المسحراتي

[حازم فودة]

المسحراتي
(الحلقات الإذاعية آداء سيد مكاوي وأشعار فؤاد حداد)
(25)
اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي في ألف حي نفس الإذاعة يسمع الملايين ... منأراتي وكل بضي تتفتح الشبابيك شمال ويمين ... والقلب يتفتح لكل الناس والليل حنين والوتر حساس ومبطلتش في قلبي مصر الحنين ... وما بطلتش ضحكة الفرحانين والعود بيتمايل وربك شاء كل الخلايق في الأمل عشاق ... الريحة من امبابة للبساتين ترمي السلام على بعضها الرايحين واحنا اللي فيها وفي الندى رايحين ... واحنا اللي كنا في حنة الأيام ... وكنا في الأحلام نسام جايين ...
المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... يا ليل من الحب صاحي من الشقى نعسان على كل طوبة ندى وشذى وأمل إنسان يا ليل يا ليل يا ليل يا ليلمن الحب صاحي من الشقى نعسان على كل طوبة ندى وشذى وأمل إنسان أه من الظلام في الضي ومن العطش في الري من ألف حي وحي من ألف عام وانا عايش في الزمان الجاي اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق


الملف الصوتي هنا