المسحراتي

**حازم فودة** · #3 02/04/2025, 06h19

المسحراتي
(الحلقات الإذاعية آداء سيد مكاوي وأشعار فؤاد حداد)
(2)
اصحى يا نايم اصحي يا نايم اصحى وحد الدايم .... وقول نويت بكرة إن حييت الشهر صايم والفجر قايم .... اصحى يا نايم وحد الرزاق ... رمضان كريم

مسحراتي منأراتي في طلتي بطبلتي من جنب شارع لجنب حارة ... من جنب حارة كان نجم والع زي الشرارة من البخور اصحى يا نايم وحد الرزاق ... رمضان كريم
والدنيا حلوة والريحة أحلى سمعت غنوة ورجل نحلة فضلت تدور ... وفي طلتي بطبلتي من حي ريحنا لشيخ قريب قال يا ابني احنا عملنا طيب والأجر نور ... خيالات صداقة تسرح في عيني من ألف طاقة بينكم وبيني يا اهل الندور ... وفي طلتي بطبلتي م الحارة دكها للحارة دية سمعنى ديكها أدان هدية يا شيخ سرور ... الديك ده صايح لازم نصحصح ... اسمع نصايح اللي لازم نصحصح في السحور ... المشي طبلي والدق على طبلي ... ناس كانوا قبلي قالوا في الأمثال ... الرجل تدب مطرح ما تحب ... وانا صنعتي مسحراتي في البلد جوال .... حبيت ودبيت كما العاشق ليالي طوال ... وكل شبر وحتة من بلدي وحتة من كبدي وحتة من موال .... أنا قلبي غاوي اللبان والجاوي بخرنا ... يا طيب الاسم يا دلنجات وبحرنا ... والجبلي أسيوط فؤاد مبسوط وسحرنا ... حنية الليل قطعها الجرح يا ولادي ... لما سمعنا المنادي ما تأخرنا اصحى يا نايم اصحي يا نايم اصحى وحد الدايم .... السعي للصوم خير من النوم دي ليالي سمحة نجومها سبحة اصحى يا نايم يا نايم اصحى ... وحد الرزاق ... اصحى يا نايم يا نايم اصحى ... وحد الرزاق....اصحى يا نايم يا نايم اصحى ... وحد الرزاق

الملف الصوتي هنا