختلفش في نسبة أحمد بن عروس كان من صعيد مصر والا من تونس الخضرة ... هناك بنوا له مقام فوق الجبل محروس هنا بنوا له في أوطان القلوب حضرة ... على لسان كل مصري كلمته حاضرة ... عرب نغرب نشرق يجمعنا شاعر وأه لو حد بينا يفرق ما نستاهلش الحياةاصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #97 16/04/2025, 21h04

المسحراتي

(الحلقات التليفزيونية آداء سيد مكاوي وأشعار فؤاد حداد)

(15)

.... ....

... مسحراتي أنادي في الأحياء منأراتي من الألف للياء ... صرف القسيمه على بسيمه وعلاء والمكوجى بيكوى هدوم العيد ...
والصاجه رايحه وجايه بالمواعيد ريحة المخابز من هنا لبولاق والسهرانين فى الحى منتشرين ... حتى الساعاتى منور البتارين
وأنا دورى نمره أربعه وعشرين فى محل الاسطى محمد الحلاق ... وبامد رجلى عترت فى القصاقيص دا ترزى بدله وجاره ترزى قميص قفطانى الاخضر أسعد الازياء ... يا عم يللي بتدرس الأشياء والطفل ده اللي في قلبه لسة حاويه يرجع يغني ع الفانوس وحاويه اصحى يا نايم وحد الرزاق ... رمضان كريم ... أبوك صغر يا اِبنى يعنى خاويه ... أصل الكريم رمضان نفس ترياق ...

والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... أنا طالب القرب من وحوى فى إياحه ... قمره على خدها زغاريد وتفاحه ... قالوا لى تكبر عليك انا قلت بالراحه ... أبوها سلطان لكين البنت فلاحه اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #98 16/04/2025, 22h59

المسحراتي

(الحلقات التليفزيونية آداء سيد مكاوي وأشعار فؤاد حداد)

(16)

.... ....

... مسحراتي يرمي ألف سلام على شبابك في ندى الأحلام ... أمل جميل الصورة والأسلوب وحلو زي الجمعة في الأيام ... بسر اخلاصك تلاقي الكلام اللي اتوجد دايماً وكان مطلوب ... ونشيد بلادي بلادي اكتب شهادة ميلادي ... ولادي يا مصطفى كامل ... وكل ناي بعد ماي نادي من دنشواي ... تجري عليك القلوب تسأل عليك السلامة ... مكتوب في أرض الغروب تصبح سفير اليتامى ... صوتك مع أصوات الأم والإخوات لحد يوم القيامة ... انت اللي تسعد حنين الأم والحامل ... ونشيد بلادي بلادي اكتب شهادة ميلادي ... وبعد مني ولادي يا مصطفى كامل ...

والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... أفضل أغني واغني وينئي الفجر عني وافضل اتني واعيد ... حبك في مصر اللي راسم في الجو نور المواسم ؟؟؟ المواعيد ... وطفل يحبي ويسأل وشاب يكبر ويعقل ويقول في حبل الوريد أمي اللي تبكي عليا في الدنيا ح تبوس عنية كإني آخر شهيد نورك وضلك سعيد أملنا دايماً جديد كلامك الحلو عامل زي الشجر والنشيد ... نشيد بلادي بلادي اكتب شهادة ميلادي ... وبعد مني ولادي يا مصطفى كامل اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #99 16/04/2025, 23h55

المسحراتي

(الحلقات التليفزيونية آداء سيد مكاوي وأشعار فؤاد حداد)

(17)
.... ....

... مسحراتي السنة دي دايب من الحنية منأراتي أنادي على القنطرة الشرقية ... ارجع في سن ولادي والمركبة معدية الاقي في الناحية دي كل النجوم عسلية ... على الطريق الهادي قابلتني غنوة هدية الفجر يدن ديوكه قال الزمان ده ملوكه عساكر الوردية ... طالعين في عز شبابهم الله أكبر كتابهم الجنة والوطنية ... يا بدر يا رمضان يا فاتح الأحضان للملحمة المصرية اصحى يا نايم وحد الرزاق ... رمضان كريم ... وراح خيالي ف سرحة ولقيت دموع الفرحة ع الأرض طرحة الدبابات دهبية ... ورجلي فوق الجسور ومعايا كل العصور ... بتشترك في العبور لشاطئ الحرية ...

المشي طاب لي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... بالعودة يا سينا كل الدنيا بالأحضان ... يا بدر من بدري يا رمضاني من رمضان ... يا جنة الفجر يا حنية الأوطان ... أرضك ف عيني سما صوتك في ودني أدان ... نارك ف قلبي حنان ... رملك ف إيدي غيطان ... وانا ح اصوم و ح اصلي على التراب واللي حصلي أصبح وطن رمضان اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

**حازم فودة** · #**100** 17/04/2025, 14h56

المسحراتي

(الحلقات التليفزيونية آداء سيد مكاوي وأشعار فؤاد حداد)

(18)
.... ....

... مسحراتي من هنا لبعيد منأراتي من هنا لرشيد ... يا كل سطح طلعته بالأناشيد وكل بيت قايم على العواميد وداري بحري وداري جوة الصعيد ... اللي بنى كل اللي ضرب طوبة واللي هداك السعد يا عم السعيد ... كان يوزن القالب براحة إيد على المسطرة بالسنتي يا بو السيد ... ويتم ألف ولو قالوله يعيد ضهره انحنى ساعتين بلا تنميل للمغربية وهو صايم أكيد ... يضوي العرق بجبينه زي الشهيد ... ينهض ويتشطب شبابه جديد ... نور السما فوق راسه بالزغاريط ... قول يا ديوك ادنوا ويا أمهات هللو ويا بنايين عنوا يوم العمل يوم عيد ... يوم العمل يوم عيد ...

المشي طاب لي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... محلى العرق لما يضوي من جبين لجبين ... من الغيطان والمصانع يفتح الميادين ... والدين بيدن ورافع راسه على الإنتاج ... محلى الغنى بالغنى محلى الإنتاج بمزاج ... وضحكة المصري ترفع للسما أبراج اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق