طلبات نوتة أ / عادل صموئيل الجزء الثانى

**علي برغل** · #1 05/03/2021, 09h46

ألف تحية أستاذنا العظيم

أرجو من حضرتكم أن تمدونا بنوتة أغنية فيروز

- دق الهوى عالباب –

الرّابط

https://www.youtube.com/watch?v=1smzrqfSWpI

و ألف شكر

الاغنية موزعة توزيع متداخل مع الغناء وفيها لزمات فى وسط الغنا مستحيل تتدون يعنى لازم من نوتة الموزع

**عاصم المنشاوى** · #2 05/03/2021, 10h08

أهى دى يااستاذنا...لقيتها فى نوتة ا "أولاد الحلال"...وكنت حضرتك قولتلنا قبل كده انه بليغ كان بيخللى العازفين أو ألاتيه شارع محمد على يلعبوا قدامه وبيحب يسمع شغلهم...حتلاقيها حضرتك -طبعا وانت سيد العارفين والمعلم- تحت صولو أكورديون....فى مقدمة الاغنية....[/COLOR]
صح بس مش بياخدها زى ماهى بالظبط لازم ياخد روحها ويعمل حاجة من عنده عشان يخلى عازف الاكورديون يحس انه بيخترع حاجة جديدة مش بياخد من الموجود وبعدين كل ملحن كان بيبقى له سكة ياخد منها خام جديد يعنى بليغ زى ماقلت لك عبد الوهاب كان بيسمع عازفين الايقاع الشاطرين اوى زى محمد العربى اللى غير خبرتهم راح ف ليبا قعد فترة وجاب معاه ايقاعات غريبة حط منها فى اغدا القاك مثلا اما السنباطى كان بيسمع العازفين بتوع الناى الل بيشتغلوا مع الطرق الصوفية بيبقى عندهم حاجات برضه غريبة ع الودن العادية كان بياخد منهم لأن اهم حاجة ان الملحن لازم ف كل لحن يجيب شىء او نكهة جديدة لذلك تلاقى السنباطى تخصص فى اللون الدينى والدفوف يعنى شفت اغنية يارايحين للنبى الغالى المنتج كان قدامه كل الملحنين ليه اختار السنباطى بالذات عشان يطلع التميز ده وتبقى حاجة كده زى السلام الوطنى بتاع الحج زى رمضان جانا بتعتبر السلام الوطنى بتاع رمضان يعنى لو ذعتها الناس تقول رمضان جه