احبائى
اقدم لكم اغنية من اصعب مادونت ل عبد الوهاب
مين عذبك
واقول لأخى العزيز Omda اللى طلبها مين عذيك بتخلصه منى .. صعوبة الاغنيةدى ان عبد الوهاب كان متسلطن اوى اوى يعنى فى الحرف الواحد بيلعب لعب فظيع بس هى ميزتها انها كوبليه واحد وبيتكرر يعنى فى السلطنة الفظيعة دى لو كانت كذا كوبليه مختلف كانت حاتبقى مستحيلة ..كمان من ضمن الصعوبة ان الكورال كان متسلطن زيه يعنى عادة لما مطرب بيتسلطن اوى انا بترك اللى بيقوله وبروح اسمع من الكورال لأن الكورال المفروض بيقول اللحن سادة لكن طبعا واضح ( ودى ماحدش يكتشفها إلا اللى اشتغل مع عبد الوهاب عشرين سنة .. ان التسجيل ده كانوا عمالين يغنوا فى اللحن عشر ساعات قبل التسجيل ف زى ماتقول تشبعوا بأداء عبد الوهاب بس طبعا االخبرة خلتنا انى احاوال افك الطلاسم واللحن بقا سهل جدا الحمد لله .. يعنى اللحن سهل لكن عبد الوهاب وهو متسلطن اوى مخليه صعب .. وجدير بالذكر ان لو عبد الوهاب بيملينى اللحن ده عشان اكتبه كان حيميلنى سادة بدون اى حليات او تجويد يعنى عندك الكوبليه.. اى حد يسمعه يتخيل انه بستان مقامات بالعكس هو مقام كرد نواه يعنى المقدمة والمذهب راست طبعا مع انه حرف السى ماجاش ولا مرة ولكن النكهة .. اما الكوبليه فهو كورد النواة لأنه بيقفل علىنغمة صول دايما مش نهاوند الدو زى الطبيعى يعنى .. بس الجنون انه قعد يلعب بعلامات التحويل عمل حاجات كتير نازل حاجة وطالع حاجة وللعلمفكرونى كانت مليانة حركات زى دى بس ام كلثوم كانت بتغنى سادة وسهل لذلك كانت مفهومة بسهولة لأمن طبيعةالعصر اثناء تسجيل هذه الاغنية كانت كده يعنى المطرب بيعمل عُرب كتير طبعا لكن انا سعبد وافتخر انى قدرت افك طلاسم اللحن الرائع ده يعنى ممكن حد غيرى يكتبه زى ما بيتقال بالطبع ماحدش حايقدر يعزفه مع اطيب تحياتى
رد: طلبات نوتة أ / عادل صموئيل الجزء الثانى
العرض الشجري