المسحراتي

[حازم فودة]

المسحراتي
(الحلقات الإذاعية آداء سيد مكاوي وأشعار فؤاد حداد)
(4)
اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي منأراتي مشيت بخطوة متثبتة ... لجل العجيبة اللي مش عجيبة شاعر وحاسس وشيخ فتى ... ولو خُفَيَف واعرف أصيف بالإنسانية في عز الشتا ... طول عمري جد وما اكولش حد وما افتحش مئلة للمألسة ... غنيت أماني عن الأماني الوعد عمري ما أؤول متى ... والتاتا تاتا الساعة تلاتة على طبلة خضرة منبتة .... والطم طمطم حتى المقطم اذا سمعها تلَفّْتَ ... أنا مش بنادى لمو الصنية في البطانية مِكَلْفِتة ... أنا بنادي مواطنيّ قلوب هنية ... قلوب هنية بالخُمسْمِية ...

المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي وحتة من كبدي وحتة من موال ... كل اللي كان في البال غيرلي ريئي وبل ... الليل ويا ما طال الفجر ياما طل .... عجوز شوية وعلى راسي خطوط بيضة ... والفجر لسة صغير لسة في البيضة ... وأنا ماشي باسمع سلامات الندى والطل اصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

الملف الصوتي هنا