طلبات نوتة أ / عادل صموئيل الجزء الثانى

**عادل صموئيل** · #1 17/02/2025, 18h46

احبائى
عشان نكمل اغنيات عبد العزيز محمود الحلوة

الوعد والمكتوب

مع اطيب تحياتى

**عادل صموئيل** · #2 18/02/2025, 18h22

احبائى
واخيرا اقدم لكم اغنية محمد عبده

.. ابعاد ..

الاغنية دى ليا معاها ذكريات .. انا لما بفتكرها او بسمعها بتفكرنى ب سويسرا حاتستغربوا يعنى حد يقول تفكرك بالسعودية مثلا .. انا عزفتها مع محمد عبده مرات عديدة جدا من خمسين سنة .. غيرالحفلات العادية كان معظم الامراء والاثرياء بتوع الخليج عندهم قصور وفيللات فخمة فى سويسرا .. احنا لما كنا بنسافرالخارج كان بيطلبوا منك جواز السفر وتاخده جواه التذكرة مش مهم انت رايح فين .. المهم كان بييجى حفلاتخاصة يعنى بيتصلوا بينا بالتليفون فىالمطار الساعى 7 مساء مثلا نروح املطار نلاقى طيارة محجوزة مخصوص بوينج 737 بتودينا سويسرا وتنتظرنا نعمل الحفلة ونرجع فى نفس اللية طبعا دول كان معظمم من العائلات المالكة يعنى سهلجدا ممكن فكرا يجيبوا محمد عبده فىلاصباح نفس اليوم والفرقة الماسية جاهزة ا وقت لأى مكان ومعندهمش اى مشكلة يخلقوا طيارة من تحت الارض وطبعا مافيش مشاكل من اى نوع فى التأشيرات .. احيانا بتحصل حاجات تضحك يعنى انا دايما بحب اتفرج م ننافذة الطائرة عل ىالمدينة والطيارة بتلف فوقها .. متعود على سويسرا فى الشتاء بيبقى تحتك معطم المنظر ثلوج مرة لقيت تحتنا برج ايفل انا قلت هم كمان استأجروا برج ايفل يعملوا بيه الحفلة ( ماهو الفلوس تعمل حاجات غريبة ماتستغربش يعنى ) نزلت الطيارة لقيت نفسنا فى مطار اورلى بباريس وعادى يعنى الشىء اللى مش عادى ايامها يعنى انت مثلا لو حاتروح اى دولة بتقعد قبلها بشهور تتخيل حاتشوف ايه .. لكن احنا تخيل انت الصبح مثلا متخيل حاتعمل ايه بالليل ومش ممكن تتخيل انك حاتتعشى الناهردة ف دولة تانية وبكره الصبح حاتكون فى القاهرة تانى عادى كده مع اطيب تحياتى

**عادل صموئيل** · #3 20/02/2025, 19h03

احبائى
اغنية من التراث الشامى

بين الرضا وبين الدلال

دى اغنية قديمة غنوها ناس كتير وانا ما لقتش لها تسجيل رسمى يعنى خدتها من كذا اداء لو فيها اى حاجة مش غلطتى يعنى
مع اطيب تحياتحى

**طارق سرحان** · #4 20/02/2025, 22h34

يا خبر ابيض دى ذكريات من دهب والماظ لو تتكرم وتقص بعض من نوادر الحفلات زى ابو تامر حسنى صوتة احلى واجدع من تامر وزى عازف الاورج مجدى الحسينى لما غنى فى حفلة تعيش وتطربنا باجمل ذكرياتك وعزفك باحساس نادر وتدوينات سيادتك العظيمة

ابو تامر حسنى اسمه حسنى شريف كان مطرب زمان فى السبعينات وكان طبعا لازم يبقى حلو لأن وقتها مكانش حد يقدر يدخل المجال إلأا لما يكون حلو اوى .. بس كان مطرب صغير يعنى محدود فى الافراح وشارع الهرم ومة او اتنين طلع فى افلام ..كان طبعا احسن من تامرحسنى بكتير اما مجدى الحسينى معرفش ليه كانحيموت يبقى مطرب وعمل حفلة واحدة ماعجبش الجمهور يعنى كانبيغنى وهو واقف علىالاورج ووسط الاغني ةالاورج قطع ولف وجا من ورا الاورج عشان يشغله وكان شكله وحش يعنى بس هى خطوة مش كويسة وماكررهاش تانى لأنه كان ك مطرب اقل من الفورمة بكتير وغلط انه يضيع عرش الاورج نفس الحركة عملتها نجوى فؤاد وبرضه كان نفسها تغنى وغنت فى حفلة بس الجمهور برضه ما تقبلهاش وماكررتهاش تانى نفس الحركة برضه كررتها سعاد حسنى وطلعتا تغنى فىحفلة واحدة بس برضه ماكانتش حلوة يعنى هى مطربة ايوه بس فى الافلام لكن على المسرح اقل بكتير من على الشاشة

**طارق سرحان** · #5 23/02/2025, 11h12

استاذنا الغالى الحبيب الاسطورة معالى الباشا
المايسترو عادل صمويل فعلا سعاد حسنى ماشفتهاش فى حفلة ولا شويكار ولا صفاء ابو السعود رغم ان كل واحدة فيهم احسن من كل الموجدين حاليا وياريت الاخوة الكرام لو نوتة البسطجية اشتكو موجودة وانا مش شايفها ان تتكرموا وتنزلوها لسيادتكم جزيل الشكر المايسترو الذهبى الماسى عادل باشا صمويل وشكرا لكل الاخوة الافاضل

**عادل صموئيل** · #6 02/03/2025, 20h49

احبائى
كل سنة وانتم طيبين واقدم لكم اغنية فريد الاطرش

هلت ليالى حلوة وهنية

مع اطيب تحياتى

**Madeleine** · #7 05/03/2025, 22h52

مساء الخير استاذ عادل ياريت تنوط
اغنية #صباح 1987 ياحبيب القلب حبيتك👩‍❤️‍💋‍👨👩‍❤️‍💋‍👨👩‍❤️‍💋‍👨👩‍❤️‍💋‍

**Haider97** · #8 08/04/2025, 06h23

يعطيك العافية استاذ عادل
عندي طلب نوتة اغنية لورا للفنان محمد عبده
شكرا لك

**Madeleine** · #9 10/04/2025, 11h58

السلام عليكم الاستاذ عادل ياريت لوسمحت تنوط اغنية ماجدة الرومي
إن شئتُ أرحلُ لن أعودَ إلى سراب

**عادل صموئيل** · #10 14/04/2025, 19h47

احبائى
اغنية عبد الحليم حافظ

هى دى هى

انا منزلها من فترة لكن مش موجودة فى الفهرس ارجو اخى العزيز هيثم ينزلها فى الفهرس والف شكر
مع اطيب تحياتى