المسحراتي

[حازم فودة]

المسحراتي
(الحلقات الإذاعية آداء سيد مكاوي وأشعار فؤاد حداد)
(42)
.... .... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي منأراتي خفيف خفيف ... أدور شوية هنا وهنا ... اصحي مؤمن ومؤمنة في حي غيرنا وحيينا ... ارجع يا عيني ع الضنى وادق بابك لما تسأل أقول أنا تعرفني من صوتي يا وليف ... مسحراتي مدن وريف منأراتي بنغم ظريف وان كنت شايل خمسين سنة ... وان كنت شايل خمسين سنة لا ضهر مايل ولا انحنى شفت الهوايل شفت الهنا شفت إبتسامتك متلحنة ... وارجع يا روحي على الغنا وادق بابك لما تسأل ... ولما تسأل أقول أنا ... تعرفني من صوتي يا وليف ...
ده المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... يا طالب الأجر قبل الفجر سامعني في الدعوة للخير سبقنا الطير وسارعنا نتمنى كل البلد عيلة وصباحها نادي رمضان بساط أحمدي الكل سايعنااصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق


الملف الصوتي هنا