طلبات نوتة أ / عادل صموئيل الجزء الثانى

**salhi_haithem** · #1 26/04/2021, 22h46

أخي عمرو بعض من الإجابة عن سؤالك موجودة من هنا

انا بس احب اضيف حاجة مش موجودة فى اللى كتبته .. بالنسبة لقعدة الاكورديون ... ام كلثوم كانت طول عمرها متحفظة على الالات الحديثة ومنها الاكورديون .. يعنى هو مكانه التقليدى جه من قعدة الفرقة الماسية جنب الناى وحتى كل الفرق قلدت الفرقة الماسية بس ام كلثوم لما عزف فى سيرة الحب ماحبتش يقعد وراها حاتحس ان الفرقة فيها حاجة غلط لانها متعودة وراها مباشرة العود وبعده الناى وبعده ال 3 شيللو وبيبقى تانى عازف حسان كمال بيعزف بيتسكاتو شرقى وهو اللى ابتدعه يعنى بيخايها تتنطط ولازم يكون قريب منها .. ف كانت مرة تقول الاكورديون يقعد هنا ومرة يقعد هنا يعنى كانت متقلقة ف الموضوع ده وكان يمكن هو نفسه داخل الحفلة مش عارف هى الناهردة حاتقعده جنب الناى ولا جنب الجيتار .. اما موضوع كل عازف كان بياخد معاه آلة تانية لأ طبعا هو عمر خورشيد فى رسالة من تحت الماء من باب الابداع جاب معاه جيتارين يعنى جيتار كهربائى عادى اللى بيعزف بيه وكمان جيتار سبانش متكهرب يعن متركب له كبسولات عشان يقول بيه الصولو بتاع كوبليه الموج الأزرق فى عينيك وده مايحسوش طبعا غير المستمع المتذوق اوى .. واى مستمع عادى مش حياخد باله .. وعبد الفتاخ خيرى عازف الكمان كان كمان عازف جيتار وهو اللى عمل انت عمرى وانت الحب وهذه ليلتى وك عازف كمنجة ما يقدرش يقول صولو الجيتار ويقعد ساكت فكان بيجيب معاه الكمنجةويحطها جنبه ولما يخلص صولو الجيتار بيحطه جنبه ويعزف على الكمنجة اما موضوع ان يتقطع منك وتر .. دى مش يتحصل مع المحترفين يعنى حاجة عيب اوى اوى إلأ وتر المى لو عازف حب يعزف عليه بقوة شديدة يعنى رزع القوس فوقه ممكن يتقطع بس دى نادرة الحدوث يعنى انت بتشوف العازفين الل ف اوروبا بيعزفوا كونشرتوا بيقولوا حاجات فورتى اوى اوى وبيرزع القوس بس طبعا العازف بتاع الكونشيرتو بيستخدم نوع اوتار مخصوص يستحمل الصدمات دى يعنى تمنه ضعف طقم الاوتار اللى انا بستعملها وبيستخدم مرة واحدة ويترمى بس طبعا شوف عازف الكونشيرتوا بياخد كام فى الحفلة الله اكبر يعنى لكن كون ان عازفوهو بيظبط الكمنجة يتقطع منه وتر دى طبعا عيب جدا ف حقه يعنى انا بدخل صفحات المبتدئين على الفيس وكلهم بيشتكوا من موضوع قطع الاوتار لأنهم بيشدوا ومش فاهمين فطبعا لازم الوتر يفرقع لأنه المفروض بيتشد بقوة محددة وبسرعة محددة وبيوصل لنغمة محددة .. وانا بقول لهم لأنك مش عارف تظبط ازاى وكان لازم المدرس بتاعك يعلمك ازاى تظبط الوتر والكلام ده بعد 4 شهور عزف ع الاقل يعنى يشتغل معاك وتر واحد يفكه ويخليك تظبطه تحت اشرافه عشان لو شديت اوى يلحقك وكمان عشان بتبقى عرفت يعنى ايه نغمة رى مثلا ... والمدرس بيفك وتر من الاوتار الغليظة زى الرى مش بيتشد اوى لأن وتر المى بيتشد اوى وطبعا ما ينفعش الواحد يتعلم يشد ال مى الا لما يكون بقا فاهم .. بعدين بالذات فى فرقة ام كلثوم كان الظبط بيبقى طبقة صغيرة يعنى الكمنجة كلها نازلة تون يعنى الاوتار بتبقى كلها مشدودة اقل من شدتها العادية يعنىطبعا مش وراد وتر يتقطع .. وحتى لو وتر اتقطع كلنا لازم يكون معانا طقم اوتار فى شنطة الكمنجة يعنى ممكن نركبه فى ثانية من غير ماحد يحس واحنا ع المسرح عادى لأن طبعا ما ينفعش اشتغل ب 3 اوتار .. اما حكاية لو الحفلة فيها اغانى قديمة .. وهى كانت محددة اغنيةكذا كذا كان ممكن طلع ف دماغها اغنيةتانية خالص عادى جدا يعنى طول ما معاها محمد عبده صالح ده كان اسمه الديزل يعنىحافظ كل اغانيها من ايام فيلم سلامة انت بس قول له اسم الاغنية وهو حافظها لحنا وكلاما وكان بيقعد يمليها الكلام وهو بتغنى لو ناسية وخلى بالك كانت بتلزق فيه طول ما هى واقفة .. وللعلم بعد وفاته كانت مشكلة خطيرة انها كانت بتنسى الكلام يعنى ف اغنية اسألأ روحك نسيت كلام الكوبليه الاول وغنته بايظ خالص ماحدش عرف يفكرها لأن احنا كعازفين بنبقى مش مركزين ف الكلام يعنىبعد كل البروفات انا بكون حافظ اول كلمة ف الجملة بس .. ودى ليه عشان لو حبت تعيد من بعيد اول ما بتقول اول حرف من الكلمة كل الفرقة بتدخل وراها وللعلم عبد الحليم ورث عنها الحكاية دى يعنى بعد وفاتها كان بيعمل 45بروفة عشان انت تبقى حافظ اللحن صم ولو هو عاد من اى مكان مش متفق عليه فى النوتة احنا معاه لأننا حافظين اول كلمة ف اى جملة ,,, اهم حاجة فى كل القصص دى حاجة... الزمن الجميل او ايام ما كان فيه فن .. السؤال ده اتسأل من سنوات وانا كتبت كتير .. وانت سألته تانى .. وانا بسرعة بصيت على المكتوب قبلا وحبيت اضيف شوف اد ايه برضه .. وده يبين اد ايه الزمن الجميل كان فيه تمخيخ مش زى دلقوتى يعنى شوف لو جبت عشرة من اللى بيغنوا كلهم مع بعض ما اقدرش اكتب عنهم ربع كمية الكلام د كله مع اطيب تحياتى

**عادل صموئيل** · #2 27/04/2021, 04h07

احبائى
احبائى
اتمنى ان تكون عجبتكم اغنية فايزة الل اخدت عشرين ساعة شغل .. والاغانى الى زى كده مش بقدر نفسيا استريح وقت طويل يعنى بحس ان لازم اخلصها .. وانا بعدها حالياخلصت تدوين اغنيتين فى نفس الحجم من العيار التقيل جدا جدا بس طبعا فيه بعد التدوين مرحلتين فىمنتهى الخطورة فى الاغانى الطويلة اوى اولا بشغل التسجيل من الاول واراجع النوتة .. والمرحلة النهائية التشطيب .. وبصراحة انا اشتغلت اكتر من 40 ساعة فى وقت قليل يعنى حسيت ان خلاص مخى ضرب لأن مش بقدر زى ما قلت استريح وقت طويل يعنى ممكن انام الاقى عايز اقوم اكمل لحد ماتخلص لأن وانت بتدون فيه حتت بتبقى ماشية بيقولوا عندنا ف مصر سالكة زى الحلاوة وبعدين الملحن يحب يستعرض عضلاته يعمل حتة فيها كوارث موسيقية معقدة بتحتاج انى افكر فيها كتير عشان ابسطها لكم وده الى بيعمل عندى القلق ده لحد ما الاغنية تخلص .. المهم عايز اقول ايه بعد ماخلصت الاغنيتين ... حبيت اريح مخى شوية .. فيه اغنية قديمةانا كنت مسجلها من الراديو سنة 1974 .. يعنى الفترة دى كنت بحب اسمعها حافظ اللحن لكن مش عارف الكلام هى قد تكون عراقية ولما دونت اغنية المطربة راوية صوتها فكرنى بالاغنية نفس الخامةان مكانتش هى .. يعنى انا دونتها لكم يعنى بقتول حاجة والكورال بيرد عليها كلمةواحدة ياهلا وفى وسط الاغنية بتقول صغير واخاف عليه مو سالك دروب ولما بتعيد الجملة بتقول جاهل واخاف عليه فين الدولة اللى بتقول الصغير ممكن تستبدلها بكلمة جاهل ؟ اللحن حلو وانا افتكرته هو مقدمة وكبليه بيتعاد وانا فاكره من زمان .. بس مع الاسف انا عندى آلاف الشرايط بس الاجهزة كلها تعطلت من عدم الاستعمال ياريت تعزفوه هو سهل اوى اوى والى يتعرف عليه يقول اسمه ايه عشان ننزل التسجيل ونسمعه واكتب سمها الحقيقى مع اطيب تحياتى

**salhi_haithem** · #3 27/04/2021, 04h30

ممكن أغنية "ياهله عمد ارد اتيه الروح وبعاصف الريح" للمطربة انوار عبد الوهاب تقول :

عمده ارد اتيه الروح وبعاصف الريح
بلجي على نزل هواي من يصفن اتطيح
ياهلا
ريت الله لا ينطيك يالصحت بسمه
فر فرة الملهوف قلبي شيلزمه
ياهلا
ربي استر على هواي من ممشى الغروب
جاهل واخاف عليه مو ساحق دروب

الله عليك ياهيثم هى دى يعنى عراقية زى ما انا قلت ؟
ياهلا

https://www.youtube.com/watch?v=vmmC8b8ic20

**salhi_haithem** · #4 27/04/2021, 08h04

صباحك فل أستاذ عادل
الأغنية عراقية و مطلعها "عمدة ارد اتيه الروح " و تسمى أيضا "يا هلا" من إنتاج سنة 1974 للمطربة أنوار عبد الوهاب كلمات كاظم السعدي و تنسب أيضا إلى الشاعر ذياب كزار و من الحان محمد جواد اموري
أنوار عبد الوهاب مطربة عراقية ولدت في مدينة الناصرية جنوب العراق في الخمسينات من القرن العشرين ,واسمها الحقيقي ناديه عبد الجبار وهبي . كان والدها أديباً عراقيا يساريا. تنتمي أسرة أنوار عبد الوهاب إلى الديانة الصابئية المعروفة. رغم أغانيها القليلة نسبيا إلا أنها تعتبر من أفضل المطربات العراقيات. أغانيها دخلت الوجدان العراقي لتصبح جزءاً من الذاكرة العراقية
هي ابنة الصحفي المعروف عبد الجبار عبد الكريم الذي كان له عمود ثابت في صحيفة (طريق الشعب) بتوقيع (أبو سعيد) وقال عنه الزعيم عبد الكريم قاسم رصاص راس القرية ولا كتابات عبد الجبار وهبي أجمل الأصوات النسائية العراقية اشتهرت ضمن جيل الاغنية السبعيني وكانت الانظار تتجه إلى ان تتوج انوار عبد الوهاب كاميرة المطربات العراقيات وتحمل امجاد الجيل الذهبي الذي مثلته سليمه مراد و زهور حسين و وحيدة خليل و عفيفه اسكندر واخريات إلا أن عمرها الفني كان قصيرا الا انها تعيش في قلوب محبي الطرب الاصيل باغاني خالدة مثل عد وانه اعد و دادا حسن و كصيت المودة لحن لها أشهر الملحين العراقين اولهم محد جواد اموريى و جعفر حسن الذي لحن لها قصيدة (إغضب) للشاعر (نزار قباني) التي لم ترى النور و تعيش في الغربه منذ سبعة عشرعاما

**خليل سليم** · #5 27/04/2021, 11h51

مساء الخير أستاذ عادل المحترم وشكرا على المفاجاة الجميلة لتدوين أغنية السيدة أنوار عبد الوهاب عمد أرد آتيه الروح والتي حقيقة كانت شبه منسيه تحياتي وحفظك الرب.