طلبات نوتة أ / عادل صموئيل الجزء الثانى

[عاصم المنشاوى]

صياح الخير يااستاذ /عادل

بصراحة من غيرك مش عارفين بجد نعمل أيه؟

حضرتك بتفك كلاكيع السنباطى ازاى وتعمل على تبسيطها أزاى كده ..انا مااعرفش...
وبعدين تقوم داخل على الرحابنة وتهدينا لألئ من حنجرة فيروز...

الأصدقاء : عشاق منتدى سماعى

الصديق خالد موسي طلب أغنية "يابو اللبايش ياجصب"
وهى أغنية من الفلكلور المصرى الفلاحى.وعشان كده ح تلاقى بليغ ساب الأيقاع الفلاحى زى ماهو لكن أضاف الساكسفون.. ومتهيألى أنه استعمل الفلكلور ده فى أغنية" رنة قبقابي يامه"....
رغم ان الساكسفون ألة غربية مش مصرية ولا فلاحية..لكن ماشى..ده بليغ... كان حابب يطعم الغربى بالشرقى وكانت الموضة هى استغمال الساكس فى كل اغانى الفترة دى...الاغنية من ضمن أحداث فيلم "شئ من الخوف" ل شادية ومحمود مرسى أنتاج 1969....
كلمة لبايش ..جمع لبشة..وهى بمعنى "حزمة أو ربطة"...حيث يتم حصاد الجصب أو "قصب السكر" وربطه فى مجموعات تمهيدا لنقله لمصنع السكر... والحصاد وأغانى الحصاد...موجوده فى كل بلاد العالم ودايما مرتبطة بحفلات الزواج..حصاد يعنى بيع محصول يعنى نقود واموال ومصارى يعنى حقلات زواج أوخطوبة يعنى أفراح..ولذلك ربما أحنا بس فى مصر نطلق على حفلات الزواج "فرح"...فى الاغنية ح تلاقى "عندينا فرح واتنصب" يعنى أقامة حفل عرس أوزواج....
أغنية جميلة فيها بهجة وفرح ...تيمة لحنية من سطر اوسطرين مكررين....وأيقاع فلاحى مناسب لأحداث الفيلم....وفلكلور مصري .مش ح تلاقى مزيكا لأان الفلكلور بيبقى كده...هى الطبلة او الدف او الايقاع والاصوات..لأن الناس هى اللى بتغنى...ودى حلاوة اغانى الشعوب ..البساطة والتلقائىة..
.ف شكرا بجد للراحلين بليغ حمدى وعبد الرحمن الابنودى انهم حفظو لنا التراث الجميل ده..ويهمنى أسمع تعقيب أستاذنا عادل بك...