رد: طلبات نوتة أ / عادل صموئيل الجزء الثانى
أستاذ عادل ازي حضرتك عندي كام سؤال عن حفلات أم كلثوم:
- هو مين اللي بيحدد اغنية الوصلة الاولي والثانية لو مفيش اغاني جديدة وهل العازفين بيبقوا عارفين من وقت البروفات الاغاني حتكون ايه بالضبط؟ طيب هل أم كلثوم جاءت غيرت في اي مرة؟ يعني جاء مزاجها اغنية تانية أو كان في مسئول وطلب اغنية تانيها ولا هو كان في نظام صارم ومحدد كل شيء مسبقاً.
- هل كان في برتوكول لجلوس العازفين يعني هل ممكن الجديد يجلس جنب القديم ولا كان محدد مين اللي يقعد جنب مين؟
أنا ساعات القي استاذ فاروق سلامة مرة يمين ومرة شمال وبلقي حضرتك دائما جنب عمر خورشيد وساعات جنب فاروق سلامة وساعات بعيد عن الاثنين .. هو موضوع ترتيب الجلوس له قواعد ولا بالتوافق بين الناس وبعضها.
- هل كل عازف معاه اكتر من الة علشان لو حصل حاجة .. يعني هل حضرتك استخدمت نفس الكمان في حفلات أم كلثوم ولا بيبقي مع حضرتك كمان اضافي .. انا عارف انه الناي لازم معاه شنطة مليانة نايات والاورج واحد طبعا بس هل عمر خورشيد كان بيجيب جتيار احيتاطي وعازقي الكمان كمانات اضافية.. طيب هو لو في عازف الوتر قطع اثناء العزف بيعمل ايه.
كل الشكر لحضرتك
|
العرض الشجري