المسحراتي

**حازم فودة** · #1 04/04/2025, 21h20

المسحراتي
(الحلقات الإذاعية آداء سيد مكاوي وأشعار فؤاد حداد)
(18)
اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي منأراتي أرتاح دقيقة من لفتي ... وارفع ايديا وتقوم عنية وقلبي يعلى وشفتي ... يا حي باقي اسمع دعائي واغفر لي ضعفي وخفتي ... يا رب عفوك أنا لولا لطفك إيدي ماتلمس دفتي ... اهديني رحمة والدنيا رحبة أتقن جهادي وحرفتي ... ماجعل حياتي حاضر وآتي ما اخجلش منها في وقفتي ... ولجل أم بصدر مؤمن ... بارك يا رب في خلفتي ...
والمشي طبله والدق على طبله ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... دي هي كلمة لشعبي ولقمة لولادي ... ما اطلبش غيرها وغير الحق في جهادي ... يا رب يا هادي أنا بحق الليلاة دي بأسألك يا رب كرامة المؤمنين والنصر لبلادي اصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

الملف الصوتي هنا

**حازم فودة** · #2 04/04/2025, 22h24

المسحراتي
(الحلقات الإذاعية آداء سيد مكاوي وأشعار فؤاد حداد)
(19)
اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي منأراتي دي ليلة نادية متشوقة زي الحمامة مطوقة يللي سامعني إسمع بأة ... الليل ده أكبر من الحيطان المحلقة ومن النجوم المبحلقة الليل ده قلب مشتاق لُقى ... دقدوقة مركز إتياي بتصحى ع الدقدقة أبو عزيزة النسمة طعمة محيأة يا خالتي جازية شتوية لكن مورقة ... اسقيني يا ابني عاش اللي ساعد واللي سقى يا سعد أولى صيام في جمعة عزق وشقى ... انت اللي تسند الازيار وتزرع انت النئا ...
والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... أدق بشويش أبطط عيش أسمعكم ... والا أنطر الإيد لفوق لبعيد أسمعكم ... يا اهل البلد قلبي ما يبعدش بعيوني ... يا اهل البلد نوروني انتم الأمة ما طابت اللقمة غير اللي اسمعكم اصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

الملف الصوتي هنا

**حازم فودة** · #3 04/04/2025, 22h46

المسحراتي
(الحلقات الإذاعية آداء سيد مكاوي وأشعار فؤاد حداد)
(20)
اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي تحت السما منأراتي ولربما ضحكة سناني المطرمة ... يمكن يجوز راجل عجوز لكن جوانحي بيرفرفوا ... في صدر بلبل أنا أعرفه من قبل نسمة ما تحدفه ويلاقي نسمة بتلقفه ... يمكن يجوز راجل عجوز لكن مؤكد يا سيدي ... الفن زهر على يدي ليالي سمحة وصباح نادي أصيل وشارب من ده واده ... يمكن يجوز راجل عجوز لكن في رجلي عجل في عجل ... ماضي بماضي من العمل ما حلو الا طعم الأمل بكرة لعلى وعسى عسل ...
والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... بالله عليكم في يوم العيد ترقوا له ... دلوقتي لما تشفوه مع طبلته قولوا ... راجل عجوز ماشي شوية شوية من قلبه ... الفجر من فوق الطريق همة اللي شقوله اصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

الملف الصوتي هنا

**حازم فودة** · #4 05/04/2025, 08h18

المسحراتي
(الحلقات الإذاعية آداء سيد مكاوي وأشعار فؤاد حداد)
(21)
اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي أروح وأجي منأراتي وبسطجي جايب رسالة م الحاج زين ... على المحطة شايل دورين شايل معاه السنبلاوين ... نورت يا بلدينا المدينة ... سافرت صايم منين لفين الله يزينك يا حاج زين على جبينك السجدتين أما الحبايب باسوا الإيدين ... نورت يا بلدينا المدينة ... أنا جيت اسحر والحاج زين ضحك بسنة وغمز بعين ... وقالي صبرك يا ابو جناحين ننزل نسحر الاتنين سوا أنا قلت يللا أنا قلت هوا ... نورت يا بلدينا المدينة ...
والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... ليالي مبروكة بتنقط علينا الضي ... يجري عليها الزمان اللي بيطوي طي ... قلبي انعصر لما قال يا شهر عن إذنك ... لا أوحش الله منك أهل هذا الحي اصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

الملف الصوتي هنا

**حازم فودة** · #5 05/04/2025, 08h36

المسحراتي
(الحلقات الإذاعية آداء سيد مكاوي وأشعار فؤاد حداد)
(22)
اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي وقلبي داب منأراتي على ألف باب ... سبحت للملك والرحاب وحلفت بالأمة والكتاب يا مسلمين الأمل شباب ... ده جرح أبيض من اللي طاب بشمس ما تعرف الغياب بريحة الجنة والحساب ... أنا الذي أرتجي الثواب هداني ربي إلى الصواب أطلع من المر والعذاب ... زي الشهيد أبيض الثياب يا شفتين باسوا في التراب يا نخلتين راحة المصاب واحة المقام ... يا مدنتين نوروا السحاب ... يا والدين الدعا مُجاب ...
والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... ساعة السحور ألف نور والفجر ألف هلال قالوا الحياة دائماً في بدء واستهلال لا أوحش الله منك المسلمين يا هلال اصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

الملف الصوتي هنا

**حازم فودة** · #6 05/04/2025, 09h13

المسحراتي
(الحلقات الإذاعية آداء سيد مكاوي وأشعار فؤاد حداد)
(23)
اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي تحت المآذن منأراتي صدق وآمن ... الشوق بيحذب يا إمام يا شافعي ... يا ام العجايز أقيد صوابعي أنا اللي شرع المحبة شرعي يا عطر الغورية الحورية ربعي ... بولاق سلام الشهامة طبعي في دنيا كلمة شحتها سمعي ندى البحيرة يا طل زرعي ... نجع الشرف يا صعيد ونجعي يا مصر بسمة تذل دمعي يا ألف أم وحبيبة تدعي ... أنا اللي ضلعي ما كانش درعي ولا كان تحت منه قلب ساكن كان نفسي أحضن كل الأماكن ...ما اقدرش أملك ما اقدرش لكن أنا عودي نسمة وقلبي لادن وعيني تجري على بلادي ... هي الحياة يانايي طوعي ... ويا طبلتي أذكري وتابعي ...
والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... خيالي نور قلبي صادق عيني مشتاقة يا ليلة القدر لما تفتحي الطاقة خيالي نور قلبي صادق عيني مشتاقة خيالي نور قلبي صادق عيني مشتاقة يا ليلة القدر لما تفتحي الطاقة كل العيون كل العيون كل العيون في مراية نصرة الله اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

الملف الصوتي هنا

**حازم فودة** · #7 05/04/2025, 10h06

المسحراتي
(الحلقات الإذاعية آداء سيد مكاوي وأشعار فؤاد حداد)
(24)
اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي على الطريقة منأراتي ورا الحقيقة ... ستين دقيقة في كل ساعة ما هيش براعة لو فن دام في كل كلمة من الكلام اصحى يا نايم وحد الرزاق ... رمضان كريم ... في كل كلمة من الكلام حضنت حزمة شديت حزام ... يطرح زماني بلح سماني من الأماني عالي عليا ... يا ليل يا عين أصبر شوية وشويتن وافضل أجاهد بقلب جامد فلا أُضام ... في كل كلمة من الكلام حضنت حزمة شديت حزام ... وأنا المغني ولجل إني يدوم شبابي ينقص منابي من السنابل لكن مناب الأمل تمام ... في كل كلمة من الكلام حضنت حزمة شديت حزام ... ومشيت بهمة إلى الأمام ...
والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... بين اليمن واليمامة يا ما قلبي هام ... وبوجد منك لديار النجف والشام ... وف مصر أطيب مقام السيدة وإمام ... وفي تونس الخضرة بتنور من الأكمام ... وفي المغارب مضارب للعرب وخيام ... كأن من سالف الأزمان إلى زمني ... ورثت كل الهوى والعشق إلى زمنياصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

الملف الصوتي هنا

**حازم فودة** · #8 06/04/2025, 16h01

المسحراتي
(الحلقات الإذاعية آداء سيد مكاوي وأشعار فؤاد حداد)
(39)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

مسحراتي منأراتي ع الطبلة إيدي ريشة في دوايتي اسمع يا سيدي اسمع حكايتي ... معاه استمارة راكبة الحمارة أول ما راحت راحت لحسني قالت يا حوستي هو انت فاطر ... قالت يا حوستي هو انت فاطر قال كنت فاكر مش ح انسى تاني خليك مكاني ... الاستمارة راكبة الحمارة راحت لفكري قال تيجي باكر وتروح لذكري قال روح لشاكر والا لشكري شكري في أجازة ... راحت لبهجت لا حط ماذا ولا سألها أشر نقلها لهاني خليك مكاني ... هاني التاطوري قال فيما يبدو ح تروح لعبده لازم ضروري ضروري لازم راحت لحازم ... من نولي تيفة شغال لطيفة من نولي مكتب راجل مؤدب ببدلة بني ... ببدلة بني قالي أظني في تاني أوضة عند الموظف أبو بدلة سودة ... بدلة رصاصي قال لامؤاخذة مش اختصاصي ... يا سيدي لاظوغلي خلص لي شغلي ... في تاني طرقة على شمالي لبدلة زرقة شرح لي حالي قال ثانية واحدة ... والاستمارة من يومها قاعدة راكبة الحمارة لو كنت راكب ما كنتش أوصل ولا أأدي واجب ولا أحصل واطلع بلاشي ... أحسن لي أفضل ع المهل ماشي ماشي ماشي ...
ده المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... انا صايم الشهر طول الشهر وده فاطر ... وانا ماشي في الشغل قلبي سخن ودفاتر ... ما يتنقل شبر الا بحبر ودفاتر اصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

الملف الصوتي هنا

**حازم فودة** · #9 06/04/2025, 19h06

المسحراتي
(الحلقات الإذاعية آداء سيد مكاوي وأشعار فؤاد حداد)
(40)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

مسحراتي منأراتي شاعر باغني بوحي وبالهام أرض العروبة مهجة الاسلام ... قهر الصليبيين أسد ضرغام ... على نهج عالي وفيمينه حسام ... لما يهزه يروج الأنسام ... يا خد بيد الأم والأيتام ويوضع لنا كلمة وقدم ومقام ويدمر الباطل ولا ينضام ... أبو زيد هلالك مهر المهالك ومهرها سالم والفتى الهمام ... وف كل عصر وضحى العصر ومغرب لمصر تحنن الأرحام ... يا ضي أحسن كأنه لحن ... الماضي من مستقبل الأيام ...
والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... قال الوطن كلمته ومشينا يد بيد ... والشعب لما انطرأ الفرع الأخضر مد شفنا العرق على الورق شفنا الندى على الخد شفنا ابتسام الشهيد لما الحقوق تترد اصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

الملف الصوتي هنا

**حازم فودة** · #10 06/04/2025, 21h33

المسحراتي
(الحلقات الإذاعية آداء سيد مكاوي وأشعار فؤاد حداد)
(41)
... ... اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم ...

مسحراتي منأراتي أنادي ... أنادي بنتي إيناس الاقي خدي اتباس ... أنادي ابني حسن الاقي صدري اتحضن يا ولادي نفسي أهادي كل الولاد في بلادي غنوة ... أجمل غنوة حبوا الوطن ... حبوا الوطن في الغيط أبو الفدادين وحصة العربي ودرس الدين حبوا الوطن ... حبوا الوطن في الجبهة والميادين يوم الجهاد الكل مجتهدين حبوا الوطن ... وتعملوا قبل ما تقولوا حبوا الوطن بالحق واش قولوا لولا العرق ما كانش نور الجبين حبوا الوطن ... حبوا الوطن في المسرح الدافي الأم تسقيك الحنان صافي والأب ما يحبش يشوفك حزين حبوا الوطن ... حبوا الوطن في الحي والشارع من نور لنور والجاي والطالع ... نادوا الحضور في جمعة الملايين حبوا الوطن ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي حتة من كبدي حتة من موال ... جبوا الوطن حبوه وقدموا الموال ده ... من الولاد للوالدة قوموا اقطفولها الوردة ... جبوا الوطن حبوه وقدموا الموال ده ... من الولاد للوالدة قوموا اقطفولها الوردة ... أصل الأمل في المودة كل العرب عيلة واحدة كل العرب عيلة واحدة حبوا الوطن اصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

الملف الصوتي هنا