طلبات نوتة أ / عادل صموئيل الجزء الثانى

**عادل صموئيل** · #1 29/05/2021, 04h30

احبائى

اغنية راغب علامة

ياحبيبتنا يابيروت

طبعا بنذكركم ان فى اول الاغنيةكان فيه تقاسيم قانون وموال دول مش بيتكتبوا
مع اطيب تحياتى

**سميرحسون** · #2 29/05/2021, 09h40

السلام عليكم ورحمه الله وبركاته ألف شكر يا أستاذ عادل على
اغنية ياحبيبتنا يابيروت

**ayes_ray** · #3 31/05/2021, 12h50

شكرا جزيلا لجهودك الجبارة أستاذ عادل

أعود واسمح لي أن أذكرك بلحن يا عاشقين لهاني شاكر (إن أعجبك) من تلحين الموسيقار بليغ حمدي وهذا رابط الأغنية:
https://www.youtube.com/watch?v=PY4YP1_yIO8
ويكفيني أني فقط لفتت انتباه الأعضاء لهذا اللحن الجميل
تحياتي لك وجميع المشاركين

**بكر محمد دحدولي** · #4 31/05/2021, 16h49

مرحبا استاذ عادل صمؤيل

اتمنى ان تكون بصحة جيدة و طاب مسائكم بكل خير

ياليت إذا من الممكن تدوين اغنية مها صبري ماتزوقيني ياما من تلحين بليغ حمدي من فضلك , فهي اغنيه جميلة تستحق ان تدون وتعزف في الاعراس .

و شكرا جزيلا استاذ عادل و جعل الله ايامك كلها سعادة وافراح

**عاصم المنشاوى** · #5 01/06/2021, 08h26

عشان نعرف قيمة وقامة الاستاذ عادل صمويل..وإن احنا معانا كنز والله...وقد إيه ربنا بيحبنا ان فى وسطنا ومعانا أستاذنا الكريم المعطاء عادل بك..

امبارح جه على بالي...ولقيت نفسي بدندن صولو الكمنحة اللى فى قصيدة"حديث الروح"اللى غنتها ام كلثوم وتلحين السنباطى.....وقولت اجيبها كده عالعود.. وفتحت ألبوم عندى فيه النوتة..صورة رقم واحد...وصعقت ياسيدى ..ايه ياعم الكلاكيع دى...فيه حاجة اسمها سيكا الدوكاه ب ٤ ربع دييز...يانهار مش فايت...اللى هو ازاى يعنى..؟؟..مش كده وبس...لأ وراح عامل تحويل وخللى السي ربع بيمول....ليه كده...
وفوجئت ان الجميل استاذنا عادل صمويل صورة رقم اتنين... سبق ودونها قائلا انها أصعب لحن دونه...ولقيته مبسطها خالص بخبرته ومعرفته بالسنباطي ..وهي دى مدرسة عادل صمويل....
انما الكلاكيع والعقد بتاعة النوتة التانية ..تصيب المبتدئين بالفعل بالاحباط..مش كفاية لحن السنباطى اصلا فى منتهي الصعوبة...

السؤال لاستاذنا..هل فعلا الفرقة عزفت كده... اربعة ربع دييز
..؟؟؟ ودى تتعزف ازاي دى...احط صوابعي فين واعفق ازاي...؟؟؟
وليه السنباطى بيعمل كده.؟؟..لإن الالحان الصعبة دى ظهرت بعد دخول بليغ وعبد الوهاب فى مشوار ام كلثوم...طب ماده بيرهق العازفين....بعكس الحان بليغ وعبد الوهاب السلسة..

المهم....
قارن ياصديقي بين النوتتين...وانت تعرف قيمة استاذنا..
...

**عادل صموئيل** · #6 01/06/2021, 19h10

اخى العزيز عاصم

اللى كاتب النوت دى مش عارف مين هو شاطر بس فوق مستوى الشعب
يعنى انت من حسن حظك ان انا ربنا وفر لى كذا ظرف لما تخلطهم على بعض يطلع الشوية الحلوين الل انت قلتهم .. يعنى اول حاجة الل كتب اللحن ده من المؤكده ان سمع اللحن فى الراديو ومن المؤكد انه مش بيعزف كمنجة او عود يعنى انا عشان عزفت مع العمالقة دول فترة طويلة وشربت طريقتهم ده اولا ثانيا عوامل تانية خطيرة يعنى كنت يقعد على كرسى فى الفرقة وييجى قدامنا نوتة واسمع تعيقات الى قاعدين جنبى لما يكون نوتة مهببة ونوت سهلة او حد زى عبد الحليم نويرة مايسترو اد الدنيا كتير اوى لما قال لى انت كاتب كويس او لما المايسترو سلين سحاب قال عليا انى نقلة فى التدوين الموسيقى وكمان ماتنساتش انى كنت بالليل بشتغل مع العالقة والصبح مدرس موسيقى مع مبتدئين وعشان ربنا يصبرتى عل ما بلانى كنت بحب يعزفوا موسيقى جميلة يعنى حاجة للست او عبد الحليم مثلا او عد الوهاب مش الموسيقى الهباب اللى الوزارة بتبعتها يعزفوها وكان يوم عيد غى الوازرة كلها فى مصر كلها لما قلبت النظاموبدل ما كانوا بيعزفوا موسيقى ماسخة بقيت اخليهم يعزفوا موسيقى جميلة وكان بالطبع لازم ابسط النوتة عشان تبقى سهلة لأن للعلم القراءة والعزف ده ممارسة وفيه مدرسين موسيقى كتير بيقعدوا يفعصوا فى النوت يعنى لما تكون النوت سهلة انا خليتهم يشتغلوا بدل ما يقرفوا من الشغل ولما ظهرت المتيجة وطلعت طريقتى صح الحمد لله ابتدين انسق فيها .. فيه حاجة مهمة جدا .. مع ام كلثوم بالذات كانت الفرقة بتظبط طبقة صغيرة يعن اللحن بيبقى اصلا بيتعزف فى الفرقة من دو لكن انت فى الراديو سامع من سى بيمول وحديث الروح الفرقة بتعزفها زى ما انا كاتبها من سى نص بيمول بس انت بتسمعها من لا نص بيمول .. فيه حاجة تانية وانا بدون اى نوت .. ساعات بعد ما بكتب خمس اسطر بحس انها صعبة اروح افكر اسهلها ازاى واكتبها تانى .. لأن الموضوع مش اداء واجبا لموضوع قيمة النوت نفسها يعنى انت عندك 16نوت ليا مثلا يبقى بتعزف 16 مقطوعة مش زمان كان كتاب فى 30 نوت صاحب الكتاب يخاف يقرب من نصهم .. وبعدين برضه حاجة انا كمدون لما ادون نوت واروح بيها لفرقة .. المفروض ان المدون هو اللى بيقود الفرقة فى الاستديو عشان حافظ شغله .. ورئيس الفرقة بيقودها فى الحفلة لكن الاساس المدون طبعا .. بيبقى شكلى حلو لما ادخل على فرقة واحط قدامهم نوت سهلة بحس انهم مبسوطين منى .. ولما ادخل عليهم تانى بحس انهم بيفرحوا لما يشوفونى وانا طبعا بصيت فى النوت الل انت حاططها عاملها من مقام مقرف ماحدش يعرف يعزفها يعنى فيه مناطق الكمنجات تفعص فيها يعنى لو اكتر من اتنيننص دييز فى الدليل ودى كمانالكمنجات مش بتحبها يعنى احلا حاجة زى ما انت كاتب لأن مع معاشرة العتمالقة برضه الموسيقى ذكاء وخلى بالك من كل كلمة قلتها .. يعنى كلمة فوق مستوى الشعب هو بيبقى شاطر بس بينى وبينك حمار يعنى انت لو قسمت الشعب حتلاقى 99 % مستمعين وواحد % بتوع كونسيرفاتوار .. والمفروض انا بعمل شغل يفهموه ويتمتعوا بيه ال 99% والواحد % يقولوا ايوه الراجل ده محترم او عمل مدرسة جديدة لكن لمافنان يحس انه بيعمل شغله للخاصة فقط ماحدش حايمسعه والشهرة بتيجى من عامة الشعب مش من الخاصة

**عادل صموئيل** · #7 01/06/2021, 19h13

احبائى
اغنية مها صبرى

متزوقينى ياماما

مع اطيب تحياتى

**muhamadibra** · #8 02/06/2021, 06h12

اقتباس:

المشاركة الأصلية كتبت بواسطة عادل صموئيل

احبائى
اغنية مها صبرى

متزوقينى ياماما

مع اطيب تحياتى

يا بختك يا عم بكر - عارف سعادتك قد ايه -ان شاء الله المايسترو يسمح وقته بتدوين سيدى أنا
https://www.youtube.com/watch?v=5Q87euPOBEk
د محمد ابراهيم