المسحراتي

[حازم فودة]

المسحراتي
(الحلقات الإذاعية آداء سيد مكاوي وأشعار فؤاد حداد)
(12)
اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي منأراتي بنقر نقرة أمس والمس ... بيدى يا ما عاشت أيام أليل وأيام أشمس ... واسرح من الفجر بالمدمس وفي العصاري بدرة وترمس ... ما اعرفش أربع اعرف أخمس لعيون حبايبي ولا عيني تنعس في كل حي وكل مجلس ...أنا ودني أتقل من اللي وسوس ويفتح الله عقلي المتربس ... نجف ملعلع ما اعرفش اهمس اعرف أدوي بصوت يحمس والليل ده عندي تختة مدرس ... باسرح وباشرح من غير ما ادعبس أما مزاجي عمره ما فلس ... وانا ابني قال يا اسطة للمهندس ...
والمشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت حبيت حبيت ودبيت كما العاشق ليالي ليالي ليالي طوال ... وكل شبر وحتة من بلدي حتة من كبدي حتة من موال ... يا عم يا سقا يللي قربتك لأ أنا بادي ودني لكل الدنيا واتلقى ... الأولة أي نعم والتانية مش لأة ... والتالتة دي المية في الحنفية والمواسير وانا طبلتي في الإذاعة دقةً دقة اصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق


الملف الصوتي هنا