مربعات عبد النبى الرنان - الصفحة 11

**أسامة محمد احمد** · #**101** 30/04/2024, 09h46

الف مليون شكر لادارة المنتدى ولاستاذ عصمت النمر على المجهود انا بحب جدا عبد النبى الرنان وقعدت وقت طويل ادور لحد ما لقيت المنتدى العظيم ده شكرا بجد ليكو

**لؤي الصايم** · #**102** 15/10/2024, 06h07

الحاج عبد النبي الرنان
عزيزٌ حماني بحرزه اليماني
ثريٌ سقاني بكأس يدور

**لؤي الصايم** · #**103** 15/10/2024, 06h13

الحاج عبد النبي الرنان
فقير صادف الخمَّار وعطاه بكراجي
قال له إن عجبني الحال يا خمَّار بكره آجي
آبات سهران على بُنِّي وبكراجي
رجال في ورود الليل فايرين كالقِدَر
يستمتنوا للحكم ودسايس القَدَر
طول نهارهم صايمين وآدي ليلهم سهر

**لؤي الصايم** · #**104** 15/10/2024, 06h21

الحاج عبد النبي الرنان
يا نفس توبي بحق المصطفى نشكي
الأمر أمره ولا في قدرته نشكي
لولا رحمته كان بره ساحته نشكي
درنا مع الوقت والأيام ومالينا
ياما مشينا صرفنا جميع مالينا
لما شعرنا بتعب الجسم ومالينا
مش عيب علينا بعد اللي جرى نشكي
كتير من الناس تهموني وأنا ساكت
دولا قولوني قول ما قلتوش وأنا ساكت
ياما وكلوني بلح قبلي رطب ساكت
أسألك يا رب يااللي عالعباد موجود
من صغر سني بجيب الكلام عالعود
والرب موجود ياخد حقي وأنا ساكت

**لؤي الصايم** · #**105** 15/10/2024, 06h26

الحاج عبد النبي الرنان
رجال لهم في ظلمة الليل خالية
يبيعوا ويشروا في بضائع غالية
وردوا على الخمَّار فشربوا فترجموا
بنوا قصور في جنان عالية

**لؤي الصايم** · #**106** 15/10/2024, 06h34

الحاج عبدالنبي الرنان
ياللي انت علي البر إيه رجعك تاني
وجر رجلك وجابك عندنا تاني
ما كنَّا تبنا وإيه اللي حصل تاني
أنا مرضت وشفيت ولا واحد ييجي يطبلي
لو حيانى زماني لأضرب في البلد طبلي

**لؤي الصايم** · #**107** 15/10/2024, 12h13

الحاج عبد النبي الرنان
باب القبول اتفتح قدِّم طلب يا ابني
احنا علينا الأساس وإنت عليك تبني
إن كان إساس متين عللِّي البُنا وابْني
أنا غفلت لحظة يا عين جه المحبوب يعاتبني
ما بتحب النبي وتنام يبقى في شرع مين يا ابني
شوف غني اليوم عامل حرَّاس على مالُه
من كتر بخله تراب الوجه على ماله
عمره ما جلس خطيب جرَّاه على ماله
بقول كلمة الحق بعد ما أقول لمُّونا
ليه يا خلايق عشان الحق تلومونا
وفي طلعة الروح يقول نفسي في لمونه
بيشحت لمونه يا حب ولا يجيبهاش من ماله
يا اللي كنزت المال مايز بس واتدارى
أنت كنزت المال كتره ليك بيتضارى
بعد ما تموت للوراث يتدارى
فضحت نفسك على النعمة وجبت العار
بنسأل الله يسترها مايكشف عار
الفقر بعد الغنى قالوا يا أخي مش عار
دا عار على اللي يشوف غلبان ويتدارى

**لؤي الصايم** · #**108** 17/10/2024, 06h01

الحاج عبد النبى الرنان
دخلنا الحانة والكاسات تُجلى

يا مدد يا مدد نظرة آل البيت يا مدد
دخلنا الحانة والكأسات تُجلى
ظننا أن فى الكاسات نارَ
شربنا قطرةً منها سكِرنا
وإن متنا ولا فى الموت عار
نسيم الوصلِ هبَّ على النداما
فأسكرهم وما شربوا مداما
ومالت منهم الأعناق ميْلاً
لأن قلوبهم ملئت غراما
وناداهم عبادي لا تناموا
ينال الوصل من هجر المناما
ينال الوصل من سهر الليالي
على الأقدام واستحلوا القياما
تريد الوصل منِّي يا مُعنَّى
فقلت لها أكون لك غلاما
وأقف على الجبل مُحْرِم مُلَبِّي
وأذكر ربنا مُحيي العظاما
وأنوي الطُهْر من زمزم
وأصلي ركعتين خلف المقاما
يــــــــا آل بيت رسول الله

**لؤي الصايم** · #**109** 18/10/2024, 09h18

الحاج عبد النبى الرنان
يا سيدة يا سيدة يا أم الشموع القايدة

**لؤي الصايم** · #**110** 25/12/2024, 11h11

الحاج عبد النبي الرنان
مديح - الجذع حن
شوقي يزيد إليك يا خير الورى
يا هاشمي يا خير من وطئ الثرى
يا خير من نطق الحصى في كفه
الجذع حن له وأنَّ.أورق مثمرا