المسحراتي

[حازم فودة]

المسحراتي
(الحلقات المصورة آداء سيد مكاوي وأشعار فؤاد قاعود)
(23)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

يا باني تل التراب ومملكه تمليك أسمنتك الغش وعمود البناية ركيك ... وغير ده كله بتبني فوق عن المسموح ... جرئ ما همكش كام فاقد وكام مجروح ح يسقطوا في تراب الخسة والغش اصحى يا نايم وحد الرزاق ... رمضان كريم ... تربية الخلق محتاجة عمل لسة ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... يا رب اضرب بعدلك فاقد الإحساس اللي أنّْى ثروته من غير تعب وأساس ونجي شعب الكنانة من فعال السوء واحمينا من شر وسواسنا وشر الناس اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

[حازم فودة]

المسحراتي
(الحلقات المصورة آداء سيد مكاوي وأشعار فؤاد قاعود)
(24)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

رمضان كريم لكن الأكرم إله الكون ... يا صايم أجرك في السماء مضمون ... يا بخت من يحفظ العهد الوثيق ويصوناصحى يا نايم وحد الرزاق ... رمضان كريم ... من أدم الخير يلاقي المثل قدامه .... واللي اعترف بالجميل الكل خدامه ... ترعاه عناية الإله من خلفه وأمامه اصحى يا نايم وحد الرزاق ... رمضان كريم ... وبعودة الايام عليكم يا مهج وعيون ... يا أهل مصر العرب من كل صنف ولون ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... ما تقولش ع اللي مضى لوكان وليت ولو واتجنب ال انت الطيار وأكله الجو في الشعر صدق الشعور شئ يتلمس بالإيد واللي ابتدى مر لازم أخرته تحلو اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

[حازم فودة]

المسحراتي
(الحلقات المصورة آداء سيد مكاوي وأشعار فؤاد قاعود)
(25)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

مين يعرف الحق ويعول على الإنسان ... خلي تكالك عليه ودراعك العرقان ... وحك راسك ببأسك واخلق الإمكان اصحى يا نايم وحد الرزاق ... رمضان كريم ... يكون لكل من يجتهد نصيب موفور ... والمعجزات تمتثل للعزم لما يفور ... والصحصحة شمس تكشف سكتك بالنور اصحى يا نايم وحد الرزاق ... رمضان كريم ...وبلاش يا خلي تقولي يابان ولا المان ...ده العربي لو يتنصف يطلع لأعلى مكان ...

ده المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... المجد مش بالكلام والفرقعة بطبول ولا التفوق طبيعة عند دول أو دول ولا التقدم ح يحصل من دعا الوالدين المسألة جهاد واجتهاد وشغل مهوول اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

[حازم فودة]

المسحراتي
(الحلقات المصورة آداء سيد مكاوي وأشعار فؤاد قاعود)
(26)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

اختلاف المبادئ رحمة للمخاليق ... لا افرض عليك فرض ولا تفرض عليا فرض ... سيب المسائل للطلب والعرضاصحى يا نايم وحد الرزاق ... رمضان كريم ... الحر طير في السما والعدل نور في الأرض ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... أفندي قال مذهبي هو الوحيد في علاه ومشجع الكورة في طريقه للاستاد رايح يشجع لك واخد حجارته معاه اصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

[حازم فودة]

المسحراتي
(الحلقات المصورة آداء سيد مكاوي وأشعار فؤاد قاعود)
(27)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

فيه شخص يجعل دعاؤه مرتهن بهواه ... مجمل مطالبه يفوز بنفوذ وعز وجاه ... وشخص غير ستر ربه ما طلب في دعاه ... سيب المسائل للطلب والعرضاصحى يا نايم وحد الرزاق ... رمضان كريم ... وفي الليالي المباركة دعوتي لله ... يسبغ على الناس جميعاَ نعمته ورضاه ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... يا رب يا رب ميل قلوب الناس لبعضيها يا رب ميل قلوب الناس لبعضيها وده راجايا في ليلة القدراصحى يا نايم اصحي يا نايم اصحى وحد الدايم السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

[حازم فودة]

المسحراتي
(الحلقات الإذاعية آداء سيد مكاوي وأشعار فؤاد حداد)
(47)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

مسحراتي منئراتي محاضراتي تجلي العقول ...في عصر ذري لازم نأري شعر المعري ولازم نقول اصحى يا نايم وحد الرزاق ... رمضان كريم ... أولى ابتدائي ألفٍ وباءٍ أكرم أبائي للناس أصول ... كتب الأئمة جبل وإمة تطلع يا إما تنزل نزول اصحى يا نايم وحد الرزاق ... رمضان كريم ... عقلك ف راسك تحفظ تراثك تعرف خلاصك تصبر تنول ... فرج قريب وصبر طيب وعود يشيب عين العزول اصحى يا نايم وحد الرزاق ... رمضان كريم ...شدة تزول لكن تعلم ولا رجل تطلع إلا بسلم ... ولا نخل فرع إلا المألم ولا علم ينفع إلا ان تسلم على الرسول اصحى يا نايم وحد الرزاق ... رمضان كريم ... ختامها مسك وشجرها مك والفرع نابت ... من أصل ثابت وأنا نفسي طابت ...


المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... أقولك الحق واضرب لك مثل ساير ... وان كنت ما اعرفس لا داير ولا ساير ... من صغر سني وانا صاحب مزاج ساري ... واكمني ساير لا يمكن يا ألف بائي ... تلاقي زيي على عهدك أليف بائي ... إكمني ساير باقول من فات قديمه تاه ... لابد للحي يترحم على موتاه ... واللي اتى بالجديد لولا القديم ما أتاه يا أمتاه أنا إبنك على الأثر ساير اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

الملف الصوتي هنا

[حازم فودة]

المسحراتي
(الحلقات الإذاعية آداء سيد مكاوي وأشعار فؤاد حداد)
(48)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

مسحراتي منئراتي وانا بنادي بعلو حسي يا دنيا حسي ...الحق بين ومصر أولى حققنا ثورة واحنا صخرة وعرقنا زين أرض البطولة ... اصحى يا نايم وحد الرزاق ... رمضان كريم ... احنا اللي ايدنا خلت حديدنا حديد حنين على الطفولة ... وصباح مندي على الولادي طريقها مندي مفيهش أولى اصحى يا نايم وحد الرزاق ... رمضان كريم ... وانا السنة دي شقت سنابلي في كل وادي والليل خطبلي قمر زبادي ... بسحر بابلي وضي هادي ... فردت حبلي بطول بلادي ...

والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... أنا بلدي حرة بنيت على عشها عشي ... وبقمة الحب بتفطرني وتعشي ... أنا عاوز ابني يعيش والظلم ما يعشي ... يا رب ... يا رب يللي خلقت لنا البصر واللمس ... ولا ترسم الشمس النور إلا على وشي اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

[حازم فودة]

المسحراتي
(الحلقات الإذاعية آداء سيد مكاوي وأشعار فؤاد حداد)
(49)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

مسحراتي منئراتي بعد الصلاة على نبينا ...باقول يا هادي العقل زينة هادينا عنك هادينا اصحى يا نايم وحد الرزاق ... رمضان كريم ... حمام بلدنا زغلول بلحنا فرح جناحنا على وادينا ... وكان فلحنا دنيا ودينا بتنا وصبحنا أحرار وادينا نقيم فرحنا وولاد مدارس ... يكمل نجحنا وعرب فوارس نقول فتحنا فتحاً مبيناً اصحى يا نايم وحد الرزاق ... رمضان كريم ... أنا قلت سجدة لله سجدة ... يا عدو ساكتة يا الرؤية ثابتة ...

والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... في عيني إنسان وف عيون اليلد إنسان ... حلوة البلد حلوة البلد بعد ما داست على الأوثان ... حلوة البلد حلوة البلد شهداءها قدموا العرسان ... حلوة البلد يا أحن قلوب وأوفى لسان ... غني الأمل يا حبيب والفتح يا حسان ... لا سمت الدنيا أمثال العرب شعرا ... ولا رأت مثل فرسان العرب فرسان اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

[حازم فودة]

المسحراتي
(الحلقات الإذاعية آداء سيد مكاوي وأشعار فؤاد حداد)
(50)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

مسحراتي منئراتي في مذكراتي عن عهد بائد ولا عُمره عائد ... طلعت لي غنوة لا تقولي حلوة ولا سفيهة فيها اللي فيها اصحى يا نايم وحد الرزاق ... رمضان كريم ... أغني واحكي غنوة حكاية كان فيها ضحك كان فيها بكايا اسمع يا ولدي ... العين بصيرة والإيد قصيرة والفقر لابد على الحصيرة بيقول يا عابد زحزحنياصحى يا نايم وحد الرزاق ... رمضان كريم ... هز الحداية من البداية وانا اللي سانده على النأية بيقول يا عبده زعزعني ... والقلب شابة على الغلابة رفع عليا أوس الربابة وقال يا بابا زغزغني ... اصحى يا نايم وحد الرزاق ... رمضان كريم ... اسمع يا ولدي من غير شماتة الوقت ردي على التلاتة ... بنيت في سدي زعزعت زيري على مزاجي يا إقطاعية وغار أذاكي اصحى يا نايم وحد الرزاق ... رمضان كريم ... زغزغ لي قلبي عدو باكي زحزح لي فقري ولا فداكي ... يا مصر لما لقيت ضناكي أول ما ينشأ حرية ينشأ اصحى يا نايم وحد الرزاق ... رمضان كريم ... أول ما ينطق يقول وراكي أنا اشتراكي أنا اشتراكي ... يا مصر يللي اسمك في ريقي ... اسمك في ريقي عارف طريقي

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... حلفت أنا بالقلم والفاتحة وعَمَّ لأمهات طيبات والخالة والعمة قلبي بصير لا عمي عنهم ولا عنا من النهاردة ف بكرة كل مانع مات وكل نعمات تصبح على البلد عمة اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

[حازم فودة]

المسحراتي
(الحلقات الإذاعية آداء سيد مكاوي وأشعار فؤاد حداد)
(51)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

مسحراتي منئراتي في غيط حراتي طرح كلام آه يا سلام ... انا قلت آية ورميت شقايا في الغيط نأية طرح كلام أه يا سلام... اصحى يا نايم وحد الرزاق ... رمضان كريم ... خلعت بابي ورميت شبابي في الغيط حبابي يطرح سلام أه يا سلام ... وادور مغمي واسقي بدمي الغيط يا عمي طرح كلام أه يا سلام اصحى يا نايم وحد الرزاق ... رمضان كريم ... كدة الأوافي تقول أوافي كدة طوافي يطرح كلام أه يا سلام ... كدة قلبي وافي للي انكتبلي ... ياليل عوافي المشي طبلي ...
المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال ... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... حتة من بلدي حتة لأم أولادي ... بنيت لها عش بعيدان الأمل ورموش ... كان قلبي فاعل يغني فيلم أولادي ... ويقول شكرت العوازل اللي ما بيرموش ... ويقول شكرت العوازل اللي يرمونا ... ما كنتش أدري بضلوعي لولا ألمونا ... ولا أضرب المونة أبني لأم أولادي اصحى يا نايم اصحى يا نايم اصحى وحد الدايم ... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق